Die gevolge van die valse leraars

1 Tim 1:7 hulle wil leraars van die wet wees, alhoewel hulle wat hulle sê, of die dinge wat hulle beslis beweer, nie verstaan nie.

8 Maar ons weet dat die wet goed is as iemand dit wettiglik gebruik

9 en as hy weet dat die wet nie gegee is vir die regverdige nie, maar vir die wettelose en tugtelose mense, goddelose en sondaars, onheiliges en ongewydes, vadermoorders en moedermoorders, moordenaars,

10 hoereerders, sodomiete, mensediewe, leuenaars, meinediges en wat daar anders met die gesonde leer in stryd is,

11 volgens die evangelie van die heerlikheid van die salige God wat aan my toevertrou is.

Ons het nou alreeds gekyk na drie gedagtes wat Paulus vir Timotheus gee oor hoe hy te werk moet gaan wanneer dit kom by valse leraars. 

Eerstens het ons gesien dat die fout wat valse leraars maak is dat hulle kom met iets anders as wat die Bybel leer.  Hulle kom met ‘n nuwe openbaring, of ‘n nuwe idee, ‘n nuwe ding.  En die effek daarvan is dat hulle op einde die evangelie aanval en net twisvrae bevorder.

Tweedens het ons gesien dat hulle doel nie die gebod van liefde is nie.  Hulle is nie daar om vir mense om te gee en om hulle te lei in die waarheid nie, maar hulle is leraars vir hul eie gewin. 

Derdens is hulle motief, hulle wil leraars van die wet wees, terwyl hulle self nie die wet verstaan nie en hulle verstaan self nie wat hulle sê nie.  Dit gaan nie vir hulle om die wet te ken of om God te ken nie.  Hulle motief is, hulle wil leraars wees, hulle wil die applous van mense hê, hulle wil gesien word.

Die vierde gedagte waarna ons dan kyk vanoggend is die gevolge van die valse leraars.  En net om jou ‘n idee te gee wat die tema is van 1 Tim, 2 Tim en Tit, kry ons die woorde “didaskalia” en “eusebeia” in al drie hierdie briewe. 

“Didaskalia” beteken “lering” en kom 21 keer voor in die Nuwe Testament.  15 keer net in hierdie drie briewe.  En dit gee ons ‘n idee wat die tema van hierdie briewe is.  Dit gaan oor lering.  Die behoefte aan gesonde leringe.

Die ander woord “eusebeia” beteken “godsvrug” en kom 15 keer voor in die Nuwe Testament en 10 keer alleen in hierdie drie briewe.  8 keer net in 1 Tim.  En wanneer jy soos hierdie geval ‘n woord kry wat 8 keer herhaal word in een brief, dan sê dit vir jou hoe dit belangrik is.  Dit is waaroor dit gaan vir Paulus wanneer hy skryf aan Timotheus.  Gesonde leer en ‘n godsvrugte lewe in die kerk.

Dit is dan die gevolge van valse leraars, dat hulle nie ‘n gesonde leer verkondig nie, en die vrug wat hulle dra is sleg.

Dit is net so belangrik vir ons vandag dat ons sal vashou aan die gesonde leer van die Woord en dat ons heilig sal leef.  Tit 1:7-8 praat dan van die gedrag van die opsieners, maw die leraars en dan v9 gaan oor die gesonde leer.

Tit 1:9 een wat vashou aan die betroubare woord wat volgens die leer is, sodat hy in staat kan wees om met die gesonde leer te vermaan sowel as om die teësprekers te weerlê.

En dit is die beskrywing van ‘n ware leraar.  Dit is twee belangrike dinge wat ‘n leraar moet hê.  Eerstens is die gesonde leer en tweedens is ‘n heilige lewenswandel.  Dit is ook die twee dinge wat die leierskap van enige kerk moet uitmaak.  Dit is ook op die plekke waar die Satan die kerk aanval.  Leerstellinge en lewenswandel.

In Matt 7 praat Jesus van die smal weg en die breë weg.  Die uitnoding wat Hy gee is dat ons deur die nou poort sal gaan, want dit is die nou poort en die smal weg wat na die lewe lei.  Jesus waarsku ons ook van die breë weg wat na die verderf lei, en hierdie weg waarvan hy praat is die godsdienstige weg.  Baie volg egter hierdie godsdienstige weg, maar dit lei nie na die lewe nie.

Dan sê Jesus net daarna in v15,

Matt 7:15 Maar pas op vir die valse profete wat in skaapsklere na julle kom en van binne roofsugtige wolwe is.

Maw vir elke ware profeet wat mense roep na die smal weg en die nou poort, is daar baie meer valse profete wat mense op ‘n verkeerde weg lei na die verderf.  En hier is ‘n belangrike waarheid wat jy moet hoor: die meerderheid is verkeerd.  Die meerderheid loop op die breë weg. 

En hul leraars kom nie in rooi klere met ‘n groot vurk nie.  Hulle kom nie na jou toe soos ‘n wolf nie.  Hulle kom na jou toe in skaapsklere.  Hulle kom as profete van God na jou toe.UHull

En soos ek alreeds genoem het, is dit nie ‘n nuwe ding nie.  Reg deur die geskiedenis was daar valse profete.

2 Joh 1:7 Want baie verleiers het in die wêreld ingekom: die wat nie bely dat Jesus Christus in die vlees gekom het nie. Dit is die verleier en die Antichris.

Rom 16:17 En ek vermaan julle, broeders, hou hulle in die oog wat tweedrag en aanstoot veroorsaak teen die leer wat julle geleer het, en vermy hulle.

18 Want sulke mense dien nie onse Here Jesus nie, maar hulle eie buik; en hulle verlei deur hul vriendelike en mooi woorde die harte van die eenvoudiges.

2 Pet 2:1 Maar daar was ook valse profete onder die volk, net soos daar onder julle valse leraars sal wees wat verderflike ketterye heimlik sal invoer, en ook die Here wat hulle gekoop het, verloën en ‘n vinnige verderf oor hulleself bring;

2 en baie sal hulle verderflikhede navolg, en om hulle ontwil sal die weg van die waarheid gelaster word;

3 en uit hebsug sal hulle met verdigte woorde voordeel uit julle trek. Oor hulle is die oordeel van lankal af nie werkeloos nie, en hulle verderf sluimer nie.

1 Joh 4:1 Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan.

Jer 14:14 En die HERE het vir my gesê: Die profete profeteer vals in my Naam; Ek het hulle nie gestuur en hulle geen bevel gegee en met hulle nie gespreek nie; hulle profeteer vir julle ‘n leuengesig en nietige waarsêery en bedrieëry van hulle hart.

Ateïsme is nie die kerk se grootste vyand nie.  Valse godsdiens is.  Want valse godsdiens lei mense tot in die verderf.  En dit kom vanaf die grootste misleier, Satan homself, wat hom voordoen as ‘n engel van die lig.  2 Kor 11:14 sê dat sy dienaars doen hulle voor as dienaars van geregtigheid.

Jesus sê in Matt 7 dat ons hulle sal ken aan hulle vrugte.  Nie noodwendig aan dit wat hulle sê nie, maar aan hulle lewenswandel.  En dit is wat Jesus sê, dat ‘n slegte boom kan nie goeie vrugte dra nie.  So hulle steek baie keer hulle slegte vrugte weg en issoleer hulleself, sodat mense nie te naby aan hulle kan kom en hulle ware kleure kan sien nie.

OK, so kom ons kom terug by die vierde gedagte wat Paulus vir Timotheus gee rondom die valse leraars wat ons moet verstaan.  En dit is die gevolge van valse leraars.

1 Tim 1:7 hulle wil leraars van die wet wees, alhoewel hulle wat hulle sê, of die dinge wat hulle beslis beweer, nie verstaan nie.

Nie net verstaan hulle self nie wat hulle sê nie, maar hulle beweer dit beslis asof dit absolute waarheid is.  Hulle is onkundig en dan is hulle nog trots daarop ook.  Dit is mense wat voorgee of hulle weet waarvan hulle praat, maar hulleself is onkundig.  Hulle is dogmaties oor hulle onkunde.

So Paulus sê dan in v8,

1 Tim 1:8 Maar ons weet dat die wet goed is as iemand dit wettiglik gebruik

So wat Paulus nou hier doen is dit.  Hy praat teen die valse leraars wat sê hulle wil leraars van die wet wees, maar hy wil nie die verkeerde indruk skep dat hy nou teen die wet self is nie.  Hy sê ons weet dat die wet goed is as iemand dit wettiglik gebruik.  Maw die wet het sy plek.  Maar hierdie oues gebruik dit verkeerd.  Hulle gebruik dit as ‘n manier om daardeur gered te word.

Hulle sê dat jy deur die wet te onderhou, gered kan word.  En dit lyk altyd goed vir die persoon wat trots is, want hulle glo dat hulle goed genoeg is om God se guns te verdien, hulle is trotse mense.  Trots sê, ek het nie Verlosser nodig nie.  Trots sê, ek sal dit regkry.

Hierdie valse leraars verstaan self nie wat die wet beteken nie.  Hulle dink dat hulle deur die wet gered kan word.  Dit is altyd moets en moenies.  Jy moet dit en jy moet dat doen.  Hulle ken egter nie die genade van God nie.  Hulle verstaan nie genade nie. 

Paulus sê, die wet is goed as iemand dit wettiglik gebruik.  Hoe gebruik iemand dit wettiglik? Vers 9,

1 Tim 1:9 en as hy weet dat die wet nie gegee is vir die regverdige nie, maar vir die wettelose en tugtelose mense, goddelose en sondaars, onheiliges en ongewydes, vadermoorders en moedermoorders, moordenaars,

10 hoereerders, sodomiete, mensediewe, leuenaars, meinediges en wat daar anders met die gesonde leer in stryd is,

Die wet is nie gegee vir regverdige mense nie.  Dit is tog logies.  Die wet is gegee vir wettelose mense.  Die wet veroordeel sondaars.  Jy sien, die wet is goed, maar die wet alleen is nie goeie nuus nie.  Die wet alleen is slegte nuus.

Rom 3:19 Nou weet ons dat alles wat die wet sê, hy dit sê vir die wat onder die wet is, sodat elke mond gestop en die hele wêreld voor God doemwaardig kan wees;

20 aangesien uit die werke van die wet geen vlees voor Hom geregverdig sal word nie, want deur die wet is die kennis van sonde.

Maw die wet maak mense skuldig voor God.  Die wet veroordeel almal.  Die wet stuur mense hel toe, want hulle het God se wet verbreek.  Geen mens kan voldoen aan God se heilige standaard nie.

So die valse leraars, wil leraars van die wet wees, hulle doen hulle voor as mense wat die wet onderhou.  En solank as wat jy dink jy is geregverdig deur dit wat jy doen en deur die wette wat jy probeer onderhou, sal jy nooit gered word nie. 

Want die wet is vir die wettelose, nie vir die regverdige nie.  Dit is vir die tugtelose mense, die goddelose mense en sondaars, onheiliges, ens.  Die wet wys vir hulle wie hulle regtig is.  Hoekom preek sommige predikers dan die wet vir gelowiges en bring hulle weer onder die vloek of laat hulle weer skuldig voel? Sê die Bybel nie in,

Rom 8:1 Daar is dan nou geen veroordeling vir die wat in Christus Jesus is nie, vir die wat nie na die vlees wandel nie, maar na die Gees.

So die wet is goed, maar dit is nie goeie nuus nie.  Die wet is goed, maar dit alleen is nie die evangelie nie.  Dit is gegee om vir sondaars te wys hoe hulle lyk.  En gewoonlik is dit hierdie dinge wat Paulus in 1 Tim 1:9,10 noem wat op die ou einde by die valse leraars voorkom.  ‘n Boom word aan sy vrugte geken.

Paulus sê in Rom 7 dat hy bly is dat die wet gekom het, want toe die wet gekom het, het ek my sonde raakgesien.

Rom 7:7 Wat sal ons dan sê? Is die wet sonde? Nee, stellig nie! Inteendeel, ek sou die sonde nie anders as deur die wet geken het nie; want ek sou ook die begeerlikheid nie geken het nie as die wet nie gesê het: Jy mag nie begeer nie.

8 Maar die sonde het aanleiding gevind deur die gebod en in my allerhande begeerlikheid gewerk; want sonder die wet is die sonde dood.

9 En sonder die wet het ek vroeër gelewe, maar toe die gebod kom, het die sonde weer opgelewe en ek het gesterwe.

10 En die gebod wat die lewe moes wees, dié het vir my geblyk die dood te wees.

Die wet is goed want die wet is die eerste deel van die evangelie.  Die wet sê vir jou dat jy is ‘n sondaar en jy moet dit weet, want die tweede deel van die evangelie is dat daar is ‘n Verlosser. 

So, Paulus sê dat die wet gekom het vir sondaars en hy lys al hierdie dinge hier, maar wanneer iemand dan sê, “ek is nie op daai lys nie, ek is OK” dan eindig hy in 1 Tim 1:10 met “en wat daar anders met die gesonde leer in stryd is”

Iemand wat in stryd is met die gesonde leer.  Gesonde is die Griekse woord “hugiaino”, waar die woord higiëne vandaan kom en dit beteken “wholesome, healthy, gesond”.  En die leerstellinge wat Paulus sê ons moet verkondig is leerstelinge wat ‘n gesonde geestelike lewe produseer.  So hy sê, die wet is daar om te veroordeel en die sondaar te verdoem.  En dan lys hy ‘n paar dinge en alles wat ongesond is.  

Slot

1 Tim 1:11 volgens die evangelie van die heerlikheid van die salige God wat aan my toevertrou is.

Wat bedoel hy daarby?  Die wet is deel van die evangelie aan sondaars.  Die evangelie is: die mens is ‘n sondaar, hy kan homself nie red nie, maar Jesus het gekom in die wêreld, God het mens geword, Hy het aan die kruis gesterf, het opgestaan op die derde dag en nou kan ons deur geloof in Hom en die genade van God vergewe word van ons sonde.  Dit is die evangelie. 

So om die wet reg te verstaan is, dat dit deel is van die evangelie.  Dit is hoekom hy sê dit is volgens die evangelie van die heerlikheid.  So die goeie nuus begin as slegte nuus.  Jy is ‘n sondaar.  Jy is verlore sonder Christus.  Daar is vir jou ‘n ewige verderf wat voorlê.

So wanneer iemand kom en hierdie boodskap van sonde wegsteek, gaan dit nie sondaars enigsins help nie.  Jy kan nie die wet wegsteek nie, dit is deel van die evangelie. 

So Paulus sê in hierdie gedeelte dat die wet is deel van die evangelie van heerlikheid.  Sommige predikers wil nie die “sondaar deel” van die evangelie preek nie.  Hulle dink dat hulle so die evangelie makliker gaan verkoop aan sondaars.  Nee!

Die evangelie is ‘n demonstrasie van God se heerlikheid.  Dit verkondig wie Hy is.  En Hy is heilig en haat sonde.  Hy is ‘n God van geregtigheid en oordeel en heiligheid.  En wanneer jy die evangelie stroop van die wet, is dit nie meer ‘n evangelie van heerlikheid nie.  Dan maak God se genade ook nie meer sin nie.  Die goeie nuus maak nie sin as daar nie slegte nuus is nie.

Die evangelie van heerlikheid begin met die wet wat die mens veroordeel, maar dit eindig met die heerlikheid van vergifnis van sonde en redding.

Kom ek voeg by: Die wet is nie vir die regverdige mens nie.

Paulus sê ook verder dat hierdie evangelie van heerlikheid is aan my toevertrou. In 1 Kor 4:1 sê hy dat ons beskou moet word as dienaars van Christus en bedienaars van die verborgenhede, dit is die evangelie van genade.  En verder word vereis dat ons getrou bevind moet word.

1 Kor 9:16 Want as ek die evangelie verkondig, is dit vir my geen roem nie; want die dwang is my opgelê, en wee my as ek die evangelie nie verkondig nie!

Hoekom sê hy dit?  Want hy was onder God se opdrag om die evangelie te verkondig.

Die gevolge van valse leraars is dat hulle ‘n boodskap preek wat nie volgens die gesonde leer is nie en nie volgens die evangelie van die heerlikheid is nie.  En ‘n halwe evangelie, ‘n ongesonde evangelie sal nooit mense red nie, maar verdoem.  En dit is die rede waarom Paulus vir Timotheus sê hy moet hierdie ouens stop en hulle nie toelaat om te leer nie.

Elkeen van ons het hierdie verantwoordelikheid in die kerk.  Waarvoor moet ons oplet?  Waarna moet ons kyk?  En hier is hierdie vier gedagtes weer wat Paulus vir Timotheus gee.  Wanneer ons na iemand luister en wil weet of hy ‘n valse leraar is, eerstens luister hoe daardie persoon die Skrif verklaar.  Is dit Bybels?  Is dit gesonde leer?  Is hy besig om iets anders wat buite die Bybelse waarhede is te preek?

Moenie kyk na persoonlikheid en vertoning nie.  Luister na dit wat hulle sê.  Toets dit wat hulle sê.  Toets alles teen die Skrif.  Is hulle besig om die Skrif vir jou oop te maak en te verklaar, of is hulle net besig met buite Bybelse stories.  Sê hulle dinge wat geen Bybelse verwysings het nie, alhoewel dit goed klink? 

Tweedens,  wat is hulle doel?  Is dit geestelik?  Is hulle doel om die liefde van God in mense se lewens te bevorder, of is hulle net agter self liefde aan?  Is hulle besig om hulleself te verhef?  Gaan dit oor geld, materialisme, persoonlike geluk?  Of gaan dit oor liefde vir God en liefde vir jou naaste?  Streef hulle na ‘n goeie en rein gewete en ongeveinste geloof?  Is daar opregtheid?

Derdens, wat is hulle motiewe?  Demonstreer hulle onselfsugtigheid?  Is hulle nederig en sagmoedig?  Of lyk dit dat hulle terwyl hulle besig is om “mense te help” dat hulle daardeur verryk word?  Doen hulle dit om hulle sakke te vul?

En vierdens, wat is die gevolge?  Verstaan hulle volgelinge die evangelie van Jesus Christus duidelik?  Verstaan hulle wat die doel van die wet is?  Verstaan hulle die evangelie van die heerlikheid?  Lewe hulle self ‘n godvrugtige lewe?  Waarvan getuig hulle lewens?

Dit is maklik om ‘n show in die kerk op te sit, maar gaan kyk na hulle lewens buite die kerkgebou, daar buite waar die tire die teer tref.  Die Bybel sê nie dit is ‘n opsie nie, die Bybel sê jy moet alle dinge beproef en die goeie behou.

Die doel en motief van valse leraars

1 Tim 1:5 Maar die doel van die gebod is liefde uit ‘n rein hart en ‘n goeie gewete en ‘n ongeveinsde geloof

6 waarvan sommige mense afgedwaal en hulle afgewend het na onsinnige praatjies;

7 hulle wil leraars van die wet wees, alhoewel hulle wat hulle sê, of die dinge wat hulle beslis beweer, nie verstaan nie.

Ons het laas week begin om te kyk na wat Paulus vir Timotheus sê oor die valse leraars. Dat Timotheus hulle moet stop om te leer. En ons het gekyk na die fout wat die valse leraars maak en die effek daarvan. Die fout dan is dat hulle iets anders leer as wat die Bybel leer. Hulle kom met ‘n nuwe ding, ‘n nuwe idee, ‘n nuwe openabring, maw hulle voeg dinge by die Woord van God by.

Hierdie ouens stel egter nie belang in die waarheid nie, en hulle is in dit vir hul eie gewin. Die effek daarvan is dat hulle net twisvrae bevorder en dat hulle ook die waarheid van die evangelie aanval.

Ons kom dan vanoggend by die tweede gedagte wat Paulus aan Timotheus wil oordra en dit is: wat is die valse leraars se doelwit?

1 Tim 1:5 Maar die doel van die gebod is liefde uit ‘n rein hart en ‘n goeie gewete en ‘n ongeveinsde geloof

Dit is wat God wil sien moet gebeur in die kerk. Dit is God se doel vir die kerk. Die doel van die gebod is liefde. God wil liefde in Sy kerk hê. Jesus het gesê

Joh 13:35 Hieraan sal almal weet dat julle my dissipels is, as julle liefde onder mekaar het.

Dit is waaraan die kerk gekenmerk moet word, liefde. Mense wat God liefhet met hulle hele hart en siel en verstand en hulle naaste soos hulleself. Dit moet die kenmerk wees van die kerk en van elke gelowige.

1 Joh 4:7 Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.

8 Hy wat nie liefhet nie, het God nie geken nie, want God is liefde.

So die karaktereienskap van Christene is dat hulle gekenmerk is deur liefde. Die woord is agape, liefde wat ‘n keuse is, liefde omtdat jy wil liefhê, liefde wat maak dat jy jouself verloën, selfopofferende liefde wat sê, “ek lewe my lewe tot voordeel van God”. Dit is my liefde vir God. En “ek lewe my lewe tot jou voordeel”, dir is my liefde vir my naaste. En “ek lewe my lewe tot voordeel van verlorenes”, dit is my liefde vir hulle.

Dit is nie ‘n emosie of ‘n gevoel nie. Dit is ‘n keuse. Dit is die hoogste vorm van liefde. En Paulus sê vir Timotheus, dit is die doel. Dit is egter nie die doel van die valse leraars nie. Die doel van die gebod is liefde. En hierdie liefde bring weer voort ‘n rein hart en goeie gewete en ongeveinste geloof.

Die konsep van ‘n rein hart is ‘n ongelooflike konsep wat ons in die Ou Testament vind. Die psalmdigter skryf in Psalm 24:4 en 51:10 en begeer dat hy ‘n rein hart sal hê, dat sy hart suiwer sal wees.

1 Sam 16:7 ...want die mens sien aan wat voor oë is, maar die HERE sien die hart aan.

Wanneer die Bybel praat van die hart, dan praat dit van die beheersentrum van die mens. Die plek van jou gedagtes. Soos wat ‘n mens dink, so is hy. Dit is die middelpunt, die plek van ‘n mens se geloof en oortuiginge en morele karakter. Dit is die middelpunt van jou geestelike begeertes. Jou verlange na God.

Wanneer die hart skoon gewas word deur die bad van wedergeboorte, wannner dit toegewyd is aan Christus deur geloof en wanneer dit soos Rom 6:17 sê, gehoorsaam geword het, dan is dit ‘n rein hart.

En ‘n suiwer hart is een wat toegewy is aan God met 'n onverdeelde trou, want dit is gewas en gereinig deur Christus. En vanuit ‘n rein hart kom daar liefde.

En dan ‘n goeie gewete. Die gewete is jou ingeboude regter. En dit reageer op wat in jou hart aangaan, wat in jou gedagtes aangaan. Watookal in jou gedagtes gebeur, sit jou gewete in werking.

Jou gedagtes is die engine en jou gewete is die flywheel. Die engine dryf die flywheel. Watookal in die engine kamer gebeur, aktiveer die flywheel. En wanneer jy ‘n rein hart het, sal jy ‘n rein gewete hê, maw jou gewete sal jou nie aankla nie. As jou hart skoon is, is daar niks om jou gewete aan te kla nie.

Die regter sal sê, dit is wel met my siel. Jou gewete gaan vir jou vrede en blydskap bring en die vryheid van skuldgevoelens, want jou hart is rein. Dit is wat Paulus sê in,

Hand 24:16 Daarom oefen ek my ook om altyd voor God en die mense ‘n rein gewete te hê.

Hoe lyk valse leraars se gewete?

1 Tim 4:2 deur die geveinsdheid van leuenaars wat gebrandmerk is in hulle eie gewete,

KJV

1 Tim 4:2 Speaking lies in hypocrisy; having their conscience seared with a hot iron;

Dan sê Paulus verder dat hierdie agape liefde kom uit ‘n ongeveinste geloof. Maw dit is nie voorgee geloof nie, dit is ware geloof, egte geloof. Valse leraars het nie ware geloof nie, maar gee voor dat hulle glo. Hulle het ‘n skyn geloof.

Valse leraars se hart is vuil, want dit was nog nooit skoongewas deur die ware evangelie, deur geloof in Christus nie. ‘n Valse leraar het ‘n skuldige gewete, want ‘n vuil hart aktiveer ‘n skuldige gewete. Tensy daardie gewete so punt bereik het waar die skeidsregter van die veld afgestap het.

Die Griekse woord in 1 Tim 4:2 vir gebrandmerk of soos dit in die KJV vertaal is met “seared” is die woord “kauteriatzo” wat letterlik beteken “to render unsensitive”. Maw hulle gewete het onsensitief geraak. Hulle gewete is so beskadig dat dit hulle nie meer pla nie.

En ‘n valse leraar het ‘n geveinsde geloof. Hy is ‘n bedriër. Hy gee voor. Hy is nie opreg nie. En daardie soort lewe sal nooit Goddelike liefde voortbring nie.

So hier is die doelwit van valse leraars, dit is nie om ‘n omgewing van liefde te skep nie, maar die doel is om hulle eie ego’s te streel en ook hulle sakke te vul. Dit is hulle doel. Dit sal nou vir julle nog duidelik word. So vers 6 sê dan,

1 Tim 1:6 waarvan sommige mense afgedwaal en hulle afgewend het na onsinnige praatjies;

Waarvan het hulle afgedwaal? Hulle het agfedwaal van die liefde. Die KJV sê,

1 Tim 1:6 From which some having swerved have turned aside unto vain jangling;

“having swerved” , dit is Griekse woord “astocheo” wat beteken, hulle mis die doel, hulle mis die target. En die tweede werkwoord is “have turned aside”, en hulle afgewend het, beteken hulle is op ‘n ander koers. Maw hulle doel was nooit liefde nie. Liefde was nooit die target waarvoor hulle geskiet het nie. Hulle het ‘n ander agenda gehad. Wat is dit?

1 Tim 1:7 hulle wil leraars van die wet wees, alhoewel hulle wat hulle sê, of die dinge wat hulle beslis beweer, nie verstaan nie.

En in hoofstuk 6 sien ons duidelik dat dit gaan oor geld. En die wyse waarop hulle dit doen is om weg te draai van die waarheid, en hulle besig te hou met onsinnige praatjies. Die KJV sê, “vain janglings”, dinge wat irrelevant is. Maw dit is net ‘n groot lawaai.

‘n Verdraaide hart, ‘n geskonde gewete en ‘n skynheilige geloof sal nooit liefde produseer nie. Daar is nie opregte liefde in ‘n valse profeet se hart nie en hy kan ook nie ware liefde gee nie.

Valse godsdiens kan nie die vlees oorwin en beheer nie? Valse godsdiens kan nie jou lewe verander nie. Valse godsdiens kan nie jou hart verander nie. En al wat dit op die einde doen is, dit maak net 'n groot lawaai. Daarom sê,

Tit 1:11 hulle mond moet gestop word...

Kom ons maak gou ‘n opsomming. Paulus sê vir Timotheus, as jy verstaan wat die valse leraars se fout is en die effek daarvan, en jy verstaan hulle doelwit, sal jy verstaan hoekom hierdie ouens se monde gestop moet word en hulle nie toegelaat moet word om iets te leer nie.

Die derde ding wat Paulus wil hê Timotheus moet verstaan oor die valse leraars en wat ons ook dan moet verstaan is hulle motief. Wat is hulle motiewe? Wat soek hulle eintlik? Hulle het ‘n sterk motief, hulle het ‘n sterk begeerte.

1 Tim 1:7 hulle wil leraars van die wet wees...

Dit is hulle sterk begeerte. Die vraag is: Is dit dan so verkeerd? Die antwoord is: Ja. Hoekom? Want hulle weet nie waarvan hulle praat nie. Die res van die vers sê,

...alhoewel hulle wat hulle sê, of die dinge wat hulle beslis beweer, nie verstaan nie.

Dit wat hulle sê of wat hulle beweer verstaan hulle self nie eers nie. Hulle verstaan nie eers self wat hulle sê nie. Hulle verstaan nie die wet van God nie. Hulle wil leraars wees.

Dit gaan nie daaroor dat hulle die wet wil ken nie. Dit gaan nie daaroor dat hulle God wil ken nie. Dit gaan nie daaroor dat hulle vir mense omgee nie. Hulle wil eenvoudig net leraars wees. Hulle wil gesien word. Dit gaan oor hulle ego’s.

Hulle wil in ‘n posisie erken word. Hulle soek die prestige en prominensie. Hulle stel nie belang om mense die waarheid te leer nie. Hulle wil soos Diotrefes wees, waarvan ons lees in 3 Joh 1:9, wat onder hulle die eerste wou wees. Hulle soek prominensie in die kerk.

Hulle wil wees soos wat Jesus vir die Fariseërs gesê het in Matt 23 dat hulle hou van die voorste plekke by die maaltye en hulle hou daarvan om in die voorste banke in die sinagoges te sit. Hulle wil gesien word. V7 sê hulle hou daarvan as almal hulle groet op die markte en hulle wil deur die mense Rabi’s genoem word. Hulle wil hê almal moet vir hulle sê, pastoor.

Dit is al waaroor dit gaan. Dit gaan nie om die waarheid te verkondig of om vir mense om te gee nie. Hulle is opsoek na die applous van mense. Dit is hulle motief.

Jak 3:1 Moenie baie leermeesters wees nie, my broeders, omdat julle weet dat ons ‘n groter oordeel sal ondergaan.

Die persoon wat regtig die rol van ‘n leraar verstaan, verstaan dat dit nie iets is om oor trots te wees nie. Maar die valse leraars is trotse mense.

1 Tim 6:3 As iemand iets anders leer en nie instem met die gesonde woorde van onse Here Jesus Christus en met die leer wat volgens die godsaligheid is nie,

4 dié is verwaand... (He is proud – KJV)

Dit gaan oor trots. En dit is die teenoorgestelde karakter van ‘n ware leraar. ‘n Ware leraar besef altyd die ongelooflike verantwoordelikheid wat op hom rus om die waarheid te verkondig. ‘n Ware leraar besef dat hy onder groter oordeel sal gaan. En dit is nie iets om oor trots te wees nie.

Fil 1:20 volgens my reikhalsende verwagting en hoop dat ek in niks beskaam sal word nie; maar dat Christus met alle vrymoedigheid, soos altyd so ook nou, groot gemaak sal word in my liggaam, of dit deur die lewe of deur die dood is.

Ek wonder of baie leraars besef wat dit beteken. ‘n Prediker met die naam van John Stott het die volgende gesê,

"I can not help wondering if this may not be why there are so few preachers whom God is using today. There are plenty of popular preachers but not many powerful ones who preach in the power of the Spirit. Is it because the cost of such preaching is too great? It seem that the only preaching God honors through which His wisdom and power are expressed is the preaching of a man who is willing in himself to be both a weakling and a fool. God not only chooses weak and foolish people to save, but weak and foolish preachers through whom to save them, or at least preachers who are content to be weak and seem foolish in the eyes of the world. And we are not always willing to pay that price. We are constantly tempted to covet a reputation as men of learning or men of influence, to seek honor in academic circles and compromise our old fashioned message in order to do so and to cultivate personal charm or forcefulness as to sway the people committed to our care."

God se diensknegte is nederige mense, nie trotse mense nie. So ons moet verstaan wat die motief is van valse leraars. Hulle is nie nederige mense wat die swaar gewig van verantwoordelikheid voel om die waarheid te leer nie. Hulle is trotse mense wat gesien wil word.

Slot

Ons sal nou volgende week kyk na wat die gevolge is van valse leraars.

Wat sê die Bybel oor valse leraars?

1 Tim 1:3 Soos ek jou versoek het toe ek na Macedónië op reis was, moet jy in Éfese wag om sekere persone te beveel dat hulle geen ander leer moet leer nie,

4 en hulle nie besig hou met fabels en eindelose geslagsregisters nie, wat net twisvrae bevorder meer as stigting van God wat in die geloof is.

5 Maar die doel van die gebod is liefde uit ‘n rein hart en ‘n goeie gewete en ‘n ongeveinsde geloof

6 waarvan sommige mense afgedwaal en hulle afgewend het na onsinnige praatjies;

Ons kyk vandag nie na ‘n onderwerp waarvan julle nie bewus is nie.  Ons almal is bewus daarvan dat daar valse leraars is. 

In Joh 8:44 lees ons dat die duiwel is nie net ‘n moordenaar nie, maar hy is ook ‘n leuenaar.  Die wyse waarop die duiwel nog altyd die evangelie en die waarheid probeer aanval het, was om valse leraars in die kerk te plaas en dit sien ons regdeur die geskiedenis van die kerk.  Valse profete en valse leraars was nog altyd deel van die stryd warin die kerk gewikkel is.

Dit is nie iets waarmee net ons moet deel nie, maar die waarheid is dit dat al God se mense deur al die eeue te doen gehad het met valse leraars.  As ons na die Ou Testament toe gaan dan kry ons waarskuwing op waarskuwing op waarskuwing teen valse leraars.  Soos bv in Jer 23 tot hoofstuk 27 waar daar baie verwysings is na die valse leraars is.

Waar God ookal die waarheid vasstel, streef Satan daarna om leuens en dwalinge te saai.  Julle sal onthou wat in Matt 7 staan waar Jesus vertel van die valse leraars, en valse profete wat kom in skaapsklere.

Wanneer Jesus die tekens van die tye gee in Matt 24, dan waarsku Hy van die baie valse christusse in die toekoms.  Johannes vertel vir ons in 1 Joh 2 dat daar altreeds baie antichriste in die wêreld is.  Die boek Openbaring skets vir ons ‘n duidelike prentjie van die voleinding van die kerkbedeling en God se finale prentjie van wat op die aarde gaan gebeur.

Hierdie prentjie is gevul met misleiding en leuens, valse leerstellings, wat uiteindelik sal uitloop tot op die Antichris.  1 Tim 4:1 herinner ons van die verleidende geeste in die kerk en leringe van duiwels.  Hulle spreek leuens.

Die apostel Paulus waarsku die gemeente van Galasië op verskeie geleenthede oor die valse leraars.  Die brief aan die gemeente van Kolosse, in die tweede hoofstuk, word die grootste gedeelte van die hoofstuk gebruik om die genoegsaamheid van Jesus Christus te verdedig wanneer dit kom by redding, teenoor die leuens wat sê dat geloof in Jesus Christus is nie genoeg nie.  Jy moet nog dit, jy moet nog dat...

So in ‘n algemene sin van die woord, moet elke gelowige wat getrou die Woord van God bestudeer bewus wees van die feit dat waarookal jy die waarheid verkondig of waarookal jy die waarheid sal vind, dat daar ook ‘n indringing gaan wees van dwalinge.  Ons moet vir mekaar sê, solank as wat ons die waarheid gaan verkondig gaan die duiwel soveel as moontlik probeer om leuens te saai.  Hy wil mense op ‘n dwaalspoor lei.

Dit is mense wat hulle oor afkeer van die waarheid en op die ou einde so verward is in hul eie begrip van wat die waarheid is.  En in die tyd waarin ons leef glo ek nie dat dit gaan afneem nie, maar ek glo dat juis in die laaste dae dat dit gaan toeneem. God skep egter daardeur vir ons ‘n geleentheid om ‘n groter stem te wees in ons dag.

Dit was so in Efese.  Efese was ‘n uitsonderlike kerk.  Hulle het God se seën leer ken meer as wat al kerke ooit in die geskiedenis geken het, die tydperk toe Paulus daar was vir drie jaar.  Hull het geweet wat dit was om vir Paulus vir die drie jaar as mentor te hê, vlg Hand 20.  En tog kry hy die ouderlinge bymekaar en sê vir hulle,

Hand 20:29 Want ek weet dit, dat ná my vertrek wrede wolwe onder julle sal inkom en die kudde nie sal spaar nie.

30 Ja, uit julle self sal daar manne opstaan wat verkeerde dinge praat om die dissipels weg te trek agter hulle aan.

31 Daarom moet julle waak en onthou dat ek drie jaar lank nag en dag nie opgehou het om elkeen met trane te vermaan nie.

32 En nou, broeders, dra ek julle op aan God en aan die woord van sy genade, wat magtig is om julle op te bou en julle ‘n erfdeel te gee onder al die geheiligdes.

Paulus het geweet dat die gemeente van Efese soos enige ander kerk is wat onder die aanval van valse profete en leraars gaan kom.  En dit is presies wat gebeur het.  Dit is die nalatenskap van enige kerk wat sterk staan in die waarheid om te stry met dit wat Paulus noem in 2 Kor 2:17, mense wat handel dryf met die woord.  Die KJV sê, “which corrupt the word of God”.  Ons is in stryd met sulke mense.

2 Kor 4:2 Maar ons het van die heimlike dinge wat skandelik is, afstand gedoen, en ons wandel nie in listigheid of vervals die woord van God nie; maar deur die waarheid aan die lig te bring, beveel ons ons by elke menslike gewete voor God aan.

KJV

2 Cor 4:2 But have renounced the hidden things of dishonesty, not walking in craftiness, nor handling the word of God deceitfully; but by manifestation of the truth commending ourselves to every man's conscience in the sight of God.

Dit is ons werk, dit is ons plig om die waarheid aan die lig te bring.

Die kerk en die Christelike leer word nie werklik bedreig deur leringe wat openlik en herkenbaar antiBybels, antiChristeliks of anitGod is nie.  Dit is wanneer valse leringe baie subtiel gepreek word, wanneer dit Bybels lyk.  Dit is die grootste gevaar wat die kerk in die gesig staar.

Die gemeente van Efese, alhoewel dit ‘n groot geskiedenis gehad het, alhoewel dit ‘n groot begin gehad het en waaruit ander suster kerke in klein-Asië gebore is, was hulleself nie immuun teen vlase leraars nie.  So Paulus skryf aan Timotheus om die valse leraars te stop en orde te bring in die kerk.  Hy gee hom die opdrag om die leringe suiwer te hou en om ‘n voorbeeld vir ander gemeentes te stel.

Paulus gee vir Timotheus vier belangrike dinge wat hy moet begryp wat noodsaaklik is om die valse leraars te stop.  En dit is wat ons ook moet bergyp. 

Eerstens, ons moet verstaan wat die fout is wat hulle maak en wat die effek is daarvan.  Tweedens, ons moet verstaan wat hulle doelwit is.  Derdens moet ons verstaan wat hulle motief is en laastens, moet ons verstaan wat die gevolg is, wat hulle voortbring uit hierdie wanorde. Ons kyk vanoggend net na die eerste een, dan sal ons volgende Sondag na die ander kyk.

Eerstens, wat is die fout wat hulle maak en die effek wat dit veroorsaak.  Valse lerraars se foute het ‘n baie ernstige en geweldige effek.  Kom ons kyk na ons teksgedeelte.

1 Tim 1:3 Soos ek jou versoek het toe ek na Macedónië op reis was, moet jy in Éfese wag om sekere persone te beveel dat hulle geen ander leer moet leer nie,

4 en hulle nie besig hou met fabels en eindelose geslagsregisters nie, wat net twisvrae bevorder meer as stigting van God wat in die geloof is.

Hier kry ons baie eenvoudig die fout van die valse leraars.  Eerstens sê Paulus  ek het julle versoek.  Timotheus is ‘n jong man, so ongeveer 35 jaar oud en hy was saam met Paulus ongeveer 20 jaar.  Hy was ‘n ware replika van Paulus.  In vers 2 noem Paulus hom, my ware kind in die geloof.  Maat Timotheus het so bietjie ontoereikend gevoel vir die taak.  Daarom sê Paulus vir hom, laat niemand jou jonkheid verag nie.

So Paulus verlaat Efese oppad na Macedonië, maar beveel Timothues om te bly in Efese.  Paulus het reeds met Himenéüs en Alexander, twee vooraanstaande valse leraars gedeel, maar nou moet Timotheus agterbly en verder die opruimings werk doen.  Hy moet ‘n einde bring aan hierdie valse leraars en hulle stop.

So Paulus gaan Macedonië toe, na Filippi toe en los Timotheus agter met ‘n baie moeilike taak.  Hy moet ontslae raak van die valse geestelike leiers in die kerk in Efese.  Paulus was nie lank weg nie, toe skryf hy hierdie brief aan hom, want hy het geweet dit gaan ‘n moeilike taak wees.  En hy wil Timotheus bemoedig.

Hy sê vir Timotheus dat hy sekere persone moet beveel om geen ander leer te leer nie.  Maw hy moet dit nie ligtelik hanteer nie.  En luister!  Jy hoef nie ligtelik valse leringe te hanteer nie.  Jy moet onmiddelik en met gesag daarmee deel.

Hy sê dat hy sekere persone moet beveel om geen ander leer te leer nie, wat veronderstel dat hierdie individue was slegs ‘n paar oues gewees, maar hulle het waarskynlik baie invloed gehad.  Hulle was waarskynlik die ouens soos wat Paulus in Hand 20 gesê het, wat uit hulle opgestaan het.

En vers 7 sê vir ons dat hulle leraars van die wet wil wees, maw dit was ouens wat in die kerk was, ouens wat in die kerk opgestaan het en leraars was.  En die konteks van die brief van Timotheus gaan oor die opsieners, die diakens of dan die ouderlinge.  En vers 20 praat hy van twee ouens.  Dat dit nie almal is nie, maar ‘n paar invloedyke persone is.

Om hierdie ouens te probeer uitskakel gee Paulus dan in hoofstuk 3 & 5 die vereistes om ‘n ouderling of diaken te wees.  Dit is mense wat ‘n prominente rol speel in die kerk.  Hulle wil leraars van die wet wees wat sê dat hulle waarskynlik die Ou Testament gebruik het as basis en daarmee gespeel het, dinge geleer wat nie strook met die Ou Testament nie en wat teenstrydig was met die Nuwe Testament.  Daarom het hulle die hele karakter en waarheid van Christenskap verander en verdraai .

Ons sien in Hand 2 dat 3000 mense het tot bekering gekom en dan sê vers 42,

Hand 2:42 En hulle het volhard in die leer van die apostels en in die gemeenskap en in die breking van die brood en in die gebede.

Die valse leraars in Efese het egter nie gebly by dit wat die apostels geleer het nie.  Hulle het iets anders geleer.  Hulle het van die leer afgewyk, van die geloof wat eenmaal oorgelewer is.

Jud 1:3 Geliefdes, terwyl ek alle ywer aanwend om aan julle oor ons gemeenskaplike saligheid te skrywe, het ek die noodsaaklikheid gevoel om julle deur my skrywe te vermaan om kragtig te stry vir die geloof wat eenmaal aan die heiliges oorgelewer is.

In 2 Tim 2:2 word Timotheus ook herinner om ander te leer dit wat hy by Paulus gehoor het.  Dat hierdie boodskap aan getroue manne wat bekwaam is vertrou sal word om ander te leer.  Dit is nie ‘n ander boodskap nie.  Dit is nie ‘n nuwe boodskap nie.  Dit is dieselfde boodskap wat al vir 2000 jaar verkondig is deur mense wat getrou is aan die waarheid.

So die fout wat die valse leraars maak is dat hulle iets nuuts, iets anders leer as wat die Bybel vir ons leer? Vers 4,

1 Tim 1:4 en hulle nie besig hou met fabels en eindelose geslagsregisters nie, wat net twisvrae bevorder meer as stigting van God wat in die geloof is.

Hulle hou hulleself besig met fabels, die Griekse woord is “muthos”, mites.  Nou wat is ‘n mite?  ‘n Mite is ‘n denkbeeldige storie wat deur mense of ook deur verleidende geeste opgemaak is.  In hoofstuk 4 noem hy dit leringe van duiwels.  Hulle was baie soos die Atheners wat beskryf word in Hand 17:21,

Hand 17:21 Nou het al die Atheners en die uitlanders wat by hulle gewoon het, vir niks anders tyd gehad as om iets nuuts te sê en te hoor nie.

So dit is fout wat die valse leraars maak.  Hulle is besig met nuwe dinge, nuwe idees, nuwe filosofië, nuwe openbaringe.  En die gevaar kom in wanneer hierdie nuwe idees, hierdie dinge wat deur mense opgemaak is of selfs deur verleidende geeste ontwerp is, slinkse leuens is wat aan mense verkoop word as goddelike waarheid.

Paulus sê egter nie vir ons watse fabels en eindelose geslagsregisters die mense hulle hier mee besig hou nie.  Maar dit is genoeg vir ons om te weet dat dit waarmee hulle besig was, was in stryd met die waarheid, met die geloof wat eenmaal aan die heiliges oorgelewer is.  Dit is ‘n nuwe ding.

Ons kan wel probeer om afleidings te maak as ons kyk na v7, dat hulle leraars van die wet wil wees, dat dit iets met die geslagsregisters te doen het en met die Ou Testamentiese wet.

Hoofstuk 4 vertel vir ons dat hierdie verleidende geeste en leringe van duiwels gevul is met skynheiligheid en leuens.  Deel daarvan het te doen met v3 waar mense verbied word om te trou.  Maw hulle is voorstanders van selibaatheid en hulle het ook vir mense gesê om hulle te onthou van kos.

So daar is ‘n sekere soort monnik kwaliteit, wat ons noem asketisme of self-ontrekking of ‘n klooster benadering.  Die idée dat ware geestelikheid gevind word deur middel van mites en geslagregisters en geheime interpretasies van die wet en deur jou te onthou van die huwelik en sekere kos nie te eet nie.  Hierdeur sal jy glo aan die goddelike standaard voldoen.

1 Tim 6:3 As iemand iets anders leer en nie instem met die gesonde woorde van onse Here Jesus Christus en met die leer wat volgens die godsaligheid is nie,

4 dié is verwaand en verstaan niks nie, maar het ‘n sieklike sug na twisvrae en woordestryd waaruit ontstaan afguns, twis, lasteringe, bose agterdog,

5 nuttelose stryery van mense wat verdorwe in hulle verstand en van die waarheid beroof is en dink dat die godsaligheid winsgewend is. Onttrek jou aan sulke mense.

Wat doen hulle?  Hulle het ‘n sieklike sug na twisvrae.  Al wat hulle doen is om hulle tyd te spandeer op nuttelose stryery.  Hulle is egter van die waarheid beroof.  En hulle dink die godsaligheid is winsgewend.  Hulle is nie in dit vir godsaligheid nie, maar vir die geld.  En jy sal uitvind dat die bottom line van alle valse profete is altyd geld.

2 Tim 2:14 Herinner aan hierdie dinge en betuig voor die Here dat hulle geen woordestryd moet voer wat tot geen nut is nie, maar net tot ondergang van die hoorders.

So dit is ‘n woordestryd.  Hulle stry oor woorde.  Hulle het waarskynlik woorde uit hul konteks geneem en allegoriese betekenisse gegee.  Dit beteken hulle vergeestelik woorde.  Maar v15 sê,

2 Tim 2:15 Lê jou daarop toe om jou beproef voor God te stel as ‘n werker wat hom nie hoef te skaam nie, wat die woord van die waarheid reg sny.

Maw hulle het die woord verkeerdelik geïnerpreteer en verkeerdelik toegepas.  En dit gebeur vandag ook.  Daar is mense wat die woord van die waarheid nie reg sny nie.  En dit is wat ons reeds in die begin gesien het.  Valse leraars is mense wat handel dryf met die woord van God.  They corrupt the word of God.  Hulle laat die Bybel sê wat dit nie sê nie.

Hulle gebruik egter die Woord van God om handel te dryf, om geld te maak.  Hulle verdraai dit en verander dit tot hul eie voordeel.

Tit 1:10 Want daar is baie wat tugteloos is, wat onsin praat en verleiers is, veral die wat uit die besnydenis is;

11 hulle mond moet gestop word. Hulle keer hele huise onderstebo deur te leer wat nie betaam nie, ter wille van vuil wins.

Luister! Valse leraars stel nie belang in die waarheid nie.  Hulle stel nie belang om die waarheid te ondersoek en die Woord suiwer te verkondig nie.  Hulle is in dit vir hul eie gewin.

Dit is skrikwekkend om te sien wat mense met die Bybel doen vandag.  Dit bekommer my hoe mense met die Woord van God werk.

2 Tim 2:16 sê dat jy die onheilige en onsinnige praatjies moet vermy, v19 sê dit is mense wat van die waarheid afgedwaal het en dan sê v23 dit is dwase en onverstandinge strydvrae.  Hoofstuk 3:7 sê dat hulle atyd leer en nooit tot die kennis van die waarheid kan kom nie. Vers 8 sê hulle is verdorwe in die verstand.  Hulle weerstaan die waarheid.  Hulle is onbetroubaar ten opsigte van die geloof.  Vers 13 sê hulle is goddelose mense en bedrieërs wat voortgaan van kwaad tot erger.

2 Tim 4:3 want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede,

4 en die oor sal afkeer van die waarheid en hulle sal wend tot fabels.

Ek dink dit is baie duidelik.  Dit is ‘n stryd om die waarheid van God.  En die wyse hoe om dit te hanteer is nie om daarmee te argumenteer nie, maar om dit te stop.  Ons kan nie sit en luister na valse leringe nie.  Ons moet dit eenvoudig net stop.  Paulus beveel Timotheus om hierdie ouens te stop en nie toe te laat om iets anders te leer nie.

En die rede waarom hierdie valse leraars so effektief is, is omdat jou gewone Christen nie die Woord ken nie. 

Wat is die effek van hierdie valse leringe?

1 Tim 1:4 en hulle nie besig hou met fabels en eindelose geslagsregisters nie, wat net twisvrae bevorder meer as stigting van God wat in die geloof is.

Nou instede dat hulle vra, wat is die waarheid, is hulle net besig om verwarring te veroorsaak en alles te bevraagteken.  Hulle bevorder twisvrae.  Meer as stigting van God wat in die geloof is.  Hulle bevorder nie die waarheid nie, hulle is nie opsoek na die waarheid nie.  Hulle wil net twisvrae bevorder.

Die effek daarvan is dat hulle die waarheid van die evangelie aanval.  Hulle aanvaar nie die evangelie van genade nie, maar wil leraars wees van die wet. 

Daar is ‘n baie eenvoudige manier om dit te kan onderskei.  Daar is net twee godsdienste in die wêreld.  Daar is dit wat God gedoen het en dan is daar dit wat die mens doen.  Dit wat die mens doen kan jou nie red nie.  Net dit wat God gedoen het kan jou red.  Dit wat Jesus Christus vir jou gedoen het.

Valse leraars probeer altyd vir jou sê wat jy moet doen om God se guns te verdien.  Dit is ‘n stelsel van wette.  En dit is ‘n aanval teen die ware evangelie wat leer dit is net uit genade wat ons gered kan word.  Ons kan niks doen om God se guns te verdien nie, dit is alleen uit genade.

Paulus sê in Galasiërs daar is net een evangelie en enigiets anders moet ‘n vervloeking wees.

1 Tim 1:5 Maar die doel van die gebod is liefde uit ‘n rein hart en ‘n goeie gewete en ‘n ongeveinsde geloof

6 waarvan sommige mense afgedwaal en hulle afgewend het na onsinnige praatjies;

Die doel van die gebod is liefde.  Die kenmerk van ware Christene is liefde.  Liefde soek nie sy eie belange nie.  Dit is mens wat nie vir hulleself leef nie.  Ek kan jou verseker dit is nie die doel van valse leraars nie.  Hulle is in dit vir hullelself, vir wat hulle daaruit kan kry, vir vuil wins, vir geld.

Slot

So ons het nou gesien wat die fout is van die valse leraars, dat hulle nie by die geopenbaarde waarheid bly nie, dat hulle nie by die gesonde leer van die Woord bly nie, en die effek is dat hulle net meer verwarring saai en twisvrae bevorder en nie opsoek is na die waarheid nie, maar in dit is vir hulleself.

Volgende week sal ons nou kyk na die ander gedagtes wat Paulus vir Timotheus gee, hoe om met die valse leraars te deel.