Eerste dinge eerste: die lewe se drie grootste prioriteite

1 Pet 1:13 Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus.

14 Soos gehoorsame kinders moet julle nie jul lewe inrig volgens die begeerlikhede wat tevore in julle onwetendheid bestaan het nie.

15 Maar soos Hy wat julle geroep het, heilig is, moet julle ook in jul hele lewenswandel heilig word,

16 omdat daar geskrywe is: Wees heilig, want Ek is heilig.

17 En as julle Hom as Vader aanroep wat sonder aanneming van die persoon oordeel volgens elkeen se werk, wandel dan in vrees gedurende die tyd van julle vreemdelingskap;

Hierdie gedeelte gaan oor die gelowige se reaksie op God wat hom gered het.  Jesus het gesê in,

Luk 12:48  ...En elkeen aan wie veel gegee is, van hom sal veel gevorder word...

En hierdie beginsel het te doen met die Christen se reaksie op sy verlossing.  Daar is nie ‘n groter geskenk wat jy ooit kon ontvang het, as die geskenk van verlossing in Christus nie.  En daarom kan daar ook geen ander geskenk wees wat ‘n groter reaksie van iemand vra nie.  Die grootste geskenk dra saam met dit ook die grootste verantwoordelikheid.

So in die eerste paar verse van 1 Petrus 1 fokus die skrywer op die aard van verlossing.  Hoe die profete hierdie groot tema van verlossing ondersoek en nagevors het.  Hulle het geprofeteer oor die genade wat sou kom.

Hierdie saligheid is groot want dit is die tema van die Heilige Gees se inspirasie.  V11 sê dit was die Gees van Christus wat in hulle was wat vooruit getuig het van die lyde wat oor Christus sou kom en die heerlikheid daarna.  Dit was die tema wat die profete nagevors het.  Die tema van die Gees.

Hierdie saligheid is groot want dit was die tema wat die Apostels verkondiging het.  V12 sê,

1 Pet 1:12 Aan hulle is geopenbaar dat hulle nie vir hulleself nie, maar vir ons dié dinge bedien het wat julle nou aangekondig is deur dié wat die evangelie aan julle verkondig het in die Heilige Gees wat van die hemel gestuur is—dinge waarin die engele begerig is om in te sien.

Hierdie groot saligheid, die tema van die profete se ondersoek, die tema van die Heilige Gees se inspirasie, die tema van die Apstels se verkondiging en ook die tema van die engele.  Dit gaan oor hierdie groot verlossing.

As ons dan kom by v13, ons teksgedeelte, dan verskuif Petrus se gedagtes vanaf hierdie groot tema van verlossing, vanaf al hierdie waarhede, na bevele.  Hierdie groot gawe, geskenk van verlossing dra groot verantwoordelikheid.  Dit vereis van ons gehoorsaamheid.

Hierdie groot saligheid het implikasies vir al ons verhoudings.  Eerstens het ons ‘n verantwoordelikheid teenoor God en dit lees ons in v13 to 21.  Tweedens het ons ook ‘n verantwoordelikheid teenoor ander, v22-25 en dan laastens teenoor onsself, hoofstuk 2.  Ons verhouding met God, met ander en met onsself.

Al hierdie verhoudings word beïnvloed deur die grootheid van ons verlossing en elkeen vereis hoe ons moet reageer.  Veel was aan ons gegee, en veel moet van ons gevorder word.  Ons het ‘n groot verlossing ontvang, daarom word groot dinge van ons verwag in ons verhoudings, met God, met ander en met onsself.

So kom ons begin deur te kyk na die ons verpligting teenoor God.  Watter verpligting het ons teenoor God omdat Hy vir ons hierdie groot geskenk van verlossing gegee het?  Hierdie verpligting teenoor God kan in drie woorde opgesom word, hoop, heiligmaking, en eer.  Ons reageer op God se verlossing  deur volkome te hoop, heiligmaking na te streef en om Hom te eer.

1 Pet 1:13 Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus.

Ek wil hê julle moet die hoof werkwoord in hierdie vers raaksien en dit is “hoop”.  Die NAS sê, “fix your hope”.  Die vers begin met “daarom”, en wat dit sê is, omdat daar so ‘n groot verlossing was, daarom moet julle julle hoop stel.  Daarom moet julle hoop.

En die woord is in die imperatiewe vorm en beteken dat dit ‘n opdrag is.  God het jou die grootste verlossing gegee, daarom moet jy hoop.  Dit is jou verpligting teenoor God.  Dit is wat jy moet doen in reaksie op dit wat God vir jou gedoen het.

Dit is ‘n definitiewe bevel.  HOOP!  Dit is ons verantwoordelikheid en plig teenoor God in reaksie op hierdie groot verlossinge wat Hy aan ons uit genade gegee het.  Ons moet lewe in hoop.  En hoop is ‘n wonderlike ding.

1 Kor 13 sê, nou bly geloof en tweedens hoop en derdens liefde en die grootste hiervan is die liefde.  Ons het al baie boeke gelees oor liefde.  Baie preke gehoor oor liefde.  Selfs oor geloof.  Wat van hoop?  Geloof en liefde is belangrik, maar besef ons nie dat hoop net so belangrik is nie.

Ons kultuur vandag is so dat hoop nie regtig deel is van ons Christen ervaring nie.  Meeste Christene leef nie in hoop nie, primêr omdat hulle hierdie lewe te veel geniet.  En hoop spreek van ‘n toekomstige verwagting.  Het God ons nie geroep om ‘n hoopvolle toekoms te hê nie?

Hoop is in sy wese dieselfde as geloof.  Dit beteken om God te vertrou.  Om op Hom te glo.  Geloof in ‘n sekere sin is om op God in die teenwoordige te vertrou en hoop is om God vir die toekoms te vertrou.  Geloof glo wat God gesê het, wat God gedoen het.  Hoop glo wat God belowe het vir die toekoms. 

Geloof aanvaar en hoop verwag.  Geloof bewillig en hoop voorsien.  Geloof glo in wat God gedoen het en hoop glo in wat God gaan doen.  Hoor wat Petrus sê.  Hy sê, jy is dit aan God verskuldig om te hoop.  Jy moet vir die toekoms lewe.  Om God te vertrou dat Hy Sy beloftes vir die toekoms met heerlikheid sal vervul.  Ons is dit aan God verskuldig.

Dit is ons plig, ons word beveel.  “fix your hope”.  En die volgende woord is “volkome”.  Hoop volkome.  Hoop onvoorwaardelik, ten volle, volkome.  Vir eens en vir altyd hoop volkome sonder om te twyfel op die Een wat jou gered het.

Heb 6:18 sodat ons deur twee onveranderlike dinge, waarin dit onmoontlik is dat God sou lieg, kragtige bemoediging kan hê, ons wat ontvlug het, om vas te hou aan die hoop wat voorlê;

19 en ons het dit as ‘n anker van die siel wat veilig en vas is en ingaan tot binnekant die voorhangsel

As God getrou was in die verlede en Hy is getrou in die hede, kan jy verseker weet dat Hy sal getrou wees in die toekoms.  Ons is moet lewe in daardie lig van die toekoms.  Wat Hy belowe het sal Hy doen.

1 Pet 1:3 Geseënd is die God en Vader van onse Here Jesus Christus wat na sy grote barmhartigheid ons die wedergeboorte geskenk het tot ‘n lewende hoop deur die opstanding van Jesus Christus uit die dode

Vers 4 sê ons het ‘n onverganklike, onbesmette, onverwelklike erfenis.  Dit kan nie vergaan nie.  Net nog ‘n bewys vir ewige sekuriteit.  Dit word in die hemele in die krag van God bewaar.  Ons lewe in daardie hoop.  Ons lewe in die hoop op ‘n ewige erfenis.

Nou, Petrus sê nie net vir ons dat ons moet hoop, in die sin dat dit ons hier affekteer nie.  En nie soseer vir wat hoop nou vir ons in hierdie lewe kan doen nie, en ja hoop is ‘n gesonde geestelike oefening, dit maak dat ons verby ons omstandighede kyk en bo dit uitstyg, maar dit is nie die hoofrede waarom Petrus sê ons moet hoop nie.

Die rede waarom ons moet hoop is omdat dit God verheerlik.  Jy sien, wanneer jy volkome op God vertrou vir die toekoms, bevestig jy daardeur dat God getrou is en dat Hy sal doen wat Hy sê, en daardeur verheerlik jy Hom.

As jy nie op God hoop nie, twyfel jy in Hom, en jy sê, ek weet nie so seker of ek Hom kan vertrou nie.  Dit is wat jy sê.  Maar as ‘n gelowige wat God se genade ontvang het en gesien het dat God getrou was in die verlede en in die hede, is hy veronderstel om dan ook op God te hoop en Hom te vertrou dat Hy sal doen wat Hy gesê het, en daardeur verheerlik hy Hom.

Jy sien deur te hoop sê jy dat God is ‘n God van integriteit en Hy sal Sy beloftes nakom.  En ons skuld Hom daardie lojaliteit.  Ons moet aan Hom lojaal wees.  Hoop verheerlik God.  Kom ek gee julle ‘n illustrasie.

Rom 4:16 Daarom is dit uit die geloof, sodat dit volgens genade kan wees en die belofte kan vasstaan vir die hele nageslag; nie alleen vir die wat uit die wet is nie, maar ook vir die wat uit die geloof van Abraham is, die vader van ons almal

17 soos geskrywe is: Ek het jou ‘n vader van baie nasies gemaak voor die aangesig van God in wie hy geglo het, wat die dode lewend maak en die dinge wat nie bestaan nie, roep asof hulle bestaan.

18 Hy het teen hoop op hoop geglo dat hy vader sou word van baie volke volgens wat gesê was: So sal jou nageslag wees.

God het vir Abraham gesê, hy gaan ‘n seun hê.  Abraham was amper ‘n honderd jaar oud.  Sara was in haar negentigs.  Dit is maligheid.  Sy het nog nooit ‘n kind gehad nie.  Daarom sê v18 dat Hy het teen hoop op hoop geglo.  Hoop wanneer vanuit ‘n menslike oogpunt daar geen inhoud is en geen basis is vir hoop nie.  Maar dit was teen hoop op hoop dat Abraham geglo het.

V19 sê dat hy gehoop het sonder om te verswak in die geloof.  En ons sien hier dat geloof en hoop aan mekaar gelyk gestel word, want geloof is ‘n soort van hoop wat op die toekoms geplaas word.  En om dit eenvoudig te stel, God word verheerlik wanneer ons Hom vertrou.  Wanneer ons Hom glo, wanneer ons hoop op Sy beloftes vir die toekoms.

Dit is wat Petrus probeer sê.  Dit gaan nie soseer oor wat hoop vir die gelowige doen nie, maar eerder dat hoop wat God verheerlik. 

As ons terug gaan na ons teksgedeelte toe, dan is die vraag: waarop moet ons hoop volkome wees?

1 Pet 1:13 Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus.

Hoop op die genade wat julle deel word by die openbaring van Jesus Christus.  Die openbaring van Jesus is die wederkoms.  Maw ons het ‘n verpligting en verantwoordelikheid om as ‘n Christen wat die grootste geskenk van verlossing ontvang het, om ons gedagtes en hart en alles te stel op die genade wat by die wederkoms van Christus ons deel sal word.

Om dit anders te stel, ons moet lewe in die hoop op die wederkoms van Jesus.  Dit is waarvoor ons moet lewe.  Ons lewe nie vir hier en nou nie.  Ons moet lewe vir daardie dag.  Ons moet lewe vir die dag wanneer Jesus kom om Sy mense te beloon en te verheerlik, die dag wanneer die werk wat Hy in ons begin het voleindig sal word.  Die afhandeling van God se verlossingswerk in ons lewe.

Paulus noem dit in Rom 8, die verlossing van ons liggaam, die openbaarmaking van die kinders van God.  Johannes sê,

1 Joh 3:2 Geliefdes, nou is ons kinders van God, en dit is nog nie geopenbaar wat ons sal wees nie; maar ons weet dat ons, as Hy verskyn, aan Hom gelyk sal wees, omdat ons Hom sal sien soos Hy is.

3 En elkeen wat hierdie hoop op Hom het, reinig homself soos Hy rein is.

Maw ons leef in die hoop op die koms van Jesus Christus en die voleindiging van ons verlossing.

Tit 2:11 Want die reddende genade van God het aan alle mense verskyn

12 en leer ons om die goddeloosheid en wêreldse begeerlikhede te verloën, ingetoë en regverdig en vroom in die teenwoordige wêreld te lewe,

13 terwyl ons die salige hoop en die verskyning van die heerlikheid verwag van die grote God en ons Verlosser, Jesus Christus,

Saligheid in sy eerste fase, het reeds verskyn.  Ons is wedergebore, geestelik gebore en God het Sy werk in ons lewens begin.  Saligheid in sy tweede fase, die finale afhandeling daarvan, dit is waarna ons uitsien.  Daarom kyk ons met hoop na die wederkoms.  Dit is ons salige hoop.

Kom ek vra jou ‘n eerlike vraag:  Hoop jy!  Hoop jy regtig?  Petrus sê nie dat ons soseer moet hoop op die gebeurtenis van die wederkoms nie.  Ja, wat ‘n gebeurtenis gaan dit nie wees nie.  Dit is nie soseer waarop ons hoop is nie.

Hy sê nie soseer dat ons moet hoop op die belonging wat ons gaan ontvang nie.  Hy sê nie ons moet hoop op die volmaaktheid nie.   Dink net, ons gaan wees soos Hy.  Ons gaan verheerlik word.  Ons gaan volmaak wees.  Maar dit is nie hierop wat Petrus sê ons moet hoop nie.

Hy sê ook nie soseer dat ons moet hoop op die hemel nie.  Is dit tog nie iets om na uit te sien nie?  Dink net hoe wonderlik gaan dit wees, maar dit is nie wat Petrus hier sê nie.  Luister mooi wat sê hy, hy sê

1 Pet 1:13 Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus.

Hoop op die genade wat julle deel word... Ons gaan genade ontvang.  Is jy gereed daarvoor?  En hier is ‘n belangrike waarheid.  Die dag toe jy tot bekering gekom het en jou vertroue in Jesus geplaas het om jou te red, was dit alles uit genade.  Dit was alles net genade.

En wanneer Jesus weer kom en Hy ons verheerlik en Hy ons volmaaktheid gee en die hemel en die ewige lewe in Sy teenwoordigheid wees, sal dit ook wees soos dit die eerste keer was, alles uit genade.

Sommige mense is geneig om te dink dat God ons ‘n finale verheerliking skuld op grond van wat ons gedoen het.  Dink ons vir een oomblik dat Christus sal kom om ons te gee wat ons verdien het deur ons geestelikheid.  Dink ons vir een oomblik dat ons ons finale heerlikheid en finale erfenis kan verdien.

Nee!  Toe God ons siel gered het, het ons dit nie verdien nie, dit was alles alleen uit genade.  En dit gaan nie anders wees by die wederkoms nie.  Ons het nie verlossing van ons sondige siel verdien nie, en nog meer verdien ons nie die verlossing van ons sondige liggaam nie.

Ons verdien nie ons plek in die hemel nie, net soos wat ons nie ons plek in die kerk van die Here verdien het nie.  Ons verdien nie die ewige gewig van heerlikheid meer as wat ons die inwonende Heilige Gees verdien het nie.  Ons verdien nie ‘n sondelose volmaaktheid meer as wat ons die vergifnis van sonde verdien het nie.  Dit is en was genade en genade alleen.

Geen mens kan homself red nie en geen mens kan homself gered hou nie.  Niemand sal sy uiteindelik redding verdien nie.  Dit is alles net uit genade.  Van die begin van jou bekering tot aan die einde, net genade.

Sp Petrus sê, God is waardig dat ons volkome sal hoop en wanneer ons dink oor God en ons dink oor ons ewige erfenis, onthou dat dit is alles genade.  Hoop volkome op die genade wat julle deel sal word.  Dit gee Hom al die eer, want jy was nog nooit waardig nie en sal ook nooit wees nie.  Daarom leef ons in hierdie afwagting op die genade wat ons sal ontvang.

Hoe moet ons dan ons hoop vestig op die genade wat kom?  Hoe leef ons in die lig daarvan?  Die vers sê hoe,

1 Pet 1:13 Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus.

Omgord die lendene van julle verstand, wees nugter.  Wat beteken dit?  Dit beteken eenvoudig maak iets wat los is vas.  In die Bybel was dit die gedagte, maak jouself bymekaar en kry jouself gereed.  In boere Afrikaans sou ons kon sê, kry al jou varkies agter mekaar.  Maak jouself bymekaar.  Kry jouself gereed.

Is jy gereed om te gaan?  Niks hou jou hier nie.  Dit is wat Petrus sê.  Wat hy sê is kry jou prioriteite reg.  Kry jou gedagtes agter mekaar.  Moenie dat ander dinge jou besig hou en jou verhinder om te hoop nie.  Maak jouself los van die hindernisse van hierdie wêreld en leef in die lig van die genade wat jy gaan ontvang wanneer Jesus kom.  Om dit anders te stel:  Bedoel besigheid met God.

Die tragiese van dit alles is dat ons leef so in hierdie wêreld dat die gedagte van Christus wat gaan kom ietwat ontstellend is vir sommige Christene.  Moenie toelaat dat jou gedagtes en doelwitte en besluite los hang nie.  Maak dit vas.  Kry jou prioriteite reg.  Omgord die lendene van julle verstand. 

Maak ‘n beslissende lewens commitment om te lewe in die werklikheid van die genade wat kom.  Paulus sê,

Kol 3:2 Bedink die dinge wat daarbo is, nie wat op die aarde is nie.

Dit is wat dit beteken.  Lewe ons so?

Maak vas al die los gedagtes en wees nugter, sodat julle kan konsentreer op dit wat saak maak.  Sodat julle kan hoop op die genade.  Wees nugter!  En hierdie nugter beteken nie, jy moenie dronk wees nie.  Dit is beeldspraak wat sê, jy moenie besoedel word met die wêreld nie.

Om nugter te wees is die idee om geestelike standvastig te wees, om geestelik selfbeheersd te wees, om helderheid van verstand te hê, om jou prioriteite agter mekaar te hê, om geestelik gedissiplineerd te wees.

Dit is die minste wat ons aan God verskuldig is.  Dit is wat God van ons verwag in reaksie op dit wat Hy vir ons gedoen het.  Hoop volkome op die genade wat ons deel sal wees wanneer Jesus kom.

Laat eerste dinge eerste wees.  En die eerste en belangrikste prioriteit in jou lewe is jou verantwoordelikheid teenoor God.  En mag hierdie groot verlossing Hy aan jou gegee het, jou so beïnvloed dat jy God verheerlik deur volkome te hoop op die genade wat jou deel sal wees by die wederkoms van Jesus Christus.

Die vrou in aksie

Ef 5:22 Vroue, wees aan julle eie mans onderdanig, soos aan die Here.

23 Want die man is die hoof van die vrou, soos Christus ook Hoof is van die gemeente; en Hy is die Verlosser van die liggaam.

24  Maar soos die gemeente aan Christus onderdanig is, so moet die vroue dit ook in alles aan hul eie mans wees.

25  Manne, julle moet jul eie vroue liefhê, soos Christus ook die gemeente liefgehad en Homself daarvoor oorgegee het

Hierdie is die patroon wat God ontwerp het vir  die huwelik en die familie.  En ons leef in ‘n tyd wat dit ‘n baie moeilike ding is om te verkondig, want die wêreld wil dit nie aanvaar nie.

Wanneer dit kom by hoe die familie moet funksioneer, het God baie duidelike rigtlyne of beginsels neergelê.  Die rol van die vrou is nog die maklike deel.  Wanneer dit kom by die man, dan is dit nog moeiliker, maar gelukkig is dit nou nie ons tema vandag nie.

V22 sê: “Vroue, wees aan julle eie mans onderdanig, soos aan die Here.” 

Geen voorwaarde word hier gestel nie.  Dit sê nie: wees onderdanig as jy so voel nie.  Dit sê baie eenvoudig: wees onderdanig!  As die Bybel sê dat die vrou onderdanig moet wees, dan is dit belangrik dat ons sal vra, maar wat beteken dit.

Onderdanigheid

Wat beteken dit? “Onderdanig” is nie dieselfde woord as “gehoorsaam” nie.  “Gehoorsaamheid” is die woord “hupokouo” en “onderdanig” is die woord “hupotasso”.  Onderdanig beteken om onder iemand in te beweeg wanneer dit kom by jou funksie of rol as persoon. 

Die woord “gehoorsaamheid” gebruik Paulus wanneer hy praat oor kinders of slawe.  “Hupokouo” beteken “om te antwoord, om aandag te gee, of om te gehoorsaam.”  Dit word gebruik by ‘n dienskneg.  ‘n Vrou is nie ‘n kind, ‘n dienskneg of slaaf nie.

Sy staan nie in die huis en wag vir opdragte nie.  “Doen dit.  Kry dit.  Sal jy dit vir my kry!  Sal jy dit doen!  Is my klere skoon!  Het jy al my klere gestryk nie?  Dit is nie wat hupotasso beteken nie.

“Onderdanigheid” beteken nie, die vrou is ‘n slaaf nie.  Dit is ‘n meer intieme woord, baie meer persoonlik, of innerlik, en baie meer belangrik, soos wat dit aangedui word in v22 deur die term “jou eie man.” 

“Vroue, wees aan julle eie mans onderdanig.  Maw, daar is ‘n sekere sin van besitting hier betrokke.  Dit veronderstel dat ‘n vrou uit haar eie wilsbesluit reageer in onderdanigheid op haar eie man - wie sy besit.  Dit het niks te doen met die een is beter as die ander een nie.

God het hierdie verskil in funksie so bepaal, sodat daardie gemeenskap so onderhou kan word.

Gen 3:16 …na jou man sal jou begeerte wees, en hy sal oor jou heers.

God het hierdie rol so bepaal, en tog sien on in Genesis dat God sê, die twee sal een, wat word? Een vlees.

Terwyl jy hierdie wonderlike, intieme, innerlike belangrikheid, daardie eenheid, daardie uniekheid van twee wat een is het, word die funksie of outoriteit en onderdanigheid nie ontbreek nie.

Gen 3:16 sê: “Hy sal oor jou heers”.  Hoekom?  Vir die doel van eenheid, vir die doel van werkbaarheid, is sy onderdanig aan die hoofskap van haar man – nie as ‘n slaaf nie, maar as een aan wie voorsien word, vir wie omgegee word, wie beskerm word deur haar man.  Dit het nie veel meer te doen met wat sy vir hom doen nie, as die verantwoordelikheid wat hy teenoor haar het nie.

Die hoofskap behoort aan die man.  Fisies het God hom sterker gemaak.  Fisies is die man deur God ontwerp om te werk, om te beskerm, om te voorsien, en om sekuriteit te gee aan die vrou wat 1 Pet 3:7 noem, as die swakkere. 

Fisies is dit die waarheid, en sommige sou sê, dat dit ook emotioneel so is.  Die man is gemaak om die sterker maat te wees.  Iemand moet die berskermer wees, iemand moet voorsien, en omgee.  Volgens Gen 3:16 was dit nog altyd God se standaard.

Kol 3:18 Vroue, wees julle mans onderdanig soos dit betaamlik is in die Here.

Paulus sê ook in hierdie vers dieselfde ding, maar hier is ‘n woord wat baie belangrik is.  Hier sê hy nie soos Ef 5:22, soos aan die Here nie.  Hier sê hy: soos dit betaamlik is.  Die Griekse woord is “aneko” wat beteken “soos dit pas”.  Maw dit is die regte ding om te doen.  Dit is hoe God dit wil hê.

1 Pet 3

1 Pet 3:1 Net so moet julle, vroue, aan jul eie mans onderdanig wees, sodat, as sommige aan die woord ongehoorsaam is, hulle ook deur die wandel van die vroue sonder woorde gewin kan word.

Die woord “onderdanig” is ook hier dieselfde woord “hupotasso”.  Dit het niks te doen daarmee dat jy minder belangrik, of selfs dommer, of minder geestelik moet wees nie.  Dit het te doen met jou rol of funksie van leierskap en outoriteit in die huis.

Hy sê: “Aan jul eie mans” moet julle onderdanig wees en weer het te doen met besitting.  Jy besit hom.  Hy behoort aan jou.

Verder sê hy: as sommige mans aan die woord ongehoorsaam is, hulle ook deur die wandel van die vroue sonder woorde gewin kan word.  Ek is bly Petrus sê dit, want daar is vroue wat sê: Jy ken nie my man nie.  As ek aan my man onderdanig moet wees, sal dit verskriklik wees.  Hy is nie ‘n Christen nie.  Hy gehoorsaam nie die Here nie.  Hy gehoorsaam nie die Woord nie.

Daarom sê Petrus: wees in elk geval onderdanig, en sonder om enigiets te sê, sal hy gewin word.  Sonder om die woorde “bekeer jou” op sy bierbeker vas te plak, sonder klein briefies saam met sy lunch in te pak, sonder om hom gereeld een of ander evangelie aanbieding te gee. 

As jy jou lewe inrig volgens God se patroon vir die huwelik, kan jy, sonder om enige woord uit die Bybel vir hom te gee, hom wen met jou optrede.  Dit is wat Petrus sê.

Nou, van watter gedrag praat Petrus?  Hoe moet jy voor hom wandel? V2 sê:

1 Pet 3:2 as hulle jul reine, godvresende wandel aanskou het.

Nie net lewe jy ‘n rein lewe nie, jou gedrag en jou optrede nie, maar jou wandel is godvresend.

1 Pet 3:3 Julle versiering moet nie uiterlik wees nie: haarvlegtery en omhang van goud en aantrek van klere nie,

Dit is wat in ons tyd aangaan.  Dit is ongelooflik.  Orals waar jy kom, is mode die inding.  Ons word daardeur gebombardeer met tydskrifte, met die TV, in elke winkelsentrum.  Dit is hoe jy moet lyk.  Nee!  Petrus probeer sê: dit is nie die uiterlike wat tel nie, dit is die innerlike wat tel.  Jou wandel moet rein, godsvresend wees.  Dit is die innerlike kwaliteit van die vrou wat haar man beïndruk.

Kyk net watter verdraaide geslag het ons vandag.  Manne wat deesdae kettings en goud dra.  Manne met lang hare, oorbelle en neusringe.  Die Bybel sê niks daaroor nie, want manne het in daardie tyd dit net eenvoudig nie gedoen nie, maar nou is dit orals. 

Ek sê nie dat almal soos klooster tannies moet lyk nie, maar ons commitment moet altyd wees om die innerlike rein en skoon te hou, meer as die uiterlike.

Lizelle sê vir my toe sy en haar sussie nog tieners was dan het haar ma altyd vir hulle gevra: het jy net soveel tyd aan jou binnekant spandeer as wat jy tyd aan jou buitekant spandeer het.  Dit is hierdie reine en godsvresende lewe wat jou man vir die Here gaan wen.

Dr. John MacArthur sê die volgende ding oor hierdie gedeelte in 1 Pet 3.  Hy sê:  “if you preoccupy yourself with that, then you are in violation of the standard, because you are not submissive. Why? You are calling attention to yourself--you are putting yourself on parade, you are adorning yourself. You are pushing your own cause and your own case.”

Daar is ‘n verskil tussen mooi lyk en om te adverteer.  If you are not in business, don’t advertise.

1 Pet 3:4 maar die verborge mens van die hart in die onverganklike versiering van 'n sagmoedige en stille gees, wat baie kosbaar is voor God.

V4 sê jy moet eerder bekommerd wees met dit wat verborge is in jou hart.  Dit gaan oor die motiewe van jou hart.  Maw moenie aan die buitekant werk nie, maar werk aan die binne kant.  Versier jou eerder met ‘n sagmoedige en stille gees.  Dit is baie kosbaar voor God.

Dit is nie die vrou se plek om op te staan en haar stem te laat hoor nie.  Vandag betoog die vrouens en maak hulle groot ophef om hulle stemme dik te maak, sodat almal moet luister.  Maar die Bybel sê dat dit wat vir God kosbaar is, is ‘n sagmoedige en stille gees.

‘n Vrou wat haar man wen met ‘n sagmoedige en stille gees.  Dit is die rol van die vrou.

Dit beteken nie dat die vrou moet wegkruip en nooit haar opinie gee nie.  Dit beteken dat sy verstaan wat God van haar verwag en dit is om nederig en stil te wees.  Dit is die skoonheid van ‘n vrou – sy is ondersteunend – dit is haar sterkte.

1 Pet 3:5 Want so het vroeër ook die heilige vroue wat op God gehoop het, hulleself versier, en hulle was aan hul eie mans onderdanig,

Petrus verwys hier na die vroue van die Ou Testament.  Hy sê: hulle het hulleself so versier.  Hoe?  ‘n Sagmoedige en stille gees.  Petrus sê: dit het nie verander nie, dit is vandag nog steeds dieselfde. 

En nou staan ek hier vandag 2000 jaar later en ek sê vir julle dat die Bybel is steeds vandag nog so relevant soos daardie tyd en vandag is dit ook hoe die vrou haar moet versier.  Met ‘n sagmoedige en stille gees.  Dit het nie verander nie.  Dit is wat by God tel.  Dit is wat vir God kosbaar is.

‘n Godvresende vrou was nog altyd iemand wat die binnekant versier het.  Dit beteken nie jy moet lelik aantrek nie en lelik lyk nie, maar waaraan spandeer jy die meeste tyd?  Wat is jou motiewe?

Die vrou in aksie is ‘n vrou wat haar plek ken, wat met ‘n sagmoedige en stille gees haarself aan haar man onderwerp.

1 Pet 3:6 soos Sara gehoorsaam was aan Abraham en hom heer genoem het; wie se kinders julle geword het as julle goed doen en geen enkele verskrikking vrees nie.

Sara het Abraham heer genoem.  Dit gaan nie oor die titel nie, maar oor die respek wat sy vir hom gehad het.  Die laaste deel van v6 sê: “en geen enkele verskrikking vrees nie.”  Sommige vroue sê, “ek is darem maar bang om aan my man onderdanig te wees.  Ek sal my regte verloor.  Hy sal oor my hardloop.” 

Jy moet onthou dat hierdie vroue het God vertrou, daarom het hulle geen vrees gehad om God te gehoorsaam nie.  En wanneer daar enige misbruik of mishandeling was het hulle geweet dat God daarmee sal handel.

Doen jy jou deel.  God sal Sy deel doen.  Jy is aan God gehoorsaam.  Onderwerp jou aan jou man soos heilige vroue dit doen, in ‘n sagmoedige en stille gees, soos wat God van jou dit verwag en dan, moenie vrees nie.  Jy kan God vertrou.

1 Kor 11

In Korinthe was daar ‘n Vroue Vryheids Beweging: vroue wou dieselfde werk as die mans doen.  Vrouens het probeer soos mans lyk en optree.  Dit was ‘n groot ding.  Sommige vrouens in die kerk het by hierdie beweging betrokke geraak.  Daarom skryf Paulus vir hulle hier in hoofstuk 11 om hierdie ding aan te spreek.

Die vroue in die Korinthiese gemeenskap was veronderstel om onderdanig te wees, en hulle het ‘n simbool gehad, ‘n teken van onderdanigheid, en dit was ‘n sluier.  Die vroue in ‘n Korinthiese of heidense gemeenskap het in daardie tyd en in daardie wêreld ‘n sluier gedra as ‘n teken van onderdanigheid.  Dit was ‘n simbool van hul nederigheid.  Dit was nie ‘n Bybelse gebruik nie, maar dit het aangesluit by God se beginsel van onderdanigheid.

Daar was net twee tipe vrouens wat nie ‘n sluier gedra het nie, die een was ‘n prostituut en die ander was ‘n feminis.  Vroue wat betrokke geraak het by hierdie beweging. 

Die feministe wou gelyke regte met ‘n man hê.  Nou skryf Paulus vir hulle in 1 Kor 11 en sê dat hulle hulle hoofde moet bedek.  Dit was ‘n Korinthiese en heidense teken van onderdanigheid en Paulus sê dit is wat in julle gemeenskap erken word as onderdanigheid.

Hoekom sou Paulus dan sê dat hulle ook ‘n bedekking moet dra?  Hy sê dit dat die wêreld nie sal sê: die kerk rebelleer teen ‘n God-gegewe beginsel nie.  Want onderdanigheid is ‘n God-gegewe beginsel.  Hy sê dan verder ook dat ‘n bedekking is nie ‘n slegte beginsel nie, want God het dit selfs in die natuur gedoen.

1 Kor 11:14 Of leer ook die natuur self julle nie dat as 'n man lang hare dra, dit vir hom 'n oneer is nie;

15 maar as 'n vrou lang hare dra, dit vir haar 'n eer is, omdat die lang hare vir haar gegee is as 'n bedekking?

Dit sê nie dat dit vir ‘n man sonde is om lang hare te dra nie, maar wat hy sê is dat die natuur ons leer dat ‘n vrou se hare langer is as ‘n man sin om ook dan so as ‘n bedekking te dien.  Wat het die natuur daarmee te doen?  Navorsing het bewys dat ‘n vrou se hare vinniger groei as ‘n man se hare.  Dit is hoe God die vrou gemaak het. 

God het die vrou hare gegee wat vinniger groei, sodat die langer hare vir hulle ‘n teken sou word van onderdanigheid of bedekking.  Paulus sê in der waarheid, dit is nie ‘n slegte ding om ‘n sluier te dra nie; hierdie gebruik van die gemeenskap is baie naby aan hoe God haar gemaak het.

Paulus sê: bly by hierdie beginsel wat onderdanigheid openbaar.  Al wat Paulus sê is dat ‘n vrou moet die plek van onderdanigheid inneem en selfs in die gemeenskap moet sy nie haar posisie verloor nie.  So hy sê: dra die bedekking, dit is nie teen God se beginsel nie.  Dit openbaar julle onderdanigheid. 

Nou vra ek:  Is die bedekking ‘n Bybelse instelling? Nee.  Maar Paulus sê: vir die vroue in die Korinthiese kerk, deur julle hoofde te bedek, openbaar julle jul onderdanigheid in die gemeenskap.  As jy dit nie doen nie, dan is jy in opstand, maw jy is ‘n feminis of mense sal dink jy is ‘n prostituut.

Is die sluier vandag ‘n simbool van onderdanigheid in die gemeenskap?  Nee.  Tye het verander, maar die beginsel van onderdanigheid het nie verander nie.  Maw as jy jouself uiterlik versier om die aandag op jou te vestig, dan is jy nie onderdanig nie.

Luister! ‘n Goeie vrou trek aandag na haar man toe.  Nie na haarself toe nie.

Tit 2

Tit 2:3 Die ou vroue moet ook in hulle gedrag wees soos dit die heiliges betaam, geen kwaadspreeksters of aan baie wyn verslaaf nie, maar leraresse van wat goed is,

Nou wat sê dit?  Wat moet die ou vroue wees?  Leraresse.  Hulle moet leraresse wees van wat goed is.  Wie moet hulle leer? 

Tit 2:4 sodat hulle die jong vroue kan leer om versigtig te wees, hulle mans en kinders lief te hê,

Hier is ‘n wonderlike patroon vir die lewe van ‘n vrou.  Die ou vroue moet die jong vroue leer.  Wat moet hulle hul leer?  “om versigtig te wees”, die KJV het dit reg vertaal.  Dit sê: “That they may teach the young women to be sober…”

Maw dit sê: Leer die jong vroue om groot te word, om hulle prioriteite te ken, om ernstig te wees, om die belangrike dinge wat saak maak in ag te neem.  Wat moet hulle doen?  Hulle mans en kinders liefhê.

Dan sê ons mos: Ef 5:22 sê “manne julle moet julle vroue liefhê”, en ons looi hulle.  Dan sê ons: as die vrou nie sy man liefhet nie, is dit omdat hy nie haar liefhet nie.  Ons sê dit is sy skuld.  In ‘n sekere mate dalk, maar die vrou het ook ‘n opdrag: hulle moet hulle mans en kinders liefhê.

Die vrou het net soveel verantwoordelikheid om haar man lief te hê as wat die man die vrou moet lief hê.  Dit geld altwee kante toe.  Hierdie liefde beteken dat sy haarself vir haar man en haar kinders sal gee.  Dit is ‘n opofferende liefde.

Tit 2:5 ingetoë te wees, kuis, huislik, goed, aan hul eie mans onderdanig, sodat die woord van God nie belaster word nie.

Waaroor gaan dit alles?  Dat God se woord verheerlik sal word.

2 Thes 3:1 Verder, broeders, bid vir ons dat die woord van die Here sy snelle loop mag hê en verheerlik word net soos by julle;

As ons nie leef volgens die woord nie, dan belaster ons die Woord.  Ons sê in der waarheid: Wat’s die verskil wat die Bybel sê?  Wat maak dit saak wat die Bybel sê?

Slot

Ek wil so laaste klip in die bos gooi, wat julle self kan gaan ondersoek.  Ek het my eie mening daaroor.

Tit 2:5 sê dat die jong vroue word geleer om ingetoë te wees, kuis (skoon en rein), en dan huislik…”

Kom ek lees vir julle die KJV:

Tit 2:5 To be discreet, chaste, keepers at home…

“Keepers at home”, is die Griekse woord, “oikourous”, wat letterlik beteken, iemand wat by die huis bly.

1 Tim 5:14 Ek wil dan hê dat die jong weduwees moet trou, kinders baar, hulle huise regeer en die teëparty geen aanleiding gee om kwaad te spreek nie.

KJV

1 Tim 5:14 I will therefore that the younger women marry, bear children, guide the house…

Younger women, nie jonger weduwees nie.  Ons afr vertaling is verkeerd.  “Guide the house” is die Griekse woord “oikodepotein” wat beteken om “huis te hou.”

Nou kom ons stop daar.

Gered of self-mislei

Matt 7:21 Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is.

22 Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie?

23 En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!

24 Elkeen dan wat na hierdie woorde van My luister en dit doen, hom sal Ek vergelyk met ‘n verstandige man wat sy huis op die rots gebou het.

25 En die reën het geval en die waterstrome het gekom en die winde het gewaai en teen daardie huis aangestorm, en dit het nie geval nie, want sy fondament was op die rots.

26 En elkeen wat na hierdie woorde van My luister en dit nie doen nie, sal vergelyk word met ‘n dwase man wat sy huis op die sand gebou het.

27 En die reën het geval en die waterstrome het gekom en die winde het gewaai en teen daardie huis aangestorm en dit het geval, en sy val was groot.

Ek het dit seker al baie gesê, maar ek wil dit weer beklemtoon: As daar een ding is waaroor die mens 100% seker moet wees, is dit sy saligheid.  Jy mag nie hier ‘n fout maak nie.  En ek dink die gedeelte wat ons gelees het is die mees tragiese gedeelte in die hele Bybel.  Die realiteit is dit dat daar mense is wat eendag voor die Here gaan staan, wat dink hulle sal in die hemel ingaan, maar die Here gaan vir hulle sê, gaan weg van My, Ek ken julle nie.

Dit is die ergste moontlike illusie wat enige persoon kan hê, om verkeerd te wees wanneer dit kom by sy ewige eindbestemming, om verkeerd te wees oor sy saligheid.  En dit is die tragedie, dat in die naam van christenskap daar baie plekke is wat hulleself kerke noem, maar hulle is nie kerke nie.  Dat daar baie leiers is wat hulleself pastore of predikante noem, maar hulle is nie.  Dat daar baie mense is wat hulleself Christene noem, maar hulle is nie.

As jy terug gaan na vers 13 en 14 dan lees ons van twee paaie.  Die smal weg wat lei na die lewe en die breë weg wat lei na die verderf.  Die nou poort is moeilik om te vind en moeilik om deur te gaan, want dit vereis dat jy jouself en jou eiegeregtigheid moet verloën.  Dit vereis dat jy jou sonde moet erken, jou bekeer en aan Christus onderwerp en Hom volg ten spyte van die koste.

Die ware weg is moeilik om te vind, want dit is teen die groot meerderheid.  Dit is ‘n smal weg.  Jy kom staan naak voor die Here.  Jy kom alleen en jy kom berouvol.  Aan die ander kant loop meeste godsdienstige mense op die breë weg en daar is baie valse profete wat hulle lei.  Ons lees daarvan in vers 15-20.

Hulle is valse profete, valse godsdienstige leiers, wat valslik Christus verteenwoordig, maar in werklikheid verteenwoordig die Satan.

2 Kor 11:14 En geen wonder nie! Want die Satan self verander hom in ‘n engel van die lig.

15 Dit is dus niks besonders wanneer sy dienaars hulle ook voordoen as dienaars van geregtigheid nie. Maar hulle einde sal wees volgens hulle werke.

Hulle doen hulleself voor as dienaars van geregtigheid.  Hulle lei mense en sê, hierdie weg sal jou na die hemel lei, maar in werklikheid lei hulle mense na die hel toe.  En dit is tragies.  Dit is verskriklik. 

Dit is reeds tragies dat Hindoes hel toe gaan of Boediste of Moslems.  Dit is ‘n tragedie vir enige mens om hel toe te gaan.  Maar wat dit baie erger maak en meer tragies maak is die feit dat die Judas sage homself oor en oor afspeel.  Wanneer mense rond hang om Jesus, maar steeds aan Satan behoort.  En daar is predikante wat in hierdie kategorie inpas, hulle is nie eens Christene nie.   En kerke is vol van mense, wat self-mislei is oor hulle ware geestelike kondisie.

Daarom is dit so belangrik dat ons sal luister na die Woorde van die Here.  En toe Jesus hierdie woorde sê, het Hy dit nie gesê vir ongodsdienstige mense nie.  Hy sê dit juis vir die mees godsdienstige mense.  So godsdienstig as wat jy kan kry.  Maar hulle het geen verhouding met Jesus Christus gehad nie.  Hulle is godsdienstig, maar verlore.  Hulle is op die verkeerde weg, die breë weg.

Paulus beskryf dit so,

2 Tim 3:5 mense wat ‘n gedaante van godsaligheid het, maar die krag daarvan verloën het. Keer jou ook van hierdie mense af.

Hulle het ‘n gedaante van godsaligheid.  Hulle is self-mislei.  En ons het dit vandag ook.  Dit is orals om ons.  Mense wat op een of ander wyse met Jesus verbind is, maar daar is nie goddelike lewe in hulle nie.  Die kerke is vol van siele wat op een of ander Jesus trip is en dink alles is ok!  Maar die woorde van Jesus in ons teksgedeelte beskryf hierdie misleiding baie goed.

Matt 7:22 Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie?

Let op!  Jesus sê, baie sal in daardie dag vir My sê.  Vers 13 sê, baie gaan deur die breë poort en gaan op die breë weg wat na die verderf lei.  Dit is dieselfde baie waarvan Jesus praat.  Dit is die godsdienstiges, maar verlorenes.

Dit is dieselfde baie wat dink dat hulle voor die poorte van die hemel gaan staan en toegelaat word om in te gaan, maar sal uitvind dat hulle eerder voor die poorte van dodedryk staan.  Wat ‘n skok gaan dit nie wees nie!  Hoe tragies moet dit nie wees nie, om te dink jy is oppad hemel toe, maar eintlik is jy oppad hel toe.

Hoe is dit moontlik dat ‘n mens so self-mislei kan wees?  Hoe is dit moontlik dat jy dit nie weet nie?  Ek dink daar is paar dinge wat daartoe kan bydra.  En ons gaan daarna kyk.

Eerstens begin dit by ‘n oppervlakkige begrip van die evangelie.  En ek dink dit is die grootste probleem in kerke vandag, mense wat nie werklik die evangelie verstaan nie.  Baie het ‘n oppervlakkige, emosionele en sielkundige benadering tot die evangelie dat die meeste mense wat hulleself Christene noem, nie eers ‘n sinvolle verduideliking kan gee van die leer van saligheid nie.

Nog minder word van hulle verwag wat die leer van saligheid is, want die leraars weet self nie.  Hulle verstaan nie wat reddende geloof is nie.  Hulle verstaan nie wat die verlossings evangelie is nie.

En ‘n mens sou dink dat iemand wat sy leeftyd spandeer om die evangelie aan mense te verduidelik, wat dit beteken om jou werklik te bekeer, en wat dit beteken om jou geloof in Jesus Christus te plaas, en wat dit beteken om geregverdig te word, dat so iemand ‘n held sou wees in die Christen kerk.  Dink weer!  

Dit is net mooi die teenoorgestelde.  Jy gaan op mense se tone trap.  Jy gaan hulle gevoelens seermaak.  Jy gaan hulle gemaksones van verdraagsaamheid binnedring.  Jy gaan verdeeldheid bring.  Maar is dit nie wat die waarheid nog altyd gedoen het nie?

Om die ware evangelie vandag te preek binne die Christen wêreld is om in groter oorlogvoering betrokke te raak as om die ware evangelie eenvoudig daar buite in die wêreld te preek.

So die eerste rede waarom mense so gerus kan word in misleiding is omdat hulle nie werklik verstaan waaroor die evangelie gaan nie.  Daar word net vir hulle geleer hoe om goed te voel in watter situasie hulle ook mag wees.

Die tweede ding wat ek dink kan bydra tot self-misleiding, is ‘n valse gevoel van sekerheid.  Dit is die idee dat as jy goed voel oor God, en as jy ‘n emosionele aangetrokkenheid tot God het, as jy in Jesus glo en jy aan Hom verbind wil wees, en jy met Hom geassosieer wil wees en deel wil wees van dit wat Hy doen, en in ‘n sekere sin wil jy hê dat Jesus saam met jou moet werk en jou moet maak wat jy wil wees, dan is jy in.

Mense sal vir jou sê, as jy hierdie gebed gebid het, dan is jy ‘n Christen.  En as jy dubbel sekerheid wil hê, dan moet jy vorentoe kom dat iemand vir jou bid.  In sekere gevalle, as jy wys jy is getrou en dat jy by alles in die gemeente betrokke is, sal dit vir jou sekerheid gee.

In meeste gevalle as jy goed voel oor Jesus en jy wil hê dat Hy jou lewe moet fix en jou lewe moet vat, dan is jy ok.  Solank as wat jy Jesus in jou lewe wil hê en jy sê jy glo in Hom.  Solank as wat jy tot Hom bid en Hom vra om jou lewe te fix, die regte dinge te sê, en die regte emosies te ervaar, dan is jy ok.

Vir sommige mense is God net daar om hulle te help om hulle drome en begeertes te vervul.  Hy is daar om jou te seën.  Dit laat mense voel hulle is reg met God, maar hulle is nie.  Dit dra by dat mense ‘n valse sekerheid het, maar in werklikheid is hulle verlore.

Die derde rede is ‘n versuim om by self-ondersoek uit te kom.  Wanneer iemand vir jou sê, “Ek is nie seker of ek ‘n Christen is nie,” hoe moet jy daarom reageer?  “Wel, as jy hierdie gebed gebid het of die uitnodiging aanvaar het of jy die Bybelstudies gedoen het, dan is jy ok.”  Is dit die regte anwoord? Nee!

Luister! As iemand nie seker is of hy ‘n Christen is nie, is daar dalk ‘n rede om te dink dat hy nie ‘n Christen is nie.  Dit is baie belangriker om iemand eerder aan te beveel om self-ondersoek te doen, as om sy twyfel te probeer laat verdwyn.  As jy in jou saligheid twyfel, is daar ‘n goeie rede.  Jou saligheid mag dalk nie eg wees nie of dit mag dalk. 

Jy het al die reg om te twyfel of jy oppad is hemel toe.  Jy het al die reg om te twyfel of jy ‘n gelowige is.  En totdat jy ‘n patroon sien in jou lewe en agter kom dat dit onnodig is om te twyfel, en dat jy toegee aan die versoeking om God nie te vertrou wat jou gered het nie.  Selfs dan kan ek nie verseker weet of jy gered is of nie en moet ek jou aanmoedig om self-ondersoek in te stel.  Daar is ‘n dalk ‘n rede hoekom die persoon twyfel.

En dit is nie populêre ding om te doen nie.  Mense sal sê jy trek ander se saligheid in twyfel.  Nee!  Ons moet net doen wat Jesus gedoen het in Matt 7, en Sy woorde duidelik oordra in ons tyd, dat daar baie mense onder self-misleiding is en dink hulle is gered, maar in werklikheid is hulle verlore.  Dit is nie ons boodskap nie, dit is God se boodskap. 

Ons is so bewus van mense se gevoelens.  Ons wil so graag hê hulle moet van ons hou.  Ons hou nie van enige konfrontasie nie.  En daarom is dit moeilik om vir mense te sê om eerder self-ondersoek in stel oor hulle geestelike lewe nie.  Ons wil nie graag hulle moet sleg voel nie.  Ons wil hê hulle moet goed voel en bly wees oor God se liefde.  Maar dit is nie wat God van ons verwag nie.

Paulus se woorde in 2 Kor 13:5 is op almal van ons van toepassing.  Hy sê dit vir ‘n gemeente waar hy self 2 jaar was.  Hy sê dit vir ‘n gemeente wat Christus bely.  Hy het hulle geleer.  Hulle ken hom.  Dan sê hy steeds,

2 Kor 13:5 Ondersoek julself of julle in die geloof is; stel julself op die proef. Of is julle nie seker van julself dat Jesus Christus in julle is nie—as julle ten minste nie verwerplik is nie!

Na soveel jare sê Paulus vir hulle, gaan terug na die basics.  Gaan doen self-ondersoek.  Maak seker julle geloof is eg.  In werklikheid moet dit die normale gang van die gemeente wees.

Het jy geweet dit is wat gebeur wanneer ons elke keer die nagmaal gebruik?

1 Kor 11:26 Want so dikwels as julle hierdie brood eet en hierdie beker drink, verkondig julle die dood van die Here totdat Hy kom.

27 Wie dan op onwaardige wyse hierdie brood eet of die beker van die Here drink, sal skuldig wees aan die liggaam en bloed van die Here.

28 Maar die mens moet homself beproef en só van die brood eet en uit die beker drink.

29 Want wie op onwaardige wyse eet en drink, eet en drink ‘n oordeel oor homself, terwyl hy die liggaam van die Here nie onderskei nie.

Wat beteken dit?  Dit beteken as jy ‘n valse Christen is en jy gebruik die nagmaal, word jy skuldig aan Sy dood.  Daarom moet jy jouself beproef.  Die nagmaalstafel is ‘n tafel van self-ondersoek.  As jy dit nie doen nie, of as jy nie gewillig is om jouself te ondersoek nie, is die moontlikheid daar dat jy in jou eie self-misleiding gerus het.

Die vierde rede wat lei tot self-misleiding is ‘n vaslegging van godsdienstige aktiwiteite.  Om deel te wees van ‘n kerk, om saam met ander mense te wees wat hulleself Christene noem, om Christelike boeke te lees, oor God te praat, geestelikheid te voel, deel te wees  van ‘n Christelike organisasie.  Dit bring sommige mense in hierdie misleiding dat hulle gered is.

Jy is nie ‘n Christen omdat jy in die kerk gebore is nie.  Dit sou beteken dat as jy in ‘n garage gebore is, is jy ‘n kar.  Soveel mense is betrokke by Christelike aktiwiteite.  En dan het hulle ‘n klomp godsdienstige aktiwiteite en dit skep by mense ‘n gevoel van sekerheid.  Deelname aan godsdienstige aktiwiteite, maak nie van jou ‘n Christen nie.  Lidmaatskap van ‘n kerk is nie jou toegang kaartjie na die hemel toe nie.

Ongelukkig skep sisteme en godsdienstige aktiwiteite by mense ‘n valse sekerheid van saligheid.

So ons praat nie van mense wat buite die kerk is nie.  Ons praat van mense wat binne die kerk is en glo hulle is gered, maar in werklikheid is hulle mislei.  Hulle is deel van die kerk lewe.  Hulle weet so effe iets van die Bybel af.  Hulle ken ‘n paar Bybel stories.  Hulle ken so bietjie teologie, net genoeg om gevaarlik te wees.

Hulle het gedaante van godsaligheid.  Hulle dink nie dieper oor geestelike waarhede nie.  Hulle is onkundig en nie bewus dat hulle mislei is of ander mislei nie.  En dit is verskriklik.

Maar hoe help jy iemand wat mislei is?  Hoe kry jy hulle om te sien dat hulle mislei is?  Hoe kan iemand wat mislei is, sien dat hy mislei is?  Hoe weet ons of iemand mislei is?  Waarvoor moet ons uitkyk?  Hier is ‘n paar voorstelle.

Eerstens, kyk vir mense wat gevoel godsdiens soek.  Hulle soek gewoonlik ervarings of blessings of genesing.  Hulle soek uiterlike tekens.  Hulle stel gewoonlik belang in die byproduk van geloof en nie in Christus self nie. 

Dit gaan nie vir hulle oor die heerlikheid en die wonder en skoonheid en grootheid van Christus nie.  Dit gaan nie vir hulle daaroor om Hom te eer en te dien, om aan Hom te gehoorsaam te wees en aan Hom te onderwerp nie.  Dit nie gaan nie om Hom te bely en te aanbid nie.  Hulle soek die byprodukte wat saam Christus kom.

Gee my ‘n blessing.  Gee my ‘n geestelike ervaring.  Ek wil op ‘n geestelike high gaan.  Ek wil goed voel.  Gee my gesondheid en voorspoed.  Hulle soek al die byprodukte van God en nie God self nie.  Die byprodukte van Christus en nie Christus self nie.

Dit gaan nie vir hulle om Christus te verkry al is jy siek of gesond nie.  Dit gaan nie om Christus te verkry al is jy ryk of arm nie.  Dit gaan nie vir hulle om Christus te kry wat in jou plek vir jou sonde gesterf het en wat die Here van jou lewe wil wees nie.  Dit is nie waaroor dit vir hulle gaan nie.

Dit is ook nie die boodskappe wat ons vandag hoor van preekstoele af nie.  Inteendeel as jy dit gaan preek gaan jou opkomste vinnig begin afneem.  Mense wil dit nie hoor nie.

John Piper het gesê, “The gospel does not offer to the sinner what the sinner wants naturally.”  Wat soek die sondaar?  Hy wil goed voel, hy wil gesond wees, gelukkig wees, ryk wees, geld hê, suksesvol wees.  Dit is wat die natuurlike mens soek.

Die evangelie belowe egter nie aan die sondaar alles wat hy reeds soek nie.  Dit belowe aan die sondaar wat hy nie wil hê nie.  Dinge soos geregtigheid, heiligheid, vergifnis, die hemel, Christus.  Die gesindheid van die wêreld teenoor Christus is, hulle haat Hom.  Dit is waarom Christene vervolg word.

Joh 15:18 As die wêreld julle haat, moet julle weet dat hy My voor julle gehaat het.

Die wêreld haat Christus, daarom haat hulle die volgelinge van Christus.  ‘n Nie-gelowige hou nie daarvan wanneer die evangelie hom as ‘n sondaar defineer en vir hom sê dat hy oppad is hel toe nie.  Dat hy ‘n behoefte het na verlossing en dat dit alleen kom as hy homself verloën en Christus omhels nie.  Die wêreld hou nie daarvan nie.

Dit is hoe jy weet mense is mislei, wanneer hulle net die byprodukte soek van Christus en nie Christus self nie.

Tweedens, kyk vir mense wat meer toegewyd is aan ‘n kerk as aan die Woord van God.  Hulle is commited aan hulle kerk, denominasie of geestelike beweging of groep.  Dit is soos ‘n goddelike sosiale klub.  En hulle is daaraan commited en nie aan die Woord van God nie.

Ek vra die vraag: Hoe kan jy aan God toegewyd wees en nie aan Sy Woord nie?  Hoe kan jy aan God toegewyd wees en nie luister na wat Hy sê en doen wat Hy sê nie?  God sê, bekeer jou en bely jou sonde.  Omhels Christus, die Seun van die Lewende God, want Hy is die enigste hoop vir jou saligheid.  Dit is wat God sê.  As jy nie daarmee saamstem nie, is jy teen God en nie vir Hom nie.

God sê verloën jouself, neem jou kruis op en volg Hom.  God sê ook, jy moet jou vader en moeder en sister en broeder haat en ook jou eie lewe.  Dit beteken jy moet alles waarvoor jy lief is haat.  Hy wil die middelpunt van jou lewe wees.

Kyk vir mense wat meer toegewyd is aan ‘n godsdienstige organisasie, plek of groep eerder as om toegewyd te wees aan die Woord van God.

Hier doen ons elke week dieselfde ding.  Ons het nie verskeidenheid hier nie.  Maar dit is ook nie wat ons hier soek nie.  Ons is nie hier om mense te vermaak nie.  Ons is hier omdat ons lief is vir God se Woord.  Ons is hier omdat ons die Woord wil hoor en ons wil leer en groei.  Die Woord van God is ons geestelike kos.  Dit is waarvan ons leef.