Waarvan is ons verlos?

1 Pet 1:18 omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie,

19 maar deur die kosbare bloed van Christus, soos van ‘n lam sonder gebrek en vlekkeloos,

20 wat wel vooruit geken is voor die grondlegging van die wêreld, maar in hierdie laaste tye geopenbaar is om julle ontwil,

21 julle wat deur Hom glo in God wat Hom uit die dode opgewek en Hom heerlikheid gegee het, sodat julle geloof en hoop op God kan wees.

Die sleutelwoord van hierdie gedeelte is natuurlik die woord “losgekoop”.  God het ons terug gekoop van slawerny, en dit het Hom ‘n duur prys gekos.  Die duurste prys wat ooit betaal kon word.  Petrus sê ons is losgekoop deur die kosbare bloed van Christus. 

En ons het vorige keer gesien dat Petrus hier die Joodse pasga in gedagte gehad het.  Die lam sonder gebrek wat geslag is en die bloed aan die deurposte wat die eersgeborenes verlos het van die dood.  Jesus Christus is die volmaakte Lam wat ‘n losprys was vir ons om ons terug te koop van die slawerny van sonde.

Ons het dan laas week gesê daar is vier vrae wat ons moet antwoord as ons God se verlossing wil verstaan:  Eerstens was, waarvan is ons verlos, tweedens, waarmee is ons verlos?  Derdens, deur wie is ons verlos?  En vierdens, waarom is ons verlos?

Ons het dan laas week begin deur te vra, waarvan is ons verlos.  En ons het gesien dat ons verlos is van die slawerny van sonde.  En ons het meer spesifieks in Petrus gesien dat ons losgekoop is van begeerlikheid, in engels, imaginations.  Dit is waar sonde begin.  In die verbeelding.

Deel van die slawerny van sonde is die begeerlikheid van ‘n hart wat boos is.  En hoe jou gedagtes oorgegee kan wees aan begeerlikheid, aan verbeelding wat onder slawerny is.  En die mens kan homself nie hiervan red van die begeerlikheid van die vlees en die begeerlikheid van die oë nie.  Dit domineer die gevalle sondaar se lewe.  Kyk gou weer na v14,

1 Pet 1:14 Soos gehoorsame kinders moet julle nie jul lewe inrig volgens die begeerlikhede wat tevore in julle onwetendheid bestaan het nie.

KJV

1 Pet 1:14 As obedient children, not fashioning yourselves according to the former lusts in your ignorance.

En hier is ‘n tweede woord wat slawerny uitbeeld van mense wat nie gered is nie.  Hulle is nie net gebind deur hulle begeerlikheid nie, maar hulle is ook gebind deur hul onwetendheid.  Dit is ook ‘n kenmerk van ‘n sondaar.  Hulle is “ignorant”.  Dit kan ook vertaal word met onkundig.  Sondaars is onkundig.  Hulle is slawe van onkunde.

Van watter onkunde praat ons hier?

Joh 17:25 Regverdige Vader, al het die wêreld U nie geken nie, tog het Ek U geken, en hulle hier het erken dat U My gestuur het.

Sondaars is slawe van onkunde, en dit beteken dat hulle God nie ken nie.  Hulle is onkundig oor God.  Dit is waarom Jesus in Joh 8 sê, julle ken My nie, julle verstaan nie wat Ek sê nie, want julle vader is die duiwel.

Joh 8:42 En Jesus sê vir hulle: As God julle Vader was, sou julle My liefhê, want Ek het uit God uitgegaan en gekom; want Ek het ook nie uit Myself gekom nie, maar Hy het My gestuur.

43 Waarom ken julle my spraak nie? Omdat julle na my woord nie kan luister nie.

44 Julle het die duiwel as vader, en die begeertes van julle vader wil julle doen...

Julle glo My nie want julle is nie van God nie.  Hy wat van God is hoor die Woord van God.  Hy ken God se stem.  Maar die wat in onwetendheid wandel, die wat onkundig is, ken God nie, en luister nie na Hom nie.

Rom 1:28 En omdat hulle dit nie die moeite werd geag het om God in erkentenis te hou nie, het God hulle oorgegee aan ‘n slegte gesindheid, om te doen wat nie betaam nie:

Hulle neem God nie in ag nie, want hulle ken Hom nie.  Hulle ken nie Sy Woord nie.  Hulle erken nie eers Sy bestaan nie.

1 Kor 2:14 Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word.

Hy kan dit nie verstaan nie, want hy kan nie die geestelike dimensie verstaan nie.  Hy is in onkunde.  Onkundig oor God.  Onkundig oor die Woord.  Onkundig oor geestelike waarhede.

Gal 4:8 Maar destyds, toe julle God nie geken het nie, het julle dié gedien wat van nature geen gode is nie.

9 maar nou dat julle God ken, of liewer deur God geken is, hoe keer julle weer terug tot die swakke en armoedige eerste beginsels wat julle weer van voor af aan wil dien?

Ef 4:17 Dit sê en betuig ek dan in die Here, dat julle nie meer moet wandel soos die ander heidene ook wandel in die verdwaasdheid van hulle gemoed nie—

18 mense wat verduisterd is in die verstand en vervreemd van die lewe van God deur die onkunde wat in hulle is vanweë die verharding van hulle hart;

Paulus sê in hoofstuk 2 julle was dood deur die misdade en die sondes.  Maw julle was geestelik dood en ‘n dooie mens kan nie reageer nie, want hy kan nie verstaan nie, hy kan nie die geestelike dinge begryp nie.

Dan kry ons die wonderlike getuienis van Timotheus wat sê,

1 Tim 1:13 my wat vroeër ‘n lasteraar en ‘n vervolger en ‘n geweldenaar was. Maar aan my is barmhartigheid bewys, omdat ek dit onwetend gedoen het in ongeloof.

Dit wat hy onwetend gedoen het in ongeloof.  Hy was ‘n slaaf van onkunde.  Dit is hoe sondaars is.  Hulle is onkundig oor God en word gedryf deur hul begeerlikheid.  Hulle verstand is verduister en die geestelike dimensie is totaal en al vir hulle afgeskakel.  Hulle kan nie die dinge van God onderskei nie.  Hulle ken God nie.  Hulle het totaal ontaard.

Rom 3:12 Hulle het almal afgewyk, saam het hulle ontaard. Daar is niemand wat goed doen nie, daar is selfs nie een nie.

En die sondaar kan nie daarvan ontvlug nie.  Hy is ‘n slaaf.  Hy is geestelik dood en kan nie die waarheid begryp nie.  Hulle word gedryf deur begeerlikheid.

Dan is daar nog twee dinge wat Petrus noem, waarvan ons vrygemaak is.

1 Pet 1:18 omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie,

“julle ydele lewenswandel”.  Dit beteken jou hele lewe is nutteloos.  Alles is tevergeefs.  Jou lewe het geen waarde nie.  Is dit waar dat elke ongeredde persoon se lewe absoluut nutteloos is?  Verseker!  Hoekom?  Want daar is net een rede om te lewe en dit is om te lewe tot eer van God.  Sonder dit, beteken jou hele lewe niks.  Sonder Christus is jou lewe nutteloos.

Wat dan van al die dinge wat jy in hierdie lewe bereik het?  Wel die Bybel sê,

Matt 16:26 Want wat baat dit ‘n mens as hy die hele wêreld win, maar aan sy siel skade ly? Of wat sal ‘n mens gee as losprys vir sy siel?

Dit is alles sinneloos.

Rom 6:20 Want toe julle diensknegte was van die sonde, was julle vry van die geregtigheid.

21 Watter vrug dan het julle toe gehad van die dinge waaroor julle jul nou skaam? Want die uiteinde daarvan is die dood.

So wat goeds was daarin gewees?  Om ‘n lewe te hê as ‘n slaaf van sonde?  Dit is useless.  Daar is geen sin daarin nie.  En dit is hoe dit is met die hele gevalle wêreld.  Die hele wêreld is useless en beteken niks sonder God nie.

1 Kor 3:20 ...Die Here ken die gedagtes van die wyse mense, dat dit nietig is.

Die wysheid van mense het geen waarde wanneer dit kom by jou redding nie.  Dit is nietig en gaan jou niks help wanneer jy eendag voor God staan nie.  Dit het geen waarde nie.

Ef 4:17 Dit sê en betuig ek dan in die Here, dat julle nie meer moet wandel soos die ander heidene ook wandel in die verdwaasdheid van hulle gemoed nie—

Heidene wat wandel in die verdwaasdheid van hulle gemoed.  Die KJV sê, “in the vanity of their mind.”  En dit is die gedagte wanneer dit kom by onkundigheid.  Dit is die kenmerk van sondaars.  Dit is waarvan God ons losgekoop het.  From the vanity of our minds.  Van die verdwaasdheid van ons verstand.

So waaraan word sondaars gekenmerk?  Hulle word gekenmerk aan begeerlikheid en onkunde.  Ons teksgedeelte sê,

1 Pet 1:18 omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie,

Dan is daar nog ‘n derde kenmerk waarvan ons losgekoop is in hierdie gedeelte en dit is TRADISIE.  Mense is slawe van tradisie.  Tradisie is iets wat deur die vaders oorgelewer is.  En julle weet wat dit beteken wanneer mense in godsdiestige tradisies vasgevang is.

In ‘n sekere sin is daar ook ‘n tradisie van ateïsme.  Maar Petrus verwys seker hier na sy eie kultuur, die Joodse tradisie, maar dit is meer as net dit.  Die Jode van sy eie tyd het ‘n godsdiens van Judaïsme van hulle vaders ontvang wat aan hulle oorgelewer is.  Maar Judaïsme was afvallig.

Die fariseërs was korrup en baie het hulle gevolg.  Matt 16:9 sê dat die mense het leeringe geleer van mense.  Hoeveel keer het Jesus nie in die bergpredikasie gesê, julle het gehoor dit sê so, maar Ek sê vir julle...

So Jesus het teen die Joodse tradisies gepraat, want hulle was vasgevang in hierdie tradisie.  Matt 23:4 sê hulle bind pakke saam wat swaar en moeilik is om te dra en sit dit op die mense skouers, maar hulle self doen dit nie.

En solank as wat mense vasgevang is in tradisie en godsdiens sal hulle nie die evangelie van genade kan aanvaar nie.  Hulle is vasgevang in hierdie godsdienstige werke en hulle dink dat hulle daardeur gered gaan word, maar dit is juis dit waarvan hulle gered moet word.

Die sondaar mens word gedryf deur begeerlikheid, julle ydele sinnelose lewe, onkunde en tradisies.  En hierdie bindinge kan net God breek.  Net Hy kan mense daarvan bevry.  Net Hy kan die mens loskoop en verlos daarvan.  Die mens het totaal ontaard en kan homself nie red nie.

Ralph Venning skryf in 1669 ‘n boek met die naam van “The sinfulness of sin” en hy skryf die volgende:  “It is not any one faculty only that sin has defiled, but, like a strong poison, it soaks and eats through them all...”

So die mens in sy verlore toestand is in duisternis, daarom tas hy net rond in die donker en verstaan nie.  Hy wandel in all vorme van boosheid, weet nie waarheen hy oppad is nie, struikel en weet nie hoe om op te staan nie, weet nie hoe om sy gedagtes en woorde en aksies te beheer nie.  Soveel word dan ook blindelings verlei deur die valse godsdieste.

My liewe vriend.  Dit is waarvan God ons losgekoop het.  Dit is waarvan Hy ons verlos het.  Is jy nie dankbaar daarvoor nie?  En dit moet jou motiveer en inspireer om volkome te hoop op die genade wat jou deel sa wees by die wederkoms.  Dit moet jou motiveer en inspireer om heilig te leef en dit moet jou motiveer en inspireer om God te vrees.

Kom ons kyk dan ook na die tweede vraag: Waarmee is ons verlos?

Eerstens sê Petrus, ons is nie verlos deur verganklike dinge, silwer of goud nie.  Nou hoekom sal Petrus spesifieks na silwer en goud verwys?  Kom ek vat julle gou terug na Eks 30.  Petrus het definitief hierdie in gedagte gehad.  God gee aan Moses instruksies dan sê Hy in vers 12,

Eks 30:12 As jy die volle getal van die kinders van Israel opneem volgens hulle geteldes, moet hulle, elkeen vir sy lewe, losgeld aan die HERE gee as hulle getel word, sodat geen plaag onder hulle mag wees as hulle getel word nie.

Dit is baie interresant.  Daar gaan ‘n sensus opname wees en elkeen wat getel word moet geld gee anders kom daar ‘n plaag op hulle.

Eks 30:13 Dit moet hulle gee, elkeen wat na die geteldes oorgaan: ‘n halfsikkel volgens die sikkel van die heiligdom—die sikkel is twintig gera—’n halfsikkel as offergawe aan die HERE.

Daar was nie coins in daardie tyd nie.  Hulle het stukke goud of silwer gegee. 

Eks 30:14 Elkeen wat oorgaan na die geteldes, van twintig jaar oud en daarbo, moet die offergawe van die HERE gee.

15 Die ryke moet nie meer en die arme moet nie minder as ‘n halfsikkel bring nie, as hulle die offergawe van die HERE gee om vir julle siele versoening te doen.

Dit is baie interesant.  Hoekom moet hulle geld gee?  Om te verhoed dat ‘n plaag oor hulle kom.  En hoekom sou God ‘n plaag stuur omdat hulle sensus opneem?  Die rede waarom hulle ‘n sensus opname gevat het van Israel was juis omdat hulle God nie vertrou het nie.  God het nie gesê hulle moet mense tel nie, maar as hulle mense tel, moet hulle geld betaal anders kom daar ‘n plaag oor hulle.

Julle sal onthou toe Dawid in die moeilikheid gekom het om dat hy die mense getel het.  Hy het dit gedoen om te sien of hy sterk genoeg was teen sy vyande eerder as om God te vertou.  Dit is waarskynlik wat ook hier in Eks 30 gebeur het.  Hulle het die mense getel om te sien hoe sterk hulle weermag is.

Dit was vanweë hulle ongeloof dat hulle mense getel het.  En daarom die vloek van die plaag as daar nie losgeld betaal is nie. 

Petrus het sekerlik dit in gedagte gehad.  Julle is nie losgekoop deur verganklike silwer of goud nie.  Dit sal nie julle ewige siele kan red nie.

Psa 49:7 Niemand kan ooit ‘n broer loskoop nie; hy kan aan God sy losprys nie gee nie

8 (want die losprys van hulle lewe is te kosbaar en vir ewig ontoereikend),

Geen mens kan daardie prys betaal nie.  Al die goud en silwer is nie genoeg nie.  ‘n Halfsikkel kon jou loskoop van ‘n plaag by die sensus, maar dit sal nie jou siel kan verlos van die slawerny van sonde nie.

Jes 52:3 Want so sê die HERE: Vir niks is julle verkoop, julle sal ook sonder geld gelos word.

Julle sal sonder geld losgekoop word.  Dit is ‘n ongelooflike profesie.  Nie deur verganklike dinge nie.  Nie deur silwer of goud nie.  Waarmee is ons verlos?

1 Pet 1:19 maar deur die kosbare bloed van Christus, soos van ‘n lam sonder gebrek en vlekkeloos,

Wat beteken dit wanneer die Bybel praat van die bloed van Christus?  Dit beteken deur die dood van Christus.  Bloed spreek hier van die dood.  Onthou die bloed van ‘n lammetjie wat gevloei het en aan die deurposte gesmeer is.  Die lam het gesterf.  Jesus het gesterf. 

Dit is ook nie net deur die bloed nie, maar deur die kosbare bloed van Christus.  Hoekom?  Want hierdie lam was sonder gebrek en vlekkeloos.  Dit was nie net enige lam nie.  Dit was ‘n volmaakte Lam, daarom was dit kosbare bloed.

Dit was ook nie net die bloed van enige lam nie, maar die bloed van die Lam van God.  Die prys waarmee God ons losgekoop het van al hierdie dinge wat ons reeds genoem het, was die kosbare bloed van Christus.  Die dood van Sy Seun. 

Die bloed spreek van dood.  Dit was nie die fisiese bloed wat magiese krag het nie.  Dit praat eenvoudig van die dood van Jesus Christus.

Waarvan is ons verlos? Van sonde.  Waarmee is ons verlos? Deur die kosbare bloed van Christus.

Die derde vraag is: Deur wie is ons verlos?  Wie het hierdie kosbare bloed gegee?  Christus.  Hy het Sy bloed gestort vir ons.  Hy het gesterf aan die kruis.  Want Hy is die volmaakte Lam.  Sonder gebrek en vlekkeloos.

Volgende week sal ons dan kyk: waaroom is ons verlos?

Ons is losgekoop

1 Pet 1:18 omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie,

19 maar deur die kosbare bloed van Christus, soos van ‘n lam sonder gebrek en vlekkeloos,

Eendag was daar ‘n jongseun en hy het ‘n bootjie gemaak.  Hy het ‘n stuk hou gevat en die bootjie daaruit gekerf.  Hy het vir dit ‘n seil opgesit en dit mooi geverf.  Met trots het hy die bootjie na ‘n rivier toe gevat en daar met dit gespeel.  Skielik het daar ‘n sterk wind opgekom en die bootjie weg geblaas.  Die jongseun was baie hartseer oor sy bootjie wat weg is.

‘n Paar dae later loop hy in die straat af verby die speelgoed winkel en met groot verbasing sien hy sy bootjie in die venster op ‘n rak.  Hy storm by die winkel in en vertel vir die eienaar dat dit sy bootjie is wat hy gemaak het en verloor het by die rivier.  Die eienaar wou hom nie glo nie en sê dat hy kan die bootjie koop vir die volle prys.

Die jongseun gaan toe huis toe en kry al sy spaargeld wat hy het, alles wat het en gaan koop sy eie bootjie terug by die speelgoed winkel.  Dit is net soos God.  Hy het ons nie net gemaak nie, maar Hy het ook die volle prys betaal om ons te koop. 

En dit is wat Petrus in hierdie gedeelte sê.  God het ons nie net gemaak nie, maar Hy het ons ook gekoop.  Hy het ons verlos.  V18 sê Hy het ons losgekoop.  Die KJV sê “redeem”.  En elke keer wanneer jy sê, ek is gered, sê jy ook, ek is losgekoop, ek is verlos.  Wanneer jy Jesus jou Saligmaker noem, dan noem jy Hom ook Verlosser.

‘n Bekende prediker, Thomas Watson het gesê, “Great was the work of creation but greater the work of redemption. It costs more to redeem us than to make us. In the one there was but the speaking of the Word, in the other there was the shedding of blood. The creation was but the work of God's fingers, Psalm 8:3. Redemption is the work of His arm, Luke 1:51,"

God se skeppingswerk is groot en wonderlik, maar sy verlossingswerk is nog groter.

Matt 20:28 net soos die Seun van die mens nie gekom het om gedien te word nie, maar om te dien en sy lewe te gee as ‘n losprys vir baie.

Die prys waarmee God ons losgekoop het, waarmee Hy jou verlos het, was Sy Seun Jesus Christus.  Dit het Sy Seun gekos om ons te verlos van die hopelose toestand waarin ons was.  Terwyl saligheid dan ‘n algemene term is, is verlossing ‘n spesifieke term oor hoe God ons weer Sy eie gemaak het.  Hy het ons terug gekoop om weer Syne te wees.

Ons teksgedeelte is ‘n tipe van dit wat ons in die Ou Testament sien.  Ons sien byvoorbeeld in Eks 12 ‘n skadubeeld van wat Petrus graag wil sê,

Israel was gevangeniskap in Egipte.  Moses en Aaron was die leiers en dit is nie lank voordat hulle die Israeliete uit Egipte gaan lei nie.  Hulle moet vir almal sê om ‘n lam te neem wat sonder gebrek is op die tiende dag van die maand.  En dan op die 14de dag teen die aand moet almal dit slag.  Let op!  Vir ‘n paar dae moes die lam in die huis geneem word soos ‘n troeteldier en daarna doodgemaak word.

Daarna moes hulle die bloed vat en aan die deurposte smeer van die huise waarin hulle dit eet.  Eks 12:11 sê dan dat hulle dit moet eet met hulle heupe omgord, hulle skoene aan hulle voete, en ‘n staf in die hand.  Hulle moet dit ook baie haastig eet.

En julle weet wat gebeur.  God het deur Egipteland getrek en al die eersgeborenes getref, mense en diere, maar die huise waarop die bloed gesmeer was, was gespaar.  Die Here het daar verby gegaan.  Dit is waar “Passover” vandaan kom.  The Lord passed over the houses with blood on the doorposts.

En dit is ‘n skadubeeld van wat Petrus hier beskryf.  En net om dit aan te vul, onthou julle nog vir Josef.  Hy was deur sy eie broers as slaaf verkoop.  Hy was as slaaf na Egipte geneem en was gevange daar gewees, maar omdat hy ‘n bonatuurlike vermoë gehad het om drome te kan uitlê, het Farao hom oor die hele Egipteland aangestel.

En toe daar hongersnood in die land was het Josef se pa, Jakob en sy familie na Egipte toe getrek.  En met God se voorsiening, was Josef se broers wat hom in slawerny verkoop het, van sy goedheid afhanklik.  Hulle het na Egipte toe gekom en het daar vermenigvuldig.  Eks 1:7 sê die kinders van Israel was vrugbaar en het vermeerder en hulle het buitengewoon magtig geword.

Daar het toe ‘n nuwe koning gekom wat nie van Josef geweet het nie en hy het nie gehou van wat gebeur met die Israeliete nie.  Hy was bang hulle word ‘n bedreiging en besluit toe om van hulle slawe te maak.

So die Here het toe Farao en Egipte met plae getref, maar hy wou nie die Israeliete laat gaan nie.  Die 10de en laaste plaag het God ‘n doodsengel gestuur om deur Egipteland te trek en al die eersteborenes dood te maak.  Daarna het meer as 2 miljoen Jode Egipte verlaat.  70 Jode het daar aangekom in Egipte en nou verlaat meer as 2 miljoen Jode.

Hier is die punt.  Die lam se lewe was die prys wat betaal moes word vir die lewe van die eersgeborenes.  Die lam het in die plek van die eersgeborenes gesterf.  Die lam was die plaasvervanger.  Dit is wat God vereis het om hulle te verlos.

En kan jy jouself net indink oor die voorbereiding hiervan.  Elke familie moes ‘n lam gaan soek wat geen gebrek gehad het nie.  En dan moes hulle alles reg doen en die bloed op die deurposte gesmeer het. 

En toe die aand aanbreek, was hulle sekerlik angstig gewees.  Om die tafel, hulle heupe omgord, hulle skoene aan, hulle staf in hulle hand.  Hulle was gereed om te trek en hulle het vinnig alles geëet.

Eks 12:33 En die Egiptenaars het by die volk sterk aangehou—om hulle gou uit die land uit te stuur. Want hulle het gesê: Ons is almal dood!

En dit was die simbool van hulle verlossing deur die dood.  Dit was die plaasvervangende dood.  En God het vir Israel gesê dat hulle moet die pasga vier om hierdie dag te onthou om hulle te herinner aan hierdie groot verlossing wat gekom het deur die bloed van die lam.

En dit is sekerlik wat Petrus is gedagte gehad het toe hy gesê het,

1 Pet 1:18 omdat julle weet dat julle nie deur verganklike dinge, silwer of goud, losgekoop is uit julle ydele lewenswandel wat deur die vaders oorgelewer is nie,

19 maar deur die kosbare bloed van Christus, soos van ‘n lam sonder gebrek en vlekkeloos,

Vandag vier die Jode nogsteeds die Pasga as die grootste wonderdaad van God in Israel se geskiedenis.  In Eks 15 wanneer Moses en die seuns van Israel sing en God prys, dan sing hulle,

Eks 15:13 U het deur u guns die volk gelei wat U verlos het; U het hulle deur u krag na u heilige woning gevoer.

So die uittog uit Egipte het gegaan oor verlossing.  Hulle was verlos.  Hulle was losgekoop en die prys van die dood van ‘n lam.

Psa 78:35 en hulle het daaraan gedink dat God hul rots was en God, die Allerhoogste, hul verlosser.

God is hulle verlosser.  Maar so groot soos wat hierdie verlossing vir hulle was, kan dit nie vergelyk met die verlossing waarvan Petrus skryf nie.  Hier is die grootste verlossing.  Daarom vier ons nie meer die pasga nie, maar ons vier die nagmaal wat groter is.  Ons word herinner wanneer ons die nagmaal gebruik van die grootste verlossing.

Ons het dan gesien in vers 13 oor ons reaksie op hierdie groot verlossing.  En ons het gesien dat dit vereis van ons, ons verpligting teenoor God, teenoor ander en teenoor onsself.  Ons verpligting teenoor God, in reaksie op hierdie groot verlossing, is om volkome te hoop op die genade, om heilig te lewe en om God te vrees.

Die vrees van die Here is die begin van wysheid (Spr 9:10).  Deur die vrees van die Here wyk ‘n mens af van die kwaad (Spr 16:6).  ‘n Gesonde vrees wat God eer as ‘n heilige God.

So in v18 en 19 gee Petrus net nog motivering waarom ons volkome moet hoop, heilig moet leef en God moet vrees.

Die term wat hy gebruik, “losgekoop/redemption” beteken om ‘n losprys te betaal om iemand te vry te laat.  Hier is dan net nog ‘n rede waarom jy volkome moet hoop, heilig moet leef en God moet vrees, want God het jou losgekoop.  Hy het vir jou ‘n losprys betaal om jou vry te maak.

En hier is vier vrae wat ons moet antwoord.  En dit sal vir ons ‘n goeie gesonde leer gee oor verlossing.  Eerstens, waarvan is ons verlos? Tweedens, waarmee is ons verlos?  Derdens, deur wie is ons verlos?  En vierdens, waarom is ons verlos?

Waarvan is ons verlos? 

Die waarskynlike antwoord is...sonde.  En ja, die skrif ondersteun dit, dat die mens onder die slawerny van sonde was.

Rom 6:6 aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie.

V17 sê ons was slawe van sonde en v18 sê ons is vrygemaak van sonde en het dienaars geword van geregtigheid.  Ja, so ons is verlos van sonde.  Maar ons sien ook byvoorbeeld in Gal 3:13 dat God ons losgekoop het van die vloek van die wet.

Wat beteken dit?  Die vloek van die wet is die straf van sonde.  Die siel wat sondig moet sterwe.  Die wet sê dat die loon van sonde is die dood, die ewige dood.  So ons was verlos van sonde en ook van die vloek van die wet, die loon van sonde, die straf van sonde, die ewige dood.

Ef 1:7 In Hom het ons die verlossing deur sy bloed, die vergifnis van die misdade na die rykdom van sy genade.

Ons is verlos van die misdade, van sonde.  En ook in Kol 1:14 “die verlossing deur sy bloed, naamlik die vergifnis van sonde.”  So ons verlossing het te doen met sonde.  En dan hierdie ongelooflike teks,

Tit 2:14 wat Homself vir ons gegee het om ons te verlos van alle ongeregtigheid en vir Homself ‘n volk as sy eiendom te reinig, ywerig in goeie werke.

So dit het te doen met sonde.  Ons is verlos van sonde, van ongeregtigheid, van misdade.  Dit is die algemene gedagte.  Maar kom ons gaan terug na ons teksgedeelte en sien waarna dit spesifieks verwys.  Die eerste is in v14.

1 Pet 1:14 Soos gehoorsame kinders moet julle nie jul lewe inrig volgens die begeerlikhede wat tevore in julle onwetendheid bestaan het nie.

So een kenmerk van sonde is begeerlikheid.  Sondaars word beheer deur begeerlikheid.  ‘n Begeerte na dit wat boos is.  Hierdie kenmerk word dan ook verder beskryf in 1 Thes 4:5 wat sê dit is hoe die heidene is wat God nie ken nie.  So sondaars word gedryf deur hulle harstogtelike begeerstes.

Jak 1:14 Maar elkeen word versoek as hy deur sy eie begeerlikheid weggesleep en verlok word.

15 Daarna, as die begeerlikheid ontvang het, baar dit sonde; en as die sonde tot volle ontwikkeling gekom het, bring dit die dood voort.

Begeerlikheid begin in jou gedagtes.  Jeremia 3:17, 7:24 in die KJV noem dit, “the imagination of their evil heart.”  Die Afr praat van die verharding van die hart, maar die letterlike vertaling sou wees, die verbeeldings van jou bose hart.

En dit is hoe sonde werk.  Sonde begin in die verbeelding van jou hart.  In jou gedagtes. 

Kom ek gee ‘n voorbeeld:  Ek word versoek om iets verkeerd te doen.  Die versoeking kom na my toe.  En as ek dit nie hanteer nie, kom dit in my gedagtes.  Ek dink daaraan en koester die gedagte.  Ek oorweeg om dit te doen.  En wanneer ek daaroor dink, dan verander my gedagtes in verbeeldings. 

En nie lank nie word hierdie verbeeldings impulse wat my gedrag bepaal.  En hoe langer jy daaroor dink hoe meer voed jy dit.  En dit sal soos Jakobus sê jou wegsleep en verlok en op die ou einde baar dit sonde.  Sonde werk in jou verbeeldings.  En ‘n sondaar se verbeeldings word beheer deur sonde.

Kyk wat sê die volgende vers,

Luk 1:51 Hy het deur sy arm kragtige dade gedoen. Hoogmoediges in die gedagtes van hulle hart het Hy verstrooi.

KJV sê, “he hath scattered the proud in the imagination of their hearts.”

Sonde begin as ‘n gedagte.  Dit word gevoer in die verbeelding.  En die verbeelding lei tot aksie.  Maar as kind van God, word jou verbeelding nie meer net beheer deur die begeerlikhede van die hart nie.  Want die Heilige Gees het inspraak in jou gedagtes.  Die Heilige Gees oortuig jou, dit is sonde.

Daarom kan ‘n wedergbore kind van God nie rustig en sonder skuldgevoel in ‘n leefstyl van sonde bly nie.  Die Gees sal hom nooit tot rus laat nie.  Daar sal altyd ‘n stryd wees in sy binneste.  En as jy wandel deur die Gees, sal jy nie die begeerlikhede van die vlees volbring nie.

As jy in die vlees wandel, gaan die vlees jou gedagtes beheer.  So as jy lank genoeg voor die TV sit en jou gedagtes net voer met allerhande gemors, dan gaan dit jou verbeelding begin beheer.  En dit gaan impulse word wat lei tot aksie.  Daarom moet jy jou gedagtes oppas.  Jy moet jou hart bewaar.

Jos 1:8 Hierdie wetboek mag nie uit jou mond wyk nie; maar bepeins dit dag en nag, sodat jy nougeset kan handel volgens alles wat daarin geskrywe staan; want dan sal jy in jou weë voorspoedig wees, en dan sal jy met goeie gevolg handel.

Psa 19:14 Laat die woorde van my mond en die oordenking van my hart welbehaaglik wees voor u aangesig, o HERE, my rots en my verlosser!

Die oordenkinge.  The meditation of my heart.  Dit is jou verbeelding.  Jy moet dit goeie en gesonde bybelse waarhede gee en dit sal jou gedrag bepaal.

So om alles nou op te som, sê dit vir ons dat ons verlos is van die feit dat ons totaal en al deur die begeerglikhede en bose gedagtes beheer was.  Dit het voorheen in onwetenheid bestaan soos vers 14 sê.

Kyk net na die wêreld.  Dis geen wonder dat mense doen wat hulle doen nie.  Dis geen wonder dat mense die verskriklikste dinge aanvang nie.  Mense se gedagtes is besoedel met boosheid.  Dit is nie veel anders as wat ons lees in Gen 6 nie.

Gen 6:5 Toe die HERE sien dat die boosheid van die mens op die aarde groot was en al die versinsels wat hy in sy hart bedink, altyddeur net sleg was,

Al die versinsels wat hy in sy hart bedink.  KJV sê, “every imagination of the thoughts of his heart was only evil continually.”

So die eerste vraag: Waarvan is ons verlos?  Ons is verlos van die bose versindsels van die hart.  En daarom moet ons ons gedagtes en ons hart bewaar.  Mag ons gedagtes op Hom gefokus wees.  Mag ons die dinge daarbo bedink en nie dit wat op die aarde is nie.

Ons het rede om te hoop.  Ons het rede om heiligmaking te leef.  Ons het rede om God te vrees, want Hy het ons verlos van die begeerlikhede waarin ons voorheen gewandel het.  God het ons verlos van die slawerny van sonde, van alle ongeregigheid.  Hy het ons verlos van die straf van sonde.  Hy het ons verlos van die ewige dood.

Eerste dinge eerste (vervolg)

1 Pet 1:13 Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus.

14 Soos gehoorsame kinders moet julle nie jul lewe inrig volgens die begeerlikhede wat tevore in julle onwetendheid bestaan het nie.

15 Maar soos Hy wat julle geroep het, heilig is, moet julle ook in jul hele lewenswandel heilig word,

16 omdat daar geskrywe is: Wees heilig, want Ek is heilig.

17 En as julle Hom as Vader aanroep wat sonder aanneming van die persoon oordeel volgens elkeen se werk, wandel dan in vrees gedurende die tyd van julle vreemdelingskap;

Ons gesels oor eerste dinge eerste.  Ons word beveel om volkome te hoop op die genade wat ons sal ontvang wanneer Jesus weer kom.  Hoe doen ons dit?  Deur ons verstand agter mekaar te kry en gereed te kry en nugter te wees, maw nie deur die wêreld besoedel te word nie.

In reaksie op die groot verlossing wat God vir jou gegee het, is jy veronderstel om met afwagting en hoop uit te sien na die genade wat kom.  Is jy al so lank ‘n Christen dat jy dalk die smaak van genade verloor het?  Dat jy vergeet het hoe soet dit was to jy dit die eerste keer ontvang het? 

As die Here more sou kom, sou dit op jou lewe inbraak gemaak het?  Sou dit jou planne omver gegooi het?  Of hoop jy dalk dat die Here nie more sal kom nie, want jy het nog te veel ander dinge wat jy wil doen?  Soveel planne wat jy nog het.  Die geld wat jy weggesit vir ‘n vakansie, of daai nuwe kar wat jy nog wil ry.

Ons raak so verswelg in hierdie wêreld.  Daarom sê Petrus, omgord julle lendene van julle verstand, kry julle prioriteite agter mekaar, eerste dinge kom eerste.  As jy jou oorweldigende vreugde verloor het van hoe wonderlik jou redding was, as jy eerder hier op aarde wil bly as om saam met Christus in die hemel te wees, dan het jy nie Sy verskyning lief nie.  Jy het nog nie jou verstand agter mekaar gekry nie.  Jou prioriteite is deurmekaar.

Ek dink dit bedroef Hom wanneer ons nie wens dat Hy moet kom nie, want ons het te veel ander planne.  Ek dink dit bedroef Hom wanneer ons nie leef in die konstante afwagting van Sy heerlikheid, wat aan ons Sy genade op genade bewys het en Sy genade ook by wederkoms aan ons wil gee.  Kry jou hart reg.  Hoop volkome op die genade wat jou deel sal word.

Ons reageer op God se verlossing deur volkome te hoop, heiligmaking na te streef en om Hom te eer.  Dit is ons verpligting teenoor God.  Ons het dan nou laasweek gesels oor hoop.  Kom ons kyk vandag dan ook na heiligmaking.

1 Pet 1:14 Soos gehoorsame kinders moet julle nie jul lewe inrig volgens die begeerlikhede wat tevore in julle onwetendheid bestaan het nie.

15 Maar soos Hy wat julle geroep het, heilig is, moet julle ook in jul hele lewenswandel heilig word,

16 omdat daar geskrywe is: Wees heilig, want Ek is heilig.

Die tweede verpligting wat ons teenoor God het, in reaksie op die groot verlossing wat Hy vir ons gegee het, is heiligmaking.  Ek wil die volgende stelling maak: Hoop produseer heiligmaking.  Hoop lei tot heiligmaking.

1 Joh 3:3 En elkeen wat hierdie hoop op Hom het, reinig homself soos Hy rein is.

As jy in hoop leef, sal jy in heiligmaking leef.  Jy leef elke dag met jou verstand omgord, gefokus op die genade wat jou deel sal wees by die openbaarmaking van Christus.  En dit produseer heiligmaking.   En dit is ons tweede verpligting teenoor God.

Die sleutel woorde is v15, “julle moet heilig word”.  Dit is die gedagte, maar die agtergrond daarvan is in v14, “Soos gehoorsame kinders”.  Wat is heiligmaking?  Dit is gehoorsaamheid.  Jou karakter word gebou vanuit gehoorsaamheid. 

In Ef 2:2 word die ongelowiges genoem die kinders van ongehoorsaamheid.  Maw dit is in hulle sondige natuur om ongehoorsaam te wees.  Hulle word gekenmerk deur ongehoorsaamheid.  En dit is die verskil tussen ‘n Christen en ‘n nie-Christen.  Die nie-Christen is ongehoorsaam aan God en die Christen is gehoorsaam aan God.

En dit is wat Petrus sê, Soos gehoorsame kinders, juis omdat dit in jou natuur is, juis omdat God jou geskape het tot goeie werke, daarom moet jy so lewe, en dit is heilig.

Ef 2:10 Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel.

Rom 6:22 Maar nou dat julle vrygemaak is van die sonde en diensbaar geword het aan God, het julle jul vrug tot heiligmaking en uiteindelik die ewige lewe.

Ons het diensbaar geword aan God.  Die KJV sê, “we become servants of God”.  En ons het die vrug tot heiligmaking.  ‘n Christen se lewe word gekenmerk deur gehoorsaamheid.  En juis omdat dit in julle geestelike natuur is om God te gehoorsaam, juis daarom moet julle heilig leef.

As dit ons geestelike natuur is, om God te gehoorsaam, kan ons Hom ongehoorsaam?  Ja ons kan, maar dit is nie ons lewenswyse nie.  Dit is nie die patroon nie.  Ongehoorsaamheid verbreek egter hierdie patroon.  Daarom roep hy selfs hulle wat van nature gehoorsaam is, om heilig te wees, want die gehoorsame natuur is steeds gevange in ‘n sondige vlees waar daar sonde is.

Dit is belangrik dat ons sal sien wat Petrus probeer sê is dat ons sal leef volgens ons geestelike natuur en dit is gehoorsaamheid.  Dit is wie ons is.  Dit is ons natuur, om gehoorsaam te wees.  Daarom moet ons so leef.

Hoop volkome en wees heilig.  Leef rein, regverdig, sonder om te sondig, afgesonder van die wêreld.

2 Kor 7:1 Terwyl ons dan hierdie beloftes het, geliefdes, laat ons ons van alle besoedeling van die vlees en die gees reinig, en laat ons die heiligmaking in die vrees van God volbring.

KJV sê, “perfecting holiness in the fear of God.”

Ef 5:1 Wees dan navolgers van God soos geliefde kinders;

2 en wandel in liefde, soos Christus ons ook liefgehad...

Maw, word soos die een wie se beeld jy dra.  En die vraag is, hoe? 

Die eerste verpligting wat ons teenoor God het is om volkome te hoop.  Hoe doen ons dit?  Deur die lendene van ons verstand te omgord, en nugter te wees, deur ons prioriteite agter mekaar te kry.

Maar hoe moet ons heiligmaking nastreef?  V14,

1 Pet 1:14 Soos gehoorsame kinders moet julle nie jul lewe inrig volgens die begeerlikhede wat tevore in julle onwetendheid bestaan het nie.

Moenie lewe soos wat julle geleef het nie.  Toe julle nog kinders van die ongehoorsaamheid was nie.  Moenie julle lewens so inrig nie.  Die KJV sê, “not fashioning yourselves according to the former lusts in your ignorance.”  Die CEV sê, “Don't let your lives be controlled by your desires, as they used to be.”  Die Griekse woord is “susgematizo”.  Ons kry dieselfde woord in Rom 12:2,

Rom 12:2 En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is.

Word nie aan hierdie wêreld gelykvormig nie.  Moenie jou lewe inrig soos die wêreld nie.  Maw jy moet totaal en al breek met jou vorige sondige lewe.  Jy gaan nooit heilig wees as jy dit nie doen nie.  Paulus sê in 1 Thes 4:4, 5 dat ons nie moet leef soos die heidene wat God nie ken nie.  Moenie leef soos wat jy van te vore geleef het voordat jy gered was nie.  Jy bestaan nie meer in onwetendheid nie.

Ef 4:22 dat julle, wat die vorige lewenswandel betref die oue mens moet aflê wat deur die begeerlikhede van die verleiding te gronde gaan,

23 en dat julle vernuwe moet word in die gees van julle gemoed

24 en julle met die nuwe mens moet beklee wat na God geskape is in ware geregtigheid en heiligheid.

Dit is die definisie van die nuwe natuur, die nuwe skepping, ‘n heilige lewe.  Jy is nie meer dieselfde nie.  Jy is ‘n kind van gehoorsaamheid en moet so leef en nie soos wat jy geleef het nie.

So hoe leef ons heiligmaking?  Deur nie gelykvormig te word aan die wêreld nie, deur nie jou lewe in te rig soos dit was nie.  Jy moet breek met jou vorige lewe.  En dan noem Petrus die standaard van heiligheid.  Hier is die standaard:

1 Pet 1:15 Maar soos Hy wat julle geroep het, heilig is, moet julle ook in jul hele lewenswandel heilig word,

Dit is die standaard.  God is heilig.  So moet ons heilig wees.  Heiligmaking beteken, “om soos Jesus te wees.”  Hou op om te doen wat jy gedoen het as ‘n sondaar en doen wat God doen.  En luister!  God het nie die standaard gestel nie.  Hy is die standaard.

Matt 5:48 Wees julle dan volmaak soos julle Vader in die hemele volmaak is.

Ef 5:1 Wees dan navolgers van God soos geliefde kinders;

Die standaard is hoog.  En ons sal dit nooit wees nie.  Ons sal nooit so heilig wees soos wat God is nie.  Maar ons kan heilig wees, want God is heilig.  God het ons geroep om heilig te wees.  Ef 1:4 sê dat Hy ons uitverkies het voor die grondlegging van die wêreld om heilig en sonder gebrek in liefde voor Hom te wees.

1 Pet 1:16 omdat daar geskrywe is: Wees heilig, want Ek is heilig.

Dit is die beginsel.  Ons moet heilig wees, want God het so gesê.  En dit staan in Lev 11:44. En in kort sê dit dat die Israeliete moet heilig wees, nie vir hulle eie onthalwe nie, maar vir God se onthalwe.  Want hulle word as God se volk geïdentifiseer.  Dit gaan om Hom te vereer.

Waarom moet ons heilig leef?  Want Hy is heilig en ons word met Hom geïdentifiseer.  As ons nie heilig leef nie, dan vereer ons Hom nie.  Die naam wat ons dra, kry ‘n slegte naam.  God wil nie geïdentifiseer word met onheilige mense nie.  En as jy met Hom geïdentifiseer wil word, dan moet jy heilige leef, want Hy is heilig.

Na alles wat Hy vir ons gedoen het, dat Hy vir ons so groot verlossing gegee het, skuld ons dit aan Hom.  Waarom moet ons heilig leef?  Want Hy is heilig en as met Hom geassosieer wil wees, moet jy ook heilig wees.  Dit is die rede.

Ja, om heilig te leef is vir jou voordelig, maar dit is nie die rede nie.  Om heilig te leef is sodat God deur jou lewe verheerlik kan word.

Baie keer voel ons gedruk om heilig te leef en hierdie druk word op ons geplaas deur ons kerk of ons Christen vriende of uit vrees dat ons geoordeel sal word.  Maar dit is nie die rede hoekom ons heilig moet leef nie.  Ons moet heilig leef, want God is heilig.

En dit bring ons by die derde verantwoordelikheid wat ons het teenoor God.  En dit is om Hom te eer.

1 Pet 1:17 En as julle Hom as Vader aanroep wat sonder aanneming van die persoon oordeel volgens elkeen se werk, wandel dan in vrees gedurende die tyd van julle vreemdelingskap;

Die sleutel woorde hier is: “wandel dan in vrees”.  Die ESV sê, “conduct yourselves with fear”.  Die CEV sê, “So you must honor God while you live as strangers here on earth.:

Watter vrees is dit?  Nie bang wees vrees nie.  Maar vrees in die sin van respek en eerbied.  Eerstens moet ons volkome hoop, tweedens heilig leef en dan lewe tot eer van God.  Om God te vrees, om God te eerbiedig.  Ons roep Hom aan as Vader, maar ons vergeet nie ons respek en eer vir Hom nie.  Hy is God.

Hy is ons Vader, maar Hy is ook ons Regter.  Alhoewel ons nie veroordeel word tot die ewige verderf nie, maar moet ons nog steeds rekenskap gee voor Hom eendag vir ons lewens.

Kom ek stel dit so:  Hoe meer jy Hom persoonlik ken as jou Vader, hoe meer vrees jy God. 

Ons moet leef in hoop, heiligheid en vrees.