Kenmerke van ‘n toegewyde Christen - vervolg

Joh 13:32 As God in Hom verheerlik is, sal God Hom ook in Homself verheerlik en Hy sal Hom dadelik verheerlik.

33 My kinders, nog ‘n klein tydjie is Ek by julle. Julle sal My soek, en soos Ek vir die Jode gesê het: Waar Ek heengaan, kan julle nie kom nie—so sê Ek nou ook vir julle.

34 ‘n Nuwe gebod gee Ek julle, dat julle mekaar moet liefhê; soos Ek julle liefgehad het, moet julle ook mekaar liefhê.

35 Hieraan sal almal weet dat julle my dissipels is, as julle liefde onder mekaar het.

Ons het laasweek begin deur te sê dat ‘n toegewyde Christen is iemand wat leef om God te verheerlik.  Sy hele lewe word geabsorbeer met die heerlikheid van God.  In alles wat jy doen wil jy God verheerlik.

Ons het ook gesien dat die kruis van Golgota is die grootste vertoning van God se heerlikheid.  Die heerlikheid van God is wie Hy is.  En God is almagtig.  God is heilig.  God is getrou.  God is liefde.  Al die eienskappe van God word die beste vertoon op die kruis.  En dit verheerlik God.  God is in Christus verheerlik.

So Christus word op die kruis verheerlik.  Tweedens word God in Hom verheerlik.  En derdens sal God ook in die toekoms Christus verheerlik.  God sal Hom verheerlik.

Joh 13:32 As God in Hom verheerlik is, sal God Hom ook in Homself verheerlik en Hy sal Hom dadelik verheerlik.

Nou sien ons die ander waarheid ook raak.  Daar was ‘n sekere soort heerlikheid in die kruis, maar daar is ook heerlikheid wat volg na die kruis.  Die Vader het nie gestop by die kruis nie.  Daar was ook ‘n opstanding.  Daar was ook ‘n hemelvaart.  Christus word verheerlik wanneer Hy gaan sit aan die regterhand van God.  En in die wederkoms sal daar ‘n totale verheerliking wees.

So in v32 voeg Jesus ‘n derde dimensie by van die heerlikheid.  Die feit dat Jesus nie net verheerlik is in die kruis nie, en ook nie net met Sy opstanding en hemelvaart nie, maar dat daar ‘n toekomstige heerlikheid van Christus is.

Fil 2:9 Daarom het God Hom ook uitermate verhoog en Hom ‘n naam gegee wat bo elke naam is,

10 sodat in die Naam van Jesus sou buig elke knie van die wat in die hemel en die wat op die aarde en die wat onder die aarde is,

11 en elke tong sou bely dat Jesus Christus die Here is tot heerlikheid van God die Vader.

Sien jy dit!  Daar kom ‘n dag wanneer elke knie sal buig en elk tong sal bely dat Jesus Christus die Here is, TOT heerlikheid van God die Vader.  God gaan die Seun verheerlik.  Heb 1:3 sê dat Jesus is die afskynsel van God se heerlikheid.

1 Pet 3:22 wat heengegaan het na die hemel en aan die regterhand van God is, terwyl engele en magte en kragte aan Hom onderwerp is.

Jesus word nie net verheerlik in Sy dood nie, maar ook in Sy opstanding, Sy hemelvaart, in die hemel aan die regterhand van God en ook met Sy hemelvaart.  Hy is reeds verheerlik in die hemel en gaan nog in die toekoms verheerlik word met Sy wederkoms.  En dit is wat Joh 13:32 sê.

Kyk nou wat sê die volgende vers.

Joh 13:33 My kinders, nog ‘n klein tydjie is Ek by julle. Julle sal My soek, en soos Ek vir die Jode gesê het: Waar Ek heengaan, kan julle nie kom nie—so sê Ek nou ook vir julle.

Terwyl Jesus dink aan die verheerliking en al die groot dinge wat in Sy heerlikheid sal wees, dink Hy ook aan die teknia, die Griekse woord vir kindertjies.  Dit is die enigste plek in die Johannes evangelie waar dit gebruik word.  Teknia en hier wys Hy dan spesifiek na die elf dissipels.  Hy sê vir hulle, al hierdie heerlikheid beteken dat ek julle gaan moet verlaat.  En waar Ek gaan, kan julle nie kom nie.

En die woord teknia wat Hy gebruik spreek van die liefde wat Hy teenoor hulle het.  Hy sou dit nie gebruik het as Judas nog daar was nie.  Maar Hy noem die ander elf dissipels, teknia, My kinders.

Jesus verwys ook dan na dit wat Hy vir die Jode gesê het.  Terug in Joh 7 lees ons,

Joh 7:34 Julle sal My soek en nie vind nie; en waar Ek is, kan julle nie kom nie.

Joh 8:21 En Jesus het weer vir hulle gesê: Ek gaan weg, en julle sal My soek en in julle sonde sterwe. Waar Ek gaan, kan julle nie kom nie.

Joh 8:24 Ek het dan vir julle gesê dat julle in jul sondes sal sterwe; want as julle nie glo dat dit Ek is nie, sal julle in jul sondes sterwe.

Jesus het voorheen aan die Jode gesê, “julle sal in jul sondes sterwe”.  Hy sê dit egter nie vir Sy dissipels nie.  Vir hulle sê Hy, “My kinders”.  Jesus sê dat hulle nie nou kan kom waarheen Hy gaan nie.  Hy gaan sterf en opstaan en na Sy Vader toe gaan en hulle gaan Hom mis.  Hy gaan nie fisies by hulle wees nie.

En ‘n mens kan tog net wonder hoeveel keer het die dissipels gewens dat Jesus nie by hulle sou wees nie.  In al hulle beproewings en probleme.  En julle onthou toe Jesus opgevaar het hemel toe, Hand 1, toe hulle staan en kyk hoe Hy weggaan.  Daar was sekerlik trane in hulle oë, maar twee engele het hulle bemoedig en gesê dat Hy weer sal terugkom, net soos wat Hy opgevaar het.

Jesus het geweet dat Sy verheerliking dit ingesluit het, dat Hy hulle moes verlaat het.

Joh 14:1 Laat julle hart nie ontsteld word nie; glo in God, glo ook in My.

Nou waarom was die dissipels so ontsteld?  Dit is waarskynlik, want Hy sou hulle verlaat het.

Joh 14:2 In die huis van my Vader is daar baie wonings; as dit nie so was nie, sou Ek dit vir julle gesê het. Ek gaan om vir julle plek te berei.

3 En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is.

Daarom was hulle so ontsteld.  Die Een vir wie hulle so lief is, gaan hulle verlaat.  En so, probeer Jesus vir hulle sê, dat Hy moet gaan, maar hulle moet bly om die werk verder te doen.  Hy moet verheerlik word.  Hulle sal ook eendag verheerlik word, maar nie nou nie.

Nou, ‘n toegewyde Christen is iemand wat hom bemoei met Christus se verheerliking.  Sy kruisiging, die opstanding en verhoging, Sy wederkoms.  En dit is die hart van ons boodskap.  Dit is die evangelie.  Sy dood, Sy opstanding, Sy verhoging en Sy wederkoms.  En dit moet ‘n passievolle liefde hê vir Sy heerlikheid bo alles.

‘n Sendeling met die naam van Henry Martyn het na Indië toe gegaan om sendeling werk te doen.  En hy het gesê, “Let me burn out for God.”  Hy by ‘n Hindoe tempel gesien hoe mense buig voor beelde en skryf toe, “This excited more horror in me than I can express.”  Hy kon net nie valse godsdienste verdra nie.  Dit was vir hom baie erg.  Hy sê toe, “I could not endure existence if Jesus was not glorified, it would be hell to me.”  En iemand vra toe vir hom, hoekom is jy so bemoei met Sy heerlikheid?  En hy sê toe, “If anyone plucks out your eyes there’s no saying why you feel pain, it is feeling, it is you, it is because I am one with Christ that I am so deeply wounded.”

As ons ook so kon voel oor Sy heerlikheid, en ook gewond wees wanneer Hy verneder word deur mense, maar ons bly so dikwels stil.  Jy sien, die toegewyde Christus is bemoeid met die heerlikheid van Jesus.

‘n Tweede kenmerk oor ‘n toegewyde Christen is liefde.  Toegewyde Christene word hieraan geken, aan liefde.

Joh 13:34 ‘n Nuwe gebod gee Ek julle, dat julle mekaar moet liefhê; soos Ek julle liefgehad het, moet julle ook mekaar liefhê.

35 Hieraan sal almal weet dat julle my dissipels is, as julle liefde onder mekaar het.

Hieraan sal almal weet dat julle my dissipels is, as julle mekaar lief het.  Die kind van God het die Godgegewe vermoë om lief te hê.  Die liefde van God is in ons harte uitgestort het.

Rom 5:5 en die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is.

Watter liefde is dit?  Joh 13:34 sê, julle moet mekaar liefhê soos Ek julle liefgehad het.  En dit is die standaard.  Dit is ‘n onselfsugtige, opofferende, vergewende liefde, soos Christus se liefde.  Dit is dieselfde liefde wat Hy gehad het.  En totdat jy nie daardie liefde het nie, het jy nie die wet vervul nie.

Dalk sê jy, ek is nie so bad nie, daar is ‘n paar mense vir wie ek lief is.  Nee!  Meet jou liefde aan diegene wat jy nie lief het nie.  En as daar iemand is, dan het jy misluk.  Let op!  Jesus sê, dat julle mekaar moet liefhê.  En as die liggaam van Christus net daardie soort liefde gehad het, sou dit die wêreld omgekeer het.  Maar ongelukkig is dit nie so nie.

Daar is altyd groepies en splits en cliques en hierdie ou wat daar op sy hoop sit met sy teologiese haelgeweer gereed om almal uit te haal wat nie saam met hom stem nie.  En almal veg in die kerk, en hierdie ou hou nie van daardie ou nie, en mense skinder en byt mekaar en kritiseer en die wêreld staan ek kyk en sê, nee wat, hier is nie veel liefde in die kerk nie.

Jesus sê, hieraan sal almal weet dat julle my dissipels is, dat julle mekaar liefhet.  Francis Schaeffer sê, “God gave the world the right to judge us on our love.”  Die wêreld kyk na ons en sê, daar is liefde, hulle moet van God wees, of daar is nie liefde nie, hulle is nie van God nie.

Hoe kan ons liefde wys sodat ander dit kan sien?  Op twee maniere.  Deur te sê, ek is jammer.  En dit is moeilik.  Om vir iemand jammer te gaan sê vir wie jy nie lief is nie, is nog moeiliker.  Maar as jy nie bereid is om dit te doen nie, om na iemand toe te gaan en jammer te sê, vir wie jy nie lief is nie, wil jy nie ‘n toegewyde Christen wees nie.

Dit wat verdeeldheid in die liggaam van Christus bring is nie teologiese verskille nie, maar dit is ‘n gebrek aan liefde.  En die eerste manier waarop jy sigbaar jou liefde kan wys, is om te sê, ek is jammer.

Die tweede manier waarop jy sigbare liefde kan wys, is om te sê, ek vergewe jou ... of iemand daarvoor gevra het of nie.  Kan jy jou in dink as jy na iemand toe moet gaan wat jou nie liefhet nie, en nog nooit verskoning gevra het nie, en jy sê vir hom, ek vergewe jou omdat jy my nie liefhet nie.  Jy slaan hulle van hulle voete af.

‘n Vergewens gesindheid, vertoon ‘n gesindheid van liefde.  Dit wys net liefde.  Ja, maar jy verstaan nie.  Jy verstaan nie wat hulle alles aan my gedoen het nie.  Hoe moet ek hulle ooit vergewe?

Luister!  Watookal aan jou uitgedeel word, vat dit, prys die Here en sê dit is ok!  Ek vergewe jou en ek is lief vir jou.  Die wêreld ken nie hierdie soort liefde nie en dit sal die wêreld verstom.  Dit is ‘n duursame liefde.  Dit is ‘n opofferende liefde.  Jy verloor dalk vleeslik, maar jy geestelik wen jy al die pad.

En dit is nie net liefde vir jou mede-gelowiges nie, maar dit strek verder.

1 Thes 3:12 en mag die Here julle ryk en oorvloedig maak in liefde vir mekaar en vir almal, soos ons ook teenoor julle is.

Dit is die omvang van ons liefde.  Liefde vir ons broeders, maar ook liefde vir almal.  Nie net Christene nie, nie net vriende nie, maar vir almal.

En dit is die kenmerke van ‘n toegewyde Christen.  Eerstens dat jy lewe tot God se eer.  Alles wat jy doen, doen jy om Hom te verheerlik.  Jy lewe vir Christus se heerlikheid.  En tweedens liefde.  Liefde vir mekaar en liefde vir almal.  Soos wat Hy ons liefgehad het.

Hoe kan ek so liefhê? Slegs op een manier, en dit is nederigheid.  Trotse mense kan nie liefhê nie.

Fil 2:3 Moenie iets doen uit selfsug of uit ydele eer nie, maar in nederigheid moet die een die ander hoër ag as homself.

4 Julle moet nie elkeen na sy eie belange omsien nie, maar elkeen ook na die ander s’n.

Is dit maklik?  Om te dink dat almal beter is as jy.  Die enigste mens wat kan liefhê, is ‘n nederige mens.  As jy sukkel om ander lief te hê, is dit omdat jy trots is.  En God haat ‘n trotse hart.

2 Thes 1:3 Ons moet God altyd oor julle dank, broeders, soos dit billik is, omdat julle geloof grootliks toeneem en die wederkerige liefde van elkeen van julle almal groter word,

Elkeen se liefde moet groter word.  Jy het nooit gearriveer nie.  Jy moet groei daarin.

Slot

‘n Toegewyde Christen is iemand wat lewe tot eer God en wat ander liefhet.

Kenmerke van ‘n toegewyde Christen

Joh 13:31 En toe hy buite was, sê Jesus: Nou is die Seun van die mens verheerlik, en God is in Hom verheerlik.

Die vraag wat jy jouself voortdurend moet vra is, “watter tipe Christen is ek?”  Ons is almal waarskynlik nie dieselfde nie en ons is elkeen uniek.  Maar wanneer ek die vraag vra, watter tipe Christen is jy, dan vra ek die vraag in terme van jou toewyding.

Vanaf die nie-toegewyde Christen, die persoon wat net in die Koninkryk van God ingekom het, en dit is dit.  Al sy werke sal verbrand soos ons lees in 1 Kor 3, hy sal skade ly, alhoewel hyself gered sal word.  Tot by die Christen wat totaal en al toegewyd is, wat ‘n goddelike lewe leef, wat geestelik volwasse en stabiel is. 

Watse tipe Christen is jy?  Is jy alles wat God beplan het jy moet wees?  Of is jy op dieselfde plek waar jy was, drie maande gelede, ses maande later of ‘n jaar gelede?  Is daar sigbare kenmerke dat jou Christenskap toegewyd is?  Dit is die vrae waarmee ons ge-challenge gaan word.

Baie Christene wil gekenmerk word aan uiterlike tekens.  ‘n Lapel wat hy dra, of ‘n hemp met ‘n Christelike simbool, of ‘n kettinkie met ‘n kruis, of vissie op die kar, ens. om hulle te identifiseer as gelowiges.  En dit is ok!  Maar dit is baie oppervlakkig.  Want ‘n nie-gelowige kan ook al hierdie dinge doen, maar dit maak hom nie ‘n Christen nie.  Jy word nie ‘n Christen as jy hemp aantrek met ‘n christelike simbool nie.  En die manier waarop sommige Christene ry op die paaie, is dit waarskynlik beter dat hulle eerder geen kentekens dra nie.

Ons gaan kyk na kenmerke van ‘n toegewyde Christen.  En wanneer ons Joh 13 lees, moet ons onthou dit is naby die einde van Jesus se bediening.  Dit is die aand voor sy dood.  Jesus spandeer Sy laaste ure met sy geliefde dissipels om hulle voor te berei op wanneer Hy hulle gaan verlaat.

Judas het Jesus veraai en hy is weg.  So Jesus praat dan met elf van Sy dissipels en gee aan hulle ‘n afskeidsrede.  Dit is vanaf v31.

Hy gee aan hulle opdragte, beloftes, waarskuwings, gebooie en persoonlike intruksies.  Hierdie woorde is alles oor hoe ‘n dissipel behoort te wees.  Om ‘n toegewyse Christen te wees.  Dit is bestandele van ware dissipelskap.

Paulus in sy briewe, defineer en herdefineer basies van hierdie beginsels wat ons kry in Joh 13.  Hierdie dinge is krities belangrik vir elke gelowige.  Dit is Jesus se laaste woode, Sy laaste opdrag voordat Hy na die kruis toe gaan.  Jesus gee op die vooraand van Sy dood, die kenmerke van ‘n ware dissipel.

Daar is net na een van die kenmerke vanoggend.  Ons sal volgende week na die ander kyk.  En hierdie dinge is dan die kenmerke van ‘n toegewyde Christen.  Eerstens sien ons, die gelowige is geabsorbeer met Sy God se heerlikheid.  Dit sal ons vanoggend sien.  Dan tweedens, die gelowige se liefde en derdens, sy lojaliteit.  Ons sal volgende week daarna kyk.

Om dit meer duideliker te probeer stel is die kenmerke van ‘n toegewyde Christen iemand wat nommer een, onwrikbaar fokus op Christus se heerlikheid, nommer twee, oneindige liefde het vir sy broer, en nommer drie, ‘n onfeilbare lojaliteit het aan sy Here.  Hierdie dinge is kenmerke van ‘n dinamiese dissipel.  Dit is kenmerke wat veronderstel is om deel te wees van elke Christen.

1.      Die heerlikheid van God

Nou die tema van die heelal is die heerlikheid van God.  En ‘n toegewyde Christen is iemand wat so lewe om in alles wat hy doen God te verheerlik.  Hy gee nie om wat mense van hom dink nie, maar die heerlikheid van God is alles waaroor dit gaan.  Hy wil God verheerlik met sy hele lewe.  Hy wil lewe tot eer van God.

Dit is die doel van sy lewe.  Dit is die motief vir alles wat hy doen.  Om aan Hom die eer te gee.  Paulus sê dit so,

2 Thes 1:11 Daarom bid ons ook altyd vir julle dat onse God julle die roeping waardig mag ag, en dat Hy alle welgevalle aan wat goed is, en alle werk van die geloof met krag volkome mag maak,

12 sodat die Naam van onse Here Jesus Christus in julle verheerlik kan word en julle in Hom, ooreenkomstig die genade van onse God en die Here Jesus Christus.

Dit is dié rede waarom jy bestaan as ‘n gelowige, dat God se naam, dat Christus se naam in jou verheerlik kan word.  Judas sê dit so,

Jud 1:25 aan die alleenwyse God, ons Verlosser, kom toe heerlikheid en majesteit, krag en mag, nou en tot in alle ewigheid! Amen.

Dit is waarom ons bestaan.  Petrus sê dit so,

1 Pet 4:11 As iemand spreek, laat dit wees soos woorde van God; as iemand dien, laat dit wees soos uit die krag wat God verleen, sodat God in alles verheerlik kan word deur Jesus Christus, aan wie die heerlikheid en krag toekom tot in alle ewigheid. Amen.

Ons moet so lewe dat God in alles verheerlik kan word deur Jesus Christus.

Ef 3:21 aan Hom die heerlikheid in die gemeente in Christus Jesus deur alle geslagte tot in ewigheid! Amen.

Dit is die rede waarom ons bestaan, om God te verheerlik.  Dit is waaroor alles gaan.  En ‘n toegwyde Christen is geabsobeer met sy Here se heerlikheid.  Om Hom die eer te gee.  Om Sy heerlikheid te weerspieël.  Om Hom te eer deur jou lewenswyse.

Joh 13:31 En toe hy buite was, sê Jesus: Nou is die Seun van die mens verheerlik, en God is in Hom verheerlik.

Toe Judas uitgaan, toe sê Jesus, nou is die Seun van die mens verheerlik.  Nou dat Judas weg is, die seun van die verderf, was daar ‘n soort van verligting en Jesus kon met vrymoedigheid met die ander dissipels praat oor Sy heerlikheid.  Hy begin om afskeid te neem en hy praat oor die belangrikste kwessie van die heelal, en dit is Sy heerlikheid.  Dit is die sleutel tot alles.

God het vlees geword, Homself aan die mens se swakheid in die sin van die fisiese wêreld onderwerp, maar Hy het nooit gesondig nie.  Hy het die openbaring van Sy volle heerlikheid vir 33 jaar beperk.  Maar nou sê Hy, die Seun van die mens word verheerlik, meenende Hy verwys na die volgende dag.

Dit was Jesus se begeerte om verheerlik te word.

Joh 17:5 En nou, Vader, verheerlik My by Uself met die heerlikheid wat Ek by U gehad het voordat die wêreld was.

Hy was gereed om na die kruis toe te gaan en dat die verheerlikings proses weer kan begin.  En met Jesus se komende heerlikheid praat Hy oor drie dinge wat gaan oor Sy eer.  Dit is uniek en dit is belangrik.  Die eerste stelling wat Hy maak oor Sy heerlikheid is, v31 “Nou is die Seun van die mens verheerlik.”  Dit is ‘n geweldige verklaring.  En Hy sê dit in afwagting.

Hy het 33 jaar gewag om verheerlik te word.  Nou het die tyd aangebreek en Sy verheerliking gaan begin op die kruis die volgende dag.  Judas het begin om dit in werking te stel.  Hy het begin met die verraad.  Dit is net ‘n paar ure voordat Jesus in die tuin van Getsemane gaan bid en wanneer Judas sou kom met soldate en Hy gevange geneem sou word en gekruisig sou word.

Dit is hoekom Jesus sê, “Nou is die Seun van die mens verheerlik.”  Toe Judas Jesus veraai, het die wiele begin rol om die kruis ‘n werklikheid te maak.  En Jesus was gereed om te sterf, Hy was gereed om verheerlik te word.

Dalk wonder jy, hoe kon Jesus se dood deel wees van Sy heerlikheid.  En ek gaan jou nou wys hoe is dit moontlik.  Kyk gou eers wat Petrus sê,

Hand 3:13 Die God van Abraham en Isak en Jakob, die God van ons vaders, het sy Kind Jesus verheerlik, Hom wat julle oorgelewer en voor Pilatus verloën het toe hy besluit het om Hom los te laat.

Petrus sê, God verheerlik Hom, ten spyte van hulle, het Hy Hom aan ‘n kruis verheerlik, het Hy Hom in ‘n graf verheerlik, het Hy Hom verheerlik.  Deur en ander kant die graf het God Hom verheerlik en ook met Sy hemelvaart.

Wanneer ons praat van die heerlikheid van Jesus, sluit dit in Sy dood en opstanding en hemelvaart.  Maar dit word veral geopenbaar op die kruis.  Selfs al lyk die kruis soos ‘n skande, selfs al het die kruis gelyk soos ‘n ramp, was dit die heerlikheid van God wat geopenbaar word en kon Jesus sê, “Nou is die Seun van die mens verheerlik.”

Die grootste skande, die ergste vernedering, beledigings, bespottinge en beskuldigings, steeds kon Jesus sê, “Nou is die Seun van die mens verheerlik.”  Dalk sê jy, maar ek verstaan nie hoe op dees aarde iemand verheerlik kan word deur hom te kruisig nie.

Die heerlikheid van God beteken om alles wat Hy is aan Hom toe te skryf.  Om God te verheerlik beteken om Sy eienskappe te openbaar, om te glo in Sy eienskappe, om Hom te prys vir wie Hy is.  En toe Jesus op die kruis gesterf het, het Hy al die eienskappe van God geopenbaar.  In Sy dood sien ons wie Hy is.  Ons sien hoe God verheerlik word op die kruis.

Hoe het die kruis Jesus verheerlik?  Eerstens, op die kruis het Jesus die grootste werk gedoen wat nog ooit in die geskiedenis van die heelal plaasgevind het.  Op die kruis het Jesus die redding van verlore sondaars bewerk.  Hy het gedoen wat geen mens nog ooit kon doen nie.  En daarom verdien Hy alle eer.

Meer as dit, het Jesus sonde op die kruis vernietig.  Daarom verdien Hy die eer.  Nog meer het Jesus nie net sonde vernietig nie, maar ook die een wat mag van die dood het, die duiwel en daarom verdien Hy eer.  En dan het Jesus ook die prys betaal van God se geregtigheid en vir Homself ‘n uitverkore volk gekoop en dit verdien heerlikheid.

En aan die kruis van Golgota het Jesus ‘n offer gebring wat aanvaarbaar was vir God.  En nadat Hy die geregtigheid van God te vrede gestel het die wet vervul het, het afgesluit met die woorde, “dit is volbring.”   Hy het verlossing aan die mens gebring en God se geregtigheid vervul.  Dit is die grootste werk in die geskiedenis van die heelal en daarom openbaar die kruis Jesus Christus se heerlikheid.

Daar is in die hemel en op die aarde geen ander daad wat so waardig en lof en eer en heerlikheid kan ontvang soos die daad van Jesus Christus op die kruis nie.  Dit is hoekom Jesus sê, “Nou is die Seun van die mens verheerlik.”

Daar is dan ook ‘n tweede aspek van Jesus se heerlikheid wat ons kan sien in v31.  Dit sê,

Joh 13:31 En toe hy buite was, sê Jesus: Nou is die Seun van die mens verheerlik, en God is in Hom verheerlik.

God is in Hom verheerlik.  God word in Jesus verheerlik.  God se heerlikheid is wie Hy is.  Hy is liefde, genade wysheid, alwetend, almagtig, alomteenwoordig.  Al die eienskappe van God is Sy heerlikheid.  En by die kruis word die eienskappe van God geopenbaar op sy wyse wat nog nooit geopenbaar is nie.  En so word God word verheerlik in die dood van Christus.

Jesus het al die eienskappe van God geopenbaar op die kruis.  Watter eienskappe van God word in Christus geopenbaar?  Kom ek gee julle ‘n voorbeeld.  Eerstens weet ons dat God is almagtig.  En Sy krag word geopenbaar op die kruis soos nêrens anders gesien is nie.

Die konings van die aarde het saam raad gehou teen God en teen Sy Gesalfde.  Die verskriklike vyandskap wat die vlees bedink en die boosheid van die mens se hart het Jesus Christus aan die kruis vasgenael.  Die duiwel het sy beste poging probeer. 

Die wêreld en die Satan en al die bose magte in die heelal het al hulle kragte teen Jesus ingespan, maar Jesus het die krag gehad om dit alles te oorwin en Hy het die mag van die dood oorwin en elke mag van sonde verbreek en die mag van Satan verbreek.  Maw die kruis is ‘n vertoning van God se krag en dit verheerlik God.  God word verheerlik in Jesus, deur Sy absolute krag oor elke mag in die heelal.

‘n Tweede eienskap van God is bv. Sy geregtigheid.  God is regverdig.  En nêrens anders sien ons God se geregtigheid beter uitgebeeld soos op die kruis nie.  God het gesê, “die loon van die sonde is die ... dood.”  Dit is God se geregtigheid.  Iemand moes sterf vir sonde. 

Jes 53:6 Ons almal het gedwaal soos skape, ons het elkeen sy eie pad geloop; maar die HERE het die ongeregtigheid van ons almal op Hom laat neerkom.

Jesus was die geseënde plaasvervanger.  Hy het in ons plek gesterf.  Al die sonde van alle mense van alle tye het God op Jesus laat neerkom.  Die kruis word die grootste vertoning van God se geregtigheid, omdat Sy geregtigheid eis dat sonde gestraf moet word.  Daarom word God verheerlik in die dood van Christus.

Nog ‘n eienskap van God waarin God verheerlik word op die kruis is, God is heilig.  Nêrens anders word God se heiligheid so duidelik vertoon soos op die kruis nie.  Ons sien dat God Sy rug op Jesus gedraai het, want Hy is heilig.  Selfs al het Hy Jesus Christus liefgehad met ‘n oneindige liefde, draai God Sy rug omdat Hy heilig is en nie onheiligheid kan verdra nie.

Hab 1:13 U, wat te rein is van oë om die kwaad aan te sien en die onreg nie kan aanskou nie...

En toe Jesus op die kruis, ‘n vloek geword het, kon God nie daarna kyk nie, want Hy is heilig.  En Jesus het uitgeroep, “My God, My God, waarom het U My verlaar?”  Hier word God se haat vir onheil en sonde geopenbaar in die lyding en dood van Sy eie Seun.  So word God verheerlik in Christus deurdat Sy heiligheid vertoon word in Christus op die kruis.

Nog ‘n eienskap van God wat op die kruis geopenbaar word en wat God verheerlik, is Sy getrouheid.  God is so getrou.  Hy het ‘n Verlosser aan die wêreld belowe.  En Hy het ‘n Verlosser aan die wêreld gegee.  Wanneer Jesus, wat sondeloos is, op die kruis geoffer word om die volle en finale loon van sonde te dra, het aan die wêreld getoon dat Hy is getrou.

Hy was so getrou dat dit selfs Sy enigste Seun gekos het en dat Hy steeds dit deurgesien het.  En God se getrouheid word geopenbaar in Christus op die kruis en daardeur sien ons Sy heerlikheid.

Ons sien ook God se liefde.  Nêrens anders word God se liefde beter vertoon soos op die kruis nie.

1 Joh 4:10 Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as ‘n versoening vir ons sondes.

Die liefde van God word vertoon op die kruis.  En so word God verheerlik in Christus op die kruis.

Slot

‘n Toegwyde Christen is iemand wat Christus verheerlik in alles wat hy doen.  Want dit is waaroor dit alles gaan.  Oor die eer van God.  Hy lewe tot eer van God. 

Eienskappe van ‘n ware kerk

Matt 16:16 ‘n Simon Petrus antwoord en sê: U is die Christus, die Seun van die lewende God.

17 Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is.

18 En Ek sê ook vir jou: Jy is Petrus, en op hierdie rots sal Ek my gemeente bou, en die poorte van die doderyk sal dit nie oorweldig nie.

19 En Ek sal jou die sleutels van die koninkryk van die hemele gee; en wat jy ook op die aarde mag bind, sal in die hemel gebonde wees, en wat jy ook op die aarde mag ontbind, sal in die hemel ontbonde wees.

20 Daarop het Hy sy dissipels bevel gegee dat hulle vir niemand moes sê dat Hy Jesus die Christus is nie.

21 Van toe af het Jesus begin om sy dissipels te toon dat Hy na Jerusalem moes gaan en veel van die ouderlinge en owerpriesters en skrifgeleerdes moes ly, en gedood en op die derde dag opgewek word.

22 Toe neem Petrus Hom opsy en begin Hom bestraf en sê: Mag God dit verhoed, Here, dit sal U nooit oorkom nie!

23 Maar Hy het omgedraai en vir Petrus gesê: Gaan weg agter My, Satan! Jy is vir My ‘n struikelblok, omdat jy nie die dinge van God bedink nie, maar die dinge van die mense.

Ons het laas week gekyk na, hoe lyk ‘n ware kerk.  En die eerste ding wat ons gesê het was, dat ‘n ware kerk word gekenmerk aan sy belydenis.  Wat glo die kerk?  Wat is hulle geloofsbelydenis?  Baie ongelukkig gee nie regtig om wat die kerk glo of bely nie, solank die musiek lekker is, die mense vriendelik is en daar genoeg programme is wat my happy hou. Nee!  Wat is die belydenis van die kerk?  Want dit is die fondasie van die kerk.

Petrus het ‘n belydenis gemaak en gesê dat Jesus is Christus, die Seun van die Lewende God.  En Jesus se reaksie daarop is, dit is Sy kerk en Hy bou Sy kerk op hierdie rots, op hierdie belydenis wat Petrus gemaak het.  So die kerk word nie gebou op ander maniere nie.  Jesus bou Sy kerk op die belydenis dat Hy die Christus is, die Seun van die Lewende God.

Tweendens, ‘n ware kerk word gebou op Goddelike openbaring, naamlik die Woord van God.  ‘n Ware kerk is ‘n plek waar gelowiges die Woord van God as riglyn vir die Christen lewe en praktyk aanvaar.  ‘n Ware kerk is waar die Woord gepredik word en nie ‘n klomp storietjies en motiverings boodskappe gegee word nie.  Die Woord wat van Christus getuig is sentraal, want Christus is sentraal tot alle aktiwiteite in die gemeente.

Jesus het in v23 vir Petrus, “Gaan weg agter My, Satan.”  En enige tyd wanneer jy weg beweeg van die wil van God af, neem jy Satan se agenda op, selfs al is jy ‘n apostel.  Jy moet alles onderwerp aan die Woord van God, in lyn kom met God se wil, want die kerk is gebou op Goddelike openbaring.  Daarom is die kerk onoorwonne, want die hemel staan agter dit alles.

Die eienskappe van ‘n ware kerk is dat dit gebou is op ‘n belydenis en tweedens op die onwrikbare Woord van God.

Richard Philips het ‘n artikel geskryf in ‘n boek met die naam “The Church”, en hy se die volgende:

"If we want people to join in Peter's great profession and thus to be admitted into the saving company of Christ's people, then we must not rely on flesh and blood  devices. We must not be tempted by the things that appeal to men and women today, especially the entertainment that so dominates our secular culture and sadly much of the church as well. We may make the most effective appeals to flesh and blood, to the things which are persuasive and enticing to the fleshly nature of mankind. But Jesus here assures us that by those means we will never bring about the saving faith first professed by Simon Peter. Instead, we must rely on the one means God has provided, His revealed Word. As we teach and proclaim God's Word about Jesus, the Father in heaven reveals the truth in the minds and hearts of men and women and brings them to true and saving faith."

Omdat ons dit doen het ons die sleutels van die Koninkryk.  Ons kan die deur oopmaak van die Koninkryk.  Ons kan vir mense die waarheid preek wat die deur vir hulle sal oopmaak na die ewige lewe.

Maar as die mense hul nie wil bekeer nie, is hulle gebind in hulle sondes en daarom ook gebonde in die hemel.

Goed!

Die hartseer is, dat die kerk oor die algemeen begin het om weg te beweeg van hierdie twee eienskappe wat absoluut krities is.  ‘n Geloofsbelydenis en Goddelike openbaring.  So daar is baie plekke wat hulleself ‘n kerk noem, maar hulle kom bymekaar oor ander redes.

Matt 16:18 En Ek sê ook vir jou: Jy is Petrus, en op hierdie rots sal Ek my gemeente bou, en die poorte van die doderyk sal dit nie oorweldig nie.

Ek wil weer beklemtoon.  Dit is Sy kerk en Hy bou Sy kerk.  Hy bou Sy kerk op die belydenis dat Jesus die Christus is, die Seun van die Lewende God.  Die kerk word gebou op die fondasie van Christus en Sy Woord.  En daarom sal die poorte van doderyk dit nie oorweldig nie.

So kom ons kyk na die derde eienskap van ‘n ware kerk.  En dit is ‘n groot kontras.  Kyk gou na v20,

Matt 16:20 Daarop het Hy sy dissipels bevel gegee dat hulle vir niemand moes sê dat Hy Jesus die Christus is nie.

Dis vreemd.  So hulle moenie uitgaan en almal gaan vertel dat Jesus die Christus is nie.  Hoekom sou Jesus nie wou hê dat almal moet weet dat Hy die Christus is nie?  Is dit nie waarom Hy dan gekom het nie?  Dit klink amper soos ‘n ant-evangeliese opdrag.  Hoekom sou Hy sê, vertel vir niemand nie?

Kom ons gaan kyk gou in Joh 6:15, toe Jesus die skare gevoed het.  Hy het die brode en vissies vermeerder en duisende mense gevoed.  En die mense was mal daaroor.  Hulle het hulle hele lewe lank gesukkel om brood te kry.  Daar was nie fast food gewees nie.  Jy moes jou kos maak van scratch af elke dag.  En skielik is hier nou gratis kos.  En die resultate is,

Joh 6:15 En toe Jesus merk dat hulle wou kom en Hom met geweld neem om Hom koning te maak, het Hy weer weggegaan na die berg, Hy alleen.

Hoekom het Jesus weggegaan? Want hulle het ‘n verkeerde begrip gehad van die Messias.  Hulle het gedink dit is iemand wat politieke mag het en dat Hy die Romeinse oorheersing gaan omvergooi.  Hulle het gedink Hy gaan kom en vir hulle net welvaart en voorspoed gee.

So hier kom iemand en gee vir hulle gratis kos.  Hulle het hul messiaanse verwagging verminder tot ‘n politieke en militêre mag en dat Hy aan hulle fisiese behoeftes gaan voorsien.  Hulle het ‘n aardse regeerder gesoek, maar Hy het gekom om te soek en te red die wat verlore is.  Hulle het ‘n verkeerde begrip gehad van Christus.  Hulle wou Jesus vir die verkeerde redes koning maak.

Jy sien, die kerk  het niks met die regering te doen nie.  Dit is irrelevant vir die Koninkryk van saligheid wat die aardse regerings doen of nie doen nie.  Die kerk het geen direkte rol, in die herrangskikking van sondaars in ‘n meer aanvaarbare leefstyl nie.  Ons verantwoordelikheid in hierdie wêreld is nie om ons kultuur meer gemakliker en meer aanvaarbaar te maak nie.  Dit is nie die ware kerk se plig nie.  Dit is nie wat ‘n ware kerk doen nie.

Die Koninkryk van God is anders as die wêreld se koninkryke.

Joh 18:36 Jesus antwoord: My koninkryk is nie van hierdie wêreld nie; as my koninkryk van hierdie wêreld was, sou my dienaars geveg het, dat Ek nie aan die Jode oorgelewer word nie. Maar nou is my koninkryk nie van hier nie.

Ons is nie geroep om ‘n Christen kultuur of ‘n Christen nasie of Christen land te skep nie.  Ons is geroep om die wêreld en almal om ons te beïnvloed met die evangelie van Jesus Christus.  Dit is verbasend hoeveel kerke hulle geld spandeer om die koninkryk van die duisternis te probeer manipuleer.

Dit is soos om al die meubels in die Titanic te rearrange.  Dit is sinneloos, want die Titanic gaan sink.  Die wêreld gaan sink.  Ons het reddingsbote en ons roeping is om soveel mense as moontlik te red, voordat die skip sink.

Dit bring my by die punt.  Die ware kerk verstaan dat ons onsself moet sien as ‘n groot kontras.  Ons het ‘n geloofsbelydenis, ons is toegewyd aan die Woord van God en derdens weet ons dat ons in ‘n groot kontras leef met die wêreld om ons.

Ons bediening is ‘n geestelike bediening, om mense te red van die oordeel.  Ons het geen besorgdheid oor dit wat die regering of hierdie wêreld doen nie.  ‘n Ware kerk is ‘n kerk wat meer besorgd is oor mense se siele wat gered moet word as om die regering te probeer beïnvloed.  Hulle passie is vir die verlorenes en die evangelie.

Die vierde eiendskap van ‘n ware kerk, noem ons ‘n groot verowering.

Matt 16:21 Van toe af het Jesus begin om sy dissipels te toon dat Hy na Jerusalem moes gaan en veel van die ouderlinge en owerpriesters en skrifgeleerdes moes ly, en gedood en op die derde dag opgewek word.

Die ware kerk draai rondom ‘n groot verowering, die oorwinning van Christus op die kruis.  Die kruis is nie net iets wat op ‘n muur hang nie.  Dit spreek van Jesus se oorwinning.  Hy kan nie ons Here en Verlosser wees sonder die kruis nie.  Dit is hoekom Paulus sê,

1 Kor 2:2 want ek het my voorgeneem om niks anders onder julle te weet nie as Jesus Christus, en Hom as gekruisigde.

Ons vier die kruis.  Wanneer ons nagmaal gebruik herdenk ons die kruis, daar waar ons sondestraf betaal is.  Die nagmaal herinner ons elke keer aan die betekenis van die kruis.  Die kruis wat ‘n skaduwee gooi op die Ou Testament en die begin is van die Nuwe Testament.  ‘n Mens kan nie aan Christenskap eers dink sonder ‘n kruis nie, want dit is daar waar God se geregtigheid te vrede gestel is.

Dit is daar waar Christus ons sondes in Sy liggaam gedra het en daar waar Hy vir die straf van sonde betaal het, sodat ons verlos kan word.  Hy het sonde vir ons geword, sodat ons geregtigheid van God kan word in Hom.  Alles draai rondom die kruis.  Die kruis verteenwoordig die geregtigheid van God, die oordeel van God, maar ook Sy liefde en genade en barmhartigheid.

 So die vierde eienskap van ‘n ware kerk is dat dit sentreer rondom die kruis.  Maar nie net die kruis nie.  Jesus het gesê dat Hy sal moet ly en doodgemaak word, maar op die derde dag sal Hy opstaan.

Rom 10:9 As jy met jou mond die Here Jesus bely en met jou hart glo dat God Hom uit die dode opgewek het, sal jy gered word;

10 want met die hart glo ons tot geregtigheid en met die mond bely ons tot redding.

Dit is by die kruis waar die geregtigheid van God geopenbaar is.  Dit is by die kruis waar met sonde afgereken is.  Dit is op die kruis waar ons sonde op Christus toegereken is.  Dit is op die kruis waar ons genade en liefde sien en daardeur kom vergifnis.  Deur die opstanding kom nuwe lewe.  So ons preek Christus die gekruisigde.

Ons preek die waarheid en alles wat rondom die kruis gebeur.  Ons is nie hier vir goedkoop entertainment nie.  Ons is nie hier vir oppervlakigheid en sielkundige oplossings nie.  Ons hier oor die kruis.

En dan vyfdens, is die eienskap van ‘n ware kerk, ‘n kerk wat betrokke is in ‘n oorlog met die Satan.  Dit kry ons in ons teksgedeelte waar Petrus Jesus eenkant vat en Hom begin bestraf.

Matt 16:22 Toe neem Petrus Hom opsy en begin Hom bestraf en sê: Mag God dit verhoed, Here, dit sal U nooit oorkom nie!

Petrus sê, nee Here!  Dit sal nooit met U gebeur nie.  U gaan nie sterf nie.  Niemand gaan jou doodmaak nie.  Mag God dit verhoed.   En dit is toe Jesus omdraai en sê, “Gaan weg agter My Satan.”

Sjoe, en dis baie erg.  Net nadat Jesus vir hom gesê het, “geseënd is jy”, sê Hy, “gaan weg agter My Satan.”  Enigiets wat nie in lyn met God se wil is nie, enigiets wat teen God se plan is, enigiets wat teen God se openbaring is, kom van die vader van leuens.  Jesus sê, uit my pad, jy is ‘n struikelblok.

En al wat Petrus wou doen is om te help.  Hy het ‘n plan B, iets beters.  En op die ou einde word hy geïdentifiseer met Satan.  En hy is in Jesus se pad.

Luister!  As jy teen die openbaring van God gaan, is jy ‘n struikelblok vir God en jy het Satan se leuens en agenda opgeneem.  Jy aanvaar nie God se plan nie.  En dit is ‘n problem.  God se gedagtes is nie jou gedagtes nie.

En enige ware kerk is in hierdie oorlog betrokke die hele tyd.  ‘n Oorlog vir die waarheid.  Maar dit is meer as net ‘n oorlog vir die waarheid, jy is in ‘n stryd met hulle wat die openbaring van God verwerp.  Ons veg teen die elke valse interpretasie van die Skrif.

Jud 1:3 Geliefdes, terwyl ek alle ywer aanwend om aan julle oor ons gemeenskaplike saligheid te skrywe, het ek die noodsaaklikheid gevoel om julle deur my skrywe te vermaan om kragtig te stry vir die geloof wat eenmaal aan die heiliges oorgelewer is.

Ons stry vir die waarheid.  Ons stry vir heiligheid.  Die ware kerk stry vir sy reinheid.  Die ware kerk verwyder alle valsheid en sonde en onheiligheid onder hulle uit.  Die ware kerk verwyder die suurdeug onder hulle uit.

Enigiemand wat valse leringe verkondig in die kerk, is ‘n struikelblok.  So persoon het Satan se agenda opgeneem.  En hy staan in God se pad.  En ‘n ware kerk is ‘n kerk wat sy gesonde leer verdedig en hom beskerm teen onreinheid.

Hoe lyk ‘n ware kerk?

Ek hoor so baie van mense wat ‘n kerk soek en hulle het al by baie kerke gaan besoek, maar kry net nie die regte kerk nie.  So die vraag wat ek myself vra is, as ek nie ‘n pastoor was nie en ek het die geleentheid gehad om ‘n kerk in Rustenburg te gaan soek: wat is die fundamentele dinge wat ‘n kerk moet hê voordat ek dit sal oorweeg om daar aan te sluit?  Maw hoe lyk ‘n ware kerk?  Obviously wil ek nie ‘n valse kerk join of deel wees van ‘n sirkus nie.

Wat soek jy in kerk?  Gaan die oor die gebou.  Maw die kerk moet lyk soos ‘n kerk.  Dit moet nie ‘n saal of ‘n skoolsaal of huis-kerk nie.  Dit moet ‘n kerk kerk wees.  Gaan dit oor kleredrag.  Almal moet deftig aangetrek wees of ek wil met my kort broek en plakkies kerk toe gaan.  Gaan dit oor die musiek.  Dit moet psalms en gesange wees.  Afrikaans en nie nuwe liedjies wat onmoontlik is om te sing nie.  Daar moet ‘n koor wees.

Daar moet ‘n kruis voor in die kerk wees.  Ons moet uit ‘n beker drink wanneer ons die nagmaal gebruik en nie kelkies nie.  Daar moet programme vir die kinders wees.  En so kan ons aan gaan.  Maar is dit regtig die dinge waarvoor ek moet kyk?  Hoe lyk ‘n ware kerk?

Kom ek vertel julle ‘n groot waarheid:  Nie almal wat die naam “kerk” gebruik is ‘n ware kerk nie.  Wat is kerk?  Hoe lyk ‘n ware kerk?  Dit is nodig om te weet sodat ons gemeente onsself daaraan kan meet.  Sodat ons kan weet hoe ons kerk moet wees.  Dit is my begeerte dat hierdie gemeente ‘n ware kerk sal wees.

Daar is soveel misleiding.  Daar is soveel kerke wat nie waarlik kerke is nie.  Hulle sê hulle is, hulle dra die naam, maar hulle voldoen nie aan die Bybelse voorskrifte van wat ‘n ware kerk moet wees nie.

Matt 16:18 En Ek sê ook vir jou: Jy is Petrus, en op hierdie rots sal Ek my gemeente bou, en die poorte van die doderyk sal dit nie oorweldig nie.

Let op!  Hierdie kerk behoort aan Hom.  Dit is Sy kerk.  Dit is die kerk van die Here Jesus Christus en ons verstaan dit.  En in hierdie gedeelte kry ons die belangrikste komponent van ‘n ware kerk.  Daar is baie “kerk” vandag.  Daar is seeker-sensitive kerke.  Die emerging church movement. 

Hoekom is dit dan so verkeerd om hierdie name te gee aan kerke? Jy sien ek gee nie om wat hulle dit noem nie, maar hulle moet dit nie kerk noem nie, want dit mislei mense.  Ons weet wat ‘n Boediste tempel is.  Ons weet wat ‘n Joodse sinagoge is.  Maar as jy sê jy is ‘n kerk, maar jy is nie volgens Bybelse definisie ‘n ware kerk nie, dan mislei jy mense.

Die vers sê, “op hierdie rots sal Ek my gemeente bou.”  En dit is die fondasie van die kerk.  Jesus sê, Ek sal my gemeente bou.  Dit is Sy kerk en Hy sal Sy kerk bou.  So hoe lyk Sy kerk?

Eerstens, ‘n ware kerk word gekenmerk aan  sy belydenis.  Nie belydenis van skuld nie, maar belydenis van geloof.  Wat is die gemeente se oortuiging?  Wat glo die gemeente?  En ongelukkig is dit die laaste ding op meeste mense se lys van wanneer hulle ‘n kerk soek.  Wat is die gemeente se belydenis?  Wat glo hulle?  Die kerk is mense wat bymekaar kom rondom dit wat hulle bely en glo.  So kom ons kyk na Matt 16 vanaf v13,

Matt 16:13 En toe Jesus in die streke van Cesaréa-Filippi kom, vra Hy sy dissipels en sê: Wie sê die mense dat Ek, die Seun van die mens, is?

Wat sê die mense van My?  Wat is die populêre siening oor My? 

Matt 16:14 En hulle antwoord: Sommige Johannes die Doper, en sommige Elía, en ander Jeremia of een van die profete.

En dit klink so goed.  Johanes die Doper het hoë aansien gehad.  Wat van Elia, die groot profeet?  En Jeremia.  Dit klink alles goed en wel.  Hulle vergelyk Jesus met hierdie groot Gods manne.  Maar eintlik beledig hulle Hom.  Die Seun van God kan tog nie vergelyk word met ‘n mens nie.  

Matt 16:15 Hy sê vir hulle: Maar julle, wie sê julle is Ek?

16 En Simon Petrus antwoord en sê: U is die Christus, die Seun van die lewende God.

En dit is die belangrikste belydenis wat ‘n ware kerk moet hê.  ‘n Kerk is nie ‘n kerk as hulle nie bely dat Jesus die Christus is, die Seun van die lewende God nie.  ‘n Ware kerk is ‘n kerk wat verstaan wie Jesus Christus is, wat ‘n Bybelse begrip het van Jesus.

Enigiets anders as ‘n Bybelse begrip van Jesus beteken dat dit nie ‘n ware kerk is nie.  Dit is ‘n ander evangelie en dit moet ‘n vervloeking wees.

2 Joh 1:9 Elkeen wat ‘n oortreder is en nie bly in die leer van Christus nie, hy het God nie. Wie in die leer van Christus bly, hy het die Vader sowel as die Seun.

10 As iemand na julle kom en hierdie leer nie bring nie, ontvang hom nie in die huis nie en groet hom nie.

Maw jy mag nie iemand in jou huis ontvang of groet as hy nie in die leer van Christus bly nie.  Jy mag niks met hom te doen hê nie.  Om enigiets minder as die waarheid oor Jesus te sê, is ‘n groot problem. 

Daar is sommige wat net bely en sê, Hy was ‘n goeie leermeester.  Hy was ‘n nederige mens.  Hy was ‘n goeie mens.  Maar dit is dieselfde as om te sê, Hy is Johanes die Doper of Elia of Jeremia.

Jesus bou nie Sy kerk op ‘n verkeerde siening van Homself nie.  Die eerste absolute in ‘n ware kerk is ‘n Bybelse siening van Jesus Christus.  Die fondasie van die kerk is Jesus Christus.  Dit is Sy kerk en Sy mense glo dat Hy die Seun van die lewende God is.

In Cesaréa-Filippi waar Jesus en Sy dissipels gekom het en Hy vir hulle die vraag gevra het: Wie sê die mense is Ek? Wie sê julle is Ek?  Daar baie afgode vir al die Griekse veral in hierdie plek was die Griekse god Pan bekend.  Dit was net ‘n klomp beelde.  Jesus sê, Ek is die Seun van die lewende God.  Nie ‘n dooie afgod nie.

Die ware kerk is gebou op die ware en lewende God en geen ander afgod nie.  Die ware en lewende God het Homself openbaar in Sy Seun Jesus Christus.  Petrus het dit verstaan.  U is die Christus, die Gesalfde, Seun van God van die lewende God.  Die beloofde Messias, die Verlosser.

Dit is op hierdie groot belydenis waarop die ware kerk gebou word.  Dat die lewende God Homself geopenbaar het in Sy Seun Jesus Christus.  Ons bely dit ook.  Ons bely ook saam met Thomas,

Joh 20:28 En Thomas antwoord en sê vir Hom: My Here en my God!

“Jesus is my Here en my God.”  Ons bely soos Petrus ook gesê het,

Joh 6:68 ...Here, na wie toe sal ons gaan? U het die woorde van die ewige lewe.

Ons kom bymekaar om ons die Here Jesus Christus te aanbid.  Die kerk is nie ‘n groep mense wat bymekaar kom om na ‘n gemotiveerde boodskap te luister nie.  Die kerk is nie ‘n groep mense wat bymekaar kom wat hulp soek vir hulle verslawings nie.  Die kerk is nie ‘n groep mense wat bymekaar kom wat iets geestelik wil voel nie.

Die kerk is nie ‘n byeenkoms vir mense wat een of ander onverstaanbare godsdienstige ervaring wil beleef en hulle laat beter voel nie.  Dit is ‘n gemeenskap van mense wat glo en bely dat daar ‘n lewende God is wat Homself aan ons openbaar het in Sy Seun Jesus Christus, wat bely dat Jesus God is en dat Hy alleen die Een is by wie ons die ewige lewe kan ontvang.

Dit is die eerste kenmerk van ‘n ware kerk.  Die kerk se belydenis.  Wat glo jy oor Jesus Christus?

Joh 20:31 maar hierdie is beskrywe, dat julle kan glo dat Jesus die Christus is, die Seun van God; en dat julle deur te glo die lewe kan hê in sy Naam.

Die ware kerk is hulle wat glo en bely en die ewige lewe in Sy naam ontvang het.  Die ware kerk is die gemeenskap van verlostes.  Dit is nie ‘n groep mense wat maar net sentimenteel is oor Jesus nie.

1 Tim 3:15 Maar as ek vertoef, dan kan jy weet hoe iemand hom moet gedra in die huis van God, wat die gemeente is van die lewende God, ‘n pilaar en grondslag van die waarheid.

16 En, onteenseglik, die verborgenheid van die godsaligheid is groot: God is geopenbaar in die vlees, is geregverdig in die Gees, het verskyn aan engele, is verkondig onder die heidene, is geglo in die wêreld, is opgeneem in heerlikheid.

In die ware kerk, is dit almal se geloofsbelydenis.   En ons glo dieselfde waarheid.  Ons wonder nie of spekuleer nie nog oor wie Jesus is nie.  Ons glo almal hierdie waarheid.  As jy ‘n ware kerk soek, is dit waar jy begin.  Glo die mense in daardie kerk dat Jesus die Seun van die lewende God is.  Hy is die fondasie.  Alles sentreer rondom Hom.

Tweedens, is ‘n ware kerk nie net gebou op ‘n geloofsbelydenis nie, maar op goddelike openbaring.

Matt 16:17 Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is.

Salig kan ook vertaal word met geseënd.  Geseënd is jy Simon Bar-Jona, want jy is reg!  Jy is geseënd, want jy het die regte geloofsbelydenis gemaak.  Maar hoe het jy dit reg gekry?  Het jy net eendag net gesit en dink en besluit dat Jesus nie ‘n slegte idee is nie en dat jy aangetrokke tot Hom voel. Nee!

Hier is hoe jy dit reg gekry het?  Jy het dit reg gekry , want vlees en bloed het dit nie aan jou openbaar nie.  Dit kom nie van ‘n mens af nie.  Die Vader in die hemel het dit aan jou geopenbaar.  Jy het ‘n “revelation” gehad.  God het dit aan jou geopenbaar.

1 Kor 1:21 Want aangesien in die wysheid van God die wêreld deur die wysheid God nie geken het nie, het dit God behaag om deur die dwaasheid van die prediking die wat glo, te red.

Dit kom nie van ‘n mens af nie.  Daar is geen menslike wysheid of kennis wat jou kan lei tot hierdie groot belydenis nie.  God het dit aan jou openbaar.  Daar is net een manier om die waarheid te kan ken en daarom hierdie belydenis van geloof te kan maak.  Dit is goddelike openbaring.

Evangelisasie is niks meer as Woord verkondiging nie.

Joh 5:39 Julle ondersoek die Skrifte, omdat julle meen dat julle daarin die ewige lewe het; en dit is dié wat van My getuig.

Dit is die Woord wat van Jesus getuig.  Daar is nie ‘n ander manier waarop die mens gered kan word nie.  Ons word gered deur die prediking van die Woord.  Nie deur een of ander foefie, of ervaring of belewenis nie. 

1 Pet 1:23 want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.

Die saad wat wedergeboorte voortbring is die lewende woord van God.  Joh 17:17 sê ons word geheilig in die waarheid.  U woord is die waarheid.  Ons begeerte na die Woord moet wees soos ‘n baba wat melk soek.  Ons word versoen deur die Woord.  Ons word gereinig deur die Woord.  Ons word beveel deur die Woord.

‘n Ware kerk is ‘n kerk wat hul tyd spandeer om Jesus Christus te verheerlik en Sy Woord uitlê.

Johannes Calvyn het gesê, “If a church does not have sound doctrine and exposition of Scripture, it's not a church.”

So ‘n ware kerk is ‘n kerk wat ‘n groot belydenis het en tweedens wat die goddelike openbaring, die Woord van God verkondig en uitlê.  Dit wat ons verkondig kom nie van menslike bronne af nie.  Dit kom van God af.

God het Homself aan ons openbaar.  God praat met ons deur Sy Woord.  Petrus het ‘n geloofsbelydenis, want die Vader het gepraat.

Matt 16:18 En Ek sê ook vir jou: Jy is Petrus, en op hierdie rots sal Ek my gemeente bou, en die poorte van die doderyk sal dit nie oorweldig nie.

Hierdie vers is baie eenvoudig.  Maar ongelukkig is hierdie vers heeltemal uit verband geruk.  Petrus is maar net Petrus en in v23 sê Jesus, gaan weg agter My satan.  So ons wil nie te veel van Petrus maak nie.  Hierdie vers is nie die inhuldiging van die pousdom nie.  Jesus sê vir hom, Jy is Petrus.  Dis al.  Jy is maar net Petrus.

En Petrus sou nie geweet het of iets kon doen as die Vader in die hemel nie dit aan hom openbaar het nie.  Jy is Petrus en op hierdie rots sal Ek My kerk bou.  Wat beteken dit?  Die Griekse woorde wat gebruik word is, Petrus = petros, klein rots, op hierdie rots, petra, groot rots, sal Ek My kerk bou.

Dit is op hierdie belydenis wat Petrus gemaak het, op die belydenis dat Jesus die Christus is, die Seun van die lewende God, wat Jesus sê Hy gaan Sy kerk bou.  Die rots waarvan Jesus praat is die belydenis, nie Petrus nie.  Dit is dieselfde belydenis wat al die ander apostels gemaak het.

Ef 2:20 gebou op die fondament van die apostels en profete, terwyl Jesus Christus self die hoeksteen is.

Wat is die fundament van die apostels en profete?  Dit is die belydenis wat hulle gemaak het.  Nommer een, hulle het die groot belydenis gemaak, nommer twee want hulle het die goddelike openbaring geglo.  Hulle het dit gehoor en geglo.

Die ware kerk is die kerk wat gebou is op die openbaring van God, die Woord van God en elkeen wat dit glo en bely.  ‘n Kerk wat so gebou word is ‘n kerk wat nie deur die poorte van die doderyk oorweldig sal word nie.  Dit beteken eenvoudig, die dood sal nie kerk vernietig nie.

Inteendeel hoe meer mense oor die eeue die kerk probeer doodmaak het, hoe meer het die kerk gegroei.  Die kerk is die gemeenskap van gelowiges wat bely dat Jesus Christus die Here is, want hulle het die goddelike openbaring van die Woord van God geglo.

Matt 16:19 En Ek sal jou die sleutels van die koninkryk van die hemele gee...

Wat dink julle is die sleutels van die koninkryk van die hemele?  Jesus sê, jy en die apostels en almal in die kerk, hier is die sleutels.  Waarvoor gebruik ‘n mens sleutels?  Om ‘n deur oop te maak.  Maw ons het sleutels gekry om die deur van die koninkryk oop te maak.

Hoekom?  Om mense te laat ingaan.  Julle het die sleutels om mense te laat ingaan in die koninkryk.  Dan sê die vers,

Matt 16:19  ...en wat jy ook op die aarde mag bind, sal in die hemel gebonde wees, en wat jy ook op die aarde mag ontbind, sal in die hemel ontbonde wees.

Dit was ‘n sê ding van die rabi’s.  Wanneer hulle daarvan gepraat het, het hulle bedoel jy is gebind in jou sonde.  Of jy is losgemaak van jou sonde wanneer jy jou bekeer.  Dit was ‘n uitdrukking wat hulle gebruik het om te verwys nie hoe mense reageer oor hulle sonde.

So wat sê Jesus vir hulle?  Hy sê, jy kan vir mense sê, die koninkryk is vir hulle gesluit, hulle is gebind in hulle sonde.  En die hemel stem daarmee saam.  Of jy kan vir hulle sê, hulle is losgemaak van hulle sonde, en hulle kan inkom, en die hemel stem daarmee saam.

Hoe is dit moontlik?  Want die hemel het vir jou ‘n goddelike openbaring gegee.  Dit is die Woord van God.  Dit is die sleutels van die koninkryk wat God vir ons gegee het.  Die Woord van God. 

As ek die deur van die koninkryk van mense wil oopsluit sodat mense kan inkom, moet ek die Woord van God verkondig.  Geloof kom deur die gehoor en gehoor deur die Woord van God.  Die Woord is kragtig en skerper as ‘n tweesnydende swaard.  Dit is lewend.  Dit is kragtig.

Met die Woord van God het ons die vermoë om die deur van die koninkryk oop te maak.  Mag ek vir mense sê, julle is gebind in julle sonde en totdat julle julle nie bekeer en julle geloof in Jesus Christus plaas nie, is julle gebind en die hemel stem daarmee saam met wat ek sê.

Ek het die sleutels van die koninkryk, nie omdat ek die pous is, of ‘n priester is, of omdat ek enige amp het nie, maar omdat ek jou vertel wat die hemel in Sy Woord aan my openbaar het.

Mag ek vir mense sê, julle is ontbind van julle sonde as julle op Jesus Christus vertrou en julle bekeer, dan sal die deur van die koninkryk vir jou oopgaan en jy kan in gaan en die hemel stem daarmee saam.  Hoekom?  Want dit is die goddelike openbaring wat vir ons gegee is.

Hoe lyk ‘n ware kerk?  Dit is ‘n kerk waar Jesus die Christus, die Seun van die lewende God, die belydenis van die kerk is, en hierdie belydenis is gebaseer op goddelike openbaring.  Die Woord van God.

Dit is op hierdie wyse waarop Jesus sê, Hy Sy kerk bou. Die ware kerk word nie gebou deur menslike wyshede en programme en allerhande ervarings nie.  Christus is sentraal en die Woord is die sleutels van die koninkryk.  Ons saai die saad.  Ons maak dit nat.  Die Here gee die groei.  Dit is die Here wat daagliks by Sy kerk byvoeg.