Wat bewys die opstanding?

Ek gaan nie vandag probeer om bewyse te gee vir die opstanding nie.  Daar is verseker genoeg bewyse en die Bybel is natuurlik die beste bewyse vir die opstanding, maar ek gaan eerder die vraag vra: wat bewys die opstanding?

‘n Eenvoudige antwoord sou wees, dat die opstanding bewys die verlossings plan en doel van God.  Jy sien die opstanding is die sleutel tot alles.  As jy die opstanding van Jesus Christus wegvat, dan het jy nie meer Christenskap nie, want die opstanding is die hart van dit alles.

Wat beteken die opstanding van Jesus Christus?  Wat bevestig dit?  Wat het dit bereik?  Wat bewys die opstanding van Jesus Christus?

Eerstens, die opstanding bewys die betroubaarheid van die Woord van God.  Ons kyk na Hand 2, op Pinksterdag, die geboorte van die kerk.  Die gelowiges is vervul met die Heilige Gees en Petrus staan op en preek.  Na sy prediking het 3000 tot bekering gekom.

In Petrus se preek haal hy ‘n gedeelte in die Ou Testament aan in v25.  In v23 praat hy van Christus en Sy dood, in v24 praat hy oor die opstanding wanneer hy sê, 

Hand 2:24 Hom het God opgewek, nadat Hy die smarte van die dood ontbind het, omdat dit onmoontlik was dat Hy daardeur vasgehou sou word. 

So hy sê dat Jesus het opgestaan uit die dood, en die dood kom Hom nie hou nie.  En dan haal hy Psalm 16 aan vanaf v25,

25 Want Dawid sê van Hom: Ek het die Here altyddeur voor My gesien, want Hy is aan my regterhand, dat Ek nie sou wankel nie. 

26 Daarom is my hart bly en my tong juig, ja, ook sal my vlees nog rus in hoop. 

27 Want U sal my siel nie aan die doderyk oorlaat of u Heilige oorgee om verderwing te sien nie. 

28 U het My die weë van die lewe bekend gemaak, U sal My vervul met vreugde by u aangesig. 

So Petrus gee ‘n aanhaling van Dawid in Psalm 16.  Sommige sê dat Dawid het na homself verwys, maar dit kan ook nie wees nie, want Dawid se siel het in die doderyk ingegaan en Dawid se liggaam het verderwing gesien, maw dit het ontbind of verrot, en in sy fisiese liggaam het hy nie terug gekeer na die lewe nie.  So dit verwys nie na Dawid nie.

Petrus interpreteer dit en hoor wat sê hy in v29,

Hand 2:29 Broeders, ek kan vry-uit met julle spreek oor die aartsvader Dawid, dat hy gesterf het en ook begrawe is, en sy graf is by ons tot vandag toe. 

So Dawid kon nie na homself verwys het in Psalm 16 nie.  Dawid is nog in die graf.

30 Omdat hy dan ‘n profeet was en geweet het dat God vir hom met ‘n eed gesweer het dat hy uit die vrug van sy lendene, wat die vlees betref, die Christus sou verwek om op sy troon te sit, 

31  het hy, omdat hy dit vooruit gesien het, gespreek van die opstanding van Christus, dat sy siel nie in die doderyk verlaat is en sy vlees ook nie verderwing gesien het nie. 

So Dawid het in Psalm 16 die opstanding van Jesus geprofiteer.  Dit was Jesus wie se  vlees in hoop sou rus, wie se siel nie in die doderyk oorgelaat sou word, en as die Heilige nie aan verderwing oorgegee sou word.  Dit is Jesus aan wie die weg van lewe bekend gemaak sou word.  Dit is Hy wie met vreugde vervul sou word voor die aangesig van God.  Dit is ‘n messiaanse Psalm.  Dit praat van Jesus.

32 Hierdie Jesus het God opgewek, waarvan ons almal getuies is. 

Jy sien!  As Jesus nie uit die dood opgestaan het nie, het die Bybel nie die waarheid gepraat nie.  Maar nou is die profesie vervul en die opstanding is bewyse dat die Woord van God waar is en dat ons dit kan vertrou.  En as ons kyk na Hand 13 dan is Paulus aan die woord,

Hand 13:29 En toe hulle alles volbring het wat oor Hom geskrywe is, het hulle Hom van die kruishout afgehaal en in ‘n graf neergelê. 

30 Maar God het Hom uit die dode opgewek. 

31 En gedurende baie dae het Hy verskyn aan die wat saam met Hom opgegaan het van Galiléa na Jerusalem, en hulle is sy getuies by die volk. 

32 En ons bring julle die goeie tyding van die belofte wat aan die vaders gedoen is…

En dit is wat dit is.  Dit is die goeie tyding, die goeie nuus.  Let op die woorde in v32!  Die belofte wat aan die vaders gedoen is, aan die Joodse vaders, aan die Ou Testament gelowiges.

…dat God dit aan ons, hulle kinders, vervul het deur Jesus op te wek, 

33 soos daar ook in die tweede psalm geskrywe is: U is my Seun, vandag het Ek U gegenereer. 

Maw Paulus sê dat die Psalmdigter het hier geprofiteer van Jesus Christus wat uit die dood sou opstaan.

34 En dat Hy Hom opgewek het uit die dode, sodat Hy nie meer tot verderwing sou terugkeer nie, het Hy só gespreek: Ek sal aan julle gee die heilige weldade van Dawid wat betroubaar is. 

En Paulus is in werklikheid besig om sy prediking oor die opstanding van Jesus Christus op drie Ou Testamentiese profesië te baser, Ps 2, Ps 16 & Jes 55.  Luister!  As Jesus nie opgestaan het nie sou Ps 2, Ps 16 & Jes 55 verkeerd gewees het.  Enige ander profesië oor die opstanding sou verkeerd gewees het en die Woord van God sou nie betroubaar gewees het nie.

Hand 26:22 Maar omdat ek hulp van God verkry het, staan ek tot vandag toe en getuig aan klein en groot, en spreek niks buiten wat die profete en ook Moses gesê het dat sou gebeur nie: 

23 dat die Christus moes ly en die eerste wees uit die opstanding van die dode, en ‘n lig aan die volk en die heidene sou verkondig. 

Dit gaan so ver terug soos Moses.  Dit gaan so ver terug tot by die wet.  Die profete.  Die Skrif se betroubaarheid was op die spel.  En Jesus se opstanding het alles vervul en bewys dat ons kan op die Woord van God vertrou. Kom ons gaan kyk na Johannes.

Joh 2:19 Jesus antwoord en sê vir hulle: Breek hierdie tempel af, en in drie dae sal Ek dit oprig. 

Die Jode het nie ‘n clue gehad waarvan Jesus praat nie.  Hulle antwoord en sê, dit het ons 46 jaar lank gevat om die tempel op te bou.  Hoe gaan U dit in drie dae oprig?  Maar Jesus het gepraat van Sy liggaam.

22 En toe Hy opgestaan het uit die dode, het sy dissipels onthou dat Hy dit vir hulle gesê het; en hulle het die Skrif geglo en die woord wat Jesus gespreek het. 

Hulle het geweet dat die Skrifte belowe ‘n opstanding.  Jesus het ‘n opstanding belowe.  En toe dit gebeur, het hulle die Skrifte geglo.  Dit is wat die opstanding bewys het.  Die opstanding van Jesus Christus versterk ons geloof en vertroue in die waarheid en betroubaarheid van die Skrif.  Die opstanding bewys dat die Bybel die waarheid is.

Ons sien in Luk 24 op die pad na Emmaus was daar twee dissipels, baie bewoë oor Jesus se dood.  Jesus verskyn aan hulle, maar hulle erken Hom eers nie.  Hulle is hartseer, want alles is verby.  Maar Jesus sê vir hulle, 

Luk 24:25 En Hy sê vir hulle: o Onverstandiges, met harte wat traag is om te glo alles wat die profete gespreek het! 

26 Moes die Christus nie hierdie dinge ly en in sy heerlikheid ingaan nie? 

27 En Hy het begin van Moses en al die profete af en vir hulle uitgelê in al die Skrifte die dinge wat op Hom betrekking het. 

Die beeld van ‘n dood en opgestane Messias is orals in die Ou Testament.  Elke keer wat ‘n lam geoffer is, het dit gepraat van die Messias wat sou geoffer word.  Maar elke keer wat dit praat van ‘n Messias wat regeer en Sy Koninkryk sal oprig, het dit verwys na die lewende Messias.  So dit is voor die hand liggend dat die Een wat sterf, moet terug kom in die lewe.  So die Ou Testament is vol daarvan.

1 Kor 15:3 Want in die eerste plek het ek aan julle oorgelewer wat ek ook ontvang het, dat Christus vir ons sondes gesterf het volgens die Skrifte; 

4 en dat Hy begrawe is, en dat Hy op die derde dag opgewek is volgens die Skrifte; 

Net soos wat die Skrifte gesê het, so het dit gebeur.  Die opstanding is bewyse daarvan dat ons die Skrifte kan glo en vertrou.

Tweedens, bewys die opstanding nie net die betroubaarheid van die Woord van God nie, maar dit bewys ook die godheid van die Seun van God.  In werklikheid is daar nie ‘n beter bewyse van die godheid van Jesus, as die opstanding uit die dood nie.  Dit is die grootste gebeurtenis wat ‘n bewys is dat Hy God is, want net God kan lewe gee, en net God kan die dood oorwin.

Daar is ander bewyse ook dat Jesus God is, soos byvoorbeeld die demone wat dit bevestig.  In Markus 5:7 noem hulle hom die Seun van die allerhoogste God.  In Joh 9 lees ons van die blinde man wat deur Jesus genees het.  Hy het geweet dat Hy met God te doen gehad het.

Die dissipels het daarvan getuig.  Petrus het gesê, U is die Christus, die Seun van die lewende God.  Thomas het gesê, my Heer en my God.  Nataniel, Mattheus het gesê, Hy is die Seun van God.  Die apostels getuig in die Nuwe Testament van Sy godheid.

Daar is soveel individue wat getuig van die godheid van Christus, maar daar is nie ‘n groter bewys dat Jesus God is soos die opstanding van Jesus Christus uit die dood nie.  Die Vader het by die Jordaan Jesus verklaar as Sy Seun.  Hy het gesê, “hierdie is My geliefde Seun in wie Ek ‘n welbehae het”.   Maar ‘n baie sterker verklaring wat God gemaak het was toe God Hom uit die dood opgewek het.  

Rom 1:4 en na die Gees van heiligheid met krag verklaar is as die Seun van God deur die opstanding uit die dode, Jesus Christus, onse Here, 

Jesus Christus is met krag verklaar as die Seun van God deur … wat?  Deur die opstanding uit die dode.  God het Jesus uit die dode opgewek om te bewys dat Jesus God is.  Rom 6:4 sê dat Christus uit die dode opgewek is deur die heerlikheid van die Vader.  Ef 1:19 praat oor die uitnemende grootheid van Sy krag en dan vertel v20 hoe groot hierdie krag is, hierdie krag

Ef 1:20 wat Hy gewerk het in Christus toe Hy Hom uit die dode opgewek het en Hom laat sit het aan sy regterhand in die hemele. 

In Hand 2:31-36 sê Petrus dat God Hom deur die opstanding Here en Christus gemaak het.  So die opstanding bewys nie net dat Jesus in die wêreld in gekom het om sondaars te red nie, maar dit bewys dat Hy God is.

So eerstens bewys die opstanding dat die Woord van God betroubaar is.  Tweedens bewys die opstanding dat Jesus God is.  En derdens, bewys die opstanding die afhandeling of voltooing van God se verlossingsplan.

Rom 4:25 wat oorgelewer is ter wille van ons misdade en opgewek is ter wille van ons regverdigmaking. 

Vir God om ons te regverdig, het Hy Jesus opgewek van die dood.  Die opstanding was die onmisbare bewyse van die voltooiing en die doeltreffende waarde van Sy dood.  Jesus se dood het God se verlossings doel bereik.  

Dit is net die dood van Christus op die kruis wat God se heilige geregtigheid kon vervul.  Maar as Jesus nie opgestaan het nie, was Hy maar net ‘n gewone mens en kon Hy niemand red nie.  Maar Hy was opgewek deur die Vader ter will van ons regverdigmaking.  Sodat ons sonder sonde voor God kon staan, sodat ons sonde vergewe kon word.

En toe God Jesus uit die dode opgewek het was dit of God sê, ... Ek aanvaar die offer van Jesus aan die kruis.  Jesus se opwekking was God se aanvaaring van die offer.  Ons almal het in Adam gesterf, en in Christus word ons lewend gemaak.  Omdat Jesus opgestaan het en lewe, daarom sal ons ook lewe.  Dit is in Christus se dood en Sy opstanding wat ons die ewige lewe gee.

As Jesus nie opgestaan het nie, sou Hy nie die dood oorwin het nie.  As Hy nie opgestaan het nie, sou Hy nie gelewe het nie.  As Hy nie gelewe het nie, sou Hy nie vir ons lewe kon gee nie.  Jesus sê, 

Joh 11:25 ...Ek is die opstanding en die lewe; wie in My glo, sal lewe al het hy ook gesterwe. 

So die ewige lewe is afhanklik van die opstanding.  As Jesus nie opgestaan het nie, sou Hy nie opgevaar het hemel toe en ook nie die Heilige Gees gestuur het nie.

Joh 16:7 Maar Ek sê julle die waarheid: Dit is vir julle voordelig dat Ek weggaan; want as Ek nie weggaan nie, sal die Trooster nie na julle kom nie; maar as Ek weggaan, sal Ek Hom na julle stuur. 

8 en as Hy kom, sal Hy die wêreld oortuig van sonde en van geregtigheid en van oordeel.

V13 sê Hy sal julle in die hele waarheid lei.  Hy sal julle herinner aan alles wat Ek geleer het.  Hy sal julle in die liggaam van Christus plaas.  Hy sal die waarborg wees van julle saligheid.  Hy sal in julle woon en julle sal Sy tempel wees.  Hy sal julle krag gee om getuies te wees.  Hy sal julle lei en leer.  Hy is die salwing wat in julle bly en julle alles sal leer.

Die hele bediening van die Heilige Gees was afhanklik van die opstanding van Christus.  As Jesus nie opgestaan het nie, sou die Heilige Gees nie gekom het nie.  Geen opstanding, geen hemelvaart en geen hemelvaart, geen uitstorting van die Heilige Gees.  En ook dan geen kerk.  So die opstanding voorsien in die voltooiing van die verlossingswerk van God.  Dit is die hart van Christenskap.

Hy moes opstaan om aan ons die ewige lewe te gee.  Hy moes die lewe hê om dit te kan gee.  Hy moes opvaar hemel toe na die Vader om die Heilige Gees te kan stuur.  En Hy moes ook opstaan uit die dood om ons te kan vergewe van ons sondes.

As Jesus nie opgestaan het uit die dood nie, sou die Vader nie te vrede gewees het met Sy offer nie, en sou daar geen versoening vir ons sonders gewees het nie.  Maar nou dat Hy opgestaan het en aan die regterhand van God sit, is ons verlossing afgehandel en is daar vergifnis vir ons sondes.

Heb 2:17 Daarom moes Hy in alle opsigte aan sy broeders gelyk word, sodat Hy ‘n barmhartige en getroue hoëpriester kon wees in die dinge wat in betrekking tot God staan, om die sondes van die volk te versoen. 

Heb 10:14 Want deur een offer het Hy vir altyd volmaak die wat geheilig word. 

Die een offer van Jesus was volkome.  Dit was genoeg.  Ons sondes is volkome vergewe en die Vader het dit bevestig deur die opstanding.  En as Jesus nie opgestaan het nie, kon Hy nie nou vir ons by die regterhand van God ingetree het nie.  Heb 7:25 sê, omdat Hy altyd leef, tree Hy vir ons in.  

Die duiwel kla ons aan, maar Jesus verdedig ons by die Vader.  As Hy nie opgestaan het nie, kon Hy ons nie verdedig nie.  So die opstanding bewys die voltooiing van God se verlossingsplan.

So eerstens bewys die opstanding dat die Woord van God is betroubaar.  Tweedens bewys die opstanding dat Jesus is God.  En derdens bewys die opstanding dat die verlossingsplan van God is afgehandel.  Dit is volkome.  Kom ons kyk na nog ‘n bewyse.

Vierdens bewys die opstanding die vestiging van die kerk van God.  Jesus het in Matt 16 gesê dat Hy sal Sy kerk bou en dat die poorte van die doderyk sal dit nie oorweldig nie.  Dit is ‘n Joodse uitdrukking wat eenvoudig verwys na die dood.  Maw Jesus sê, Ek sal My kerk bou en die dood sal dit nie keer nie.  Nie My dood nie en nie jou dood nie.

Hierdeur sê Jesus dat Hy gaan sterf, maar dit gaan Hom nie keer nie.  Toe Jesus opgestaan het en opgevaar het hemel toe, sê Ef 1:22 dat Hy as Hoof bo alle dinge aan die gemeente gegee is.  Die opstanding is noodsaaklik tot die vestiging van die kerk.  As daar nie ‘n opstanding is nie, is daar nie ‘n kerk nie.

Enigiemand wat sê hy behoort aan ‘n kerk, maar hy glo nie die opstanding nie, behoort nie aan ‘n kerk nie.  Die ware kerk is hulle aan wie die lewe gegee is deur die opstanding van Jesus Christus.  Dit was die opstanding wat die apostels wat verstrooid, vreesbevange, en ontroue twyfelaars en lafaards was, verander het in apostels wat die wêreld verander het.

So die opstanding bewys dan ook die vestiging van Christus se kerk.  En vyfdens, bewys die opstanding, aan die negatiewe kant, die feit dat God se oordeel onvermydelik is.  Met Sy eerste koms was Hy gespot en gehaat.  Hy was verneder, op gespuug, geslaan en op die ou einde dood gemaak.

Dit sal egter nie laaste keer wees wat die wêreld Hom gesien het nie, want Hy het opgestaan en gaan eendag die wêreld oordeel.  Hulle het Hom teregestel as ‘n krimineel, maar Hy gaan terug kom as hulle Regter.

Joh 8:26 Ek het baie dinge om van julle te sê en te oordeel...

Terug in hoofstuk 5 staan daar,

Joh 5:21 Want soos die Vader die dode opwek en lewend maak, so maak ook die Seun lewend wie Hy wil. 

22 Want die Vader oordeel ook niemand nie, maar het die hele oordeel aan die Seun gegee, 

V28 sê dat daar kom ‘n uur wanneer die grafte Sy stem sal hoor.  Daar sal ‘n opstanding wees van die lewe en ‘n opstanding van die veroordeling. V30 sê dan dat Hy sal oordeel volgens Sy Vader se wil.

Hand 10 sê dat God Hom opgewek het op die derde dag en (v42) Hom bestem het as Regter van die lewe en dode.  God het Hom opgewek en as Regter aangestel.  Kyk wat sê Hand 17,

Hand 17:30 God het dan die tye van onkunde oorgesien en verkondig nou aan al die mense oral dat hulle hul moet bekeer, 

31 omdat Hy ‘n dag bepaal het waarop Hy die wêreld in geregtigheid sal oordeel deur ‘n Man wat Hy aangestel het, en Hy het hiervan aan almal sekerheid gegee deur Hom uit die dode op te wek. 

Hoe gee God sekerheid aan almal dat Hy ‘n Man aangestel het op die wêreld in geregtigheid te oordeel?  Deur Hom uit die dode op te wek.  So die opstanding is nie net om die verlossingsplan van God te voltooi en af te handel nie, maar die opstanding bewys ook dat God ‘n Regter aangestel het om te oordeel.

Laastens bewys die opstanding van Jesus Christus die ewige saligheid van God se mense.  Jesus se opstanding is die versekering van ons ewige lewe.

Joh 14:1 Laat julle hart nie ontsteld word nie; glo in God, glo ook in My. 

2 In die huis van my Vader is daar baie wonings; as dit nie so was nie, sou Ek dit vir julle gesê het. Ek gaan om vir julle plek te berei. 

3 En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is. 

In hierdie gedeelte voorspel Jesus Sy opstanding.  Hy is oppad om te sterf, maar Hy sê, moenie ontsteld word nie.  Ek gaan na My Vader se huis.  Nou as daar nie ‘n opstanding was nie, kon Jesus nie gegaan het om vir ons ‘n plek te gaan voorberei nie.  En as daar geen plek is wat vir ons voorberei is nie, is daar nie vir ons ‘n hemel nie.

Alles hang af van die opstanding.  Luister!  Dit gaan nie soseer om bewyse te gee vir die opstanding nie.  Dit gaan oor wat die opstanding bewys.  Neem die opstanding weg, dat is ons geloof te vergeefs.

So Sy opstanding verseker en bewys vir ons dat daar vir ons ‘n ewige lewe is in die hemel.  Hy gaan terug kom en ons opwek uit die dood, sodat ons na die hemel toe kan gaan.  As Hy nie opgestaan het nie, is daar nie vir ons ‘n opstanding nie.

Kom ons wees dankbaar vir hierdie opstandings sondag.  Ons kan dit glo vandag of ons kan besluit om dit nie te glo nie.  Dit het egter ewigheids gevolge.  Al wat ons moet doen is om ons geloof in Jesus Christus te plaas, dit wat Hy vir ons gedoen het.  Ons sondestraf wat Hy gedra het.  Dat Hy daarvoor gesterf het, maar ook opgestaan het en lewe.  En nou omdat Hy lewe, gee Hy aan ons ook die lewe.

Bestem tot verwoesting

Gal 1:6 Ek verwonder my dat julle so gou afvallig word van hom wat julle deur die genade van Christus geroep het, na ‘n ander evangelie toe, 

7 terwyl daar geen ander is nie; behalwe dat daar sommige mense is wat julle in die war bring en die evangelie van Christus wil verdraai. 

8 Maar al sou ons of ‘n engel uit die hemel julle ‘n evangelie verkondig in stryd met die wat ons julle verkondig het, laat hom ‘n vervloeking wees! 

9 Soos ons vantevore gesê het, sê ek nou ook weer: As iemand julle ‘n evangelie verkondig in stryd met die wat julle ontvang het, laat hom ‘n vervloeking wees! 

God het sekere dinge bestem tot vervloeking, tot verwoesting.  En wanneer God iets bestem tot verwoesting, dan sal Hy dit verseker.  Die Griekse woord hier is “anathema” wat gebruik word aan die einde van v8 & 9.  In die geskiedenis van God se handelinge met die mens, was daar altyd sekere dinge wat God met die banvloek getref het.  Kom ons kyk gou na ‘n illustrasie in die Ou Testament:

Jos 6:17 Maar die stad met al wat daarin is, moet ‘n banoffer aan die HERE wees; net Ragab, die hoer, mag lewe, sy en almal wat by haar in die huis is, omdat sy die boodskappers wat deur ons gestuur was, weggesteek het. 

KJV - And the city shall be accursed...

Maw die Here het Jerigo bestem tot vervloeking.  Hy het dit bestem tot die verderf.  Daar mag niks daarvan oorbly nie, behalwe Ragab en almal by haar in die huis.

Jos 6:18 Maar neem julle net in ag vir die ban, dat julle nie, terwyl julle met die banvloek tref, tog van die bangoed neem en die laer van Israel onder die ban bring en dit in die ongeluk stort nie. 

KJV - And ye, in any wise keep yourselves from the accursed thing, lest ye make yourselves accursed, when ye take of the accursed thing, and make the camp of Israel a curse, and trouble it. 

Hier, net in hierdie gedeelte kom die woorde “ban, banvloek, bangoed" ‘n paar keer voor.  Dit is iets wat God vervloek het.  En dit beteken dat God sal verseker dat dit vernietig sal word.  Hy het dit bestem tot verwoesting.

Jos 6:19 Maar al die silwer en goud en die koper— en ystervoorwerpe is heilig aan die HERE: dit moet by die skat van die HERE kom. 

Net dit wat geen waarde gehad het nie, moes vernietig word, maar in hoofstuk 7 gebeur daar ‘n interesante ding.

Jos 7:1 Maar die kinders van Israel het hulle vergryp aan die bangoed; want Agan, die seun van Karmi, die seun van Sabdi, die seun van Serag, van die stam van Juda, het van die bangoed geneem, sodat die toorn van die HERE ontvlam het teen die kinders van Israel. 

Instede dat hulle dit wat God vervloek het en wat God bestem het tot verwoesting uitlos, het hulle geding hulle kan daarvan red.  Daarom het die toorn van die Here oor hulle ontvlam.

Jos 7:11 Israel het gesondig en het ook my verbond oortree wat Ek hulle opgelê het, en ook geneem van die bangoed en ook gesteel en dit selfs heimlik by hulle goed gevoeg. 

En tensy hulle nie van die goed onslae raak nie, was God teen hulle.  Hulle moes die bangoed in die vuur verbrand en hulle heilig voor God.

Jos 7:25 En Josua het gesê: Hoe het jy ons in die ongeluk gestort! Die HERE sal jou vandag in die ongeluk stort! Daarop het die hele Israel hom gestenig, en hulle het hulle met vuur verbrand en klippe op hulle gegooi. 

26 En hulle het ‘n groot hoop klippe op hom gestapel wat tot vandag toe daar is. Toe het die HERE Hom afgewend van die gloed van sy toorn. Daarom noem hulle daardie plek Dal Agor tot vandag toe. 

Agor beteken ongeluk of ontsteltenis (troubled).  Daarom moet ‘n mens nooit enigiets te doen hê of raak aan dit wat God bestem het tot vervloeking of verwoesting nie.  Dit sien ons in die Ou Testament, maar ons sien dit ook in die Nuwe Testament.

Daar is ten minste twee dinge wat uitstaan bo alles oor dit wat God vervloek, twee dinge wat gesê word is ‘n anathema.  Maw dit is dinge wat God bestem tot verwoesting.  Dinge wat God vervloek het.  Die eerste een is valse leraars.  En dit is ook dan die konteks van Gal 1:6-9.  Twee keer in v8 & 9 sê God dat valse leraars is ‘n vervloeking.  Hulle word bestem tot verwoesting.  Hulle is ‘n anathema.

Nou, God het nog altyd so gevoel oor valse leraars.  God het hulle nog nooit verdra nie, selfs in die Ou Testament.  Maar in die Nuwe Testament sê God baie duidelik hoe Hy oor valse leraars voel.

Mat 24:24 Want daar sal valse christusse en valse profete opstaan, en hulle sal groot tekens en wonders doen om, as dit moontlik was, ook die uitverkorenes te mislei. 

Daar was nog altyd valse leraars gewees.  En in die laaste dae sal daar ook valse leraars wees, maar hulle gaan so slinks word in die laaste dae dat hulle selfs die uitverkorenes sal mislei.  Hulle gaan so clever raak.  Onthou dat die duiwel se primêre werk is om valse leuens te versprei.

Joh 8:44 Julle het die duiwel as vader, en die begeertes van julle vader wil julle doen. Hy was ‘n mensemoordenaar van die begin af en staan nie in die waarheid nie, omdat daar in hom geen waarheid is nie. Wanneer hy leuentaal praat, praat hy uit sy eie, omdat hy ‘n leuenaar is en die vader daarvan. 

Die duiwel is die vader van leuens.  Hy opereer op die gebied van valse leringe.  En om dit te illustreer, kom ons kyk na ‘n paar gedeeltes in die Nuwe Testament.  In Hand 13 kry ons een van die duiwel se valse profete.  Hy was ‘n Jood met die naam van Bar-Jesus.  So Paulus sê vir hom,

Hand 13:10 Kind van die duiwel, vol van alle bedrog en alle listigheid, vyand van alle geregtigheid, sal jy nie ophou om die reguit weë van die Here te verdraai nie? 

Nou dit is die definisie van ‘n valse profeet.  Kind van die duiwel, vol van bedrog en listgheid.  Vyand van alle geregtigheid.  Iemand wat die weë van die Here verdraai.  Ons kry ook die voorbeeld van Simon die towenaar in Hand 9. 

Ons lees in 2 Thes 2 waar Paulus praat van die eindtyd, die tyd van die groot verdrukking, en hy sê dat daar gaan iemand kom, die afval, die seun van die mens, die mens van sonde, die seun van die verderf.  Dit is die antichrist.  En hy kom,

2 Thes 2:9 ...volgens die werking van die Satan met allerhande kragtige dade en tekens en wonders van die leuen. 

10 en met allerhande verleiding van ongeregtigheid in die wat verlore gaan, omdat hulle die liefde tot die waarheid nie aangeneem het om gered te word nie. 

So nog ‘n kenmerk van ‘n valse profeet is, wel in die geval, die antichris, is hy kom om te verlei.  ‘n Valse profeet verlei mense.  Dit is die plek waar die duiwel besig is.  Hy was van die begin af ‘n leuenaar en ‘n verleier en dit het nooit verander nie.  Hy word in Op 12:9 beskryf as die ou slang, die duiwel en Satan, wat die hele wêreld verlei.  Dit is sy besigheid, dit is wat hy doen.

Verleiding ies nie iets wat waarskynlik gebeur nie.  Daarom beskryf die Bybel hom as iemand wat soos ‘n wolf in skaapsklere kom.  Op die oppervlak sien ‘n mens nie die verleiding kom nie.  Hy is ‘n veleier.

Op 13:14 En hy verlei die bewoners van die aarde deur die tekens wat hom gegee is om voor die oë van die dier te doen...

Jy sal verbaas wees hoe soveel mense in die geskiedenis geglo het dat God besig was om iets te doen omdat daar ‘n wonderwerk plaasgevind het.  En vandag glo mense dat elke keer wanneer daar ‘n wonderwerk plaasvind, dat dit God is.  Dit is nie noodwendig so nie.  2 Thes 2 sê die antichrist doen allerhande kragtige dade en tekens en wonders van leuen.  Jesus sê in Matt 24 dat die valse christusse en valse profete sal tekens en wonders doen.

Hy werk ook nie alleen nie, maar het baie leuen geeste wat saam met hom werk, demone, vervalle engele.  En hulle werk gewoonlik deur mense.  Hulle gebruik mense.  En luister, om nog ‘n stap verder te gaan, hulle gebruik godsdienstige mense.  

En hy is subtiel.  Jy sien, as die Satan die waarheid gaan verdraai, moet hy eers in die waarheid kom.  Hy gaan staan nie aan die buitekant en skree op die waarheid nie.  Hy moet in die waarheid kom en dit van binne af verdorwe maak.  En om dit te doen moet hy voorkom as iemand wat goddelik en baie godsdienstig is.  Maar al wat hy doen is om saad van gruwelike dwalinge te saai.

2 Kor 11:13 Want sulke mense is valse apostels, bedrieglike arbeiders wat hulleself verander in apostels van Christus. 

Het jy dit gesien?  Hulle verander hulleself in apostels van Christus.  Luister!  Die duiwel gaan so ver as moontlik probeer om soos ‘n Christen te wees.  Dit is die verleiding.  Dit is die subtieliteit.   En dan sê hy verder, 

2 Kor 11:14 En geen wonder nie! Want die Satan self verander hom in ‘n engel van die lig. 

Wat sê Paulus?  Hy sê, moenie verbaas wees nie, moenie verwonderd wees nie.  Dit is hoe hy werk.  En dit is hoe die duiwel nog altyd gewerk het.

2 Kor 11:15 Dit is dus niks besonders wanneer sy dienaars hulle ook voordoen as dienaars van geregtigheid nie. Maar hulle einde sal wees volgens hulle werke. 

Hoe gebeur dit dan dat selfs Christene mislei word?

2 Kor 11:3 Maar ek vrees dat, net soos die slang Eva deur sy listigheid bedrieg het, julle sinne so miskien bedorwe kan raak, vervreemd van die opregtheid teenoor Christus. 

4 Want as iemand kom en ‘n ander Jesus verkondig as wat ons verkondig het, of as julle ‘n ander gees ontvang as wat julle ontvang het, of ‘n ander evangelie as wat julle aangeneem het, laat julle jul dit goed geval. 

Hulle laat toe dat valse profete hulle kom bedrieg.  Hulle laat toe dat ‘n ander Jesus, ander gees en ‘n ander evangelie aan hulle verkondig word.  Hulle laat dit goed geval, maw hulle verdra dit.  Die engels sê, they bear with him.  So hoe word Christene bedrieg en mislei?  Hulle verdra die valse profete wat hulle kom vervreem van die opregtheid, van die eenvoudigheid, from the simplicity that is in Christ.

Let op!  Hulle preek nie Boeda en Mohammed of Alah nie.  Hulle preek ‘n ander Jesus, ‘n ander evangelie en ‘n ander gees.  As iemand Jesus preek, beteken dit nie hy preek die regte Jesus nie.  Daar is baie verskillende Jesus’se wat vandag gepreek word.  Baie mense sal vir jou sê, Ek glo in Jesus, maar die vraag way jy moet vra is, in watter Jesus glo hy?

Nou met dit in gedagte kom ons by Galasiërs en ons sien dat die valse leraars het maar dieselfde gedoen in die gemeentes van Galasië.  Hulle het in die gemeentes saad van valse leringe gesaai.  Hulle het probeer om wette by genade te voeg.

Luister!  Ek dink nie daar was enigiets in Paulus se lewe wat hom meer bang gemaak het soos valse leringe nie.

Hand 20:29 Want ek weet dit, dat ná my vertrek wrede wolwe onder julle sal inkom en die kudde nie sal spaar nie. 

Hy het net geweet dit gaan gebeur.  Hy het geweet daar gaan wrede wolwe onder hulle inkom.  Hoe het hy dit geweet?  Hy het geweet hoe die duiwel werk.  Hy het geweet die duiwel doen hom voor as ‘n engel van die lig.  Hy kom altyd om te verlei.  En hy kom altyd in die plek waar God werk.  En dit is vir hom die hartseer van dit alles.  Hy het geweet hoe die duiwel werk.  Dan sê hy,

Hand 20:30 Ja, uit julle self sal daar manne opstaan wat verkeerde dinge praat om die dissipels weg te trek agter hulle aan. 

So Satan infiltreer die kerk om dit te verlei.  En die enigste ding wat hom kan stop is v32,

Hand 20:32 En nou, broeders, dra ek julle op aan God en aan die woord van sy genade...

So Paulus was bang vir hierdie valse leraars.  Hy het geweet hoe die duiwel werk.  En daarom skryf hy hierdie brief aan die gemeentes van Galasië.  

Die primêre teiken van valse leraars is die leer oor saligheid.  Hoekom?  Want dit is die enigste manier om te verseker dat iemand se siel verlore gaan, weg van God af.  Ek dink nie duiwel spandeer soseer soveel tyd aan ander teologiese dinge nie.  Sy hoofdoel is om mense in die hel te kry en daarom verdraai hy die leringe wat gaan oor jou saligheid.  

As jy nooit by die waarhede van saligheid uitkom nie, beteken die res nie veel nie.  Daarom konsentreer hy primêr saligheid.  Wat was Paulus se boodskap oor saliheid?  Saligheid is uit genade.  Niks meer nie.  So wat dink jy gaan die valse leraars sê?  “Saligheid is nie uit genade nie”.  Nee!  Hulle gaan nie dit sê nie.  Wat sê hulle?  Saligheid is uit genade EN...  Saligheid is uit genade PLUS.  En dit is verleiding.  Dit is subtiel.

So luister na predikers vandag en hulle praat oor die genade van die Here en dit klink alles reg en goed, maar dan kom hulle en voeg ‘n paar dinge by.  Hulle voeg wette by.  En dit is hoe ‘n kultus werk.  Hulle is gewoonlik 8 uit 10 keer reg.  Met baie dinge is hulle reg, maar wanneer dit kom by die leer oor saligheid, dan is hulle verkeerd.

Valse leraars mag dalk valse leringe preek oor die kerk of die Christen lewe en oor baie ander dinge, maar hulle preek primêr ‘n valse lering oor saligheid.  Hulle hou mense uit die Koninkryk van God uit.  Kyk gou na 2 Pet.

2 Pet 2:1 Maar daar was ook valse profete onder die volk, net soos daar onder julle valse leraars sal wees...

So daar was nog altyd en sal altyd valse profete wees en dit sê nie hulle sal julle aanval nie.  Dit sê hulle sal onder julle wees.  Die duiwel sit nie ‘n sign buite die kerk op wat sê “moenie hier kom nie, hulle leer nie die waarheid nie, geteken deur die duiwel.”  Nee!  Hy plaas mense binne in die kerk wat van binne af dwalinge verkondig.  Hy gee nie homself weg nie.

Daarom sê die Bybel moet ons die geeste op die proef stel of hulle uit God is.  Want een van die dinge wat valse profete onder die gemeente doen, dit is hulle,

... wat verderflike ketterye heimlik sal invoer, en ook die Here wat hulle gekoop het, verloën en ‘n vinnige verderf oor hulleself bring; 

So een ding wat die valse profete doen is hulle verloën die Here wat die kerk gekoop het, maw hulle verloën die godheid van Jesus Christus.  Hulle beroof Jesus gewoonlik van Sy uniekheid as God wat mens geword het.  Dit is onvermydelik.  

En wanneer iemand ooit dit doen, is daar niks van verdraagsaamheid nie.  Dit is die tyd wanneer jy omdraai en wegloop.  Dit is ‘n valse sisteem.  In elke valse sisteem verloën hulle die Here wat hulle gekoop het.  En daardeur bring hulle ‘n verderf oor hulle.  Hulle bring verwoesting oor hulle.

2 Pet 2:2 en baie sal hulle verderflikhede navolg, en om hulle ontwil sal die weg van die waarheid gelaster word; 

Wat interesant is oor valse leraars is dat hulle meer geïntereseerd is in populariteit as in die waarheid.  Al waarin hulle belangstel is die skare.  Hulle stel nie belang in die waarheid nie.  Hulle soek net die grooste skare as wat hulle kan kry.  Hulle gebruik vermaaklikheid om die mense te trek.  En dit is wat in die gemeentes van Galasië gebeur het.

Gal 6:12 Almal wat ‘n mooi vertoning in die vlees wil maak, dié dwing julle om julle te laat besny net om nie ter wille van die kruis van Christus vervolg te word nie. 

Dit gaan oor die ‘glory’, dit gaan oor die populariteit.  En dit gaan ook oor geld.  So waar kry ek dit?

Mig 3:11 Sy hoofde spreek vonnisse uit vir ‘n geskenk, en sy priesters gee onderrig vir loon, en sy profete is waarsêers vir geld. Nogtans steun hulle op die HERE en sê: Is die HERE nie in ons midde nie? Geen onheil sal ons wedervaar nie! 

Hulle vat die geld en dan sê hulle, dit is die Here en dit is ‘n bewys dat die Here in hulle midde is en geen onheil sal hulle wedervaar nie.  En wat ook waar is van valse profete, is dat hulle privaat lewe is vol sonde.  Jy kan nie ‘n lewe van geregtigheid lewe as jy ‘n lering van ongeregtigheid verkondig nie.  Valse leringe sal jou nooit help om sonde te oorwin nie.  

Die enigste bron van krag tot ‘n rein lewe en ‘n lewe van geregtigheid is in die waarheid van Jesus Christus.  As jy nie in die waarheid lewe nie, sal jy niks hê om jou te help om ‘n rein lewe te leef nie.  So geestelike as wat hulle lyk, is hulle in werklikheid besig om ook ander verder weg van God te lei.  Dit is hoekom v2 sê dat om hulle ontwil die weg van die waarheid gelaster word.

2 Pet 2:3 en uit hebsug sal hulle met verdigte woorde voordeel uit julle trek. Oor hulle is die oordeel van lankal af nie werkeloos nie, en hulle verderf sluimer nie.  

Sit net jou TV aan en kyk die Christelike kanale dan sal jy sien.  En God bestem hierdie valse leraars tot verwoesting.  God gaan hulle nie spaar nie.  Hoekom nie?  

2 Pet 2:4 Want as God die engele wat gesondig het, nie gespaar het nie, maar hulle in die hel gewerp en aan kettings van duisternis oorgegee het, om vir die oordeel in bewaring gehou te word; 

2 Pet 2:12 Maar hulle sal, omdat hulle belaster wat hulle nie ken nie, soos redelose diere wat die natuur volg, gebore om gevang en vernietig te word, in hulle verdorwenheid te gronde gaan 

Dit is baie ernstige dinge wat hy hier sê.  Hier kom ‘n ou en hy is so nice en die mense hou van hom, maar hy begin dwalinge verkondig en Petrus sê, noem hom wat julle wil, hy is ‘n redelose dier wat verdien om in verdorwenheid te gronde te gaan.  Dan sê Petrus, hulle is skandvlekke, hulle is smette.  Hy sê hulle is kinders van die vervloeking.

Ons moet nie so gepla wees met Jehovah’s en Moslems en Hindoes nie.  Ons moet eerder gepla wees oor die valse leraars wat onder die naam van Christenskap optree.

2 Pet 2:17 Hulle is waterlose fonteine, miswolke voortgedrywe deur ‘n stormwind, vir wie die donkerheid van die duisternis vir ewig bewaar word. 

En as jy die hele gedeelte verder lees sal jy sien dat die Bybel het geen verdraagsaamheid teenoor valse leraars nie, maar net ernstige aantuigings.

So Paulus het met die valse leraars in Galasië te doen.  Dit was vir hom baie erg.  Hy stig die gemeente, gaan op ‘n sendingreis, dan kom ander ouens en leer dwalinge.  En hy spreek hom uit teen die Judaïseers.  Hulle was Jode met Christenskap te doen gehad het.  Hulle het gesê hulle glo in Jesus as die Messias, maar hulle het gesê al hoe jy ‘n Christen kon wees, was om eers ‘n Jood te word.  Jy moet eers die wet onderhou.  Jy moet eers besny word.

Hulle het werke by die genade van die Here gevoeg.  Dit is nie net genade nie, maar dit is genade PLUS.  Dit is genade plus werke.  En toe Paulus hierdie brief skryf aan die gemeentes van Galasië, was hulle reeds vasgevang in wettisisme.  

Gal 1:6 Ek verwonder my dat julle so gou afvallig word van hom wat julle deur die genade van Christus geroep het, na ‘n ander evangelie toe, 

Ek is seker dat sommige van hierdie Judaïseers was opreg.  Maar hulle was opreg verkeerd.  ‘n Mens kan opreg wees, maar ook opreg verkeer wees.  Hulle wou van die heidene Jode maak.  Hulle sê, as julle nie besny word nie, as jy nie ‘n Jood word nie, kan jy nie gered word nie. En waaroor gaan dit?  Dit gaan oor trots.  En dit is wat Paulus gesê het in Gal 6:12 soos wat ons vroeër gelees het.

In Hand 15 het Petrus en Jakobus hieroor gepraat in Jerusalem.  

Hand 15:11 Maar ons glo dat ons deur die genade van die Here Jesus Christus gered word op dieselfde manier as hulle ook. 

Jy sien.  Dit is genade en niks meer nie.  Hulle het dit daar gesettle, maar dit het nie die monde van die valse leraars gestop nie.  Paulus was verwonder dat hulle so gou afvallig geword het.  Hy kan dit nie glo nie.  Hy kan nie glo dat dit so gou gebeur het nie.  Paulus sê nie, “hi, julle is sulke oulike mense, ek is lief vir julle nie.  Nee!  Hy kom reguit op hulle af.  “Ek verwonder my”.  Hoe kon julle?  Hoe kon julle hierdie genade van Christus so verloën.  Paulus is nie verdraagsaam met hulle nie.

‘n Mens kon vra, hoekom was hy so verbaas?  Het hy nie so iets verwag nie?  Verseker.  Hy was nie verbaas oor die valse leraars nie.  Maar hy was verbaas dat die Galasiërs so maklik vir hulle geval het.

Dit is hoekom dit so nodig is dat ons die waarheid oor en oor moet herhaal.  Hoekom is dit belangrik dat jy week na week kerk toe moet gaan?  Hoekom is dit belangrik dat ons oor en oor die waarheid moet herhaal?  Hoekom?  Want mense vergeet so gou.  Paulus was ‘n goeie leraar, maar ten spyte daarvan het die valse profete gekom en so gou alles om ver gegooi.

Die woord “afvallig” is die Griekse woord “metatithemi” wat letterlik beteken om af te wyk.  Dit beteken om te verraai.  Hy sê vir hulle, hulle is verraaiers.  Hulle het die evangelie van genade verraai.  Paulus noem dit die genade van Christus.  Dit beteken God deur Sy genade Sy Seun gegee om te sterf.  God roep ons tot Hom deur genade.  God regverdig ons deur genade wanneer ons glo.

Ef 2:8 Want uit genade is julle gered, deur die geloof, en dit nie uit julleself nie: dit is die gawe van God; 

Jy het niks gedoen om gered te word nie.  Jy het nie werke gedoen om deur God aanvaar te word nie.  Al wat jy gedoen het is om op God se versoenings offer te reageer en dit te aanvaar deur te glo.  Jy sien, as jy genade vat en enigiets daarby voeg, dan is dit nie meer genade nie.  En dit is wat die duiwel doen.  Hy voeg dinge by die genade van God.

Een druppel van wettisisme in die glas water van genade, kan jou doodmaak.  Net een druppel.  En Paulus gaan nie een druppel gif van wettisisme verdra nie.  En ons moet ook nie.

Gal 1:6 I marvel that ye are so soon removed from him that called you into the grace of Christ unto another gospel:

“Julle verwyder” julleself van hom wat julle geroep het.  Julle verwyder julle nie van ‘n sisteem of van godsdiens nie.  Julle verwyder julle van Hom, van Christus.  As jy jou rug draai op genade, draai jy jou rug op God.

Gal 5:4 Julle wat geregverdig wil wees deur die wet, is losgemaak van Christus; julle het van die genade verval. 

KJV - Christ is become of no effect unto you, whosoever of you are justified by the law; ye are fallen from grace. 

Om afvallig te wees, beteken om van die genade te verval.  Dit sê nie jy verloor jou saligheid nie.  Dit sê, as jy probeer om gered te word deur die wet, het jy van die genade verval en die werk van Christus beteken niks vir jou nie.  Daarom het jy van God weggedraai wat jou deur genade geroep het.

Gal 1:6 sê hulle het afvallig van God geword na ‘n ander evangelie toe.  Hulle het ‘n ander evangelie aanvaar.

Gal 3:1 o, Onverstandige Galásiërs, wie het julle betower om die waarheid nie gehoorsaam te wees nie, julle voor wie se oë Jesus Christus afgeskilder is as onder julle gekruisig? 

En Paulus het nie hier met iets nuuts te doen nie.  Dit is iets waarmee die profete regdeur geskiedenis te doen gehad het.  Jesaja, Jeremia.  Mense het altyd agter ander gode aangeloop.  Paulus noem dit ‘n ander evangelie.  Dit maak nie saak wat enige iemand sê nie, as jy enigiets by die genade voeg, dan is dit ‘n ander evangelie.

Gal 1:7 terwyl daar geen ander is nie; behalwe dat daar sommige mense is wat julle in die war bring en die evangelie van Christus wil verdraai.

Daar is geen ander evangelie wat jou kan red nie.  Daar is net een ware evangelie.  Die evangelie van die genade van Jesus Christus.  Wanneer jy iets byvoeg by genade dat is jy besig om die evangelie van Christus te verdraai.  Die woord letterlik beteken om dit om te draai.  Jy draai dit heeltemaal om en vernietig dit.

Gal 5:2 Kyk, ek, Paulus, sê vir julle dat as julle jul laat besny, Christus vir julle tot geen nut sal wees nie. 

So die kerk se grootste vyand is nie hulle wat die kerk openlik teëstaan nie, maar dit is hulle wat binne in die kerk is wat die Woord van God verdraai en verander.

Paulus gee ‘n waarskuwing.

Gal 1:8 Maar al sou ons of ‘n engel uit die hemel julle ‘n evangelie verkondig in stryd met die wat ons julle verkondig het, laat hom ‘n vervloeking wees! 

9 Soos ons vantevore gesê het, sê ek nou ook weer: As iemand julle ‘n evangelie verkondig in stryd met die wat julle ontvang het, laat hom ‘n vervloeking wees! 

Laat so iemand ‘n vervloeking wees.  Maar Pastoor jy mag nie oordeel nie.  En elke keer as ek dit hoor, wil ek deur die dak spring.  Hoe op dees aarde gaan jy onderskei en geeste op die proef stel en alles beproef en regverdig oordeel as jy nie mag oordeel nie.  Die Bybel sê, laat hom ‘n vervloeking wees.  Wat van verdraagsaamheid?  God verdra nie.  Hoekom sal jy?

Dit maak nie saak wie dit verkondig nie.  Jy verwerp dit.  Laat hom ‘n anathema wees.  God het so iemand bestem tot verwoesting.  Moenie luister nie.  Moenie verdra nie.  Die Bybel is duidelik.  Hardloop weg van valse leraars.

Ek het in die begin gesê daar is twee dinge in die Nuwe Testament wat God bestem tot verwoesting.  Die eerste is valse leraars en die tweede kry ons in 1 Kor 16:22

1 Kor 16:22 As iemand die Here Jesus Christus nie liefhet nie, laat hom ‘n vervloeking (anathema) wees! Maranáta! 

Die Wegraping

Ek dink die wegraping is een van die mees opwindendste gebeurtenis waarna ons kan uitsien as gelowiges.  Dit is die gebeurtenis waar Jesus Christus sal terug kom in die lug om Sy bruid bymekaar te maak en om haar te weg te neem na die woning wat Hy vir haar voorberei het.

Joh 14:2 In die huis van my Vader is daar baie wonings; as dit nie so was nie, sou Ek dit vir julle gesê het. Ek gaan om vir julle plek te berei. 

3 En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is. 

(Kobus van Rensburg van Stilfontein sê dat ons gaan nie hemel toe nie, maar ons gaan vir ewig op die aarde bly.  Ek wonder tog waar op die aarde het Jesus vir ons ‘n plek gaan voorberei nadat Hy opgevaar het hemel toe?)

In een oomblik, in ‘n oogwink sal baie mense, mense wat hulle geloof in die Here Jesus Christus en Sy voldoende werk aan die kruis geplaas het, hulle sal in een oomblik weggeruk word en Jesus in die lug ontmoet.  

Waar kom die gedagte van die wegraping daan?  Is dit Bybels?  Daar is sommige Teoloë wat sê dat dit nie Bybels is nie.  Sommige sê dan die woord wegraping kom nie eers in die Bybel voor nie.  Sommige meen dat die idee van die wegraping eers in 1830 begin het met ‘n jong meisie met die naam van Margaret McDonald wat 15 jaar oud was.  En sy het ‘n visioen gekry van die eindtyd, maar sy het geglo dat daar ‘n wegraping gaan wees eers aan die einde van die groot verdrukking.

Maar dit is nie baie eerlik nie.  Want John Nelson Darby het reeds voor 1830 oor die wegraping geskryf.  Inteendeel vind ons reeds in 373 nC dat ‘n Assiriese teoloog en kerkvader, Efraim of Nisibis oor die wegraping geskryf.  Hier is ‘n aanhaling, "For all the saints and the Elect of God are gathered, prior to the tribulation that is to come, and are taken to the Lord lest they see the confusion that is to overwhelm the world because of our sins." 

Die woord wegraping of rapture is ‘n vertaling vanaf Latyns, wat teruggaan tot die 14e eeu in die Vemon manuskripte, maar die Griekse woord in die Bybel is die woord “harpadso”.  En hierdie woord kom 18 keer voor in die Nuwe Testament en beteken letterlik “om weggeruk of weggevoer te word”, “being caught up of taken away” van een plek na ‘n ander plek.

Die teksgedeelte wat dan spesifiek met die wegraping te doen het, is 1 Thes 4:17

1 Thes 4:14 Want as ons glo dat Jesus gesterwe en opgestaan het, dan sal God ook so die wat in Jesus ontslaap het, saam met Hom bring. 

15 Want dit sê ons vir julle deur die woord van die Here, dat ons wat in die lewe oorbly tot by die wederkoms van die Here, die ontslapenes hoegenaamd nie sal vóór wees nie. 

16 Want die Here self sal van die hemel neerdaal met 'n geroep, met die stem van 'n aartsengel en met geklank van die basuin van God; en die wat in Christus gesterf het, sal eerste opstaan. 

17 Daarna sal ons wat in die lewe oorbly, saam met hulle in wolke weggevoer word die Here tegemoet in die lug; en so sal ons altyd by die Here wees. 

Let op!  Wie is die mense wat gaan deel hê aan hierdie gebeurtenis?  V14 sê: “ons (wat) glo dat Jesus gesterwe en opgestaan…ook so die wat in Jesus ontslaap het…”  Dit is hulle wat God na Hom wil bring.  V16 sê, “die wat in Christus gesterf het, sal eerste opstaan.”  Wie is hulle wat in Christus gesterf het?  Die gelowiges.  Die wedergebore kinders van God.  Dit is hulle wat in Christus gesterf het wat eerste sal opstaan en dan sal hulle saam met die gelowiges wat nog lewe weggevoer word in die wolke, die Here tegemoet in die lug.  

Hulle word van hierdie aarde af weggevoer, weggeruk in die wolke die Here tegemoet in die lug om veraltyd by die Here te wees.  Ek dink nie dit verwys na sondaars nie.  Dit is die gelowiges wat deel sal hê aan die wegraping en nie die sondaars nie.

Die volgende ding wat ons ook moet raaksien is die feit dat Jesus kom by hierdie geleentheid Sy bruid bymekaar maak om haar na Hom te neem.  Hierdie gebeurtenis is nie dieselfde as die wederkoms aan die einde van die groot verdrukking nie, want in Op 19 kom Jesus nie om Sy bruid te kom haal nie, maar om oorlog te voer teen die nasies en jy sal ook sien dat Sy bruid kom saam met Hom.

Op 19:1 En ná hierdie dinge het ek iets soos 'n groot stem van 'n groot menigte in die hemel gehoor wat sê: Halleluja, die heil en die heerlikheid en die eer en die krag aan die Here onse God! 

So waar is die groot menigde? In die hemel.  Wie is hierdie groot menigte?  Dit is die gelowiges wat in die hemel is.

Op 19:7 Laat ons bly wees en ons verheug en aan Hom die heerlikheid gee, want die bruilof van die Lam het gekom en sy vrou het haar gereed gemaak. 

8 En aan haar is gegee om bekleed te wees met rein en blink fyn linne, want die fyn linne is die regverdige dade van die heiliges. 

Wat gebeur hier in die hemel?  Wie is die vrou?  Dit is die bruid van Christus, die kerk van die Here.  En hulle is by die bruilof van die Lam.  V8 sê, sy is bekleed met rein en blink fyn linne… En nou beskryf v14 die wederkoms van Jesus.

Op 19:14 En die leërs in die hemel het Hom gevolg op wit perde, bekleed met wit en rein fyn linne. 

So wie is hierdie leërs wat bekleed is met wit en rein fyn linne?  Dit is die bruid van Christus.  Die kerk.  Hulle kom saam met Hom met Sy wederkoms.  

15 En uit sy mond gaan daar 'n skerp swaard om die nasies daarmee te slaan; en Hy sal hulle met 'n ysterstaf regeer, en Hy trap die parskuip van die wyn van die grimmigheid en van die toorn van God, die Almagtige. 

So Jesus kom nie hier om Sy bruid bymekaar te maak en haar te neem waar Hy is nie.  Hierdie gebeurtenis kan nie dieselfde wees as die wegraping in 1 Thes 4 nie.  By hierdie geleentheid kom Jesus aarde toe en Sy bruid kom saam met Hom.  Hy kom dan hier om oorlog te maak teen sy vyande en om Sy koninkryk opte rig.  Die wegraping is wanneer Jesus kom VIR Sy gemeente en die wederkoms is wanneer Jesus kom saam MET Sy gemeente.

Onthou u nog die beeld van Nebukadnesar?  Die beeld verteenwoordig die koninkryke van die wêreld en in Daniël 2:44 lees ons dat ‘n klip losraak sonder die toedoen van mensehande en dat dit die voete van klei en yster fynstamp.  Hierdie klip is die koninkryk van Christus wat die wêreldse koninkryke kom vernietig.  

By die wederkoms kom Jesus aarde toe en gaan Hy al die nasies wat kom om teen Hom oorlog te voer, verpletter.  Dit sal die einde wees van wêreldse koninkryke en dan sal Jesus Sy koninkryk op aarde oprig.  Op 19:15 sê dat Hy sal die nasies met ‘n skerp swaard slaan en hulle met ‘n ysterstaf regeer.

So met die wegraping in 1 Thes 4 kom Jesus om Sy bruid (die kerk) bymekaar te maak en hulle weg te neem na die hemel toe.  By die wederkoms aan die einde van die groot verdrukking kom Jesus nie net in die lug nie en kom Hy nie om ons te kom haal nie, maar kom ons saam met Hom as Sy bruid.  Onthou, ons was by die bruilof van die Lam.  Ons het met die Here getrou.  En nou kom Hy om Sy koninkryk op aarde op te rig en sal ons saam met Hom vir ‘n 1000 jaar regeer op aarde.

Waarom kom haal Jesus dan Sy kerk voor die groot verdrukking?  Baie eenvoudig.  Want die groot dag van die Here, die dag van God se oordeel en grimmigheid is nie vir die gelowige nie, maar vir die sondige en goddelose wêreld. 

1 Thes 1:10 en sy Seun uit die hemele te verwag, wat Hy uit die dode opgewek het, Jesus wat ons van die toekomstige toorn verlos. 

Jesus het gesê in,

Matt 24:21 Want dan sal daar groot verdrukking wees soos daar van die begin van die wêreld af tot nou toe nie gewees het en ook nooit sal wees nie. 

Hierdie groot verdrukking is die dag van die Here, wanneer die Here Sy grimmigheid sal uitgiet op ‘n goddelose wêreld.

Op 14:19 En die engel het sy sekel oor die aarde laat gaan en die wingerdstok van die aarde afgeoes en dit gegooi in die groot parskuip van die grimmigheid van God. 

Op 16:1 En ek het 'n groot stem uit die tempel aan die sewe engele hoor sê: Gaan gooi die skale van die grimmigheid van God op die aarde uit. 

In Jer 30:7 word hierdie groot verdrukking genoem, die tyd van benoudheid vir Jakob.  Dit is die tydperk wanneer God die aarde en al die goddelose nasies sal oordeel, maar dit sal ook die tyd wees wanneer Hy die oorblyfsel van Israel sal verlos.

Matt 24:22 En as daardie dae nie verkort was nie, sou geen vlees gered word nie; maar ter wille van die uitverkorenes (dit verwys na Israel) sal daardie dae verkort word. 

Die groot verdrukking is nie bedoel vir die kerk nie.  Luk 17 sê, soos dit in die dae van Noag was, so sal dit ook wees in die dae van die Seun van die mens.  God het Noag en sy familie uit die vloed uit weggeneem, en hulle het die oordele van God ontvlug.  So ook het God toe Lot en sy familie uit die stad van Sodom weggeneem, toe Hy Sodom geoordeel het.  

Noag het nie op die aarde gebly en gesê, die reën en vloed kan maar kom.  God sal my binne in die vloedwaters beskerm nie.  Lot en sy familie het nie binne in die stad van Sodom gebly en gesê, die oordele kan maar kom, God sal ons in die oordele bewaar nie. Nee!  God het hulle verwyder, voordat Hy geoordeel het.  Net so, sal God die kerk, Sy bruid eers kom verwyder en hulle wegneem, voordat Hy Sy grimmigheid op hierdie aarde sal uitgiet.

Luk 21:34 Maar pas op vir julleself, dat julle harte nie miskien beswaar word deur swelgery en dronkenskap en sorge van die lewe nie, en dié dag julle nie skielik oorval nie. 

35 Want soos 'n strik sal hy kom oor almal wat op die hele aarde woon. 

36 Waak dan en bid altyddeur, sodat julle waardig geag mag word om al hierdie dinge wat kom, te ontvlug en voor die Seun van die mens te staan. 

KJV - Watch ye therefore, and pray always, that ye may be accounted worthy to escape all these things that shall come to pass, and to stand before the Son of man. 

Die Nuwe Vertaling is misleidend, want die vertalers glo nie in die wegraping nie.  Hoor wat sê hulle,

NV - Maar wees waaksaam en bid altyddeur dat julle die krag kan ontvang om deur al hierdie dinge wat gaan gebeur, behoue deur te kom en om voor die Seun van die mens te verskyn.

Daar is ‘n groot verskil tussen die woorde “om te ontvlug of ‘to escape’” en om “behoue deur te kom”.  In die eerste plek ontvlug jy die oordele van God, you escape all these things, jy gaan nie daardeur gaan nie.  Maar die Nuwe Vertaling wil die idee skep dat ons deur die oordeel van God sal gaan en behoue sal bly.  Dit is een van die baie redes hoekom en die Ou Vertaling verkies en nie die Nuwe Vertaling nie.

Die kerk van die Here gaan nie deur die oordeel van God gaan nie.  Ons sal dit ontvlug.  

1 Thes 5:3 Want wanneer hulle sê: Vrede en veiligheid—dan oorval ‘n skielike verderf hulle soos die barensnood ‘n swanger vrou, en hulle sal sekerlik nie ontvlug nie. 

So let op!  Volgens Luk 21:36 en hierdie vers, is daar twee groepe.  Eerstens, hulle wat die oordele sal ontvlug en tweedens hulle wat onverhoeds betrap sal word en die oordele nie sal ontvlug nie.

Die Griekse woord in Luk 21:36 vir ontvlug, is die woord “ekfeugo” wat beteken om uit die verdrukking te ontvlug.  Ons kry hierdie woord ook in Hand 16:27 wat dui daarom dat hulle uit die gevangenis ontsnap het.  Die groot verdrukking is die groot dag van God se toorn, dit is die tyd van God se grimmigheid.  

Die Griekse woord vir die wegraping is “Harpadso” en dit kom 18 keer voor in die NT.  In Hand 8 lees ons van Filippus en die hofdienaar en net nadat Filippus die hofdienaar gedoop het sê dit, 

Hand 8:39 En toe hulle uit die water opklim, het die Gees van die Here Filippus skielik weggevoer (Herpasen – wat kom van die woord Harpadso), en die hofdienaar het hom nie meer gesien nie, want hy het sy weg met blydskap gereis. 

40 Maar Filippus is in Asdod gevind. En hy het die land deurgegaan en die evangelie verkondig in al die stede, totdat hy in Cesaréa gekom het. 

Die Gees het Filippus weggevoer, weggeruk, weggeraap van een plek na ‘n ander plek.  Van daar waar die hofdienaar gedoop is tot in Asdod.

2 Kor 12:2 Ek weet van 'n man in Christus, veertien jaar gelede--of dit in die liggaam was, weet ek nie, of buite die liggaam, weet ek nie, God weet dit--dat so iemand weggeruk (harpagenta – wat kom van die woord harpadso) is tot in die derde hemel. 

Op 12:5 En sy het 'n manlike kind gebaar, wat al die nasies met 'n ystersepter sou regeer; en haar kind is weggeruk na God en sy troon. 

Die lering oor die wegraping is so Bybels soos wat ‘n ou dit kan kry.  Gaan God die kerk wegraap voordat Hy die aarde gaan oordeel.  Verseker!  Die Bybel sê dit so baie duidelik vir ons.

Die kerk se grootste probleem:

Die kerk waak en bid nie!  Hoekom nie?  Want hulle glo nie dat Jesus enige oomblik, soos ‘n dief in die nag sal kom nie.  Jy sien, as jy nie glo dat die wegraping voor die groot verdrukking gaan kom nie, maar dat die antichris en die groot verdrukking volgende op die kalender is, met die nuwe wêreld orde en die merk van die bees en al hierdie vreeslike dinge, dan moet jy jou voorberei vir dit en nie vir die skielike verskyning van die Here nie.

Dit sou ook beteken dat die apostels en die vroeë kerk verkeerd was deur die koms van die Here enige oomblik te verwag.  As jy nie glo in die wegraping voor die verdrukking nie, gaan jy nie elke dag leef asof die Here enige oomblik kan kom nie.  Jy gaan jou nie voorberei op die wederkoms nie.  En dit het tot die gevolg dat christene nie heiligmaking na streef en nougeset wandel nie.

Maar as ek glo dat die Here enige oomblik Sy kerk gaan kom haal en dat die wegraping volgende op die kalender is, sal ek waak en bid en elke oomblik gereed wees om my Verlosser te ontmoet.  Ek verwag nie die antichris nie, maar ek verwag die verskyning van Jesus.  Ek kyk nie uit vir die antichris nie.  Ek kyk uit vir die wegraping.

In 1 Joh 3:3 lees ons dat wanneer ons hoop op die verskyning van die Here, dat dit ons motiveer tot heiligmaking.  Die hoop op die wederkoms reinig ons soos wat Christus rein is.

1 Joh 2:28 En nou, my kinders, bly in Hom, sodat ons vrymoedigheid kan hê wanneer Hy verskyn en nie beskaamd van Hom weggaan by sy wederkoms nie. 

Dit is hoekom die leerstelling oor die wegraping en die spoedige koms van Jesus vir ons so belangrik is.  Kom ons kyk na 2 Thes:

2 Thes 2:1 Maar ons vra julle, broeders, met die oog op die wederkoms van onse Here Jesus Christus en ons vereniging met Hom, 

2 om nie gou julle verstand te verloor of verskrik te word nie--deur gees of deur woord of deur brief wat van ons afkomstig sou wees--asof die dag van Christus al daar is. 

Jy sien, daar was valse profete wat vir die mense vertel het, dat die dag van Christus het alreeds aangebreek.  Dit is hier.  Maar Paulus sê, moenie bang wees nie.

2 Thes 2:3 Laat niemand julle op enige manier mislei nie, want eers moet die afval kom en die mens van sonde geopenbaar word, die seun van die verderf 

4 die teëstander wat hom verhef bo al wat God genoem word of voorwerp van aanbidding is, sodat hy in die tempel van God as God sal sit en voorgee dat hy God is. 

Maw, voordat die dag van Christus aanbreek, moet eers die antichris kom.  Maw die antichris gaan kom voor die wederkoms.

2 Thes 2:5 Onthou julle nie dat ek dit altyd vir julle gesê het toe ek nog by julle was nie? 

6 En nou, julle weet wat hom teëhou, sodat hy op sy tyd geopenbaar kan word. 

Wie word teëgehou dat hy openbaar word?  Die mens van sonde.  Die seun van die verderf.  Die antichric.  En iets keer dat die antichris kan opstaan.  Iets hou hom teë, sodat hy geopenbaar kan word.

2 Thes 2:7 Want die verborgenheid van die ongeregtigheid is al aan die werk, net totdat hy wat nou teëhou, uit die weg geruim is; 

8 en dan sal die ongeregtige geopenbaar word, hy wat die Here met die asem van sy mond sal verdelg en deur die verskyning van sy wederkoms tot niet sal maak, 

So maw, voordat die dag van Christus aanbreek moet eers die antichris verskyn, maar daar is iets wat die antichris teëhou.  Daar is iets wat hom keer dat hy geopenbaar kan word.  Hierdie iets moet eers uit die weggeruim word voordat God hom gaan toelaat om die wêreld te mislei.  Voordat God se oordele oor hierdie aarde uitgegiet gaan word.  

Wie of wat is dit wat uit die weg geruim moet word?  Dit is die kerk.  Die lig van die wêreld.  Die sout van die aarde.  Neem die kerk weg, wat gebeur?  Dit sal duisternis wees.  

Op 3:10 Omdat jy die woord van my lydsaamheid bewaar het, sal Ek jou ook bewaar in die uur van beproewing wat oor die hele wêreld kom om die bewoners van die aarde op die proef te stel. 

Die KJV is meer korrek vertaal.  Dit sê, “I also will keep thee from the hour of temptation”.  Die Griekse woord is “EK” wat letterlik beteken “van of uit”.  Hy sal ons van of uit die uur van beproewing bewaar.

Slot

Is jy gereed? Lewe jy elke dag so asof die Here enige oomblik kan kom?  Of gaan jy agter bly wanneer Jesus Sy kerk kom haal.

Op 9:6 En in dié dae sal die mense die dood soek en dit nie vind nie; en hulle sal verlang om te sterwe, en die dood sal vir hulle wegvlug.