Die praktiese Christen lewe

Rom 12:9 Laat die liefde ongeveins wees; verafsku wat sleg is; hang die goeie aan; 

10 wees hartlik teenoor mekaar met broederlike liefde; die een moet die ander voorgaan in eerbetoning; 

11 wees nie traag in die ywer nie; wees vurig van gees; dien die Here; 

Daar was ‘n man met die naam van Robert Chapman.  Hy het gelewe vanaf 1803-1902.  Hy was bekend as die apostel van liefde.  Hy was ‘n pastoor, leraar en evangelis.  Hy was ook ‘n vriend van die bekende John Nelson Darby, ‘n leier van die Plymouth Brethren.  Darby het Scoffield beïnvloed wat weer verantwoordelik was vir die Scoffield reference Bible.

Hierdie man, Robert Chapman, vriend van Darby het eenkeer geskryf oor wat sy lewensdoel is, “seeing that so many preach Christ and so few live Christ, I will aim to live Him.”  En Darby het van hom dit van hom gesê, “He lives what I teach.”

‘n Ander gelowige man met die naam van William Arnot word van hom gesê, “His preaching is good. His writing is better. His living is best of all.”  En so is dit veronderstel om te wees met ons almal, is dit nie?

Ons moet lewe wat ons bely.  Hoekom?  Want Christenskap is ‘n leefstyl.  Christenskap gaan oor hoe ons lewe.  Ons verhouding met God word uitgebeeld in ons lewe daar buite.  En dit is ook waaroor Paulus dan skryf in Rom 12, oor die praktiese Christen lewe.

Die lewenswyse waarna Paulus ons toe roep is abnormaal.  Dit is onnatuurlik.  In ‘n sekere sin is dit onmenslik.  Dit is nie natuurlik vir die onweergebore mens nie.  Dit is nie normaal vir die sondaar nie.  Dit is nie iets wat die mens uit homself van nature doen nie.  Dit is ‘n bonatuurlike lewenstyl.

Dit is lewe wat alleen moontlik is wanneer God se Gees dit in jou verwek het.  Dit is net hulle wat deur die eerste 11 hoofstukke van Romeine gekom het, wat kan lewe soos wat hoofstuk 12 van ons verwag.  Hulle wat geregverdig is, hulle wat Jesus Christus leer ken het, hulle wat die Gees van Christus het, hulle wat aan Hom behoort.  Dit is net hulle wat so kan lewe.

Die enigste doel van teologie is ons te lei tot ‘n lewe wat tot eer van God is.  Die enigste doel van leerstellings is om ons te bring tot ons Christelike plig, tot die regte soort diens.

2 Kor 7:1 Terwyl ons dan hierdie beloftes het, geliefdes, laat ons ons van alle besoedeling van die vlees en die gees reinig, en laat ons die heiligmaking in die vrees van God volbring. 

Maw, juis omdat God vir ons al hierdie beloftes gegee het, is dit wat ons moet doen in reaksie daarop. “laat ons ons van alle besoedeling van die vlees en die gees reinig, en laat ons die heiligmaking in die vrees van God volbring.”

As ons kyk na Ef 2 en ons lees hier vanaf 4, dan sê dit in kort, God is barmhartig, Hy het ons lewend gemaak saam met Christus.  Hy red ons uit genade.  Hy laat ons saam met Christus sit in die hemele.  Ons gered uit genade deur die geloof en al hierdie dinge het God gedoen, 

Ef 2:10 Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel. 

Maw ons verlossing was vir een doel, om ons in ‘n nuwe lewe in te bring wat God se geregtigheid uitbeeld.  Dit is ‘n lewenswyse.  Hoe weet ek dat ek waarlik ‘n Christen is en dat ek nie net op een oomblik ‘n emosiontele belewenis gehad het iewers in die verlede nie?  Hoe weet ‘n mens regtig?

Die enigste manier hoe jy weet, is om te kyk na jou lewe en sien hoe jou lewe is.  As jy geregverdig is, maw jou lewe reg is met God, sal dit lei tot heiligmaking, wat beteken om God se geregtigheid uit te leef en om heilig te wees.  Daar sal altyd vrug op ‘n ware bekering wees, al moet jy by sommige Christene baie mooi kyk om die vrug raak te sien, sal dit daar wees.  Dit sal die diepste begeerte van jou hart wees.

Ons is gered om ‘n goddelike lewe te leef.  En wanneer jy ‘n goddelike lewe leef, dan bring jy eer aan Hom wat jou verander het en jy trek ander mense na Hom toe en Hy kry al die eer.  

Fil 2:12 Daarom, my geliefdes, soos julle altyd gehoorsaam gewees het, nie in my teenwoordigheid alleen nie, maar baie meer nou in my afwesigheid, werk julle eie heil uit met vrees en bewing; 

Nou ons moet hierdie vers nie verkeerd verstaan nie.  Dit beteken nie dat ons deel het aan ons eie saligheid en dat ons ons eie saligheid moet uitwerk en onsself red nie.  Ef 2 sê baie duidelik dat julle is gered uit genade, deur die geloof en dit nie uit julleself nie.  Saligheid kom deur dit wat ons doen nie.

Let op mooi wat Filipense eintlik sê.  Kom ons gaan terug na hoofstuk 1 vers 27.

Fil 1:27 Alleenlik, gedra julle waardig die evangelie van Christus...

ASV

Php 1:27 Only let your manner of life be worthy of the gospel of Christ...

Maw, as jy sê dat jy ‘n Christen is, dan is jou lewe veronderstel om dit vir ons te wys.

Fil 2:5 Want hierdie gesindheid moet in julle wees wat ook in Christus Jesus was. 

Wees soos Jesus!  Dink soos Christus.  Die KJV sê, “Let this mind be in you, which was also in Christ Jesus.”  Maw, dink soos Christus.  Hoe dink Christus?  V6-11 verduidelik vir ons.  En dit gaan oor ‘n nederige gesindheid.  Hy het Homself ontledig.  Hy was gehoorsaam tot die dood toe.  Dan sê v9, dit is waarom God Hom uitermate verhoog het.  

So dit is hoe ons moet wees.  Ons moet dink soos Christus.  Ons moet Sy gesindheid hê.  Hy was nederig.  Hy het Homself onderwerp.  Dit is hoe ons moet wees.

Dan kom Paulus by v12 en sê, 

Fil 2:12 Daarom, my geliefdes, soos julle altyd gehoorsaam gewees het, nie in my teenwoordigheid alleen nie, maar baie meer nou in my afwesigheid, werk julle eie heil uit met vrees en bewing.

Die konteks van hierdie gedeelte is baie duidelik.  Juis omdat jy aan Christus behoort deur die evangelie, juis omdat Jesus Homself verneder het en gehoorsaam was aan Sy Vader en so vir ons ‘n voorbeeld gegee het, juis daarom moet ons in nederigheid aan God gehoorsaam wees.

Christus het ook vir ons gewys wat die beloning is om soos Hy te wees.  Hy het Homself verneder, God het Hom verhoog.  En om soos Christus te wees is om jou heil uit te werk.  Om Sy gesindheid en Sy sin te hê.

Om jou eie heil met vrees en bewing uit te werk beteken jy moet dit doen met groot inspanning, jy moet hierdie konstante begeerte hê om te lewe tot God se eer, jy moet hierdie konstante begeerte hê om aan Hom toegewyd te leef en aan Sy Woord gehoorsaam te wees.

Jy moet die saligheid wat jy reeds het, uitwerk met vrees en bewing.  Dit is wat dit beteken.  Jy moet buitekant leef wat jy reeds binnekant is.  Dan kry ons hierdie wonderlike vers,

Fil 2:13 want dit is God wat in julle werk om te wil sowel as om te werk na sy welbehae. 

God werk in julle.  Hy werk aan die binnekant.  Ons moet buitekant leef wat ons reeds binnekant is.  Dit is die standaard vir die Christen lewe.  Hoe doen ons dit?  Dit is wat Paulus vir ons in Rom 12 probeer sê.  Hy wys vir ons wat die make up is van ‘n Christen.

Ons het laas week gekyk na v9 wat sê, laat die liefde ongeveins wees, verafsku dit wat sleg is en hang die goeie aan.  Kan julle onthou?  Liefde is die primêre kenmerk van ‘n Christen.  Liefde wat opreg is.  En dan nog ‘n kemerk van ‘n Christen is iemand wat sonde haat, soos God sonde haat.  Want dit is teen Sy natuur en dit is teen jou geestelike natuur.  Hang die goeie aan, plak dit soos gom aan jou vas.

Hierdie is die binne sirkel wat gaan oor jou persoonlik.  Maar die sirkel gaan wyer en verder uit na ander toe in v10.  Dit gaan verder na jou mede gelowiges.

Rom 12:10 wees hartlik teenoor mekaar met broederlike liefde; die een moet die ander voorgaan in eerbetoning.

Dit begin by jou liefde wat opreg is en dan sirkel dit verder uit na die familie van God.  Broeder liefde, ons verhouding met die liggaam van Christus.

“wees hartlik teenoor mekaar” is ‘n interresante woord in die Grieks en dit help ons te verstaan wat Paulus sê.  Die Griekse woord is “philostorgos”.  Dit is ‘n kombinasie van twee woorde, “philos” (vriend) en “storge” (liefde).  Dit is liefde in ‘n familie.  ‘n Liefde vir die mense wat naby jou is.  So moet jy die familie van God liefhê.

Ek glo julle het dit al beleef.  Ek het al hierdie liefde baie keer beleef.  Jy kan ‘n vreemde persoon ontmoet wat ook ‘n kind van die Here is, dan is dit nie lank voordat jy ‘n unieke sin van liefde het vir daardie persoon nie.  Daar is band wat bestaan wat wyer gaan as kultuur en tyd en plek en omstandighede is.  Want ons behoort almal aan die familie van God.  Het jy al dit beleef?  Verseker.

Die liefde wat die Here wil hê ons vir mekaar moet hê, is philostorge.  Broeder liefde wat omgee vir sy medegelowiges.  Dit is wat dit beteken om hartlik teenoor mekaar te wees.  Om jou hart oop te maak teen oor jou mede broeder.

Broederlike liefde is die Griekse woord “Philadelphia”.  Weer is dit “philos”.  En ook “adelphos”, broer.  Broederlike liefde.  Liefde wat geassosieer word met ‘n familie.  En Paulus gebruik twee termes wat min of meer dieselfde is in een sin om familie liefde uit te beeld.

1 Joh 5:1 Elkeen wat glo dat Jesus die Christus is, is uit God gebore; en elkeen wat die Vader liefhet, het ook die een lief wat uit Hom gebore is. 

Dit is ‘n ongelooflike verklaring.  As jy God liefhet, het jy ook die lief wat aan Hom behoort.  En dit is waarom Paulus ook sê, 

Ef 4:32 Maar wees vriendelik en vol ontferming teenoor mekaar; vergeef mekaar soos God ook in Christus julle vergewe het. 

Christene word gekenmerk deur hierdie liefde en ontferming teenoor mekaar.

2 Kor 12:15 En ek sal baie graag uitgee, ja, myself weggee vir julle siele, al word ek, terwyl ek julle oorvloediger liefhet, minder bemin. 

Wow!  Hoor wat sê hy.  Al het julle my minder lief, het ek julle meer en meer lief.  Ek wonder hoeveel Christene is daar wat dit kan sê?  Maar dit is hoe elke Christen behoort te wees.  Kan ek so liefhê?  Ja, verseker.  Rom 5:5 sê dat die liefde van God is in ons harte uitgestort.

1 Thes 4:9 Oor die broederliefde het julle nie nodig dat ons julle skrywe nie, want julle is self deur God geleer om mekaar lief te hê; 

God self leer ons om mekaar lief te hê.

Rom 12:10 wees hartlik teenoor mekaar met broederlike liefde; die een moet die ander voorgaan in eerbetoning.

Hierdie liefde bring ons tot die volgende bestandeel, naamlik nederigheid.  En as jy ander gaan liefhê en vir gaan omgee, dan is eerste ding wat jy moet doen is om van jouself te vergeet.  Om ander se belange bo jou eie te stel.  Ons moet die ander voorgaan in eerbetoning.  Die KJV sê, “in honour preferring one another.”  Om ander te eer bo jouself.

Dit vers sê om voor te gaan in eerbetoning, maw om die weg te wys.  Om te wys hoe word dit gedoen.  Om voor te loop ter wille van ander.  Maw ons moet nie terug sit en wag dat iemand anders iemand se behoefte raaksien en vervul nie.  Ons moet nie sit en wag dat iemand anders omgee en help nie.  Ons moet voorloop en wys hoe dit gedoen word.

Ons moet eerste wees om daar te wees vir ander.  Ons moet eerste wees met eerbetoning.  Ons moet ander hoër ag as onsself.  Ons moet vinnig wees met eerbetoning, vinnig wees om ander te respekteer, vinnig wees om liefde te gee, vinnig wees om ander se nood raak te sien, vinnig wees om te help.  Dit is nederigheid in die ware sin van die woord.

Rom 12:11 wees nie traag in die ywer nie; wees vurig van gees; dien die Here; 

Paulus bring dit so bietjie terug na jouself.  Moenie traag wees nie.  Die letterlike vertaling van Grieks sou wees, moenie lui wees nie.  “Not lazy in zeal.”  Maar haastig.  En die issue is ‘n geestelike issue.  Ons moet nie geestelik lui wees wanneer dit kom by ander mense se nood of behoeftes nie.

Gal 6:9 En laat ons nie moeg word om goed te doen nie, want op die regte tyd sal ons maai as ons nie verslap nie. 

2 Thes 3:13 En julle, broeders, moet nie in goeddoen verflou nie. 

Ons moet nie gaan lê nie.  Ons moet voor loop, ons moet haastig wees om goed te doen.  Ons moet ywerig wees.  Vinnig wees.

Pred 9:10 Alles wat jou hand vind om te doen, doen dit met jou mag, want daar is geen werk of oorleg of kennis of wysheid in die doderyk waar jy heengaan nie. 

Doen dit met jou mag.  Doen dit met alles wat jy het.  In Matt 25:26 lees ons van die slegte en lui dienskneg wat een talent gehad het en niks daarmee gedoen het nie.  Hy het dit begrawe en dit het hom die ewigheid gekos.  Ef 5:16 sê ons moet die tyd uit koop, want die dae is boos.

Rom 12:11 wees nie traag in die ywer nie; wees vurig van gees; dien die Here; 

Die woord vurig, is die Griekse woord “zeo” wat letterlik beteken om te kook.  Ons moet kook vir die Here.  Soos wat die water die hele tyd kook, so moet ons die hele tyd ywerig wees.  Enigiets, maar net nie lou warm water of koue water nie.

Die Christen se lewe moet gevul wees met entoesiasme.  Dit moet gevul wees met ywer en opgewondenheid.   ‘n Christen se lewe moet gevul wees met energie en lewenslus.  Ons kry die voorbeeld van Apollos in Handelinge 18 wat sê hy as vurig van gees.

En die volgende punt dan wat Paulus maak in vers 11 is, “dien die Here.”  Luister!  Dit is ‘n voorreg om God te dien.  ‘n Voorreg wat jy nie verdien nie.  Dit is ‘n ongelooflike voorreg.  Die wêreld kan nie vir jou iets beter gee as dit nie.

Kom ons wees dit wat God wil hê ons moet wees.  Kom ons lewe die goddelike lewe.  Nou dat ons in die Gees lewe, laat ons in die Gees wandel.

Die helm van verlossing

Ef 6:17 En neem aan die helm van verlossing en die swaard van die Gees—dit is die woord van God— 

Dit is weer ‘n ongelooflike voorreg om terug te kom na Ef 6.  Paulus sê hier vir ons wat ons moet doen as ons ‘n oorwinnings lewe wil leef in ons Christen lewe.  Soveel Christene, alhoewel hulle op die ou einde die groot finale stryd gaan wen, verloor hulle die daaglikse geestelike stryd, want hulle trek eenvoudig net nie die volle wapenrusting van God aan nie.

Die dag toe jy gered is, is die dag toe jy vyande gemaak het met die duiwel en sy bose magte.  Maar jy hoef nie te vrees nie.  Die Heilige Gees woon binne in jou met al Sy krag en in Christus is jy meer as ‘n oorwinnaar deur Hom wat jou die kag gegee het.  

So ons kan hierdie geestelike stryd toetree met die wete dat ons gaan die oorlog wen.  Maar dit beteken nie dat die oorlog maklik gaan wees nie.  En al is ons almal se oorwinning op die ou einde verseker, is daar somtyds dae wat ons die stryd verloor en ander dae wat ons oorwin.  

En soos wat jy geestelike groei in Christus, en jy voed op die Woord van God en jy geestelike volwasse word, begin jy al meer en meer die daaglikse stryd wen as wat jy dit verloor.  Almal van ons het al tye van oorwinnings beleef en ook tye wat ons verloor het.  En oorwinning in die oorlog hang af of jy die wapenrusting aantrek of nie.  Dit hang alles daarvan af.

Ons het dan laas keer gesê dat die eerste drie dele van wapenrusting, die gordel van waarheid, die borswapen van geregtigheid en die skoene van die evangelie van vrede is die dele wat jy altyd moet aanhê.  Dit is ‘n konstante element in jou voorbereiding op die oorlog.  Dit is iets wat jy nie moet uittrek nie.

En wanneer die oorlog uitbreek, tel jy jou skild op, sit jou helm aan en gryp jou swaard.  Dit is soos ‘n reserwe wat langs die rugby veld opwarm vir die wedstryd.  Hy trek nie sy rugby klere uit nie.  Maar wanneer hy op die veld gaan, sit hy sy mouth guard in en trek sy kopstuk aan.

Die laaste drie dele van die wapenrusting, die skild van geloof, die helm van verlossing en die swaard van die Gees, neem jy op as jy op die oorlogsveld gaan.

Ons het ook gesien dat die skild van geloof is waarmee ons die vurige pyle van die bose uitblus.  Die vurige pyle van die bose is die versoekinge wat die duiwel na ons kant toe skiet.  Die pyle van die begeerlikheid van die vlees, die pyle van die begeerlikheid van die oë en die pyle van die grootsheid van die lewe.

Die skild van geloof is dan waarmee jy sonde oorwin.  God sê so, die duiwel sê so.  Wie glo jy?  Glo jy God, oorwin jy sonde.  Glo jy die duiwel, dan het jy geval vir sy versoekinge.  So elke keer wanneer jy gesondig het, het jy die duiwel se leuen geglo.  Dit is waarom Paulus sê in Rom 14,

Rom 14:23 Maar hy wat twyfel as hy eet, is veroordeel, omdat dit nie uit die geloof is nie; en alles wat nie uit die geloof is nie, is sonde. 

En solank jy God se Woord glo, sal jy nie die duiwel glo nie.  Dit is met die skild van geloof waarmee jy die vurige pyle van die bose een sal uitblus.

Ons gaan dan vandag kyk na die helm van verlossing.  Wat beteken die helm van verlossing?  Jy mag dalk sê, dit is maklik, dit verwys na die feit dat ek gered is.  Ek is gered.  Nee!  Dit is nie waarna dit verwys nie.

Kom ons kyk gou na die Romeinse soldaat.  Hy het nooit in ‘n oorlog gaan veg sonder sy helmet nie.  Dit sou dom gewees het.  Dit was baie belangrik want dit het sy kop beskerm.  Waarvan?  Dalk van vlieënde pyle, maar die hoofrede was om sy kop te beskerm teen ‘n groot swaard.

Nou, die helm hier is die helm van verlossing.  Dit is egter nie ‘n opdrag om gered te word nie.  Paulus sê nie, jy moet gered word nie.  Jy het reeds die gordel van waarheid aan, die borswapen van geregtigheid en die skoene van die evangelie van vrede.  Jy is klaar gered.  Jy is nie in hierdie geestelike oorlog as jy nie alreeds ‘n gelowige is nie.  

So waarna verwys die helm van verlossing?  Waarna verwys dit?  Om dit te verduidelik gaan ons so bietjie in detail moet gaan.

Heel eerstens, mense is verward wanneer dit kom by ewige sekuriteit.  Is ons een keer gered, altyd gered?  Wat van daai ou wat so lank die Here gedien het, maar nou wil hy niks weet van die Here nie.  Is hy gered of nie?  En mense is bekommerd hieroor, selfs in hulle eie lewens wanneer hulle gesondig het, voel hulle skuldig.  Mense begin te twyfel in hulle eie saligheid.

En dan is daar soveel mense wat hulle lewens al honderd keer vir die Here gegee het.  Hulle kom oor en oor tot bekering net om seker te maak.  So wanneer het ons daardie sekerheid van ons saligheid?  Wanneer is ons verseker van ons verlossing?

Wel, eerstens sal ons moet verstaan wat saligheid beteken.  Wat beteken dit om gered te wees?  Wat beteken dit om verlos te wees?  En dit is waarna ons ook vandag gaan kyk.

Kom ons begin deur te kyk na die drie aspekte van saligheid.  Kom ons noem dit die drie dimensies van verlossing.  Dit is die verlede, die hede en die toekoms.  Die verlede gaan oor dat ons verlos is van die straf van sonde.

So as jy vir my vra: Is jy ‘n Christen, is jy gered?  Dan sou ek antwoord en sê, “Ja”.  Wanneer het dit gebeur?  Wel, die dag toe ek die Here Jesus Christus bely, Hom in my lewe ingenooi het, toe my sondes op Hom op die kruis geplaas is en Hy die straf vir my sonde betaal het.  Dit het in die verlede plaasgevind.  Die straf vir my sonde is klaar betaal.

Rom 6:6 aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie. 

So Paulus sê nie in Ef 6 dat die oue mens weer saam met Christus gekruisig moet word nie.  Hy sê nie dat jy weer begrawe moet word in Sy dood nie.  Die ou mens is klaar dood en begrawe die dag toe jy jou geloof in Christus geplaas het, jy saam met Hom gekruisig is en die loon van jou sonde reeds betaal is.  Dit is waarom Rom 8 sê,

Rom 8:1 Daar is dan nou geen veroordeling vir die wat in Christus Jesus is nie, vir die wat nie na die vlees wandel nie, maar na die Gees. 

Dit is klaar mee afgereken.  So die verlede aspek van jou verlossing is dat jy vrygemaak is van die straf van sonde.  Jy is verlos van die straf van sonde.

Nou die teenwoordige aspek van jou verlossing gaan nie oor die straf van sonde nie, maar oor die mag van sonde.  Sonde het nie meer ‘n houvas op jou lewe nie.  Dit regeer nie meer jou lewe nie.  Hoekom nie?

1 Joh 1:9 As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig. 

Het jy geweet dat daar nie een sonde is wat teen jou gereken kan word nie?  Rom 8 sê, 

Rom 8:33 Wie sal beskuldiging inbring teen die uitverkorenes van God? God is dit wat regverdig maak. 

Daar is geen beskuldiging nie, daar is geen veroordeling mee nie.  Hy het jou vergewe van al jou ongeregtighede.  Maw vir dit om waar te wees, is God besig om jou elke dag te reinig.  Dit is soos wat Jesus vir Petrus gesê het, 

Joh 13:10 Jesus sê vir hom: Hy wat gewas is, het niks anders nodig as om die voete te was nie, maar is heeltemal rein; en julle is rein, maar nie almal nie. 

Jy hoef nie oor en oor gewas te word nie, want jy is heeltemal rein, maar dit is nodig om voete te was.  Maw jy moet net elke dag voete was.  Jy hoef nie oor en oor tot bekering te kom of oor en oor gered te word nie.  Jy moet net elke dag jou voete was van die stof van die wêreld wat aan jou voete kom vas sit.

Ons is klaar gered en verlos deur die bad van wedergeboorte.  Jy word nie twee of meer kere wedergebore nie.  Jy word net een keer wedergebore.  So die Here bad jou by wedergeboorte en stof jou voete elke dag af.  Dit is die teenwoordige aspek van jou verlossing.  Ek is verlos (verlede) en ek word verlos (hede).  Rom 5 sê dit so,

Rom 5:10 Want as ons, terwyl ons nog vyande was, met God versoen is deur die dood van sy Seun (verlede), veel meer sal ons deur sy lewe gered word (hede) nou dat ons versoen is. 

Sien jy dit?  So daar is die redding in die verlede en daar is die konstante redding in die hede.  Ek is gered van die straf van sonde, ek word gered van die mag van sonde.

Dan is daar ook die toekomsige aspek van jou verlossing.  Ons gaan verlos word van die teenwoordigheid of die bestaan van sonde.  Het jy geweet daar kom ‘n dag wanneer daar nie meer sonde sal wees nie?  Ons sal sonder sonde wees.  

Paulus sê in Rom 7, die sonde leef nog in my, Ek, ellendige mens! Wie sal my verlos van die liggaam van hierdie dood? En los nie vraag net so nie.  Hy kom hy in Rom 8 en sê, 

Rom 8:23 En nie alleen dit nie, maar ons self ook wat die eerstelinge van die Gees het, ons sug ook in onsself in afwagting van die aanneming tot kinders, naamlik die verlossing van ons liggaam. 

Dit sal gebeur wanneer jy verander word en jy ‘n verheerlikte liggaam, ‘n onverganklike liggaam sal ontvang by die opstanding.  Dit sal die finale afhandeling wees van jou volkome verlossing.  Hy regverdig ons (verlede), Hy reinig en heilig ons (hede), en Hy verheerlik ons (toekoms).

So as jou verlossing begin het in die verlede en steeds aanhou in die hede tot op die verheerliking, kan jy dit mos nie verloor nie.

Fil 1:6 omdat ek juis hierop vertrou, dat Hy wat ‘n goeie werk in julle begin het, dit sal voleindig tot op die dag van Jesus Christus.

So jou volkome verlossing is totaal en al in God se hande.  Dit is nie in jou hande nie.  En jou verlossing is nie voorwaardelik nie.  Jy word bewaar in Sy krag nie in jou eie krag nie.  Jou toekomstige verlossing word verseker deur God wat die onderpand, die Heilige Gees aan jou gegee het en waarmee jy verseël is tot op die dag van verlossing.

Ef 4:30 En bedroef nie die Heilige Gees van God nie, deur wie julle verseël is tot die dag van verlossing. 

Om dit beter te verstaan gaan ons kyk na ‘n paar teksgedeeltes.  Rom 8:22 & 23 byvoorbeeld praat van die vloek en hoe sonde die hele skepping geraak het en dit aan die nietigheid onderworpe gemaak het, maar daar is hoop op ‘n beter wêreld.  Die wêreld gaan ‘n beter plek wees, maar eers wanneer Jesus kom, dan sal dit volmaak  wees.

Maar die wêreld gaan nie beter word deur die mens se pogings nie.  So ons hoop is op Christus se verskyning.

Rom 8:22 Want ons weet dat die hele skepping tesame sug en tesame in barensnood is tot nou toe. 

Die hele skepping weet daar is groot fout.  Selfs die skepping is in chaos.  Dan sê v23,

Rom 8:23 En nie alleen dit nie, maar ons self ook wat die eerstelinge van die Gees het, ons sug ook in onsself in afwagting van die aanneming tot kinders, naamlik die verlossing van ons liggaam. 

Maw ons weet ook daar is groot fout.  Dinge is nie reg soos wat God dit wil hê nie.  Daarom sug ons en het ons ‘n afwagting van die verlossing van die liggaam.  

Ons is verlos, ons word verlos en ons gaan verlos word.  Dan sal ons absoluut heilig wees.  En dit is wat v24 sê, dat ons is gered in hoop.  Ons is nie net gered in die verlede en nou hang die res van ons af nie.  Nee, dan is jou verlossing nie volkome nie.  

As jy nie eendag die hemel maak nie, is dit nie omdat jy gered was, maar jy dit langs die pad verloor het nie.  As jy nie die toekomstige verlossing ontvang het nie, was dit omdat jy geen verlossing ontvang het nie.

God verlos nie die mens halfpad nie.  Hy verlos ons volkome en dit sluit in die verlede, die hede en die toekoms.

Heb 7:25 Daarom kan Hy ook volkome red die wat deur Hom tot God gaan, omdat Hy altyd leef om vir hulle in te tree. 

Jesus Christus red ons volkome, want Hy leef.  Heb 5:9 sê Hy is ‘n bewerker van ewige saligheid, van ewige verlossing.  Hy red jou nie net vir ‘n sekere tyd of halfpad nie.  As Hy die verlossingswerk in jou lewe begin, sal Hy dit voleindig, die verlede, die hede en die toekoms.

As jou verlossing nie ‘n toekomstige aspek gehad het nie, waarom dan nou verlos word.

Gal 5:5 Want óns verwag deur die Gees uit die geloof die geregtigheid waarop ons hoop. 

Hier praat hy nie van die verlossing in die verlede nie, maar van die toekomstige verlossing, die geregtigheid waarop ons hoop.  Hy praat van die finale afhandeling van jou verlossing.  En ons wag in hoop, ons hoop dat die oorlog sal eindig en alles verby sal wees.  Daar gaan ‘n dag kom wat ons nie meer die stryd hoef te stry nie.  

1 Pet 1:3 Geseënd is die God en Vader van onse Here Jesus Christus wat na sy grote barmhartigheid ons die wedergeboorte geskenk het tot ‘n lewende hoop deur die opstanding van Jesus Christus uit die dode. 

Maw ons is gered tot ‘n lewende hoop.  Ons is gered om te hoop.  En wat sal dit wees?

4 sodat ons ‘n onverganklike en onbesmette en onverwelklike erfenis kan verkry, wat in die hemele bewaar is vir ons 

5 wat in die krag van God bewaar word deur die geloof tot die saligheid wat gereed is om geopenbaar te word in die laaste tyd. 

Ons hoop is die ewige heerlikheid.  Ons hoop is die hemel.  Ons word in die krag van God bewaar deur die geloof.  Watter saligheid is dit?  Dit is die saligheid wat gereed is om geopenbaar te word in die laaste tyd.

Daarom verdra ons nou so bietjie pyn en lyding.  Hoekom?  Want daar is ‘n eindstreep.  Daar is ‘n verlossing van die liggaam van hierdie dood.  Daar is ‘n ewige heerlikheid wat vir ons wag.  

So God het nie vir ons net ‘n verlossing gegee van die verlede nie.  Maar Hy bewaar ons in die krag van God, Hy bewaar ons verlossing in die hede.  En nie dit nie, Hy gee vir ons ‘n lewende hoop.

1 Thes 5:8 Maar laat ons wat van die dag is, nugter wees, met die borswapen van geloof en liefde aan, en as helm die hoop op die saligheid. 

Let nou op wat sê die volgende vers!

1 Thes 5:9 Want God het ons nie bestem tot toorn nie, maar om die saligheid te verkry deur onse Here Jesus Christus 

Luister!  Ons is nie net in hierdie geestelike oorlog en veg om te oorleef nie.  Die einddoel is om die saligheid te verskry wat vir elke kind van God belowe is.  Daar is steeds ‘n deel van ons saligheid wat ons nog moet verkry.  Die verlossing van die liggaam.

So wat is die helm van verlossing?  Die helm van verlossing is die vertroue wat ons het in die volkome, en finale afhandeling van ons saligheid wat geopenbaar sal word.  Dit is daardie toekomstige hoop.  Dit is die vertroue dat hierdie stryd eendag verby sal wees.  Ek sou nie kon veg as ek nie geweet het dat daar iewers ‘n einde sou kom nie.

Nou is die vraag: hoekom is dit deel van die wapenrusting van God.  Onthou jy die Romeinse soldate met hulle groot swaarde?  Het jy geweet die duiwel het ook ‘n groot swaard waarmee hy jou wil slaan?  Hierdie swaard het twee kante.  Die een kant is ontmoediging of moedeloosheid en die ander kant van die swaard is twyfel.

Dit is wat die duiwel wil doen.  Hy wil jou ontmoedig.  Hy wil hê jy moet as Christen begin om moedeloos te word.  En nog meer wil hy hê jy moet twyfel in God en twyfel in jou verlossing.  Jy lees jou Bybel, bid gereeld, woon die gemeente dienste by, raak betrokke, en leef jou bediening uit, dan gebeur al die slegte dinge en dinge loop verkeerd.  

Wat sê die duiwel vir jou?  Nee wat, jy mors jou tyd.  Hy slaan jou met moedeloosheid en met twfyel.  Daarom moet jy die helm van verlossing aantrek om jou te beskerm teen hierdie dinge, want die duiwel gaan jou probeer ontmoedig en hy gaan twyfel in jou hart saai.  

En jy moet die helm van verlossing aantrek, sodat jy elke dag in die geestelike stryd kan weet, tenspyte van jou omstandighede, het jy ewige sekuriteit.  Jou saligheid is verseker.  Sodat jy kan hoop op die finale oorwinning wat vir jou wag.

Ons sal volgende keer aangaan en meer in diepte kyk na die swaard waarmee die duiwel jou wil slaan.  Ons gaan kyk na moedeloosheid en twyfel.

Die skild van geloof

Ef 6:13 Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly. 

14 Staan dan vas, julle lendene met die waarheid omgord, met die borswapen van die geregtigheid aan, 

15 en as skoene aan julle voete die bereidheid vir die evangelie van vrede. 

16 Behalwe dit alles neem die skild van die geloof op waarmee julle al die vurige pyle van die Bose sal kan uitblus. 

Ons is in ‘n oorlog gewikkel, maar daar is geen rede waarom ons bang hoef te wees nie.  Die uiteinde van die oorlog is klaar bepaal.  Ons oorwinning is klaar verseker.  Kom ons kyk gou na Rom 8,

Rom 8:31 Wat sal ons dan van hierdie dinge sê? As God vír ons is, wie kan teen ons wees? 

32 Hy wat selfs sy eie Seun nie gespaar het nie, maar Hom vir ons almal oorgegee het, hoe sal Hy nie saam met Hom ons ook alles genadiglik skenk nie? 

Maw, wie kan ons oorwin?  As God vir ons Sy Seun gegee het, hoekom sou Hy nie vir ons die toerusting gee om die oorlog te wen nie.

Rom 8:33 Wie sal beskuldiging inbring teen die uitverkorenes van God? God is dit wat regverdig maak. 

God is die hoogste gesag en Hy het die laaste sê.  As Hy sê jy is geregverdig, wie kan jou aankla?

Rom 8:34 Wie is dit wat veroordeel? Christus is dit wat gesterf het, ja, meer nog, wat ook opgewek is, wat ook aan die regterhand van God is, wat ook vir ons intree. 

As Christus gesterf en opgestaan het sodat jy geregverdig kan word, waarom sou Hy jou dan nou veroordeel?  As God jou regverdig verklaar het, wie het die reg om jou aan te kla of jou te kom veroordeel en beskuldigings teen jou in te bring.  Niemand kan nie.

Rom 8:35 Wie sal ons skei van die liefde van Christus verdrukking of benoudheid of vervolging of honger of naaktheid of gevaar of swaard? 

36 Soos geskrywe is: Om U ontwil word ons die hele dag gedood, ons is gereken as slagskape. 

37 Maar in al hierdie dinge is ons meer as oorwinnaars deur Hom wat ons liefgehad het. 

38 Want ek is versekerd dat geen dood of lewe of engele of owerhede of magte of teenwoordige of toekomende dinge 

39 of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie. 

Die sleutelvers is v37, ons is meer as oorwinnaars, die Griekse woord “hupernika”, wat kom van die woord “nike”, wat beteken “om te oorwin”.  Ons is huper-nika, hyper, meer as oorwinnaars.  Dit is ‘n super oorwinning.  En dit is wat Paulus bedoel in,

1 Kor 15:57 Maar God sy dank, wat ons die oorwinning gee deur onse Here Jesus Christus. 

Dit is wat Johannes bedoel wanneer hy sê in, 

1 Joh 5:5 Wie anders is dit wat die wêreld oorwin as hy wat glo dat Jesus die Seun van God is? 

In Christus is ons oorwinnaars.  Ons is super-oorwinnaars.  Maar, dit is wanneer jy kyk na die groot prentjie.  Dit is jou posisie in Christus.  Die groot oorlog aan die einde van die dag het ons klaar gewen.  Maar wat van elke dag se geestelike oorlog?  Elke dag se geestelike stryd waarmee ons worstel?

As jy elke dag se geestelike oorlog wil wen, sal jy moet doen wat Ef 6 sê, trek die volle wapenrusting van God aan.  Deur die wapenrusting aan te trek kan jy vanuit jou posisie van oorinning elke dag prakties jou oorwinning uitleef.  As jy dit nie doen nie gaan jy in jou alledaagse lewe die geestelike oorlog verloor, al is jy op die ou einde van die groot oorlog tog ‘n wenner.

As jy die positionele realiteit, dat jy meer as ‘n oorwinnaar is in Christus, elke dag wil ervaar, moet jy die wapenrusting aantrek.  Hoe doen ons dit?  Dit is waaroor hierdie reeks preke gaan.  En ons laas keer gepraat oor die skoene van die evangelie van vrede, wat eenvoudig beteken, jy staan in die goeie nuus van vrede, jy het vertroue dat God aan jou kant is.

Die eerste deel van die wapenrusting was die gordel van waarheid, dit is gereedheid, voorbereiding en commitment.  Dit gaan oor ‘n gesindheid van egtheid, truthfulness.  

Die tweede deel was die borswapen van geregtigheid.  Dit gaan oor om geregtigheid te lewe, om heilig te lewe.  Dit beskerm ons hart en ingewande wat spreek van ons gedagtes en emosies.  Uit die hart van die mens, uit jou gedagtes is die oorspronge van die lewe.  As jy wil reg lewe, moet jy reg dink.  As jy wil heilig lewe, moet jou gedagtes rein wees.  Bewaak jou hart meer as alle dinge.

Derdens die skoene van die evangelie van vrede.  Om toegerus te wees met die wete dat God aan jou kant is.  Die Christen staan op die basis van vertroue dat God met hom is.

Vandag kyk ons dan na die vierde deel van die wapenrusting, naamlik die skild van geloof.

Ef 6:16 Behalwe dit alles neem die skild van die geloof op waarmee julle al die vurige pyle van die Bose sal kan uitblus. 

Daar was verkillende soorte skilde wat die Romeinse soldate gebruik het.  Maar twee van hulle staan uit.  Die eerste een was ‘n klein ronde skild, amper soos captain American.  Dit was gewoonlik gekom op die voorarm, dit was op die linkerarm vasgemaak.  Dit was nie swaar nie en dit was gebruik deur voetsoldate om naby houe af te weer.  In die regterhand was die swaard.

Daar was ook ‘n ander skild en dit is die een waarna Paulus verwys wanneer hy die woord “thureon” gebruik.  ‘n “Thureon” was ongeveer 1.3m lank en 760mm breed.  Dit was gemaak van ‘n groot stuk plank met ‘n dik metaal of selfs leer aan die buitekant.  Wanneer die pyle dan die metaal tref, deflekteer dit of wanneer dit die leer tref wat met olie gesmeer is, blus dit die vurige pyle uit.

Die geskiedenis sê ook vir ons dat die mense in daardie tyd was kleiner.  So die skild wat hulle gebruik het, het die persoon heeltemaal beskerm.  En wanneer die Romeinse weermag geveg het, was daar ‘n lang ry van hierdie soldate wat voor gestaan het met hierdie groot skilde.  Dit was genoem ‘n falanks.  

Agter hulle was die boogskutters en swaard vegters en al die ander.  Hierdie voorste ry soldate met hulle skulde het soos ‘n muur gevorm om hulle te beskerm.  Agter die muur van skilde het die boogskutters hulle pyle afgevuur.

So die soldate met die skilde was op die voorfront.  Dit het beskerming gegee vir die ouens agter hulle.  Natuurlik het die soldate voor die meeste beskerming gehad, en ‘n ou kan jouself net indink wat moes gebeur as daar ‘n swerm van pyle op jou afkom en jy het nie ‘n skild gehad nie.

So let op wat sê v16 van Ef 6,

Ef 6:16 Behalwe dit alles neem die skild van die geloof op waarmee julle al die vurige pyle van die Bose sal kan uitblus. 

‘n Meer letterlike vertaling sou wees, “bo dit alles”.  Die KJV sê, “Above all”.  Dit beteken egter nie dat die skild van geloof die belangsrikste deel van die wapenrusting is nie.  Al die dele van die wapenrusting is belangrik.  Trek die volle wapenrusting van God aan, nie net sekere dele of die belangriskte dele nie.  Elke deel is belangrik.

Verder, “bo dit alles”, “above all”, verwys nie net die na die skild van geloof nie, maar verwys na die laaste drie.  Dit kan ook vertaal word met “bykomend dit alles”.  Julle het die gordel van waarheid, julle het die borswapen van geregtigheid, jy het die skoene van die evangelie van vrede, bykomend dit alles, bo dit alles, neem die skild van geloof op, en die helm van verlossing, en die swaard van die Gees.

So die “bo dit alles” of die “bykomend dit alles” sluit die laaste drie dele in en ons sien dit ook in die werkwoord wat gebruik word wat anders is as die eerste drie dele.  In die eerste drie dele van die wapenrusting gaan die werkwoord oor “om te hê”.  

Ons sien dit duideliker in die KJV, v14 “having your loins girt about with truth, and having on the breastplate of righteousness;” v15 “And your feet shod with the preparation of the gospel of peace:” So dit gaan daaroor om dit te hê, wat ‘n aandui is dat dit iets permanents is.  Dit is ‘n permanente ding.

Byvoorbeeld sou daar 'n stilte tydperk wees in die oorlog, en in die stilte tyd sou 'n soldaat gaan rus, maar hy trek nie sy gordel en borswapen en skoene uit.  Hy het dit ten alle tye aan.  Maar wanneer die geveg nou warm raak, dan neem hy sy skild, sy helm en sy swaard op.  So die eerste drie gaan oor ‘n lang tyd se voorbereiding en die laaste drie gaan oor onmiddelike gereedheid.

Die veronderstelling ook is dat jy reeds die gordel van waarheid aan het, maw dat jy committed is, dat jy die borswapen van geregtigheid reeds aan het, maw ‘n heilige lewens wandel het, en die skoene van die evangelie van vrede aan het, maw dat jy staan in die voorbereiding dat God aan jou kant is.  Hierdie dinge moet klaar in plek wees.

En wanneer die geveg nou vurig raak, het jy hierdie dubbele beskerm nodig van die laaste drie dele van die wapenrusting.  Die eerste drie dele, commitment, heilige lewe en vertroue in God moet altyd daar wees.  Jy kan nie met die laaste drie dele gaan veg sonder die eerste drie dele nie.  Die eerste drie moet permanent daar wees.  En wanneer die pyle kom en die aanvalle kom, dan neem jy die skild van geloof op en trek jou helm aan en jy gryp die swaard van die Gees.

Dit is soos ‘n rugby speller wat op die reserwe bank sit.  Hy trek nie sy rugby klere en tokse uit nie.  Hy sit daar gereed om enige tyd op die veld te gaan.  En ek dink dit is die beeld wat Paulus hier probeer skets.  So bo dit alles, neem die skild van geloof, die helm van verlossing en die swaard van die Gees op.

En dit is wonderlik om daar aan te dink, dat God dubbele beskerming gee aan Sy kinders.  Dit sou genoeg gewees het om vertroue te hê in God se krag en dat Hy aan jou kant is met die skoene van die evangelie van vrede wat jy aan het.  Dit sou genoeg gewees het om die borswapen van geretigheid aan te hê en gordel van waarheid.  Maar God gee vir ons dubbele beskerming.

Kol 3:3 sê dat ons lewe is verborge met Christus in God.

Die Griekse woord is “krupto” wat beteken ons lewe is “weggesteek of beskermd” met Christus in God.  Maar die konteks sou eerder sê beskermd.  Concealed of covered with Christ in God.  En dit sou vir ons genoeg gewees het om met Christus in God beskermd te wees.  Maar ons het no op die alles ‘n dubbele beskerming.

Wanneer die geestelike oorlog rof raak en die pyle begin vlieg, dan het jy die skild van geloof.  So waarvoor is die skild van geloof?

Ef 6:16 Behalwe dit alles neem die skild van die geloof op waarmee julle al die vurige pyle van die Bose sal kan uitblus. 

Let op! Om “al die vurige pyle”, nie net sommige nie, maar al die vurige pyle uit te blus.  So maak nie saak wat dit is nie, en waarmee die duiwel jou aanval nie, die skild van geloof is oorgenoeg om dit uit te blus.  ‘n Mens sou sê dat dit al deel van die wapenrusting is wat ‘n mens nodig het, dit is hoe volledig dit is, maar dit is ‘n dubbele beskerming.

Waar kom die vurige pyle vandaan? V16 sê die vurige pyle kom van die bose.  Die Griekse woord is, “poneros”, wat verwys na die bose een, die Satan.  Satan self skiet pyle en hy gebruik sy bose magte om vurige pyle te skiet, maar ons blus dit uit met die skild van geloof.

Dit is ook belangrik om te sien dat ons oorlog is teen ‘n persoonlike wese, die Satan, die bose een.  Daar is sommige teoloë wat vandag verkondig dat die duiwel nie ‘n werklikheid is nie, en dat hy maar net ‘n filosofiese idee is.  Die Bybel sê hier duidelik, hy is ‘n persoon.  Ons geveg is nie teen ‘n abstrakte onpersoonlike idee of filosofie nie.  Ons geveg is teen ‘n werklike vyand, die Bose een.

So die vurige pyle kom van die duiwel en sy bose magte.  Hoekom vurige pyle?  Wat is hierdie vurige pyle?  Wat is dit wat ons probeer stop met die skild van geloof?  Waarmee val die duiwel ons aan?  Dit is baie eenvoudig.  Dit verwys na versoekinge.  Hy val ons eenvoudig aan met versoekinge.

Die duiwel skiet ons met pyle van onreinheid, pyle van selfsug, pyle van twyfel en vrees, telleurstelling, wellus, hebsug, ydelheid, gierigheid en nog baie ander dinge.  Dit is alles die begeerlikheid van die vlees, die begeerlikheid van die oë en die grootsheid van die lewe.  Hy bombardeer ons met al hierdie vleeslike dinge.  En die verdediging wat jy het teen al hierdie aanvalle is die skild van geloof.

So kom ons kyk eers na geloof.  Wat is geloof?  Geloof beteken eenvoudig om God te vertrou.  En dit is die basis van ons Christen geloof.  Christenskap is ‘n daad van vertroue in God.

Heb 11:6 En sonder geloof is dit onmoontlik om God te behaag; want hy wat tot God gaan, moet glo dat Hy is en ‘n beloner is van die wat Hom soek. 

Ons kom na God toe deur Christus Jesus en ons glo dat Hy is.  Ons glo dat Hy het die Skrif vir ons gegee.  Ons glo dat Christus is God.  Ons glo dat Hy het gesterf en opgestaan.  Ons glo dat Hy kom weer.  Ons glo dat deurdat ons in Hom glo, dat ons Sy koninkryk sal ingaan.  Hab 2:4 sê dat die regverdige sal deur sy geloof lewe.  So ook Rom 1:17, Gal 3:11, Heb 10:39 “geloof tot die behoud van lewe”.

Ons leef ‘n lewe van geloof.  En dit gaan alles oor om God te glo.  Ja, elke mens glo in iets.  Jy klim in jou kar en glo en hoop dat dit nie langs die pad sal gaan staan nie en dat jy veilig by die huis sal kom.  Jy klim op ‘n vliegtuig en glo dat jy by jou eindbestemming sal uitkom.  Almal glo in iets.

Die vraag is egter nie of jy geloof het nie.  Almal glo in iets.  Die vraag is, waarin plaas jy jou geloof?  Of op wie plaas jy jou geloof?  Luister!  Dit is nie geloof in iets nie, dit is geloof in wie!  Geloof is in God.  Dit is om God te vertrou.

Elke pyl wat die duiwel na jou die skiet is ‘n leuen, is dit nie so nie?  En as jy geval het vir die leuen dan het jy hom geglo en nie God geglo nie.  Geloof beteken om totaal en al op God te vertrou.  Dit beteken om te sê, as God so gesê het, dan is dit so, dan is dit die waarheid en ek glo dit.  If God said it, I believe it, that settles it.

Nou hoe werk versoeking?  Kom ek verduidelik.  God skep ‘n perfekte omgewing, die tuin van Eden.  Hy skep ‘n perfekte man en vrou.  Hulle was sondeloos.  En hier kom die duiwel en sê vir Evan, “het God gesê?”  En dan plaas hy twyfel in haar hart en bevraagteken God se motiewe.  “God wil niê hê jy moet soos Hom wees wat goed en kwaad kan onderskei nie.  Jy kan Hom nie vertrou nie”. 

So die duiwel wil hê jy moet in God twyfel en jy moet hom glo.  Eva het daarvoor geval.  Sy het die duiwel geglo en in God getwyfel.  En elke versoeking wat ooit na jou toe gekom het, het op hierdie manier na jou toe gekom.  Dat jy nie God moet glo nie.

Ons sien in Matt 4 en Luk 4 toe die duiwel Jesus versoek het in die woestyn.  Hoe versoek hy Jesus?  Hy versoek Hom deur nie in God te glo nie.  Dieselfde ou trick.  “Moenie in God glo nie, glo in my”.  Verander hierdie klippe in brode.  Nou wat is verkeerd daarmee?  Jesus is die Seun van God en Hy kon dit doen as Hy wou.  

So wat is verkeerd daarmee om klippe in brood te verander en dit te eet?  Satan het in ‘n sekere sin vir Hom gesê, “vir veertig dae, niks geëet nie, in die woestyn, het God jou nie dalk verlaat nie?  Hy het mos gesê Hy sal vir jou sorg.  Hy sal mos vir jou onderneem.  As Hy dan die groot voorsiener is, waar is Hy nou?  Hoekom sorg Hy nie vir jou nie?  Het Hy nie van jou vergeet nie?  Moenie vir Hom wag nie, jy kan nie op Hom vertrou nie.”

So die versoeking wat die duiwel aan Jesus gee is om dinge in Sy eie hande te neem.  En dan sê hy vir Jesus, “Het God nie belowe dat jy die Messias gaan word nie, het Hy nie belowe dat elke knie voor jou sal buig nie, het Hy nie belowe dat jy Koning sal wees nie?  Waar is dit alles?  Hier is jy in die woestyn.”  

En hy gaan wys vir Jesus die tempel en sê Hy moet spring.  Hy het mos gesê Hy sal sy engele stuur om jou op die hande te dra.  Of sal Hy?  So hy probeer twyfel skep.  “Het God nie gesê dat Hy al die koninkryke van die wêreld vir jou gee nie?  Dit lyk nie of dit gaan gebeur nie.  Kom saam met my en ek sal dit vir jou gee.”

Maw, “moenie God glo nie, Hy hou nie Sy woord nie.  Glo my.  Doen dit my manier.”  En dit is hoe die duiwel elke gelowige elke keer versoek.  Die Bybel sê, “jy moenie ‘n seksuele verhouding buite die huwelik hê nie, maar ek sê vir jou dit is nie so erg nie.  Die Bybel sê, laat daar geen vuil taal uit jou mond uitgaan, maar ek sê vir jou, ag moenie so eng wees nie, dis nie so bad nie.” 

Dit kom alles daarop neer, wie glo jy?  Of jy glo God, of jy glo die duiwel.  En elke keer as jy sondig, het jy geval vir die duiwel se leuen.  God sê, doen dit.  Die duiwel sê, nee man, doen dit.  God sê, jy moet jou onderwerp aan die owerhede wat bo oor jou aangestel is, maar die duiwel sê nee, jy hoef nie eerlik te wees met jou inkomste belasting opgawes nie.  Ten minste gaan jy so ietsie meer uitkry.

Dit kom alles daarop neer.  As jy sondig, was jy ongelowig.  Jy het die duiwel geglo en geval vir sy leuen.

Rom 14:22 Het jy geloof? Behou dit vir jouself voor die aangesig van God. Gelukkig is hy wat homself nie oordeel in wat hy vir geoorloof ag nie. 

23 Maar hy wat twyfel as hy eet, is veroordeel, omdat dit nie uit die geloof is nie; en alles wat nie uit die geloof is nie, is sonde. 

Wanneer jy sondig sê jy in werklikheid dat jy God nie glo nie en dat die duiwel beter weet.  Nee!  Jy moet die duiwel so haat dat jy hom nie daardie satisfaksie gee nie.  Dit moet vir jou oor genoeg rede wees om nie te sondig nie.  En die enigste manier waarop jy die vurige pyle van die Bose kan uitblus is eenvoudig, glo God.  Vertrou op God.

2 Kor 1:23 Maar ek roep God as getuie aan oor my siel dat ek om julle te spaar nog nie na Korinthe gekom het nie— 

24 nie dat ons heers oor julle geloof nie, maar ons is medewerkers aan julle blydskap; want in die geloof staan julle vas. 

Dit is die skild van geloof.  Om God te vertrou.  Vetrou Hom en jy sal nie val nie.

Spr 30:5 Elke woord van God is gelouter; Hy is ‘n skild vir die wat by Hom skuil. 

KJV

Pro 30:5 Every word of God is pure: he is a shield unto them that put their trust in him. 

Solank as wat jy God vertrou en in Hom glo, sal Hy vir jou ‘n skild wees.

1 Joh 5:4 Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof. 

Hoe oorwin jy die wêreld?  Geloof.  Solank as wat jy God vertrou, sal jy altyd die dubbele beskerming hê, en jy sal onfeilbaar wees en oorwin.  Hoe staan jy die duiwel tee?

1 Pet 5:8 Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind. 

9 Hom moet julle teëstaan, standvastig in die geloof...

Die skoene van die evangelie van vrede

Ef 6:13 Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly. 

14 Staan dan vas, julle lendene met die waarheid omgord, met die borswapen van die geregtigheid aan, 

15 en as skoene aan julle voete die bereidheid vir die evangelie van vrede. 

16 Behalwe dit alles neem die skild van die geloof op waarmee julle al die vurige pyle van die Bose sal kan uitblus. 

17 En neem aan die helm van verlossing en die swaard van die Gees—dit is die woord van God— 

Ek en jy is in ‘n geestelike oorlog gewikkel en die duiwel en sy bose magte is ons vyand.  God het ons geroep en ons afgesonder om heilig te leef.  ‘n Lewe wat Hom verheerlik.  Ons is anders as die wêreld.  Maar aan die ander kant gaan die duiwel alles probeer om ons te verhinder om so te leef soos wat God wil hê ons moet leef.  En dit is elke gelowige se geestelike oorlog.

En hierdie oorlog het begin die dag toe jy wedergebore is.  Selfs voor jy gered was, was daar reeds ‘n aanval op die verkondiging van die Woord aan jou.  Jesus sê,

Matt 13:19 As iemand die woord van die koninkryk hoor en nie verstaan nie, kom die Bose en roof wat in sy hart gesaai is—dit is hy by wie langs die pad gesaai is. 

So die duiwel wil die saad wat gesaai kom steel, sodat niemand kan reageer op die boodskap nie.  En wanneer ons ‘n gelowige word en ons nog baba Christene is, gooi hy ons met ‘n klomp valse leringe, sodat ons moet rond val.  Dit is hoekom Paulus die volgende sê,

Ef 4:13 totdat ons almal kom tot die eenheid van die geloof en van die kennis van die Seun van God, tot ‘n volwasse man, tot die mate van die volle grootte van Christus; 

14 sodat ons nie meer kinders sou wees nie wat soos golwe geslinger en heen en weer gedryf word deur elke wind van lering, deur die bedrieëry van die mense, deur sluheid om listiglik tot dwaling te bring; 

15 maar, terwyl ons in liefde die waarheid betrag, in alles sou opgroei in Hom wat die Hoof is, naamlik Christus. 

So hy gaan alles probeer om jou te keer om op te groei in Christus.  En as jy onthou, het Satan alles probeer om Jesus dood te maak.  In die Handelinge boek het hy die kerk wat die boodskap van Jesus verkondig het teëgestaan.

Paulus het sy sendingreis begin om die evangelie aan die wêreld te gaan verkondig en hy het te doen gekry met towenaars en demoon besete mense wat probeer om sy pogings te stuit.  Petrus het teenkanting gekry en daar was vervolging.  Die Sanhedrin het probeer om die kerk stil te maak.  En regdeur die Nuwe Testament het die Satan die evangelie teëgestaan.

So ook deur die geskiedenis van die kerk.  Christene wat gemartel en doodgemaak is, die wat die Here liefgehad het.  Die wat die evangelie van Jesus Christus verkondig het.  En die duiwel probeer steeds die werk van die Here keer.  Hy is teen alles wat God doen.

Jesus openbaar die waarheid, Joh 1:17 sê, die genade en waarheid het deur Jesus Christus gekom.  Die duiwel wil dit wegsteek en verdraai.  Joh 8:44 sê, hy is ‘n leuenaar en die vader van leuens.  Jesus openbaar die waarheid, die Satan steek dit weg en verdraai dit.

Joh 5:21 sê dat Jesus gee lewe.  En Satan vlg Joh 8:44, is die mensemoordenaar.  Heb 2:14 sê, die duiwel het mag oor die dood.  So Jesus kom gee lewe, en die duiwel kom neem lewe.  Jesus bring geestelike vrug in ons lewens voort, vlg Gal 5:22, maar die duiwel bring die werke van die vlees in ons lewens voort.

Jesus toets ons, sodat ons kan groei tot volmaaktheid, waar die Satan ons versoek om ons te vernietig.  Petrus sê, hy loop rond soos ‘n brullende leeu en soek wie hy kan verslind.  In Joh 8:31&32 sien ons dat Jesus maak jou vry.  In 2 Tim 2:26 sien ons dat die duiwel wil mense slawe maak.  

Vlg 1 Joh 2:1, as die gelowige sondig dan verdedig Jesus ons by die Vader.  Maar vlg Op 12:10 sien ons die duiwel kla ons aan.  Jesus is ons Voorspraak, die duiwel is ons aanklaer.

So in die gelowige se lewe is hierdie geestelike stryd die hele tyd aan die gang.  En hoe gaan ons hierdie oorlog wen?  Hoe gaan ons op die plek kom waartoe God ons geroep het en waar ons lewens afgesonderd en heilig is wat Hom verheerlik?  Hoe gaan ons staande bly teen die duiwel se aanvalle?  

Daar is net een manier, en dit is God se manier.  En dit word vir ons duidelik in die Bybel uitgespel.  Daar is ander wat sê jy moet allerhande rituele volg of hulle het ‘n klomp formules oor hoe om met die duiwel af te reken.  Maar dit gaan jou niks help nie.  Doen wat die Bybel sê.

Hier is so vyf beginsels om die vyand te oorwin:

1. Besef dat Christus reeds met Satan afgereken het.

1 Joh 3:8 Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek. 

Heb 2:14 sê Jesus het hom wat mag oor die dood het tot niet kom maak.  So die eerste ding wat jy moet besef en weet is dat Jesus het klaar die duiwel oorwin.

2. Sy krag is binne in jou.

1 Joh 4:4 Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is. 

Wanneer ‘n mens gered word, kom woon die Heilige Gees binne in jou met al Sy krag waarmee die duiwel oorwin is.  Sy krag en sy sterkte is in jou.

3. Gee die duiwel geen plek nie.

1 Pet 5:8 Wees nugter en waaksaam (maw kry jou prioriteit reg, kry jou commitment reg), want julle teëstander, die duiwel, loop rond soos ‘n brullende leeu, en soek wie hy kan verslind. 

9 Hom moet julle teëstaan, standvastig in die geloof...

So besef dat Christus reeds die oorwinning oor die Satan behaal het, en besef dat Sy krag in jou woon, want die Heilige Gees woon in jou en weerstaan hom, weerstaan die duiwel, jy kan want jy het God se krag in jou.

So hoe moet ons hom weerstaan?

Ef 4:27 en gee aan die duiwel geen plek nie. 

Dit is so eenvoudig soos dit.  Gee aan hom geen plek nie.  Hierdie vers impliseer dat as die duiwel plek gekry het in jou lewe, is dit omdat jy vir hom plek gemaak het.  Jy het die keuse gemaak.  Jy het die deur vir hom oopgemaak.  Gee aan hom geen plek nie.

Hoe doen ek dit?  Hoe gee ek nie aan hom plek nie?

2 Kor 2:11 want ons is met sy planne nie onbekend nie. 

Ons moet nie onkundig wees met sy planne nie.  As jy hom nie plek wil gee nie, sal jy moet weet waar hy wil inkom.  Maak toe die deure en vensters en maak seker jy is bewus van sy planne.  So!  Wat is sy planne?

1 Joh 2:16 Want alles wat in die wêreld is—die begeerlikheid van die vlees en die begeerlikheid van die oë en die grootsheid van die lewe—is nie uit die Vader nie, maar is uit die wêreld. 

So hoe kom die duiwel na jou toe?  Die begeerlikheid van die vlees, die begeerlikheid van die oë en die grootsheid van die lewe.  Dit is sy planne.  En ons moet hierdie deure toemaak.  Ons moet nie hierdie dinge plek gee in ons lewens nie.  Dit is hoe jy hom teëstaan.

4. As jy die duiwel sien kom, vlug!

2 Tim 2:22 Maar vlug vir die begeerlikhede van die jonkheid en jaag ná geregtigheid, geloof, liefde, vrede, saam met die wat die Here uit ‘n rein hart aanroep. 

Dit is baie eenvoudig.  Vlug van begeerlikheid en jaag na geregtigheid.  Moet hom geen plek gee nie en vlug as jy sien hy kom.

5. Neem elke gedagte gevange tot gehoorsaamheid aan Christus.

Maw, ons gedagtes moet beheer word deur die Woord van God.  Daar is nie ander kort paaie nie.  Om ‘n oorwinnende Christen lewe te leef, moet jy gedagtes oorgegee wees aan die Woord van God, sodat jou denke en emosies onder die waarheid is.

Nou al hierdie beginsels is opgesom in Ef 6:13-17.  Hulle word mooi saamgevat in die beeld wat Paulus gebruik van ‘n wapenrusting.  Ons het alreeds gekyk na die gordel van waarheid en die borswapen van geregtigheid.

Derdens kyk ons dan na die skoene van die evangelie van vrede.

Ef 6:15 en as skoene aan julle voete die bereidheid vir die evangelie van vrede. 

Nou kom Paulus by die soldaat se voete.  Oorspronlik was skoene gebruik om jou voete te beskerm, maar vandag in ons kultuur het dit ‘n fashion statement geword.  Ons het nie vandag soveel beskerming nodig nie.  Ons karre het matte.  Ons het strate het plaveisel, ons werke het matte of teels, en die plekke wat ons besoek se vloere is so te sê veilig om te loop.

Die meeste van die tyd gaan loop ons nie op rowwe plekke nie.  So ons het nie regtig skoene nodig om ons voete te beskerm nie.  Vandag het ons ook skoene vir elke soort okkasie.  Ons het tennis skoene, draf tekkies, rugby tokse en elkeen het ‘n funksie.  Sommige vroue het skoene wat pas by elke soort rok of pakkie wat hulle aantrek.  En ons het seker maar ons redes hoekom dit so is.  Elke soort skoen het ‘n sekere funksie.

Dit is ook waar in oorlog.  ‘n Romeinse soldaat sou nie met vellies gaan baklei het nie, ook nie met plakkies nie.  Hy het spesiale skoene gedra, en in ‘n oorlog situasie kon dit sy lewe red.  Dit moes skoene wees wat hom nie laat gly het nie.  Skoene wat ver afstande kon loop. 

So die Romeinse soldaat het ‘n skoen gehad met ‘n dik sool.  Amper soos landmyne, het die vyand soms skerp stokke geplant om die Romeinse soldate se voete te beseer.  Jy kan jou hand of arm of lyf seermaak en nog veg, maar as jou voete beseer was, was jy in die moeilikheid.  So hulle sole was dik gewees.

Die dik sool het dan orals bande gehad wat vasgemaak het.  Aan die onderkant was daar stukke staal, amper soos rugby tokse, om hulle ‘n lekker grip te gee.  En dit is hierdie beeld wat Paulus in gedagte het wanneer hy praat van die wapenrusting.

Die Christen soldaat het ook skoene nodig.  Jy kan die gordel van waarheid aan hê, maw gereed wees en committed wees, jy kan die borswapen van geregtigheid aan hê, maw ‘n heilige en godvrugtige lewe leef, maar as jou nie kan staan op jou voete nie, gaan jy val.

Ef 6:15 And your feet shod with the preparation of the gospel of peace. 

Die woord “preparation” kom van die Griekse woord “hetoimasia” wat letterlik beteken “voorbereid/toegerus”.  Dit kom van die stamwoord “hetoimazo” wat beteken “om voor te berei”.  Maw as jy voorbereid is, dan is jy toegerus.  “Shod” beteken “om aan te trek”.  So wat sê Paulus?  Hy sê, trek jou skoene wat toegerus is aan.

Jou voete moet toegerus wees.  Hulle moet voorbereid wees.  Tit 3:1 gebruik dieselfde woord “hetoimasia”,

Tit 3:1 Herinner hulle daaraan om onderdanig te wees aan owerhede en magte, om gehoorsaam te wees, bereid (gereed/voorbereid/toegerus) tot elke goeie werk; 

KJV

Tit 3:1 Put them in mind to be subject to principalities and powers, to obey magistrates, to be ready to every good work, 

Gereed te wees.  Toegerus te wees.  Voorbereid te wees om goeie werke te doen.  So jou voete moet toegerus wees met die regte toerusting vir oorlog.  Waarmee moet ons toegerus wees?  Met die wete dat God is aan ons kant.  Kom ek verduidel:

Nou baie mense lees Ef 6:14 en sê dit verwys na iemand wat die evangelie van vrede gaan verkondig.  En hulle kry dit van Rom 10:15 wat sê, hoe lieflik is die voete van die wat die evangelie van vrede verkondig.  En die evangelie van vrede moet verkondig word.  Dit is wat Rom 10 sê.  Maar dit is nie wat Ef 6 se bedoeling is nie.  Dit beteken nie om te gaan en te preek nie.  

Wat is die eerste woorde in vers 14?  

Ef 6:14 Staan dan vas, julle lendene met die waarheid omgord, met die borswapen van die geregtigheid aan. 

Dit sê nie gaan nie, dit sê staan dan vas.  En dit gaan nie hier oor om te gaan en om die evangelie te gaan verkondig of oor die prediking van die Woord nie.  Dit gaan mos hier om ‘n geestelike oorlog teen die duiwel.  Dit gaan hier om vas te staan en die duiwel te veg.

Die gedagte word die beste beskryf in 1 Kor 16:13,

1 Kor 16:13 Waak, staan in die geloof, wees manlik, wees sterk. 

Ef 6:11 Trek die volle wapenrusting van God aan, sodat julle staande kan bly teen die liste van die duiwel. 

So die doel van die wapenrusting en dit sluit in die skoene van die evangelie van vrede, die doel is om staande te kan bly teen die liste van die duiwel.  V13 sê, sodat julle weerstand kan bied in die dag van onheil.  Dit gaan oor om vas te staan en nie oor om te gaan nie.  So dit is nie bedoeling van Paulus hier nie.

Ja, ons moet gaan en die evangelie van vrede gaan verkondig, maar dit is nie waaroor dit hier gaan nie.  Dit gaan nie oor evangelisasie nie, dit gaan oor ‘n geestelike oorlog.  So wat Paulus sê is, omdat ons voete aangetrek is met die goeie nuus van vrede, moet ons vas staan en nie gly en val wanneer ons aangeval word nie.

Kom ons kyk gou na die terme, “die evangelie van vrede”.  Evangelie beteken “die goeie nuus”.  So dit is die goeie nuus van vrede.  En wat is die goeie nuus van vrede?  In kort, ons was God se vyand en onder Sy oordeel.  Maar die goeie nuus is dat Christus vrede gebring het tussen God en mens.  Rom 5.

Toe ons swak was het Christus vir ons gesterf.  Hy het vir ons gesterf toe ons nog sondaars was.  Ons was sy vyande.  Maar God het die oplossing gegee.  In Christus se dood is ons geregverdig.  Deur Hom is ons gered van die toorn.

Rom 5:10 Want as ons, terwyl ons nog vyande was, met God versoen is deur die dood van sy Seun, veel meer sal ons deur sy lewe gered word nou dat ons versoen is. 

So waaroor gaan die evanglie van vrede?  Die evangelie gaan oor die mens wat vyand van God was, maar in Christus het ons vrede by God.  Dit is die evangelie van vrede.

Rom 5:1 Omdat ons dan uit die geloof geregverdig is, het ons vrede by God deur onse Here Jesus Christus. 

Dit is die goeie nuus.  Jy is nie meer aan God se verkeerde kant nie.  God is nie meer teen jou nie, maar God is vir jou.  2 Kor 5:19 sê ons is met Christus versoen.  Kol 1:20 sê, Hy het vrede gemaak deur die bloed van Sy kruis.  So die evangelie van vrede is dat ons een is met God en dat Hy aan ons kant is.  

Dit beteken dat ‘n Christen wat vasstaan sê, my voete is geanker op vaste grond, want God is aan my kant.  So hoekom moet ek die skoene die evangelie van vrede aantrek?  Want dit help my om staande te bly.  As ek in my eie krag moes staan en in die oorlog moes veg, sou ek beslis verloor het.

Kom ek gee ‘n illustrasie: In Joh 18 lees ons waar die Romeinse soldate Jesus gevange wil neem.  Daar was so 500 honderd soldate.  Petrus en die dissipels was saam met Jesus.  Jesus vra hulle toe, “Wie soek julle?”  En hulle sê hulle is opsoek na Jesus, die Nasarener.  Jesus antwoord toe en sê, “dit is Ek.”

En toe Jesus dit sê, het hulle agteruitgegaan en op die grond geval.  500 soldate val agteroor soos dominoes.  En toe hulle opstaan, toe vat Petrus sy swaard en kap een van die diensknegte van die hoëpriester se oor af.  Hy het tien teen een probeer om hom dood te slaan en toe het die dienskneg gekoes en Petrus slaan toe sy regteroor af.

Nou wat het Petrus besiel?  Waar het hy die selfvertroue gekry en die krag gekry om so iets te doen?  Hy het nou net gesien hoe ‘n hele weermag soldate agteruit struikel toe Jesus net sê, “dit is Ek”.  Petrus het sekerlik onfeilbaar gevoel.  Die gevoel van, niks kan met my gebeur nie, want hierdie Jesus wat 500 soldate laat agteruit struikel, Hy is aan my kant.  Hy het geweet wie is aan sy kant.

Petrus en Johannes het in die Sanhedrin ingegaan en gesê, ons gee nie om wat julle sê nie, maar ons gaan God dien en hulle het nie gevrees nie, want hulle het geweet wie was aan hulle kant.  Paulus het ook Jesus Christus gepreek en geweet wie was aan sy kant.  Al het hy soveel teenkanting gekry, het dit hom nie gekeer nie.

Dieselfde met die skoene van die evangelie van vrede.  Dit is soos om vir die duiwel te sê, gee jou beste hou.  Ek is gereed vir jou.  Ek staan vas, want God is aan my kant.  Om die skoene van die evangelie van vrede aan te trek, beteken om in absolute vertroue te staan dat God aan jou kant is.  Ek het die skoene van die toerusting van die evangelie van vrede aan.

Jy staan vas met die skoene van die evangelie van vrede aan jou voete.  Jy het vrede by God in Jesus Christus.  God is aan jou kant.  Daarom is jy toegerus en voorbereid.  

Ef 6:15 And your feet shod with the preparation of the gospel of peace; 

Die Afrikaanse vertaling sê, die bereidheid van die evangelie.  Dit is egter verkeerd vertaal.  Dit beteken letterlik voorbereid of toegerus.  Ons is toegerus met die evangelie van vrede.  Ons is toegerus met die wete dat God aan ons kant is. 

Wanneer die duiwel ons voete aanval, weet ons dat ons staan op vaste grond.  Ons staan op die grond van die evangelie van vrede wat sê, die goeie nuus dat ek nie meer ‘n vyand van God is nie, maar dat ek vrede by God het, dat God aan my kant is.

So watookal die Satan na jou kant toe bring, kan jy soos v10 sê, kan jy kragtig wees in die Here en in die krag van Sy sterkte.  Dit is die vertroue wat jy het wanneer jy die skoene van die evangelie van vrede aan het.

Luister!  Oorwinning is daar vir jou lewe as ‘n Christus.  Antwoord net hierdie drie vrae:  Wil jy regtig oorwin?  Het jy die gordel van die waarheid aan?  Het jy ‘n gesindheid van egtheid?  Is jy committed?  

Tweedens, is dit jou begeerte om heilig te lewe?  Het jy die borswapen van geregtigheid aan?  Lewe jy ‘n lewe van geregtigheid.  

En derdens, is jy dapper in die oorlog, want jou voete is gegrond in jou vertroue in God.  Hy is aan jou kant.  As jy rond gaan en twyfel oor God se krag, gaan jy verloor.