‘n Liefde en vreugde vir God se Woord

1 Pet 2:1 Lê dan af alle boosheid en alle bedrog en geveinsdheid en afguns en alle kwaadpratery;

2 en verlang sterk soos pasgebore kindertjies na die onvervalste melk van die woord, dat julle daardeur kan opgroei,

3 as julle ten minste gesmaak het dat die Here goedertieren is.

Egte en ware Christenskap word altyd gekenmerk deur ‘n liefde en ‘n vreugde vir God se Woord.  Jesus het gesê in Joh 8:47 dat die wat uit God is, luister na die woorde van God.  En die rede waarom mense nie na die woorde van God luister nie, is omdat hulle nie uit God is nie.

En hierdie luister beteken nie net om te hoor nie.  Hierdie luister beteken om te gehoorsaam.  Party mense hoor, maar luister nie.  Ook in Joh 8 het Jesus gesê dat die ware gelowige is iemand wat God se Woord bewaar.  Paulus het gesê dat hy verlustig hom in die wet van God na die innerlike mens.  Job het gesê,

Job 23:12 Van die gebod van sy lippe het ek nie afgewyk nie; die woorde van sy mond het ek bewaar meer as my eie wet.

Die Psalmdigter begin die Psalms met,

Psa 1:1 Welgeluksalig is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie;

2 maar sy behae is in die wet van die HERE, en hy oordink sy wet dag en nag.

Dawid skryf ook in Psalm 19 dat die Woord van God is begeerliker as goud en soeter is heuning.  Ook in 40:8 sê hy dat die wet is binne-in sy ingewande.  Hoor wat sê Jeremia,

Jer 15:16 Toe u woorde gevind is, het ek hulle opgeëet, en u woord was vir my vreugde en vrolikheid vir my hart; want u Naam is oor my uitgeroep, HERE, God van die leërskare!

Dit is die karaktereienskap van ‘n ware gelowige, iemand wat hom verlustig in die Woord van God.  Dit is iemand wat God se Woord lief het, hom verlustig daarin, dit opeet, dit begeer.

Kom ek vra jou ‘n vraag:  Is dit hoe jy voel oor die Woord van God?  Is dit jou begeerte?  Het jy die Woord van God lief?  Is dit vir jou begeerliker as goud?  En ek vra hierdie vraag, want dit is die onderliggende waarheid agter ons teksgedeelte.

Petrus sê soos pasgebore babas melk bergeer, so moet ons die Woord begeer.  Binne in die hart van die gelowige moet daar ‘n liefde wees vir die Woord van God.  En hierdie liefde en vreugde vir God se Woord is die tema van die teksgedeelte.

En hierdie is deel van wat Petrus in hoofstuk 1 gesê het.  Hy gee ‘n klomp odragte vir ons.  In reaksie op die groot verlossing wat God vir ons gegee het.  Moet ons volkome hoop op die genade van God, moet ons heilig leef en God vrees.  Dit is ons verpligting teenoor Hom.

Ons moet ook mekaar vurig liefhê, want ons is wedergebore, ons is familie.  En ons derde verpligting is dat ons God se Woord sal begeer.  Dit is ons verpligting teenoor onsself.  Dit moet die dryf veer wees in die gelowige se lewe.  En en dink julle sal saam met my stem dat in baie van ons lewens is daar is te kort aan hierdie begeerte.

Sommige van ons kan vir dae, selfs weke gaan sonder om eers te bekommer hieroor.  En daarom is hierdie vermaning wat Petrus gee so belangrik vir ons.  Kyk gou na v2.  Die klem val op hierdie woorde.

1 Pet 2:2 en verlang sterk soos pasgebore kindertjies na die onvervalste melk van die woord...

Verlang sterk!  Dit is in die imperatiewe vorm.  Dit is ‘n opdrag.  En die Griekse woord “epipotheo”  beteken letterlik “om te begeer/ to intensly crave for”.  Om ‘n intense begeerte te hê na die Woord.  In die Griekse vertaling van die Ou Testament wat genoem word, die Septuagint, kom hierdie woord ook ‘n paar keer voor, soos byvoorbeeld Psalm42.

Ps 42:1 ...Soos ‘n hert wat smag na waterstrome, so smag my siel na U, o God!

Die woord word 9 keer in die Nuwe Testament gebruik.  7 keer deur Paulus, 1 keer deur Petrus en 1 keer deur Jakobus.  In Rom 1:11 en Fil 1:8 gebruik Paulus hierdie woord om te sê dat hy verlang na effektiewe bediening.  In 2 Kor 5:2 gebruik hy dit om te sê dat die gelowige is verlange het na die hemel.  In 2 Kor 9:14 en Fil 2:26 gebruik hy dit om te verwys na ‘n intense begeerte vir liefde.  In 1 Thes 3:6 en 2 Tim 1:4 gebruik hy dit om te praat van ‘n begeerte en verlange na die gemeenskap van gelowiges.

Petrus beveel ons om hierdie sterk verlange, hierdie intense begeerte te hê vir die Woord.  Let op presies waarna moet ons ‘n sterk verlange hê.

1 Pet 2:2 en verlang sterk soos pasgebore kindertjies na die onvervalste melk van die woord

Na die onvervalste melk van die woord.  Die KJV sê, “desire the sincere milk of the word.”

Petrus sê hierdie begeerte is vir iets wat nie vervals is nie, maar iets wat eg is, iets wat nie besmet is nie.  En die Griekse woorde wat hy hier gebruik word baie gebruik in die Griekse taal om te verwys na plaas produkte.  Suiwer produkte.  Suiwer melk.  Melk wat nie besmet is nie.  Ons verlange moet wees na die suiwer Woord van God.

Die Bybel sê die Woord van God is suiwer.  Die onvervalste melk is die geestelike melk wat vloei uit die lewende en ewige Woord.  Hy gebruik hier is prentjie van ‘n baba, waarskynlik die nuwe wedergebore kind van God, wat verlang na melk.  Geestelike geboorte bring hierdie verlange en begeerte na God se Woord.

Kom ek som gou die Christen lewe op in drie dinge:  Heilig wees, want God is heilig.  Liefde vir jou geestelike broer en sister en derdens, ‘n verlange en begeerte na die Woord.  En Petrus het dit alles hier opgesom, jou verpligting teenoor God, jou verpligting teenoor ander en jou verpligting teenoor jouself.

Die vraag is: Hoe kan ek op daardie plek kom waar ek hierdie sterk verlange het vir die onvervalste woord?

Ek dink die eerste ding is om op te hou junk food eet.  Te veel junk food word van kansels af versprei.  Te veel geestelike boeke is vol gemors kos.   En as ons nie op die plek kom waar ons kies wat ons eet, waarna ons luister en watter boeke ons lees en na wie ons luister nie, gaan ons nooit op daardie plek kom waar ons ‘n intense sterk verlange het na die onvervalste woord van God nie.

Hoe kom ons op die plek waar ons ‘n sterk verlange het vir die onvervalste Woord?  Waar Bybel studie nie net ‘n plig is nie, waar Bybel studie nie net ons verantwoordelikheid is nie, waar Bybel studie nie iets is wat ons doen uit vrees if skuldgevoel nie?  Maar waar dit ons liefde en vreugde is?

Ek wil ‘n paar beginsels gee oor hoe ons hierdie verlange kan hê? 

Die eerste beginsel is: Onthou jou lewensbron.  As jy nie ‘n begeerte het vir die Woord van God nie, het iets vergeet.  Jy het jou lewensbron vergeet.  Hoekom sê ek dit?  Waarmee begin v1?

1 Pet 2:1 Lê dan...

Die engels is meer duidelik.  “Wherefore...”  v1 eers begin met “wherefore”, want dit volg op alles wat Petrus in hoofstuk 1 gesê het.  Hy bou dit wat hy nou sê op dit wat hy reeds gesê het.  In v23 sê hy dit is die lewende Woord van God wat tot in ewigheid bly.  Dit is hierdie onverganklike saad wat jou wedergeboorte geskenk het.  In 1:25 sê hy dat die Woord van die Here bly tot in ewigheid.

Wat is die een enkele groot wonderwerk wat nog ooit in jou lewe kon plaasgevind het?  Wat is dit?  Jou wedergeboorte.  Die transformasie van jou lewe en jou ewige tuiste was ‘n wonderwerk wat gekom het deur die Woord van God.

Daarom, moet jy sterk verlang na die onvervalse melk van die Woord van God.  Dit was die Woord wat jou nuwe lewe gegee het, wat jou verander het en gered het.  Dit is jou lewensbron.   Hoe kan jy hierdie sterk verlange hê?  Onthou jou lewensbron.

As jy nie ‘n begeerte het na die Woord nie, is dit omdat jy vergeet het van die krag van die Woord in jou lewe.  Jy het vergeet dat dit krag gehad het om jou te verander.  Die Woord is die saad wat vir jou lewe gegee het.  Dit is waarom Fil 2:16 die Woord van die lewe noem.  Dit lewe.  Dit is kragtig.  Dit gee lewe.

Jes 55:10 Want soos die reën en die sneeu van die hemel neerdaal en daarheen nie terugkeer nie, maar die aarde deurvogtig en maak dat dit voortbring en uitspruit en saad gee aan die saaier en brood aan die eter;

11 so sal my woord wees wat uit my mond uitgaan: dit sal nie leeg na My terugkeer nie, maar doen wat My behaag en voorspoedig wees in alles waartoe Ek dit stuur.

Die Woord is kragtig, die Woord is lewendig, dit is skerper as enige twee snydende swaard.

Joh 15:3 Julle is alreeds rein deur die woord wat Ek tot julle gespreek het.

Dit is die Woord wat lewe gee.  Ons is gered deur geloof en geloof kom deur die gehoor en gehoor deur die Woord van God.  Joh 20:31 sê dat hierdie dinge is geskrywe dat julle kan glo en deur te glo die lewe kan hê in sy Naam.  Die Woord is ‘n onuitputbare, onuitwisbare lewensbron.  Dit het jou nuwe lewe gegee.  Dit het jou ‘n nuwe liefde gegee.  Dit het jou hoop gegee en vrede en genade en vergifnis en krag.

Wil jy vir my sê dat jy dit eenkant toe gaan skuif?  Nee!  Jy moet sterk daarna verlang.  Jy moet dit begeer en die krag wat daarin is om elke dag jou lewe te transformeer.

Psa 19:7 Die wet van die HERE is volmaak: dit verkwik die siel; die getuienis van die HERE is gewis: dit gee wysheid aan die eenvoudige.

8 Die bevele van die HERE is reg: hulle verbly die hart; die gebod van die HERE is suiwer: dit verlig die oë.

Die Woord is net so kragtig in jou lewe vandag as wat dit was toe jy gered was.  En as jy daardie sterk intense verlange na die Woord wil hê, sal jy moet begin om te onthou wat jou lewensbron is.

1 Thes 2:13 Daarom dank ons God ook sonder ophou dat, toe julle die woord van God ontvang het wat deur ons verkondig is, julle dit aangeneem het nie as die woord van mense nie, maar, soos dit waarlik is, as die woord van God wat ook werk in julle wat glo.

Onthou jou lewensbron. 

Die tweede beginsel is: Raak ontslae van sonde.

1 Pet 2:1 Lê dan af alle boosheid en alle bedrog en geveinsdheid en afguns en alle kwaadpratery;

Die werkwoord hier is “apotithemi” wat beteken “om te verwerp.”  Jy moet sonde verwerp.  Jy moet dit aflê.  Die woord word ook gebruik in,

Kol 3:8 Maar nou moet julle ook dit alles aflê, naamlik toorn, woede, boosheid, laster, skandelike taal uit julle mond.

Raak ontslae daarvan.  In reaksie op die groot verlossing wat God vir jou gegee het, het jy ‘n verpligting teenoor jouself om ontslae te raak van sonde in jou lewe.  Kom ek vertel jou een groot waarheid: Sonde gaan jou weghou van die Woord van God totdat jy daarmee afhandel.  Sonde in jou lewe gaan maak dat jy nie vrymoedigheid het om die Bybel oop te maak en te lees nie.

Vyf dinge word genoem: alle boosheid in die algemene sin van die woord.  Alle bedrog, en dit verwys na misleiding.  In hierdie gevan geestelike misleiding.  Solank as wat jy in misleiding vasgevang is het jy nie ‘n begeerte na die Woord nie.  Ander boeke en leringe, of sekere ervaringe het belangriker vir jou geword.  Mense wat gewoonlik vasgevang is in geestelike misleiding wil nie luister na die waarheid nie.

Geveinsdheid is die woord wat oorspronklik vertaal kan word met akteur.  Iemand wat act.  Maw dit is fake.  Dit is nie real nie.  Afguns, om dit te soek wat ander het.  Om ander se besittings te begeer en dit lei tot grudges, bitterheid, haar en konflik.  Afguns.  Dit is baie lelike sonde.

En alle kwaadpratery.  Dit Griekse woord “katalalia”, maw backbiting, skinder, om van iemand anders sleg te praat agter sy rug.

Raak ontslae hiervan.  Dit is alles die teenoorgestelde as om mekaar vurig lief te hê.  Broederlike liefde doen nie hierdie dinge nie.  Kry hierdie gemors uit julle lewens uit.  Dit moet uit jou lewe uit as jy ‘n honger wil hê na die suiwer melk van die woord.

Derdens, as jy ‘n sterk verlange wil hê na die Woord van God sal jy jou eie nood moet erken.  Erken jou eie nood en behoefte.

1 Pet 2:2 soos pasgebore kindertjies...

En wat doen ‘n pasgebore baba?  Hy soek sy ma se melk.  Die Griekse woord wat gebruik word vir kindertjies is die “brephos” en word net gebruik om te verwys na ‘n baba wat aan sy ma drink. 

Net soos ‘n baba wat pasgebore is, wat nog nie eers uit die hospitaal uit is nie, en huil vir een ding, wat is dit?  Melk.  Dit is die eerste natuurlike ding wat ‘n pasgebore baba doen, hy drink aan sy ma.  Dit is die enigste begeerte wat hy het.

Hoekom?  Want hy het ‘n behoefte.  Hy weet nog niks.  Hy het nog niks geleer nie.  Maar een ding weet hy.  Hy het ‘n behoefte aan melk en dit is al wat hom gaan te vrede stel.  En hy huil en niks anders gaan daardie nood, daardie behoefte weg vat nie.  Nie slap chips nie.  Nie ‘n boereworsrolletjie nie.

Daar is net een ding wat hy wil hê en dit is melk.  Petrus sê dit is hoe dit moet wees met ons.  Jy moet so daarna verlang.  En hy sê dit nie net vir nuwe Christene nie.  Hy praat met ons almal.  Ons almal moet erken dat ons ‘n behoefte het daarna.  En soos wat die baba daardie melk nodig het, so het jy die Woord nodig.  Jesus het gesê,

Matt 4:4 ...Daar is geskrywe: Die mens sal nie van brood alleen lewe nie, maar van elke woord wat deur die mond van God uitgaan.

As jy daardie sterk verlange wil hê na die Woord van God sal jy moet onthou wat jou lewensbron is, jy sal van sonde moet ontslae raak en jy sal jou eie nood moet erken.

Vierdens, werk om te groei.

1 Pet 2:2 en verlang sterk soos pasgebore kindertjies na die onvervalste melk van die woord, dat julle daardeur kan opgroei,

Jy moet eet, sodat jy kan ...?  groei.  Sonder die Woord kan jy nie groei nie.  As Christen mag jy nooit te vrede wees met waar jy geestelik is nie.  Jy moet wil groei.  2 Kor 3:18 sê ons word verander van gedaante na dieselfde beeld van Christus, van heerlikheid tot heerlikheid, wanneer ons die Here aanskou. 

Hoe gebeur dit?  Wanneer ek in die Woord van God gaan kyk en ek sien die heerlikheid van die Here, dan verander die Heilige Gees.  Werk om te groei.  Dit sal jou ‘n sterk verlange gee na die Woord.

Vyfdens, as jy ‘n begeerte wil ontwikkel vir die Woord van God, tel jou seëninge.

1 Pet 2:3 as julle ten minste gesmaak het dat die Here goedertieren is.

Verlang sterk na die Woord as jy die goedheid van die Here gesmaak het.  Wat bedoel hy daarby?  Hy sê, juis omdat God se goedheid en genade ervaar het en hoe dit gesmaak het, moet jy ‘n sterk verlange hê.  As jy jou seëninge tel en sien wat God vir jou gedoen het, dan sal jy ‘n groter verlange ontwikkel vir meer.

Het jy die goedheid van die Here gesmaak?  Kan jy onthou hoe soet dit gesmaak het toe God jou gered het?  Kan jy ontou toe God jou gebede beantwoord het? Kan jy onthou toe God vir jou so goed was.  Tel jou seëninge.  En as jy die goedheid van die Here gesmaak het, wil jy nie meer daarvan hê nie? 

As jy ‘n honger vir God se Woord wil hê, sal jy moet onthou wat is jou lewensbron, jy sal van sonde ontstlae moet raak, jy sal jou nood moet erken dat jy dit nodig het, werk aan jou groei, en jou seëninge moet tel, elke keer wat jy die goedheid van die Here gesmaak het.

Bonatuurlike liefde – deel 3

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

23 want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.

24 Want alle vlees is soos gras, en al die heerlikheid van die mens soos ‘n blom van die gras. Die gras verdor en sy blom val af,

25 maar die woord van die Here bly tot in ewigheid. En dit is die woord wat aan julle verkondig is.

Ons praat oor ons verpligting teenoor ons mede broer en suster.  Ons praat oor bonatuurlike liefde.  Dat ons mekaar vurig lief moet hê.  ‘n Liefde wat gaan tot die uiterste.  ‘n Liefde wat menigde sondes bedek.  ‘n Liefde wat vir ander omgee diep daar waar lewe geleef word.  ‘n Liefde wat aanhoudend en met groot inspanning uitreik na die wat in nood is.

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

Maw dit is nie uiterlik nie.  Dit word nie wetties afgedwing nie.  Dit is ‘n verpligting wat kom van binne af, uit jou hart.  En God moet ons help dat ons hierdie soort van medelye kan hê.  Dit is seker wat Paulus bedoel het in,

1 Tim 1:5 Maar die doel van die gebod is liefde uit ‘n rein hart en ‘n goeie gewete en ‘n ongeveinsde geloof

Liefde uit ‘n rein hart is liefde as vrug van die Gees.  Dit is liefde wat die Heilige Gees in ons harte produseer.  Dit is liefde wat kom van binne af.  Hoe?  Die vrug van die Gees.  Hoe kan die vrug van die Gees in my lewe sigbaar word?  Gal 5, wanneer ons deur die Gees wandel.  Wanneer ons toelaat dat die Heilige Gees ons lewens beheer.  En solank as wat dit gebeur kan ek met daardie bonatuurlike liefde liefhê.

En somtyds beroof ons onsself van die rykdom wat daarin is om ander vurig lief te hê, want ons is nie gewillig om van binne af lief te hê nie.  God se liefde is in ons harte uitgestort en ons het die vermoë om mekaar vurig lief te hê, maar ongelukkig het ons ook die vermoë om nie so lief te hê nie, is dit nie waar nie?  Verseker.  Ons het die vermoë om te sondig, het ons nie?  En dit is sonde om nie lief te hê nie.  Daarom word ons so baie kere vermaan in die Woord om lief te hê.

Fil 1:9 En dit bid ek dat julle liefde nog meer en meer oorvloedig mag word in kennis en alle ervaring.

1 Thes 3:12 en mag die Here julle ryk en oorvloedig maak in liefde vir mekaar en vir almal, soos ons ook teenoor julle is.

2 Thes 1:3 Ons moet God altyd oor julle dank, broeders, soos dit billik is, omdat julle geloof grootliks toeneem en die wederkerige liefde van elkeen van julle almal groter word,

Dit is wat God wil hê.  Dit is wat moet gebeur.  God wil hê ons liefde moet meer word, dit moet oorvloedig wees, dit moet toeneem.

Wanneer is ons in staat gestel om so te kan liefhê?  Toe ons wedergebore is.  Wie moet ons liefhê?  Ons moet mekaar liefhê.  Hoe moet ons mekaar liefhê?  Ons moet mekaar vurig liefhê uit ‘n rein hart.

En dan die vierdie vraag wat Petrus beantwoord: Hoekom moet ons so liefhê?  Die antwoord help

ons om te die teksgedeelte te verstaan.  Daar is soveel rykdom in hierdie teks.  Hoekom?

1 Pet 1:23 want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.

Ons moet mekaar vurig liefhê, want ons is wedergebore.  Dit is wat kinders van God doen.  Hulle het mekaar lief.  Dit is ‘n kenmerk van ‘n wedergeborene.  1 Joh 4:7 sê dat elkeen wat liefhet, is uit God gebore.

1 Joh 5:1 Elkeen wat glo dat Jesus die Christus is, is uit God gebore; en elkeen wat die Vader liefhet, het ook die een lief wat uit Hom gebore is.

2 Hieraan weet ons dat ons die kinders van God liefhet: wanneer ons God liefhet en sy gebooie bewaar.

Dit sê dat elkeen wat die Vader liefhet, het ook Christus lief, het ook die kinders van God lief.  Dit is alles aan mekaar verbind.  Dit is die rede hoekom ons so moet liefhê, want ons is aan mekaar verbind.  Ons is deel van mekaar, deel van God se familie.

Wat ons ook moet raaksien in v23m is die beslistheid van wedergeboorte.  Dit is verseker.  Dit is finaal.  En dit sluit aan by wat teoloë noem, monergisme.  Monergisme is heeltemal iets anders as sinergisme.  Nou, sinergisme is die samekoms van verskillende dele.  Monergisme is een enkele deel.

En daar sommige teoloë wat glo dat wedergeboorte is ‘n sinergisme.  Maw dit vind plaas wanneer die mens saam met die Heilige Gees werk om wedergeboorte te bewerk.  Dit is sinergisme.  Monergisme sê wedergeboorte is alleen die werk van die Heilige Gees apart van enige mens se werk.  Maw dit is enkel werk van die Heilige Gees. 

Vraag:  Het die mens deel aan sy redding?  Hy het deel aan sy wedergeboorte?  Hy hy iets gedoen om wedergebore te word?  Nee!

‘n Baba gee nie geboorte aan homself nie.  ‘n Baba veroorsaak nie sy eie verwekking nie.  En nog minder die sondaar wat dood is in sy misdade en sonde.  ‘n Dooie mens kan homself nie lewendig maak nie.  Dit is die werk van God. 

So v23 sê dat wedergeboorte is ‘n beslisende oomblik, ‘n gebeurtenis wat plaasgevind het in jou lewe op ‘n seker dag, toe jy van die duisternis na die lig beweeg het, toe jy uit die koninkryk van die Satan oorgegaan het na die koninkryk van God.  Toe die ou lewe afgelê is, die oue mens gesterf het,

en jy opgestaan het in ‘n nuwe lewe.  Wedergeboorte is ‘n beslisende, daadwerklike gebeurtenis.

En tweedens is die werkwoord in ‘n passiewe vorm en beteken dit dat jy nie deel gehad het in jou redding nie.  Jy het nie God gehelp en saam met Hom gewerk om wedergebore te word nie.  Dit is nie sinergisme nie, maar monergisme.  Dit is die werk van God.

Joh 3:8 Die wind waai waar hy wil, en jy hoor sy geluid, maar jy weet nie vanwaar hy kom en waarheen hy gaan nie. So is elkeen wat uit die Gees gebore is.

Dit is die Gees wat God wat wedergeboorte skenk en Hy kom en gaan soos Hy wil.  Ons kan dit nie maak gebeur nie.

Ef 2:1 En julle het Hy lewend gemaak, wat dood was deur die misdade en die sondes

Hy het julle lewend gemaak.  Dit is alleen die werk van God.  En hoe het Hy dit gedoen?  Hoe het God ons wedergeboorte geskenk?

1 Pet 1:23 want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.

Nie uit onverganklike saad nie.  Wat beteken dit?  Dit is nie ‘n aardse geboorte nie.  Dit is nie ‘n menslike geboorte nie.  Die mens is uit sondige ouers gebore en daarom het hy ‘n sondige natuur.  Die mens is gebore uit verganklike saad en daarom is dit nie vir ewig nie, maar tydelik.  Ons gaan sterf.  Jy gaan sterf.  Ek gaan sterf.  En ek gaan seker maak dit is laaste ding wat ek doen.

Ons gebore as slawe van ongeregtigheid.  Ons het die duiwel as ons vader gehad.  Ons was vyande van God.  Dit is geboorte uit verganklike saad.  Maar ons is wedergebore uit onverganklike saad.  Jou tweede geboorte is nie ‘n aardse geboorte nie.  Dit is nie ‘n tydelike geboorte nie.  Ons nie ouer is God, die saad is onverganklik.  Die geboorte is nie vleeslik nie, maar geestelik.

Ons wedergebore as slawe van Christus.  Ons het ‘n hemelse Vader.  Ons is nie vyand nie, maar vriend van God.  So Petrus sê, julle moet mekaar vurig leifhê, want dit is wie julle is, julle is wedergebore uit onverganklike saad.  Hierdie liefde is daarom nie aardse liefde nie, dit is goddelike liefde.  Dit is ‘n bonatuurlike liefde.

Wat is hierdie onverganklike saad wat vir ons die wedergeboorte geskenk het?  Dit is die lewende woord van God wat tot in ewigheid bly.  Die Woord van God lewe soos wat God lewe.  Dit kan nie sterf nie, net soos God nie kan sterf nie.  En as jy daardie geestelike geboorte ontvang het en deel het aan die goddelike natuur, kan jy ook nie sterf nie.  ‘n Wedergebore persoon kan nie weer onwedergebore word nie.  Hy sal vir ewig lewe.

Omdat die Woord van God tot in ewigheid bly, is dit die saad wat ook lewe kan gee wat vir ewig is.

Jak 1:18 Volgens sy wil het Hy ons voortgebring deur die woord van die waarheid, sodat ons as eerstelinge van sy skepsele kan wees.

Ons word gered deur die Woord van God.

Rom 1:16 Want ek skaam my nie oor die evangelie van Christus nie, want dit is ‘n krag van God tot redding vir elkeen wat glo, eerste vir die Jood en ook vir die Griek.

Die evangelie van Christus, dit is ‘n krag tot redding vir elkeen wat glo.  Dit is die Woord van God, die onverganklike saad, wat lewe gee.  Dit is hoekom Paulus ook sê in Rom 10, hoe kan iemand hoor sonder een wat preek.  Geloof kom uit die gehoor en die gehoor is deur die Woord van God.

Die mens kan nie tot bekering kom sonder die Woord van God nie, sonder die waarheid nie.  En om sy standpunt duideliker te maak, gaan Petrus na die Ou Testament toe soos wat die Nuwe Testament skrywers gewoonlik doen.  Hy gaan na Jesaja 40:6,7 toe.

Jes 40:7 Die gras verdor, die blom verwelk as die asem van die HERE daarin blaas. Voorwaar, die volk is gras!

8 Die gras verdor, die blom verwelk; maar die woord van onse God hou stand in ewigheid.

1 Pet 1:24 Want alle vlees is soos gras, en al die heerlikheid van die mens soos ‘n blom van die gras. Die gras verdor en sy blom val af,

25 maar die woord van die Here bly tot in ewigheid. En dit is die woord wat aan julle verkondig is.

Hy eindig met: Dit is die Woord wat aan julle verkondig is.  Hierdie is die groot waarheid.  En hierdie gedagte om op baie ander plekke ook voor.  Petrus sê al die heerlikheid van die mens is soos ‘n blom van die gras.

Jy kyk na ‘n veld en al wat jy sien is gras.  Maar so nou en dan kom daar mooi blomme voor in die veld en hierdie blomme is die heerlikheid van die veld, dit is die skoonheid van die veld.  En Petrus weet dat die groot gedeeltes van Palestina het grasvelde met mooi blomme.  Blomme met verskillende kleure.

En selfs die heerlikheid van die mens, selfs die mooiste skoonheid van die mens in vergelyking met die gewone eenvoudige veld is maar net tydelik.  Dit vergaan.  Dit gaan verby.  Dit is nie vir ewig nie.  Dit sterf en gaan verby.  Of jy nou wonderlik is of eenvoudig is.  Die beste van die mens se lewe, die beste van die mensdom.  Raai wat?  Dit gaan ook verby.

Selfs die mooiste mense, die gesondste mense, die sterkste mense, die mees gerespekteerde mense, die slimste mense, of die mees begaafde mense, die beste.  Jy mag dalk die blom wees wat almal bewonder, maar ek het vir jou nuus.  Jy gaan ook sterf.  Die dood stel ons almal op gelyke vlak.

En so kom Petrus en haal Jesaja aan en sê dat jy is nie wedergebore met daardie tipe saad nie, maar jy is wedergebore uit onverganklike saad, in Christus het jy ‘n nuwe onverganklike lewe.  Let op!  Onverganklik.  Dit beteken ‘n as jy eenkeer ‘n kind van God is, is jy vir altyd ‘n kind van God.  Is dit nie ongelooflik nie?  Ons geestelike nuwe mens sal nooit vergaan nie.

Dit is die onverandelike Woord waardeur jy gered is.  Dit is deur daardie woord wat aan jou verkondig is.  Nou in v23 gebruik hy die woord “logos” wat verwys na die Skrif, die Bybel.  Hy sê dit is die lewende Woord van God wat tot in ewigheid bly.  Maar in v25 gebruik hy die woord “rhema”, die woord wat verkondig is.  Dit is ‘n spesifieke uitdrukking.  Die gesproke Woord.  Die spesifieke gesproke woord “rhema” wat kom uit die “logos”, die Skrif.

Beide, let op, beide die logos en die rhema bly tot in ewigheid.  Die totale Woord, die logos is vir ewig en die spesifieke woord, dit wat aan julle verkondig is, die gesproke woord, die rhema, bly ook tot in ewigheid.  Beide bring nuwe lewe.  Nuwe geboorte. 

Ons het die vermoë om met bonatuurlike liefde lief te hê, ontvang toe ons gered is.  Ons moet ons mede broeders liefhê.  Ons moet hulle vurig liefhê.  En die rede waarom ons hulle moet liefhê is want dit is hoe dit is met wedergebore mense.  Dit is in ons geestelike natuur om lief te hê.

Ons word vermaan om mekaar lief te hê.  Kom ons doen dit.  Dit is wat werklik uitdrukking gee aan die nuwe geestelike natuur wat jy ontvang het.  Die onveranderlik saad van God wat aan jou lewe geskenk het wat nooit vergaan nie.  So jy kan nooit ophou om bonatuurlik lief te hê.  Dit is jou verpligting as kind van God in reaksie op die groot verlossing wat Hy aan jou gegee het.

Ons kan want God het ons in staat gestel.

Bonatuurlike liefde (vervolg)

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

23 want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.

24 Want alle vlees is soos gras, en al die heerlikheid van die mens soos ‘n blom van die gras. Die gras verdor en sy blom val af,

25 maar die woord van die Here bly tot in ewigheid. En dit is die woord wat aan julle verkondig is.

Ons het nou verlede week begin om te kyk na ons verpligting as gelowiges teenoor mekaar.  Ons moet mekaar vurig liefhê.  Dit is ook waaraan Jesus se dissipels gekenmerk word, liefde onder mekaar.  Hierdie liefde is ‘n bevel.  Ons moet mekaar vurig liefê.  En God se Gees stel ons in staat om met agape liefde te kan liefhê.

1 Joh 3:23 En dit is sy gebod, dat ons in die Naam van sy Seun, Jesus Christus, moet glo en mekaar liefhê soos Hy ons ‘n gebod gegee het.

Aan die een kant kan ons mekaar vurig liefhê, want ons is wedergebore, maar aan die ander kant sê hy nou, doen dit!  Die vermoë is daar, die liefde is in julle harte uitgestort, maar nou is dit julle plig.  Wees vir mekaar lief. 

Fil 1:9 En dit bid ek dat julle liefde nog meer en meer oorvloedig mag word in kennis en alle ervaring,

Hier sê Paulus moet julle liefde nog meer en meer oorvloedig word.

1 Joh 4:7 Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.

Kom ons draai dit om, die wat uit God gebore is en God ken, elkeen van hulle het lief.  As hierdie liefde nie in jou lewe teenwoordig is nie, is jy nie ‘n Christen nie.  As dit teenwoordig, moet dit meer en meer oorvloedig word.

1 Joh 4:20 As iemand sê: Ek het God lief—en sy broeder haat, is hy ‘n leuenaar; want wie sy broeder wat hy gesien het, nie liefhet nie, hoe kan hy God liefhê wat hy nie gesien het nie?

Dit is baie hard gestel.  Dit is swart en wit.  As jy gered is, het jy God lief en jou broeder lief.  As jy nie gered is nie, kan jy nie so lief hê nie.  So eenvoudig soos dit.  En Petrus sê dat ons hierdie vermoë ontvang het om lief te kan hê met agape liefde toe ons siele gereinig is.

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

Let op die woorde “ongeveinsde broederliefde”.  ESV sê, “for a sincere brotherly love”.  Opregte liefde.  Dit is nie fake nie.  Dit is eg.  En alhoewel ons die agape liefde van God het wat in ons harte uitgestort is en ons die vermoë het om so te kan liefhê, sê Paulus steeds in,

Rom 12:9 Laat die liefde ongeveins wees...

Laat julle liefde opreg wees.  Dit moet genuine wees.  Dit moet nie fake wees nie.

Dit bring ons dan by ‘n tweede vraag wat Petrus vir ons in die gedeelte beantwoord.  Die eerste vraag was: wanneer het ons hierdie vermoë ontvang om met agape liefde te kan liefhê?  Die antwoord is, toe ons wedergebore is.  Die tweede vraag is: wie moet ons liefhê?  V22 sê dan, julle moet mekaar vurig liefhê.

Mekaar!  Wie is hierdie mekaar?  Net soos wat ons lees in 1 Joh, gaan dit ook hier oor broeder liefde.  In Grieks is dit die woord “Philadelphia”, broederliefde.  Dit beteken ons moet ander Christen broeders liefhê.

Maw toe jy gered is, het God nie net ‘n nuwe liefde gegee waarmee jy kan liefhê nie, maar Hy het vir jou ‘n nuwe familie gegee met wie jy hierdie liefde moet deel.  Liefde vir mekaar is liefde vir die kerk.  As jy God lief het, het jy Sy kerk lief.

Dit is wat Joh 13 gesê het, wanneer ons mekaar liefhet sal die mense weet dat ons Sy dissipels is.  As ons Christene is, sal God se liefde onder ons woon, en ons sal ons broeders liefhê.

Joh 15:12 Dit is my gebod, dat julle mekaar moet liefhê net soos Ek julle liefgehad het.

Jesus het dit vir die twaalf dissipels gesê.  En ons moet mekaar so op dieselfde manier liefhê.  Wat dan van die wêreld?  Nee!  Die Bybel sê in 1 Joh ons moet nie die wêreld liefhê nie, dit is die bose sisteem. 

Maar hoe gaan ons die wêreld wen as ons nie die wêreld liefhet nie?  Kom ek vertel jou hoe.  As ons mekaar liefhet sal ons die wêreld wen.  Hoekom?  Want die wêreld begeer om deel te wees van iets waar mense mekaar liefhet.  Dit is die sterkste aantrekkings krag wat ons kan hê.

Dit is waarom Paulus vir ons ‘n ongelooflike scenario skets in 1 Kor 10.  Gaan lees dit.  In breë sê Paulus, jy het ouer Christen en dan ‘n jonger Christen wat onlangs tot bekering gekom het.  Hulle gaan eet by ‘n ongelowige heiden.

Die ouer Christen het nou al gegroei is meer volwasse en die jong Christen was onlangs gered uit afgodediens.  Die ongelowige heiden bring die kos uit en die jong Christen kyk dit so en sê, maar dit is vleis.  Hy kyk na die ouer Christen en sê, ek wonder waar het hy hierdie vleis gekoop.  Was dit nie dalk by die tempel waar hulle dit aan afgode geoffer het nie? 

Jy sien, die jong Christen het uit hierdie afgodediens gekom en weet dat hierdie vleis geoffer is aan afgode, so hy kan dit nie eet nie.  Dit herinner hom aan die heidense godsdienste.  Dit is waarom hy vir die ouer Christen vra of dit afgodsoffer is.

1 Kor 10:28 Maar as iemand aan julle sê: Dit is afgodsoffer—moet dit dan nie eet nie, ter wille van hom wat dit te kenne gegee het, en ter wille van die gewete—want die aarde behoort aan die Here en die volheid daarvan—

29 ek bedoel die gewete, nie van jouself nie, maar van die ander; want waarom word my vryheid geoordeel deur ‘n ander se gewete?

Nou hoekom moet hy dit nie eet nie?  Eet hy nie van die ongelowige heiden se kos nie, gaan hy dalk die heiden aanstoot gee.  Eet hy wel van die kos, gaan hy sy Christen broer aanstoot gee.  So die vraag is, moet hy dit eet of nie?  Die antwoord is: Nee!

Maar wag so bietjie, die ongelowige mag dalk kwaad wees as jy nie sy kos eet nie.  Ja, maar as jy wel sy kos eet, dan sê jy dat jy die ongelowige met meer liefde behandel as jou eie Christen broer.  En die ongelowige kom tot gevolgtrekking, dit is beter om ‘n ongelowige te wees as ‘n gelowige.

Aan die ander kant as jy nie die ongelowige se kos eet nie, dan sê jy dat jy kan nie jou broer aanstoot gee nie, en die ongelowige kom tot die gevolgtrekking, wow, dit is liefde.  En dit is daardie liefde wat ongelowiges aantrek.  So as ons net mekaar liefhet, dan is die getuienis oorweldigend.

Wat beteken dit om mekaar lief te hê?  Onthou ons praat nie hier van gevoelens en emosies nie.  Kom ek vra dit so: Wat het jy vandag gedoen om jou Christen liefde te toon?  Wel, my vrou het gesê ek moet die skottelgoed was, en ek het?  Seker nie ‘n slegte idee nie.  Of ek het vir iemand anders die parkering gegee waar ek wou parker het, al was ek eerste daar.  Ook nie te bad nie.

Is dit wat die Bybel sê ons moet doen as ons mekaar liefhet?  Dit gaan egter veel dieper as dit.

Joh 15:13 Groter liefde het niemand as dit nie, dat iemand sy lewe vir sy vriende gee.

1 Joh 3:17 Maar wie die goed van die wêreld het en sy broeder sien gebrek ly en sy hart vir hom toesluit, hoe bly die liefde van God in hom?

Ons praat van regte nood.  Iemand wat regtig behoefte het.  Wanneer laas jy uitgereik na iemand wat regtig in nood is?  Wanneer laas het jy uitgereik na ‘n enkel ouer wat sukkel om haar kinders groot te maak sonder ‘n man?  Wanneer laas het jy iemand in jou huis ingeneem wat nie blyplek het nie?  Wanneer laas het jy by ‘n sterfbed in die hospital gesit en getreur saam met ‘n familie wat besig is om iemand te verloor?

Wanneer laas was jy met iemand tyd gespandeer wat vasgevang is in sonde en sukkel om uit te breek?  Wanneer laas het jy jou eie planne moes laat vaar om tyd te spandeer met iemand wat alleen is?  Liefde wat uitreik diep daar waar lewe geleef word.  Nie klein gunsies nie.  Maar iemand wat regtig gebrek ly.

Hoe het Jesus liefgehad?  Hy het gesê ons moet ander liefhê soos Hy ons liefgehad het.  Hoe het Hy liefgehad?  Hy het ons so liefgehad dat Hy ons in ons diepste nood ontmoet het.  Hy het ons so liefgehad dat hy barmhartigheid bewys het in ons gebrokenheid.  Hy het ons so liefgehad deur vir ons daar te wees toe niemand anders daar was nie.

Ons moet mekaar liefhê op die vlak waar liefde bybels is en nie oppervlakkig nie.  En hoe verder die moderne kerk die health, wealth en prosperity gospel preek, hoe verder beweeg hulle weg van die vlak waar Christelike liefde regtig bewys word. 

Ons het hierdie vermoë om waarlik agape liefde te kan gee ontvang toe ons gered is.  Wie moet ons liefhê?  Ons moet mekaar vurig liefhê.  Ons moet alles in ons vermoë doen om dit ‘n realiteit te maak.

Nie net is dit belangrik om mekaar lief te hê en is dit ons plig of Christus se liefde te leef nie en die liggaam van Christus te seën en te bemoedig en versterk nie, maar ons liefde vir mekaar is waarskynlik die belangrikste ding wanneer dit kom by die impak wat ons gaan hê in die wêreld.

Ons word uitgeken as dissipels van Christus op die basis van ons liefde vir mekaar.

Joh 17:20 Maar Ek bid nie vir hulle alleen nie, maar ook vir die wat deur hulle woord in My sal glo—

21 dat almal een mag wees net soos U, Vader, in My en Ek in U; dat hulle ook in Ons een mag wees, sodat die wêreld kan glo dat U My gestuur het.

Nie net sal die wêreld sê ons is dissipels van Christus nie, maar sal hulle ook glo dat Christus van God af kom.  Ons word daarom met Christus geïndentifiseer wat van God af kom, wanneer ons liefde onder mekaar het.

Die derde vraag wat Petrus vir ons beantwoord in 1 Pet 1:22 is: Hoe moet ons liefhê?

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

Ons moet mekaar vurig liefhê.  En dit is baie belangrik woord vir Petrus, hy gebruik dit weer in hoofstuk 4.

1 Pet 4:8 Maar bo alles moet julle mekaar vurig liefhê, (hoekom?) want die liefde sal ‘n menigte sondes bedek.

Liefde sal menigte sondes bedek.  Liefde oorspoel alle oortredinge.  So baie mense het grudges.  So baie mense word bitter en onvergewensgesind.  Liefde bedek menigte sondes.  God wil hê dat ons mekaar so sal liefhê dat dit die oorheersende ding sal wees.

Die Griekse woord vir “vurig” is die woord “ektenes”.  Dit beteken om tot die uiterste punt te gaan.  Sover as wat jy kan te gaan.  Om vurig lief te hê beteken om tot die uiterste lief te hê, en in die geval sover as wat liefde enige sonde wat ooit bestaan het kan bedek.

Onthou wat Jesus vir Petrus gesê het,

Mat 18:21 Toe kom Petrus na Hom en sê: Here, hoe dikwels sal my broeder teen my sondig en ek hom vergewe? Tot sewe maal toe?

22 Jesus antwoord hom: Ek sê vir jou, nie tot sewe maal toe nie, maar tot sewentig maal sewe toe.

Jesus het hier verwys na die gelowiges.  Binne die kerk, moet ons die broeders liefhê sover as wat liefde strek, dat dit menigte sondes bedek, dat ons ons broeders sal vergewe.

Dit is dieselfde woord wat Luk 22:44 gebruik toe Jesus gebid het in die tuin van Getsemane.  Dit sê Hy het met groter inspanning gebid.  Hy het so gebid dat Sy sweet in bloeddruppels verander het.  Ons kry die woord ook in Hand 12:5 waar dit sê dat Petrus in die gevangenis aanhoudend gebid het.  Hy het letterlik gebid tot die uiterste tot waar sy geloof kon strek.

Maw ons moet mekaar met inspanning liefhê.  Ons moet mekaar aanhoudend liefhê.  Ware liefde, agape liefde is ‘n aanhoudende inspannende liefde.  Dit is ‘n permanente liefde.  Dit is hoe ons mekaar moet vurig liefhê.

Dit is ‘n bonatuurlike liefde.  Dit is waarom net wedergebore kinders instaat is om so te kan liefhê.  God verwag dit van ons.  Dit is ons verpligting teenoor mekaar, juis omdat God vir ons so wonderlike groot verlossing gegee het.

Wat sê die groot gebod?

Luk 10:27 En hy antwoord en sê: Jy moet die Here jou God liefhê uit jou hele hart en uit jou hele siel en uit jou hele krag en uit jou hele verstand; en jou naaste soos jouself.

Wat beteken dit om jou naaste lief te hê soos jouself?  Dit beteken om jou naaste se behoeftes en nood raak te sien op dieselfde wyse waarop jy jou na jou eie behoeftes en nood kyk.  Toe vertel Jesus hulle ‘n storie om dit te verduidelik.  Hy vertel hulle van die barmhartige samaritaan.

Die Samaritaan het die man wat deur rowers oorval is, se wonde verbind en olie en wyn daaroor gegooi.  Hom op sy pakdier gesit en hom na ‘n herberg geneem.  En nie net dit alleen nie, maar hy betaal nog vir sy versorging en sê ook bo op dit, dat as daar nog uitstaande kostes is, sal hy dit betaal.

Dit is liefde wat tot die uiterste gaan.  Dit is wat dit beteken om vurig lief te hê.

Slot

Hoe moet ek so liefhê?  Dalk het jy nog nie iemand gekry wat so langs die pad lê nie.  Hier praat ons egter van ons broeders.  Dat ons ons broeders vurig moet liefhê.  Hoe moet ek dit doen?  Ons praat nie van gevoelens en emosies nie.  Ons praat nie van om net almal om jou beter te laat voel nie.

Dit gaan oor iemand wat werklik nood het.  Iemand wat werklik behoefte het.  Wat dit ook mag wees.

Bonatuurlike liefde

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

23 want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.

24 Want alle vlees is soos gras, en al die heerlikheid van die mens soos ‘n blom van die gras. Die gras verdor en sy blom val af,

25 maar die woord van die Here bly tot in ewigheid. En dit is die woord wat aan julle verkondig is.

Ek het gelees van ‘n Dr. William Beeterwolf wat so 100 jaar terug gelewe het en Hy vertel ‘n storie van ‘n konstruksie engineer was wat besig was om ‘n gebou te inspeksteer.  Terwyl hy bo op ‘n scaffolding was wat drie verdiepings hoog was, het hy getrip en af geval.  ‘n Werker wat onder gestaan het, het gesien wat gebeur het en onder die ou gaan staan en die engineer se val probeer breek. 

Die engineer het nie baie beserings gehad nie, maar die werker het amper elke been in sy liggaam gebreek.  Daarna was hy kreupel vir die res van sy lewe, maar die engineer het hom die helfde van alles wat hy het gegee en ook aandele in sy besigheid, want hy het sy lewe gered.

Dit is ‘n mooi storie wat gaan oor dankbaarheid.  Ons behoort dit te verstaan, maar ek dink as  Christene vergeet ons so baie van Golgota waar daar Iemand was wat die volle impak van die val van die mens gedra het. Hy het ons gevang voordat die dood ons verpletter het.

Jes 53:5 Maar Hy is ter wille van ons oortredinge deurboor, ter wille van ons ongeregtighede is Hy verbrysel; die straf wat vir ons die vrede aanbring, was op Hom, en deur sy wonde het daar vir ons genesing gekom.

Hy het Homself vir ons gegee en daarvoor moet ons dankbaar wees.  Petrus begin hierdie brief deur vir ons te vertel van hierdie groot en wonderlike verlossing wat God vir ons gegee het.  Die vraag is: hoe reageer ons daarop?  In reaksie op hierdie groot verlossing, behoort ons dankbaar te wees en moet dit ons lei tot hoop, heiligheid en vrees.

En nou kom ons by v22 en Petrus roep ons tot ‘n tweede reaksie.  Ons eerste reaksie, ons het ‘n verpligting teenoor God.  Die tweede reaksie is ‘n verpligting teenoor ander.  As ons regtig dankbaar is teenoor Christus wat ons verlos het, sal ons ook besef dat ons ‘n verpligting het teenoor ander.

Wat moet ons reaksie dan wees teenoor ander?  Hoe moet ons mekaar behandel, ons wat hierdie verlossing ontvang het?  Die antwoord is in hierdie wonderlike verklaring,

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

Julle moet mekaar vurig liefhê.  Ons verpligting teenoor God, ons moet volkome hoop, heilig leef en God vrees.  Ons verpligting teenoor mekaar, julle moet mekaar vurig liefhê uit ‘n rein hart.

En Petrus vermaan ons hieroor.  Hy sê dit ‘n paar keer in sy brief,

1 Pet 2:17 Julle moet almal eer, die broederskap liefhê, God vrees, die koning eer.

1 Pet 3:8 En eindelik, wees almal eensgesind, medelydend, vol broederliefde en ontferming, vriendelik.

1 Pet 4:8 Maar bo alles moet julle mekaar vurig liefhê, want die liefde sal ‘n menigte sondes bedek.

Vier keer in die brief roep hy ons tot broeder liefde.  Dit is egter nie ‘n nuwe opdrag nie, maar eerder ‘n opdrag wat Christus vir Hom gegee het.  As jy terug gaan na Joh 13:34 dan sê die Here,

Joh 13:34 ‘n Nuwe gebod gee Ek julle, dat julle mekaar moet liefhê; soos Ek julle liefgehad het, moet julle ook mekaar liefhê.

Dit is waar Petrus dit geleer het en dit ook nou hier in sy brief oordra.  Ander Nuwe Testamentiese skrywers herhaal dieselfde opdrag en hierdie opdrag is die kenmerk van Christenskap.  Om die waarheid te sê, het Jesus gesê,

Joh 13:35 Hieraan sal almal weet dat julle my dissipels is, as julle liefde onder mekaar het.

Waaraan word dissipels gekenmerk?  Aan hulle liefde onder mekaar.  Paulus sê,

Rom 12:10 wees hartlik teenoor mekaar met broederlike liefde; die een moet die ander voorgaan in eerbetoning;

Heb 13:1 Die broederliefde moet bly.

1 Joh 3:11 Want dit is die boodskap wat julle van die begin af gehoor het, dat ons mekaar moet liefhê.

So dit is ‘n basiese Christelike boodskap.  Petrus sê dit, Paulus sê dit, die Hebreërskrywer sê so, Johannes sê so, hoekom?  Want Jesus het so gesê.  En die werkwoord wat Petrus hier gebruik beskryf die hoogste vorm van liefde, “agape” liefde. 

Hierdie liefde is nie gevoel of emosies nie, maar ‘n liefde van keuse, ‘n liefde van wilsbesluit.  Dit is liefde wat kan reageer op ‘n opdrag.  Jy kan nie emosionele liefde beveel nie.  Jy nie gevoelens beveel nie.  Maar agape liefde kan jy beveel, want dit is ‘n wilsbesluit.  En Petrus wil hierdie gedagte vasmaak.

Nou die eerste vraag wat Petrus vir ons beantwoord gaan oor óf ons instaat is om te kan reageer op hierdie opdrag of nie.  As ek vir iemand ‘n opdrag sou gee dat hulle mekaar lief moet hê, veronderstel ek dat hulle die vermoë het om dit ook te kan doen.  Nie almal het daardie vermoë nie. 

Jy sien, die natuurlike mens het nie daardie vermoë om met agape liefde te kan liefhê nie.  Dit is vreemd aan sy natuur.  Hy ken dit nie, hy het nog nie ervaar nie, hy kan dit nie doen nie.

Luk 11:42 Maar wee julle, Fariseërs, want julle gee tiendes van die kruisement en die wynruit en elke groentesoort, en julle verwaarloos die reg en die liefde tot God. Hierdie dinge behoort julle te doen sonder om die ander na te laat.

Wat sê Jesus hier?  Hy sê julle is godsdienstig, maar julle het nie die liefde van God nie.

Joh 5:42 Maar Ek ken julle, dat julle die liefde van God in julle nie het nie.

Wat ‘n aanklag is dit nie teen ‘n sondaar nie?  Dit is die kenmerk van ‘n onweergebore persoon.  Hy is nie instaat om met agape liefde te kan liefhê nie.

1 Joh 3:16 Hieraan het ons die liefde leer ken, dat Hy sy lewe vir ons afgelê het; en ons behoort ons lewe vir die broeders af te lê.

17 Maar wie die goed van die wêreld het en sy broeder sien gebrek ly en sy hart vir hom toesluit, hoe bly die liefde van God in hom?

Die punt is, dit doen nie.  Die ware wedergebore kinders van God word hieraan geken, deurdat hulle liefde onder mekaar het.  ‘n Ware Christen word gekenmerk aan liefde.  So ons begin deur te sê soos wat Johannes gesê het in 1 Joh 4:12,

1 Joh 4:12 ...As ons mekaar liefhet, bly God in ons en het sy liefde in ons volmaak geword.

Almal ken die romantiese liefde, almal ken vriendskaplike liefde.  Almal kan selfs Bybelse “sorge” liefde ervaar, wat verwys na familie liefde, of natuurlike liefde, maar daar is ‘n bonatuurlike liefde, agape liefde, wat reageer op ‘n opdrag, wat ‘n wilsbesluit is, ‘n liefde waaraan gelowiges gekenmerk word.

So die eerste vraag wat Petrus antwoord is: Wanneer was ons instaat gestel om met hierdie liefde te kan liefhê?  Wanneer was ons instaat gestel om bonatuurlik lief te hê?  Wanneer het dit gebeur?  Hoor wat sê Petrus?

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het...

Stop eers daar.  Wanneer was ons instaat gestel?  Toe ons siele gereinig is.  En die dag toe jou siel gereinig is, was die dag wat jy gehoorsaam was aan...wat?  Aan die waarheid.  Hy vat ons terug na ons Redding.  Die dag toe ons tot bekering gekom het. 

Dit was die aktiveerder van agape liefde.  Jy word instaat gestel om met agape liefde te kan liefhê, die dag wanneer jy gered word. 

Dit was die dag toe God Sy liefde in ons harte uitgestort het deur aan ons die Heilige Gees te gee.  Dit is nie ‘n natuurlike liefde wat uit die mens self kom nie, maar dit is ‘n bonatuurlike liefde wat van God af kom en die Heilige Gees wat ons instaat stel om so te kan liefhê.  Vanaf ons siele gereinig is.

‘n Onreine siel, ‘n sondige siel, ‘n onheilige siel, ‘n ongeredde siel kan nie so liefhê nie.  Maar die gereinigde siel kan.  Die wedergebore kind van God kan.  Julle moet mekaar vurig liefhê,

1 Pet 1:23 want julle is wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.

Julle moet mekaar vurig liefhê, want julle is wedergebore.  In reaksie op hierdie groot verlossings geskenk wat God jou gegee het, het jy ‘n verpligting teenoor jou mede broeder dat jy hom moet liefhê met ‘n bonatuurlike liefde.

Dit is belangrik om ook te sien dat die woord “wedergebore” is in ‘n passiewe vorm, maw God is die Een wat aan jou nuwe lewe gegee het, jy het dit nie self gedoen nie.  Maar dit is ook belangrik om te sien dat saligheid is ‘n reinigende gebeurtenis.  Ons is nie net losgekoop nie.  Ons is nie net verlos nie.  We are not only redeemed, but we are purified.  Ons is ook gereinig.

Maar luister!  Ons was nie net gereinig toe ons tot bekering gekom het nie, maar ons word voortdurend gereinig.  Die bloed van Jesus reinig ons nie net van ons sonde in die verlede nie, maar dit reinig ook ons sondes in die hede en die toekoms.

2 Pet 1:4 waardeur Hy ons die grootste en kosbare beloftes geskenk het, sodat julle daardeur deelgenote kan word van die goddelike natuur, nadat julle die verdorwenheid ontvlug het wat deur begeerlikheid in die wêreld is.

Ons het ontvlug uit ‘n posisie van begeerlikheid in die wêreld na ‘n lewe van reinheid.  V9 sê,

2 Pet 1:9 want hy by wie hierdie dinge nie aanwesig is nie, is blind en kortsigtig, en het die reiniging van sy vorige sondes vergeet.

So Petrus kyk terug na redding en noem dit reiniging.  En hierdie reiniging stel jou instaat om ‘n totale ander lewe te leef, om anders te dink, om ander lief te hê.  Ons reiniging is nie ons werk nie, maar God se werk.  Hy reinig ons.  Jy reinig nie jouself nie.

Ef 5:25 Manne, julle moet jul eie vroue liefhê, soos Christus ook die gemeente liefgehad en Homself daarvoor oorgegee het

26 om dit te heilig, nadat Hy dit gereinig het met die waterbad deur die woord,

So dit was nie ons nie.  Hy het ons gereinig.  Titus 2 sê dieselfde ding, dat God vir Hom ‘n volk as Sy eiendom gereinig het.  Heb 1:3 sê dat Jesus deur Homself die reiniging van ons sondes bewerk het.  Saligheid is God se werk.  Hy red ons, Hy reinig ons.

As ons dan gereinig is, hoekom doen ons dan nog sonde?  Want reiniging is ‘n proses.  Ons moet onthou dat ons reiniging is positioneel en dit is ook prakties.  Positioneel is ons gereinig van alle ongeregtigheid, prakties word ons voortdurend gereinig.

Dit is wat Jesus vir Petrus gesê het in Joh 13,

Joh 13:10 Jesus sê vir hom: Hy wat gewas is, het niks anders nodig as om die voete te was nie, maar is heeltemal rein; en julle is rein, maar nie almal nie.

By wedergeboorte word ons heeltemal gewas.  Ons is heeltemal rein.  Maar die stof gaan sit nog op ons voete.  Die sonde van die wêreld gaan sit op ons voete, daarom is net nodig om voete te was.  En wat is dit?  Dit is die voortdurende reiniging.  Dit is wat 1 Joh 1:7 sê, die bloed van Jesus Christus reinig ons val alle sonde.  Dit is in die voortdurende tyd. 

Om terug te kom na Petrus, sê dit dat ons die vermoë ontvang het om met ‘n bonatuurlike liefde te kan liefhê toe ons siele gereinig is.

1 Pet 1:22 As julle in gehoorsaamheid aan die waarheid julle siele deur die Gees tot ongeveinsde broederliefde gereinig het, moet julle mekaar vurig liefhê uit ‘n rein hart;

Hier is een woord wat belangrik is wanneer dit kom by saligheid, wat nie in hierdie vers is nie.  Wat is dit?  Geloof.  Dit sê niks van geloof nie.  Julle siele is gereinig.  Hy kyk na die oomblik van redding, maar hy sê dat hulle gereinig is deur gehoorsaamheid aan die waarheid.  Hy sê egter niks van geloof nie.

Hy noem twee dinge.  Reiniging van sonde, maw ‘n wegdraai van sonde en dan tweedens gehoorsaamheid aan die waarheid.  En dit is altyd elemente van ware geloof.  Hy het nie vergeet van geloof nie.  Hy vermy dit nie, hy defineer dit.  Geloof word veronderstel wanneer iemand van sy sonde af wegdraai en geloof word ook veronderstel wanneer jy aan die waarheid gehoorsaam is.

1 Pet 1:2 uitverkore volgens die voorkennis van God die Vader, in die heiligmaking van die Gees, tot gehoorsaamheid en besprenkeling met die bloed van Jesus Christus: Mag genade en vrede vir julle vermenigvuldig word!

In die heiligmaking van die Gees tot gehoorsaam.  Julle is gered tot gehoorsaamheid.  Daarom word ons, soos ons al voorheen gesien het in v14, genoem kinders van gehoorsaamheid.  Die Here beveel die mens om te bekeer en Hom te volg.  En wanneer jy jou bekeer en jou geloof in Hom plaas, dan gehoorsaam jy hierdie bevel.  Hy reinig jou siel van sonde, wanneer jy die waarheid gehoorsaam.

Hierdie waarheid is dan die evangelie boodskap.  Die boodskap van Christus, Sy dood en opstanding.  En hierdie waarheid het in jou lewe gekom en dit reinig jou.

Joh 15:3 Julle is alreeds rein deur die woord wat Ek tot julle gespreek het.

God reinig ons deur die woord.  Ef 5:26 sê ons word gereinig met die waterbad deur die woord.  En wanneer die waarheid kom, reinig dit ons en bring dit gehoorsaamheid en onderwerping.  Geloof word baie in die Bybel uitgedruk as gehoorsaamheid.

Rom 1:5 deur wie ons genade en die apostelskap ontvang het om geloofsgehoorsaamheid te verkry onder al die heidene ter wille van sy Naam.

So die geloofsgehoorsaamheid is net ‘n ander uitdrukking van saligheid of redding.  Jesus sê as julle bly in My Woord, dan is julle werklik my dissipels.  Hoe word geloof geverifieer?  Gehoorsaamheid.

Rom 16:26 maar nou geopenbaar is en deur die profetiese Skrifte bekend gemaak is onder al die heidene, volgens die bevel van die ewige God, tot gehoorsaamheid van die geloof

Die bevel van God tot gehoorsaamheid van die geloof.  Maw geloofsgehoorsaamheid, of dan saligheid.  Maw ware geloof is geloof wat gehoorsaamheid bring.  Geloof en gehoorsaamheid is aan mekaar verbind.  Geloof sonder werke is dood.

So saligheid gebeur wanneer jy op die roepstem van God reageer, wanneer jy die waarheid gehoor het en wegdraai van jou sonde en Sy roepstem gehoorsaam om te glo en te onderwerp.  Wanneer dit gebeur, word die liefde van God in jou hart uitgestort deur die Heilige Gees wat aan jou gegee word en Hy stel jou instaat om bonatuurlik te kan liefhê.

En dit is wat Petrus sê in sy brief in v22.  Nou omdat julle instaat is, omdat God julle gereinig het, nou moet julle mekaar vuurig liefhê.

1 Thes 4:9 Oor die broederliefde het julle nie nodig dat ons julle skrywe nie, want julle is self deur God geleer om mekaar lief te hê.

God het jou geleer om mekaar lief te hê.  Dit is in julle harte.  Dit is daar.  Die vermoë is daar.  1 Joh 3:14 sê dat ons weet ons het oorgegaan uit die dood in die lewe, en hoe weet ons dit?  Omdat ons die broeders liefhet.  

Daar bestaan nie so iets soos lone ranger Christene nie.  Daar bestaan nie so iets soos ‘n Christen wat nie die begeerte het aan gemeenskap van gelowiges nie, wat nie ‘n begeerte het om sy mede broeders lief te hê nie, en saam in ‘n geestelike familie mekaar lief te hê en te dien nie.

1 Joh 5:1 Elkeen wat glo dat Jesus die Christus is, is uit God gebore; en elkeen wat die Vader liefhet, het ook die een lief wat uit Hom gebore is.

Slot

Ons is God se familie.  Ons het Hom lief en ook ons broeders lief.  Hierdie liefde is ‘n bonatuurlike liefde wat ‘n liefde van keuse is, ‘n liefde van wilsbesluit.  Hierdie is agape liefde, omgee liefde.  Dit is ons verpligting teenoor mekaar in reaksie op die groot verlossing wat God ons gegee het.  Ons moet mekaar vuurig liefhê  Ons moet vir mekaar omgee.