Die gevaar van valse leringe

2 Timotheus 2:14-15

2 Tim 2:14 Herinner aan hierdie dinge en betuig voor die Here dat hulle geen woordestryd moet voer wat tot geen nut is nie, maar net tot ondergang van die hoorders.

15 Lê jou daarop toe om jou beproef voor God te stel as ‘n werker wat hom nie hoef te skaam nie, wat die woord van die waarheid reg sny.

Die Skrif is duidelik dat God is waarheid, dat God spreek waarheid en dat God nie kan lieg nie.  Die Skrif is ook duidelik dat Satan is ‘n leuenaar en die vader van leuens en gaan rond en mislei mense.  God openbaar Homself as waarheid en Satan word geopenbaar as die antitese van God, naamlik leuens.

En dit is belangrik dat ons sal sien daar is ‘n geestelik oorlog in die heelal aan die gang, en dit is die oorlog tussen waarheid en leuens.  God se mense was nog altyd deur al die eeue oorweldig met valse leringe.  Valse leraars en profete, valse apostels en valse christusse wat die kerk van die Here binnedring en die kerk moes nog altyd deur die eeue daarmee te doen kry.

Satan probeer nog altyd om die waarheid te verdraai en sy leuens te  versprei.  Sy werk is om die wêreld te verwar sodat hulle nie die waarheid van God kan sien nie.  Dit was Satan se bose bedoeling en slingste wanvoorstelling van die waarheid aan Eva wat die hele wêreld in sonde gedompel het.

Van toe af het ons in die moeras van sonde geleef en verdrink in die moeras van misleiding.  Misleiding neem eenvoudig net toe en daar was nog nooit soveel misleiding soos daar vandag is nie.  Valse leringe oor God, oor Christus, oor die Bybel, oor geestelike dinge. 

Die vader van leuens werk hard om die reddende heiligmakende waarheid van God wat God vir ons gegee het in Sy Woord en in Sy Seun te vernietig.  Die gevolge van valse leringe is baie erger as wat ons dink.  Daarom noem die Bybel dit verderflike ketterye.

Soos wat ons dan nader beweeg aan die wederkoms van Christus gaan dit net erger word en dit gaan vermeerder.  En enige dienskeg van die Here moet bewus wees van valse leraars.  Enige dienskneg van die Here moet gewaarsku word oor die leuens wat versprei word.

Dit is waarom Paulus in Hand 20 vir 3 jaar, dag en nag met trane die gelowiges in Efese gewaarsku het dat daar onder hulle ouens sal wees en van buite af ouens sal wees wat leuens sal versprei.  Ons het ook in die verlede gesien dat Paulus vir Timotheus waarsku en vir hom vertel hoe om met hierdie valse leraars te werk te gaan.

Wat moet ons doen? Natuurlik moet ons die waarheid verdedig.  Ons is mos aan God se kant.  Ons is aan die waarheid se kant.  Ons moet mense red wat besig is om te verdrink in die see van misleiding.  Ons moet ‘n greep kry op die waarheid en dit oordra aan die volgende generasie, sodat ons kan help dat mense nie deur valse leraars en valse leringe gevang word nie.

Die stroom van misleiding word net groter en dieper en sterker.  Daar is net soveel vandag.  Dit is om ons in al die kultusse, die ismes die valse godsdienste, die leraars wat die waarheid verdraai vir vuil wins en die media speel ‘n rol in die verspreiding daarvan.

Daar is mense wat nie meer in die drie-eenheid glo nie, hulle glo nie meer dat Jesus Christus God is nie.  Daar is mense wat nie meer glo in die foutloosheid en outoriteit van die Bybel nie, mense wat nie meer glo dat salgheid uit genade deur geloof alleen genoeg is nie, wat ‘n valse evangelie van werke verkondig. 

Mense wat ‘n wanvoorstelling het van die karakter, die natuur en werk van God, mense wat ‘n wanvoorstelling het van Christus en dan ook die Heilige Gees.  Die ergste van alles is dat hierdie leuens verkoop word in die naam van God en as God se waarheid.

2 Tim 2:14-19 gee ons dan redes waarom ons valse leringe moet vermy.  Redes om leringe van duiwels te vermy.  Want dit is ‘n groot gevaar vir die kerk en vir enige mens.

2 Tim 2:14 Herinner aan hierdie dinge...

In die KJV word die woord “them” bygevoeg, “put them in remembrance” en dit verwys na die gemeente sowel as die getroue ouens wat ander leer.  Nou waaraan moet Timotheus hulle herinner?  Aan die vorige dinge wat hy net genoem het in v1-13. 

Herinner hulle aan die verantwoordelikheid om leraars te wees wat die waarheid oordra aan ander.  Herinner hulle om as goeie krygsmanne, dit is soldate, van Christus verdrukking te kan vat.  Herinner hulle dat hulle soos atlete is wat moet hardloop om te wen. 

Herinner hulle dat hulle soos landbouers is wat swaar werk en dan die vrugte daarvan geniet.  Herinner hulle dat Jesus Chrstus opgestaan het uit die dode.  Herinner hulle dat die Woord van God nie gebonde is nie.

So Timotheus moet hulle herinner.  Maar die dinge wat hy in die eerste 13 verse noem is positiewe dinge.  Eers vanaf v14 begin hy met die negatiewe dinge.

2 Tim 2:14 Herinner aan hierdie dinge en betuig voor die Here dat hulle geen woordestryd moet voer wat tot geen nut is nie, maar net tot ondergang van die hoorders.

KJV sê, “charging them before the Lord...”  Ander vertalings sê weer, “command them in the presence of God...”

Die positiewe sê wat hulle moet doen.  Die negatiewe sê wat hulle nie moet doen nie.  Dit wat hulle moet vermy.  En vanaf v14-19 gee Paulus ‘n klomp redes waarom hulle valse leringe moet vermy.

Die eerste gevaar wat ons moet raaksien oor valse leringe is, is dat dit tot die hoorders se ondergang lei.  Hulle wat na valse leringe luister word daardeur geruïneer.  En dit is ‘n baie ernstige waarskuwing.  Paulus sê, “betuig voor die Here”, “charging them before God”.  Om ernstig te betuig in die teenwoordigheid van God.

So Paulus sê vir Timotheus, roep hulle tot diens in die teenwoordigheid van God.  En dit is bedoel om vrees in hulle harte te wek.  Ons kry hierdie selfde soort opdrag in 1 Tim 5 ook.  Hy sê,

1 Tim 5:21 Ek besweer jou voor God en die Here Jesus Christus en die uitverkore engele dat jy hierdie dinge sonder vooroordeel in ag neem en niks uit partydigheid doen nie.

Dit is ook om ernstig te betuig.  To solemnly charge.   Dieselfde in,

1 Tim 6:13 Ek gebied jou voor die aangesig van God wat aan alle dinge die lewe gee, en van Christus Jesus wat voor Pontius Pilatus die goeie belydenis betuig het,

2 Tim 4:1 Ek besweer jou dan voor God en die Here Jesus Christus, wat die lewende en die dode sal oordeel by sy verskyning en sy koninkryk:

2 verkondig die woord; hou aan tydig en ontydig; weerlê, bestraf, vermaan in alle lankmoedigheid en lering;

Hierdie is vir almal ernstige opdragte.  Nie net enige opdrag nie, maar ‘n opdrag in die teenwoordigheid van God.  Dit is bedoel om vrees in jou hart te sit.  Daar is tye waar die teenwoordigheid van God vir jou vertroosting bring, maar daar is ook tye waar die teenwoordigheid van God jou sin van verantwoordelikheid vergroot.

Wat is dan so ernstig?

2 Tim 2:14 ...dat hulle geen woordestryd moet voer wat tot geen nut is nie...

Die Griekse woord hier vir woordestryd is die woord “logomachia” wat letterlik beteken om oorlog te voer met woorde.  En in die konteks van hierdie gedeelte is dit tipies van valse leraars wat woorde gebruik om teen die Woord van God te argumenteer.

Paulus sê, vermy hierdie soort van woordestryd.  Dit is hierdie soort stryd wat die eenvoudige waarheid van die Skrif aanval en dit gekompliseerd maak.  Daar is nie neutrale gronde vir hierdie soort oorlog nie.  Jy staan op die Woord van God, en hulle staan op demonies geïnspireerde godsdiens.  Daar is geen common ground nie.

Jy kan nie die Bybel vat en met iemand daaroor stry, wat die outoriteit van die Bybel ondermyn nie.  As daardie persoon nie die gesag van die Woord aanvaar nie, help dit geensins om met hom daaroor te stry nie.  Jy kan nie die waarheid van God se Woord onderheuwig maak aan menslike rede nie.  Vermy ‘n woordestryd.

Die duiwel weet as jy net jou kop kan vul met ‘n klomp termes, ‘n klomp woorde, menslike redes en filosofie, dan is jy verward en sal jy nie die eenvoudige waarheid van God se Woord raaksien nie.  Dit gebeur in die Teologiese Kolleges en seminariums reg oor die wêreld.

En as jy dalk dink dit het nie ernstige gevolge nie dan vra jy jouself die vraag af hoe die kerk op die plek gekom het waar dit aborsies al goed praat.  Vra jouself die vraag af hoe die kerk op die plek gekom het waar dit die evolusie teorië aanvaar het.  Hulle noem dit teïstiese evolusie.

Vra jouself die vraag af hoe die kerk op die plek gekom het waar hulle vroue predikers toelaat.  Waar hulle homseksuelisme toelaat en ook egskeidings begin goed praat.  Vra jouself die vraag af hoe die kerk onheilige leiers in leierskap toelaat, en ten spyte van wat hulle aanvang nog steeds daar hou.

Vra jouself die vraag af hoe die kerk trots, selfrespek en die sielkunde van kontemporêre menslike denke in die kerk in gebring het.  En as jy dink daar is nie gemors in die kerk nie, kyk jy nie naby genoeg nie.

En valse godsdienste van ander godsdienste het ook die kerk binnegedring en nou sit ons met mistisme in die kerk soos ons kan sien in die Charismatiese kerke en ook sommige Pinkster kerke.  En al hierdie dinge is woorde van mense.

Ek hoor mense sê in die kerk, jy moet die duiwel bind, maar ek kry dit nie in die Bybel nie.  Ons het al gesien hoe mense val in die gees maar dit is nie in die Bybel nie.  Enigiets wat nie skriftuurlik verklaar kan word sonder om tekste buite konteks en verband te ruk nie, is ‘n aanval teen die Woord van God, en is ‘n ernstige oortreding. 

Hierdie dinge is in die kerk omdat die mense in die kerk luister na die wêreld en luister na valse leraars wat die gesag van die Woord ondermyn, en eerder na mense se redenasies luister.  Dit verwar die hoorders en dit lei tot hulle ondergang.

Paulus sê, hierdie woordestryd is van geen nut nie.  Dit het geen geestelike voordeel nie.  Dit gaan jou nie geestelik baat nie.  Onbybelse leringe en onbybelse ervarings gaan jou niks baat nie, maar wat dit nog erger maak is dat dit eerder demonies is.  1 Tim 4:1 sê dit is verleidende geeste en leringe van duiwels.

En wat doen dit?  Wat is die resultate?  Dit lei tot die hoorders se ondergang.  Die Griekse woord hier vir ondergang is “katastrephe”.  En dit beteken letterlik om “om ver te gooi”.  Valse leringe het net die teenoorgestelde resultate as stigting.  Dit bou nie op nie, maar breek af.  Dit versterk nie, maar verswak.  Dit verwoes jou lewe.

Hierdie woord “katastrephe” kom nog net op een ander plek voor in die Nuwe Testament.   Dit is in 2 Pet 2:6.

2 Pet 2:6 en deur die stede van Sodom en Gomorra tot as te verbrand, hulle tot ondergang veroordeel het en as ‘n voorbeeld gestel het vir die wat in die toekoms goddeloos sou wees;

So wat beteken dit/  Dit is totale verwoesting.  Soos wat Sodom en Gomorra verwoes is, in dieselfde sin word die woord gebruik “katastrephe” of te wys hoe dit die hoorder se lewe totaal verwoes. 2 Pet 2:1 noem dit verderflike ketterye, maw ketterye wat jou siel tot die ewige verderf lei.

2 Pet 3:16 ...Hy spreek daarin oor hierdie dinge, waarvan sommige swaar is om te verstaan, wat die ongeleerde en onvaste mense verdraai, net soos die ander Skrifte, tot hul eie verderf.

Dit lei tot verderf van die mens se siel in ‘n ewige hel.  En die teenoorgestelde behoort te wees dat ‘n mens die onvervalste Woord van God hoor en daardeur gered word.

En my liewe vriende, ek hoop julle besef dat ons nie valse leringe kan verdra nie en dat ons daarvan moet weg bly juis as gevolg daarvan dat dit mense se siele veroordeel tot ‘n ewige verderf.

Maar daar is nog ‘n gevaar en dit is dat dit nie net die hoorders tot ondergand lei nie, maar dat dit ook die leraars beskaam.

2 Tim 2:15 Lê jou daarop toe om jou beproef voor God te stel as ‘n werker wat hom nie hoef te skaam nie, wat die woord van die waarheid reg sny.

Enigiemand wat enigiets anders leer as dit wat die Woord van die waarheid akkuraat reflekteer behoort skaam te wees.  Nie net skaam voor die honderde en duisende mense wat hulle mislei het nie, maar skaam voor God.  Hulle het die goddelike waarheid verdraai en vervals. 

Hulle het God se kosbare Woord wat die krag het om mense se siele te red, vernietig en kragteloos gemaak.  Hoeveel groter oordeel sal hulle nie ondergaan nie.

So wat is die eerste en belangrikste beginsel wat enige leraar moet volg.  Hy moet homself daarop toe lê om homself beproef voor God te stel.  Iemand wat die Woord bestudeer en dit so akkuraat as moontlik aan ander oor dra, sodat hy nie hom hoef eendag voor God te skaam nie.

Die woorde “lê jou daarop toe” is die Griekse woord “spoudazo”.  Dit word in die KJV vertaal met “study”, maar ‘n meer letterlike vertaling sou gesê het, “to give diligence, to give maximum effort”.  Hoe vermy ek dit om eendag skaam voor God te staan?  Deur maksimale effort in te sit.

Kom ons wees eerlik vanoggend.  Meeste Christene sit nie maksimale “effort” in wanneer dit kom by Bybelstudie nie.  Nog minder enige “effort”.  Hulle vreet eerder alles wat hulle pastore vir hulle preek, wat self nie eers die Bybel goed ken nie.  En dit is hoekom kerk vandag in so gehawende toestand is.

Mense ons is besig met God nie met kerk speel nie.  Ons kan nie met God se Woord werk en maak soos wat ons wil nie.

My ma het altyd in haar kombuis so bordjie teen die muur gehad wat sê: Die menu vandag: Take it or leave it.  En ek wil vir jou vandag sê: Take it (die Bybel) or leave it.  Maar moenie dit verdraai en vervals nie.  Moenie luister na valse leringe en dink jy gaan ongeskonde daarvan afkom nie.  Dit is gevaarlik en kan jou lewe verwoes.

Maar dank God vir die waarheid van Sy Woord.  Ek het een ding geleer oor al die jare en dit is dat die waarheid homself altyd sal verdedig.  Dat die waarheid altyd die swaarste weeg.  En as jy die waarheid leer ken, sal die waarheid jou vrymaak.

Johannes die Doper se getuienis (vervolg)

Ons is by Joh 1:23 en ons gaan saam kyk wat Johannes se drie getuienisse is tot by v37

Ons het laas week begin om na Johannes die Doper se getuienis te kyk.  En hy sê, ek is maar net ‘n stem.  Dit is nederigheid.  Dit is alles uit genade.  Hy haal Jesaja 40:3 aan en sê,

Joh 1:23 Hy antwoord: Ek is die stem van een wat roep in die woestyn: Maak die pad van die Here reguit! soos Jesaja, die profeet, gesê het.

Maak die pad van die Here reguit.  Wat beteken dit?  Wat hy daardeur bedoel is, maak ‘n weg in jou hart oop vir die Here.  Berei jou hart voor vir die Here.  Maak plek binne in jou hart, sodat Christus kan inkom, want Hy is oppad.

So Johannes die Doper sê, ek is niks, maar die Koning is oppad, ek is maar net ‘n slaaf wat vir julle die boodskap bring dat Hy kom.

Joh 1:24 En die wat gestuur was, was uit die Fariseërs.

En dit het ons reeds gesien.  Hulle was Leviete en priesters.  En dan lees ons in v25,

Joh 1:25 En hulle vra hom en sê vir hom: Waarom doop u dan as u nie die Christus of Elía of die profeet is nie?

As hy dan nie die Christus is, of Elia is of die profeet is nie.  Waarom doop hy die mense?  Maar hoekom sou hulle vir hom so iets vra?  Jy sien, in die Ou Testament was die koms van die Messias geassosieer met ‘n soort reiniging.  Byvoorbeeld,

Eseg 36:25 Dan sal Ek skoon water op julle giet, sodat julle rein kan word; van al jul onreinhede en van al jul drekgode sal Ek julle reinig.

En ons lees ook in hoofstuk 37 dat daar gaan ‘n reiniging plaasvind wanneer die Messias kom.

Sag 13:1 In dié dag sal daar ‘n geopende fontein wees vir die huis van Dawid en vir die inwoners van Jerusalem teen sonde en onreinheid.

So water word geassosieer met reiniging.  Wanneer die Messias kom gaan Hy Israel kom reinig.  En dit is wat die Jode verwag.  En dit is wat die doop gesimboliseer het.  Die reiniging.  En daarom het hulle gedink dat wanneer die Messias kom, gaan Hy mense doop.  En as Johannes dan nie die Messias is nie en ook nie Elia of die profeet nie, hoekom is hy besig om mense te doop?

Maar wat hulle nie verstaan het nie is dat Johannes het gekom in die krag en die gees van Elia en hy het gedoen wat moet gebeur voor die Messias kom.  Johannes antwoord hulle, maar wat hy vir hulle sê is, dit is nie so groot ding nie, dit is net water.

Joh 1:26 Johannes antwoord hulle en sê: Ek doop met water, maar onder julle staan Hy vir wie julle nie ken nie—

Ek doop maar net met water.  En dan sê hy ook verder aan in v33,

Joh 1:33 En ek het Hom nie geken nie; maar Hy wat my gestuur het om met water te doop, Hy het aan my gesê: Op wie jy die Gees sien neerdaal en op Hom bly, dit is Hy wat met die Heilige Gees doop.

Ek doop met water, maar Hy doop met die Heilige Gees.  My doop is net water.  Christus, Hy doop met die Heilige Gees.  Jy sien, Johannes het bekering gepreek en wanneer iemand hom bekeer het, het hy hom gedoop met water as ‘n simbool van reiniging en voorbereiding van hul harte want die Messias is oppad.

Dit het niks te doen gehad met die doop waarmee Christus gaan doop wanneer Hy kom en die Heilige Gees gee nie.  So Johannes sê, my doop is maar net water.  Dit is net ‘n simbool van reiniging en bekering.  Maar dan voeg hy by in v26,

Joh 1:26 Johannes antwoord hulle en sê: Ek doop met water, maar onder julle staan Hy vir wie julle nie ken nie—

So wat sê Johannes vir hulle.  Dit gaan nie soseer oor die idee dat die Messias letterlik onder hulle staan of dat Hy al reeds in die wêreld onder hulle woon en hulle dit nie weet nie.  Dit gaan nie soseer daaroor nie. 

Johannes probeer eintlik sê, julle is meer gepla oor dit wat ek sê, maar eintlik mis julle punt.  En wanneer Christus finaal kom, gaan Hy julle nie met water doop nie, maar met die Heilige Gees.

En kom ons maak net seker dat ons hierdie waarheid nie verkeerd begryp nie.  Dat elke gelowige, die oomblik wat Hy Jesus Christus aanneem, word hy gedoop met die Heilige Gees.  En dit gebeur net een keer.  Jy word nie oor en oor gedoop met die Heilige Gees nie.

1 Kor 12:13 Want ons is almal ook deur een Gees gedoop tot een liggaam, of ons Jode of Grieke is, slawe of vrymanne; en ons is almal van een Gees deurdronge.

En Paulus skryf hierdie aan die Korinthiërs wat ‘n slegte voorbeeld van al die gelowiges is.  En as hulle, wat so messed-up was, die doop met die Heilige Gees ontvang het, dan is die doop beslis deel van elke gelowige.  Jy kan nie deel word van die liggaam van Christus sonder die doop met die Heilige Gees nie.  Ons almal is van een Gees deurdronge.

So die oomblik wat jy jou geloof in Jesus Christus plaas, word jy gedoop met die Heilige Gees wat jou heilig en reinig en jou aanvaarbaar maak vir God.  Dit is ‘n gebeurtenis wat een keer by jou bekering plaasvind, en nie herhaal word oor en oor nie. 

Mense wat die doping met die Heilige Gees wil gebruik as iets wat aan en af is en wat dit koppel aan die spreek in tale verstaan nie waaroor die doping met die Heilige Gees gaan nie.  Die doping met die Heilige Gees word nie eenkeer in die hele Bybel geassosieer met die spreek in tale nie.  Contrary to popular belief.  Dit gebeur wanneer mense met woorde rondspeel en termes herkonstruktureer.

Doping met die Heilige Gees vind plaas die oomblik wat jy gered word.  Johannes sê, ek doop met water wanneer iemand hom bekeer, maar Hy doop met die Heilige Gees.  Ons word nie gewas met fisiese water nie.  God stuur Sy Gees in ons om ons te reinig en skoon te was. 

Tit 3:5 nie op grond van die werke van geregtigheid wat ons gedoen het nie, maar na sy barmhartigheid het Hy ons gered deur die bad van die wedergeboorte en die vernuwing deur die Heilige Gees

Johannes se doop was ‘n simbool.  Christus bring die werklike en kom was ons van binne af met die Heilige Gees.

So Johannes se eerste getuienis aan die eerste groep mense was, hier is die Messias.  Hy is hier.  Hy is onder ons.

Joh 1:27 dit is Hy wat ná my kom, wat voor my geword het, wie se skoenriem ek nie waardig is om los te maak nie.

Kan ek dit byvoeg?  Die laagste van die laagste slaaf se werk was om sy here se skoenrieme los te maak.  Daar was ‘n sê ding onder die rabbi’s dat selfs ‘n dissipel nie gelaat word sonder om sy here se skoene los te maak nie.  En Johannes sê, ek is nie waardig om sy skoenerieme los te maak nie.  Ek is nog nie eers die onverdienstelike slaaf geword nie.  Dit is nederigheid.

Joh 1:28 Dit het gebeur in Betábara, oorkant die Jordaan, waar Johannes besig was om te doop.

Dit was sy eerste getuienis.  Priesters en Leviete wat vir hom vra, wie is jy?  Hy sê, ek is niks.  Moenie oor my bekommerd wees nie, wees eerder bekommerd oor die feit dat die Christus, die Seun van die Lewende God hier is en dat julle Hom nie ken nie.

So kom ons kyk na sy tweede getuienis:

Joh 1:29 Die volgende dag sien Johannes Jesus na hom toe kom, en hy sê: Dáár is die Lam van God wat die sonde van die wêreld wegneem!

Hierdie is die volgende dag en hier getuig Johannes weer.  Let op wat hy sê!  Hy sê, Daar is die Lam van God wat die sonde van die wêreld, enkelvoud.  Nie sondes nie, maar sonde.  Maw Hy neem nie net elke enkele sonde of simptome weg nie, maar hy neem die sonde van die wêreld weg.  Die een groot siekte van die wêreld.

En verwys hy na Hom as die Lam van god.  Wel, die Jode het dit verstaan.  Hulle het die offersisteme geken.  Hulle het geweet van Abraham en Isak en dat God vir Abraham gesê het dat Hy ‘n lam sal voorsien.  Hulle het die pasga geken waar die lam op die deurposte gesmeer is.  Hulle het geweet van die lam wat elke dag in die tempel geslag is vir die volk se sonde.  Hulle het dit geweet.

Hulle het ook Jesaja se profesie geken wat sê dat ‘n lam sal kom wat geslag moet word.  En nou sê Johannes, hier is Hy.  Hy is Lam van God.  Hy is die finale offer.  Hy was die volmaakte offer en na Hom is daar nie meer ‘n offer nodig nie, soos die Hebreër skrywer vir ons vertel.

Maar die Jode wou ‘n profeet gehad het, en God gee vir hulle ‘n lam.  Hulle wou ‘n koning gehad het, maar God gee vir hulle ‘n lam want hulle kan nie saam met God regeer as hulle nie in verhouding met Hom staan nie.  En daar is geen verhouding met God as jou sonde nie eers weggeneem word nie.  So God het eers ‘n lam gestuur om van sonde ontslae te raak voordat die mens in ‘n verhouding met Hom kan kom.

As jy nie eers tot die besef van sonde kom en die offer van Christus vir jou sonde aanvaar nie, is daar nie plek vir ‘n verhouding tussen jou en God nie.  Jou sonde moet eers weggeneem word.  So Johannes se eerste getuienis is, Hy is hier.  En sy tweede getuienis is, Kyk na Hom.  Sien Hom vir wie Hy is.  En dit is die tweede stap in saligheid.

Eerstens moet jy besef dat Christus is en dat Hy leef en tweedens moet jy Hom sien vir wie Hy is.  Die lewe Woord en die Lam van God.  En wanneer jy Hom sien as die Lam van God, dan sien jy jou eie sonde raak.  So kyk na Hom, die Lewende Woord, die sterwende Lam.

Joh 1:30 Dit is Hy van wie ek gesê het: Ná my kom ‘n man wat voor my geword het, want Hy was eerder as ek.

En ek dink Johannes wil seker maak ons verstaan dit.  Dit is die derde keer wat hy dit sê.

Joh 1:31 En ek het Hom nie geken nie; maar dat Hy aan Israel openbaar sou word, daarom het ek gekom en met water gedoop.

Nou sê Johannes ‘n interesante ding.  Hy sê, ek het Hom nie geken nie.  Het julle geweet dat Johannes die doper was Jesus se neef?  Hy het vir 30 jaar Jesus geken en nie geweet wie Hy is nie.  Want Jesus het nooit Sy Messiaanskap uitgedruk tot na Sy doop nie.  Johannes het nie geweet nie.

Wat hy wel geweet is dat die Messias gaan kom en aan Israel geopenbaar word.  Hy het nie geweet wie dit was nie.

Joh 1:32 En Johannes het getuig en gesê: Ek het die Gees soos ‘n duif uit die hemel sien neerdaal, en Hy het op Hom gebly.

Toe Johannes vir Jesus gedoop het en die Heilige Gees op Hom neergedaal het soos ‘n duif, toe eers besef hy wie Jesus werklik is.

Joh 1:33 En ek het Hom nie geken nie; maar Hy wat my gestuur het om met water te doop, Hy het aan my gesê: Op wie jy die Gees sien neerdaal en op Hom bly, dit is Hy wat met die Heilige Gees doop.

Hoe het Johannes geweet?  God het vir Hom gesê.  En hoe weet jy dat Jesus die Seun van God is?  God sê vir jou.  Jy kan nie Christus ken sonder dat God Hom aan jou openbaar nie.

Matt 16:13 En toe Jesus in die streke van Cesaréa-Filippi kom, vra Hy sy dissipels en sê: Wie sê die mense dat Ek, die Seun van die mens, is?

14 En hulle antwoord: Sommige Johannes die Doper, en sommige Elía, en ander Jeremia of een van die profete.

15 Hy sê vir hulle: Maar julle, wie sê julle is Ek?

16 En Simon Petrus antwoord en sê: U is die Christus, die Seun van die lewende God.

17 Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is.

Die mens kan God nie ken as God Homself nie aan jou openbaar nie.  Die mens kan nie uit homself God vind nie.  Die natuurlike mens kan nie die dinge van God begryp nie.  Dit is vir hom dwaasheid en hy kan dit nie verstaan nie.  Die enigste manier waarop die mens God ken ken, is wanneer Hy Homself aan jou openbaar.

Johannes het vir 30 jaar Jesus as sy neef geken, maar nie geweet dat Hy die Christus is nie.  Hoekom nie?  Want God het dit nog nie aan hom geopenbaar nie.  So Johannes sê, ek het finaal besef dat Jesus die Christus is, want God het vir my gesê wie Hy is. 

En dit is Johannes se tweede getuienis.  Kyk na Hom, Hy is die Lam van God, die Seun van God.  Die eerste getuienis is, Hy is hier.  Die tweede getuienis, Kyk na Hom, en sien wie Hy is.  Die Lam wat gesterf het vir jou sonde om dit weg te neem.

Joh 1:34 En ek het gesien en getuig dat Hy die Seun van God is.

Kan jy dit ook sê?  Al het jy Hom nie gesien met jou fisiese oog nie, kan jy getuig dat Jesus Christus is verseker die Seun van God?

Kom ons kyk gou laastens na die derde getuienis:

Joh 1:35 Die volgende dag het Johannes weer daar gestaan en twee van sy dissipels;

Dit was die volgende dag.  En hier saam met hom is twee van sy dissipels.  Daar was mos maar ‘n groep wat hom gevolg het.

Joh 1:36 en toe hy Jesus sien wandel, sê hy: Dáár is die Lam van God!

37 En die twee dissipels het hom dit hoor sê en Jesus gevolg.

So wat is Johannes die doper se derde getuienis?  Volg Hom.  Eerstens, Hier is Hy, tweendes, Kyk na Hom, en derdens, Volg Hom.

Moenie my volg nie.  Hoekom staan julle nog hier by my?  Daar is die Lam van God.  Volg Hom.  En hulle het.  Hulle het Jesus gevolg.  Johannes het van die voorgrond af verdwyn.  En jy weet wat gebeur in die res van die evangelie?  Volg Jesus.  Johannes die doper kom nog eenkeer gou voor in hoofstuk 3, maar dit gaan alles oor om Jesus te volg.

Johannes die Doper se getuienis

Teksgedeelte: John 1:19-23

Joh 1:19 En dit is die getuienis van Johannes, toe die Jode uit Jerusalem priesters en Leviete gestuur het om hom te vra: Wie is u?

20 En hy het erken en nie ontken nie, maar het erken: Ek is nie die Christus nie.

21 Toe vra hulle hom: Wat dan? Is u Elía? En hy sê: Ek is nie. Is u die profeet? En hy antwoord: Nee.

22 Toe sê hulle vir hom: Wie is u? —dat ons antwoord kan gee aan die wat ons gestuur het. Wat sê u van uself?

23 Hy antwoord: Ek is die stem van een wat roep in die woestyn: Maak die pad van die Here reguit! soos Jesaja, die profeet, gesê het.

Soos ons het alreeds gesien dat Johannes vir Christus wil voorstel as die Seun van God.  Dit gaan nie soseer oor Christus se verhouding met Israel, soos wat Mattheus dit vir ons beskryf nie.  Dit waaroor dit vir hom gaan is om te getuig van Jesus, die Seun van die lewende God.  God het mens geword.  Dit is sy boodskap.

Johannes skryf nie eers oor die eerste 30 jaar van Jesus se lewe nie.  Hy praat eerder van die tydperk van Jesus se bediening.  En Jesus het nie Homself as die Seun van God voorgestel, nie totdat Sy bediening begin het nie.  Jesus het eers toe Sy bediening begin het by die Jordaan, begin om te sê dat Hy die Messias is.

Julle sal onthou wat die doel van Johannes se brief is:

Joh 20:31 maar hierdie is beskrywe, dat julle kan glo dat Jesus die Christus is, die Seun van God; en dat julle deur te glo die lewe kan hê in sy Naam.

Dit is waaroor dit gaan.  Hier is Christus.  Hier is Sy verlossing.  Jy moet glo.  Ons het ook gesien dat hy al die getuies in roep wat getuig dat Christus die Seun van God is.  En ons is ook getuies, want die volheid van God woon in ons.

God is getuie dat Christus Sy Seun is.  Christus self getuig dat Hy God is.  Sy werke getuig dat Hy God is.  Sy dissipels getuig dat Hy God is.  Al die gelowiges van al die eeue getuig dat Hy God is.  Die eerste getuienis wat Johannes die apostel dat in roep, is Johannes die Doper se getuienis.

Wanneer jy dan lees van Johannes in die evangelie van Johannes, verwys dit na Johannes die Doper en nie na die skrywer van die evangelie nie.  Johannes die skrywer noem nooit na homself nie.  Wanneer hy na homself verwys dan praat hy van die dissipel wat Jesus lief gehad het.

So Johannes die Doper se getuienis kry ons in vers 19-37.  Hy getuig dat Jesus Christus is God.  Jesus Christus was 100% God en niks minder nie.  Christus was nie net ‘n goeie mens nie.  Christus was nie net ‘n goeie leermeester nie.  Christus was nie net ‘n goeie mens wat so goed was dat God Hom ‘n god gemaak het nie.

As Christus nie 100% God is nie, dan is alles sinneloos en kan ons die Bybel maar weggooi en vergeet van Christenskap.

Nou, Johannes gee drie getuienisse op drie verskillende tye aan drie verskillende groepe op drie verskillende wyses.  En dit is waarna ons gaan kyk.  Maar voordat ons daarna kyk, kom ons kyk na wie Johannes die Doper was.

Johannes die Doper was ‘n fasinerende karakter.  Hy het sy bediening begin toe hy 29 was.  Daar moet ‘n tyd van voorbereiding wees.  Selfs Christus het nie Sy bediening begin voordat hy 30 jaar oud was nie.

Hy was die eerste profeet wat Israel weer gesien het na 400 jaar.  Israel het vir lank sonder ‘n profeet gesit.  En toe Johannes opdaag, toe het die mense hom gevolg.  Hy was dinamies.  Hy was bold.  Hy was vervul met die Heilige Gees van sy moeder se skoot af en dit het oorgekom toe hy gepreek het.

Hy het gepreek by die Jordaan in die Jordaan valley en almal het soontoe gegaan om na hom te luister.  Mense het dalk almal geweet wie hy was want hy was die seun van ‘n priester, Sagaria.

Interresant dat hy weggegaan het uit die gemeenskap en homself met die arm mense geïdentifiseer het.  En al die arm mense het kameelhare gedra en ‘n leergord en dit is wat hy gedra het.

Die Bybel sê ook dat hy van springkane geleef het, maar daar is ander wat sê dat die Griekse woord verwys na ‘n locust boom wat in Israel groei waarop bone groei en dat dit nie springkane was nie, maar bone waarvan hy geleef het.

Matt 3:5 En Jerusalem en die hele Judéa en die hele omtrek van die Jordaan het uitgegaan na hom toe.

6 En hulle is deur hom in die Jordaan gedoop met belydenis van hulle sondes.

Onthou daar was vir 400 nie iemand soos Johannes met so ‘n dinamiese stem nie.  Hulle het begin wonder of hy nie die Messias is nie.  So hy was baie popular.  Hy het gepreek die koninkryk van die hemele is naby.

Nou wanneer die Bybel sê, die koninkryk is naby, beteken dit dat dit die volgende ding is op God se horlosie.  Dit beteken nie dit gaan more kom, of oor 4000 jaar nie.  Dit beteken eenvoudig dat dit volgende is op God se agenda vir die wêreld.

Maar was die kerk dan nie die volgende groot gebeurtenis en nie die koninkryk nie?  Verseker, maar Johannes het dit nie geweet nie.  Die kerkeeu was nog verborge gewees.  Paulus sê niemand het van hierdie verborgenheid geweet totdat dit aan hom en die apostels geopenbaar is nie.

Die Jode wou ‘n koning gehad het.  God het geweet hulle het ‘n Lam nodig.  En dit is hoekom Christus gekom het.  Johannes het gesê,

Joh 1:29 ...Dáár is die Lam van God wat die sonde van die wêreld wegneem!

Die Jode het gedink hulle het ‘n koning nodig.  God sê, julle het ‘n Lam nodig, want jy kan nie saam met Hom regeer as jy nie eers in verhouding met Hom staan nie.  En dit is waar dit moes begin.

So hier is Johannes die Doper, en hy preek, kry julle gereed, die Messias kom.  Bekeer julle, want die koninkryk van die hemele het naby gekom.  En die mense het gekom en hulle het hierdie dinamiese prediker gehoor en hulle het hulle bekeer en laat doop om so gereed te wees vir die Messias.

Onthou dat hierdie doop van Johannes was nie dieselfde doop as die doop na die kruis, die een waarmee ons vandag gedoop word nie.  Die doop na die kruis is die vereenselwiging met Christus se dood en opstanding.  Dit was anders.

Onthou die 12 dissipels van Johannes in Hand 19 wat gedoop was met die doop van Johannes en toe hulle van Christus hoor en die Heilige Gees is hulle oorgedoop.  As dit dieselfde doop was, was dit nie nodig nie.  Maar die doop van Johannes is anders. 

Johannes se doop was ‘n simbool van die reiniging van Israel om hulle voor te berei op die Messias se koms. 

Nou soos ek reeds vroeër gesê het, is daar drie verskillende getuienisse van Johannes die Doper.  So hier is die eerste getuienis.

Joh 1:19 En dit is die getuienis van Johannes, toe die Jode uit Jerusalem priesters en Leviete gestuur het om hom te vra: Wie is u?

So op hierdie eerste geleentheid, is daar priesters en Leviete van Jerusalem.  Die Jode het hulle gestuur.  Die priesters en Leviete was altyd saam want hulle saam gewerk.  Die priesters het diens gedoen in die tempel en die Leviete was byvoorbeeld die bodyguards.  Hulle het gekyk dat daar nie moeilikheid was nie.

So die Jode wou nie ‘n klomp priesters in die wildernis in stuur sonder die Leviete wat hulle sou beskerm nie.  Die Leviete het ook sekere take verrig en het soos die maintenance gedoen.

So hier kom hierdie groep om na Johannes se getuienis te luister en dit is ‘n fasinerende getuienis.  En wat interresant is, is dat elke keer wanneer Johannes die woord “loudaio” gebruik, die woord vir Jode, gebruik hy dit in opposisie van  Christus.  Jesus het dit gedoen, maar die Jode het dit gedoen.  Die Jode wou Hom gevange neem.  Die Jode wou Hom doodmaak.  Ten minste 70 keer, die Jode wat in opposisie is met Christus.

En julle sal onthou wat Jesus gesê het, dat Hy na Sy eiendom gekom het, en Sy eie mense het Hom nie aangeneem nie.  Dit is die Jode.  Die opposisie.  En hier stuur hierdie opposisie ‘n groep na Johannes.  Hoekom?  Want hulle is teen enigiemand wat dalk die geestelike status qou wil kom verander.

En hulle sit tien teen in in Jerusalem en sê, Wie is hier ou?  Ons sal iets moet doen.  So hulle stuur hierdie groep priesters en Leviete na hom toe om uit te vind wie hy is en wat aangaan. 

En van die begin af was hulle sommer teen hom want sommige het gedink dat Johannes is die Messias en hulle wou weet.  Hulle het Israel probeer verdedig teen hierdie valse Messias.  Op die ou einde het hulle ook Israel verdedig teen die ware Messias.

So die oomblik wanneer iemand net kom en hulle godsdienstige sisteme kom skud is hulle onmiddelik op hulle hoede.  Hoekom?  Want hulle was onseker van hulleself.  Hulle het geweet hulle is ‘n klomp hypocrites.  Geveinstes.  En ding van ‘n geveinste is, hy weet hy is een.  En hulle is bang om ontbloot te word.  Hulle is bang hulle mag dalk hulle posisie verloor.

Net so met Jesus, was hulle bang dat hy hulle geestelike status quo gaan kom omvergooi en daarom is hulle op hulle perdjie.  Daarom stuur hulle ‘n groep na Johannes toe en vra, wie is jy?  Sommige in Luk 3:15 sê hy is dalk die Messias.  So hulle vra hom eintlik, is jy die Messias? 

Eintlik sê hulle vir hom, wat soek jy hier in die wildernis as jy die Messias is?  Hulle moes eenvoudig net weet.  En ky hoe antwoord Johannes hulle,

Joh 1:20 En hy het erken en nie ontken nie, maar het erken: Ek is nie die Christus nie.

Die Woord Christus is die Griekse woord vir Messias.  Hy sê, ek is nie die Messias nie.

Joh 1:21 Toe vra hulle hom: Wat dan? Is u Elía? En hy sê: Ek is nie. Is u die profeet? En hy antwoord: Nee.

Is u DIE profeet?  En wat hulle daarmee bedoel weet ons nie.  DIE profeet kan dalk weer verwys na Elia of Christus of die was dalk iemand anders wat hulle verwag het.  Maar Johannes sê, Nee!  Hy is nie Christus of Elia of die profeet nie.

So hoekom vra hulle hom of hy die profeet is?

Mal 4:5 Kyk, Ek stuur julle die profeet Elía voordat die groot en vreeslike dag van die HERE aanbreek.

God sê dat Hy die profeet Elia gaan stuur voor die dag van die Here aanbreek.  So as hy nie die Messias is nie, dan is hy dalk Elia.  Dit is hoekom hulle vra.  En steeds sê Johannes, Nee!  Dan gooi hulle die een in, DIE profeet.  Maar Johannes sê, Nee!

Maar wag so bietjie.  Moes Elia nie gekom het voor Christus gekom het nie?  Ja.  Wie was dit dan?  Dit was Johannes die Doper.  Maar Johannes die Doper sê hy is nie Elia nie.  Maar Christus het gesê, hy het gekom in die gees en krag van Elia.

Jy sien, hulle het die profesie verkeerd verstaan.  God het iemand soos Elia gestuur wat dieselfde tipe bediening gehad het.  Johannes was nie Elia wat uit die dood opgestaan het of gereïnkarneer is nie.  Hy het gekom in die gees en krag van Elia.

So Johannes het die profesie vervul, maar die Jode het dit verkeerd verstaan en het gedink dat Elia in persoon gaan opdaag.  So Johannes was soos Elia, maar nie Elia die persoon nie.

Joh 1:22 Toe sê hulle vir hom: Wie is u? —dat ons antwoord kan gee aan die wat ons gestuur het. Wat sê u van uself?

Johannes kon gesê het, ek is die seun van Sagaria, die priester.  Hy kon gesê het, ek is vervul met die Heilige Gees in my moeder se skoot.  Hy kon gesê het, ek is die grootste wat daar nog ooit was.  Daar was nog niemand groter as ek nie.  Hy kon gesê het, ek is die aankondiger van die Messias.  Maar wat sê hy,

Joh 1:23 Hy antwoord: Ek is die stem van een wat roep in die woestyn: Maak die pad van die Here reguit! soos Jesaja, die profeet, gesê het.

Hy sê, ek is maar net ‘n stem.  Dit gaan nie oor my nie.  Ek is maar net die een wat die boodskap verkondig.  Ek is die stem wat uitroep.  Maak gereed vir die Here.  Die Here is oppad.  En dit is nederigheid. 

Kyk wat sê Paulus in Ef 3:8 wanneer hy sê, Ek is die geringste van al die heiliges.  Wat sal jy antwoord as iemand vir jou kom vra: Wie is jy?

Kom ek vertel jou wat kan jy sê; Nadat jy al Christus se opdragte gehoorsaam het, elke een.  Nadat jy alles gedoen het wat jy kon doe nom Christus te dien.  Nadat jy Hom met hele hart gedien het en in alles gehoorsaam was.  Eers dank an jy die volgende antwoord gee: Ek is een van God se onverdienstelike diensknegte.

Waar kry ek dit? Luk 17:10

Luk 17:10 So ook julle, wanneer julle alles gedoen het wat julle beveel is, sê dan: Ons is onverdienstelike diensknegte, want ons het gedoen wat ons verplig was om te doen.

Is daar ooit ‘n oomblik in ‘n Christen se lewe wanneer jy kan sê, ek is great?  Al voorreg wat jy as kind van God het is om te sê, ek het dit nie verdien nie.  Ons is onverdienstelike diensknegte.  Ons het gedoen wat ons moes.

So Johannes sê, ek is maar net ‘n stem.  Ek is eintlik niks.  Wanneer jy met Christus wil assosieer, dan is ek niks want ek verdien dit nie om in dieselfde sin as Christus genoem te word nie.

Paulus sê,

1 Kor 15:10 Maar deur die genade van God is ek wat ek is, en sy genade aan my was nie tevergeefs nie; maar ek het oorvloediger gearbei as hulle almal; nogtans nie ek nie, maar die genade van God wat met my is.

Johannes sê, ek is net ‘n stem.  Dit is sy eerste getuienis.  Wie is jy?  Ek is niks.  Dit gaan nie oor my nie.  Dit gaan oor hom.

Hoe lyk jou getuienis?  Hoekom hoor ek in mense se getuienis dat hulle vertel hulle was so, maar nou is hulle so, en dit gaan net alles oor hulleself, en hoe groot hulle nou is?

Ons verdien niks.  Ons is onverdienstelike diensknegte. 

Genade op genade

Genade op genade

Joh 1:15 Johannes getuig van Hom en roep en sê: Dit was Hy van wie ek gesê het: Hy wat ná my kom, het voor my geword, want Hy was eerder as ek.

16 En uit sy volheid het ons almal ontvang, ja, genade op genade.

17 Want die wet is deur Moses gegee; die genade en die waarheid het deur Jesus Christus gekom.

18 Niemand het ooit God gesien nie; die eniggebore Seun wat in die boesem van die Vader is, dié het Hom verklaar.

Jesus is die uitrukking van God.  Sonder Hom is daar nie volle waarheid nie. 

Johannes sê ons het Sy heerlikheid aanskou.  Maar om sy saak nog sterker te maak, roep hy die getuienis van Johannes die Doper in.  Want dit is waarom hy hierdie brief skryf, om mense te oortuig wie Christus is.  In v14 sê hy dat hierdie Christus is God.  En ek is nie die enigste getuie nie.  Johannes die Doper getuig ook daarvan.

Dan sê hy in v16 dat nie net is dit hy en Johannes die Doper wat getuig nie, maar elke gelowige weet dat hy die volheid van Christus het.  So ons almal getuig van wie Christus is.  Johannes die Doper sê, dit is Hy van wie ek gespreek het.  Hy wat na my kom het voor my geword, want Hy was eerder as ek.

KJV

Joh 1:15 John bare witness of him, and cried, saying, This was he of whom I spake, He that cometh after me is preferred before me: for he was before me.

Johannes die Doper sê hiermee, dat Hy wat na my gekom het, maw Hy wat na my gebore is en Hy wat Sy bediening na my begin het, Hy is God, en was nog altyd daar gewees voor my van ewigheid af.  Hy was na my gebore, maar Hy was voor my gewees.

Joh 8:56 Abraham, julle vader, het hom verheug dat hy my dag sou sien; en hy het dit gesien en het hom verbly.

57 Toe sê die Jode vir Hom: U is nog nie vyftig jaar oud nie, en het U Abraham gesien?

58 Jesus sê vir hulle: Voorwaar, voorwaar Ek sê vir julle, voordat Abraham was, is Ek.

59 Hulle het toe klippe opgetel om Hom te stenig; maar Jesus het stilletjies uit die tempel gegaan en tussen hulle deurgeloop; en so het Hy vertrek.

Kyk hoe reageer hierdie ouens.  Hulle wil Hom doodmaak.  Maar Hy verdwyn stilletjies.  Hy was God.  Voor Johannes die Doper, voor Abraham, voor enige mens nog bestaan het, was Hy.  So Johannes die Doper se getuienis en Johannes die Apostel se getuies stem ooreen.

En in v16 gee die getuienis van alle gelowiges. 

Joh 1:16 En uit sy volheid het ons almal ontvang, ja, genade op genade.

So wat beteken dit?  Dit sê, as jy ‘n gelowige is het jy die volheid van Christus.  Het ons die volheid?  Verseker!  Maar wat beteken dit?

Kol 2:9 Want in Hom woon al die volheid van die Godheid liggaamlik;

Alles wat God is, is in Christus.  En luister mooi!  Alles wat in Christus is, woon in ons.  Besef jy dat die volheid van die Godheid woon in jou?  God het nie gesê, gaan leef nou die Christen lewe en gaan soek en vind nog geestelike bronne wat daar is nie.  Nee!  Die dag toe Christus in jou lewe gekom het, het die volheid van die Godheid saam met al die geestelike dinge wat ons nodig het in jou lewe gekom.

2 Pet 1:3 Immers, sy goddelike krag het ons alles geskenk wat tot die lewe en godsvrug dien, deur die kennis van Hom wat ons geroep het deur sy heerlikheid en deug,

KJV

2 Pet1:3 According as his divine power hath given unto us all things that pertain unto life and godliness, through the knowledge of him that hath called us to glory and virtue:

Is dit nie ongelooflik nie?  Ons kom niks kort nie.  Al wat ons nodig het, is soos Jakobus dit sê, ons het die wysheid nodig om te weet wat ons reeds het.  Alles is daar, die volheid van Christus is myne.  Omdat Christus in my is, is daar ‘n onuitputlike bron.

Wat dan van al die probleme wat ons het?  Ek ken dalk nie jou problem nie, maar ek ken Christus.  En Hy net nie probleme nie.  Wat dan van alles waardeur ek moet gaan?  Ek weet dalk nie waardeur jy gaan nie, maar ek weet Hy ken die weg. 

Jy het al sy volheid ontvang.  Daar is geen rede waarom ‘n Christen onvergenoegd hoef te wees nie.  Christus met al Sy volheid leef in jou.

Dan gaan sê v16 verder,

Joh 1:16 En uit sy volheid het ons almal ontvang, ja, genade op genade.

En julle weet wat genade is?  Die engels sê, “Grace for grace”.  Letterlik staan daar, “genade in die plek van genade”.  Maw wanneer genade gaan, dan kom genade in sy plek.  Soos die golwe van die see.  Wanneer een golf kom en gaan, kom die volgende golf in sy plek.  So die is golwe op golwe, genade op genade.  Paulus sê,

Ef 2:7 sodat Hy in die eeue wat kom, kan betoon die uitnemende rykdom van sy genade in goedertierenheid oor ons in Christus Jesus.

Het jy ooit gaan sit en dink oor genade?  Sy genade kom soos die golwe van die see en stop nooit nie.  Jy word oorspoel met genade.  Jy het nie verlede week genade gehad en nie vandag nie.  Wanneer ons nie altyd God se genade erken of raaksien nie, beteken nie dat God se genade gestagneer het nie. 

Dit is nie dat God se genade nie meer daar is nie, dit is jy wat eerder in jou omstandighede vaskyk, en nie God se genade raaksien nie.  Daar is ‘n konstante aanhoudende vloei van genade.  Hoekom?  Want as genade vir een oomblik moet stop, is dit verby met ons.

As genade moet ophou, is al wat oorbly, die wet.  En ons almal het die wet gebreek.  En dit beteken net een ding.  Ewige oordeel.  Daarom sê Paulus duidelik in Rom 5:2 dat ons staan in genade, ons is gesetel, ons is gesement in genade.  As dit ooit moes ophou, hoef jy net een sonde te doen, en jy is verlore.  Dit vat net een sonde om ‘n sondaar te wees.

Daarom is dit genade op genade.  Genade in die plek van genade.  En ons ontvang dit uit Sy volheid.  Dit is die verskil tussen ‘n gelowige en ‘n ongelowige.  Leeg, doelloos, geen betekenis, nietig, vaag, geen hulpbronne en die gelowige, hy het die volheid van God tot Sy beskiking.

So die getuienis van al die gelowiges saam met die van Johannes die apostel en Johannes die Doper is dat Christus is God, ons het Sy volheid ontvang.

Dan kom Johannes en hy stel ‘n kontras in v17.

Joh 1:17 Want die wet is deur Moses gegee; die genade en die waarheid het deur Jesus Christus gekom.

So hier is die kontras.  Die wet het gekom deur Moses.  Genade en waarheid kom deur Jesus Christus.  Moses het die wet gegee, hy het op die berg van Sinai gegaan en God het dit met Sy vinger op klippe geskryf.  Hy het twee kliptafels geneem as getuienis.  By die berg afgegeaan en die wet gebring.

Almal was onder die wet geplaas.  En almal moes die wet onderhou, of anders was dit quits.  Was daar enige genade in die wet?  Nee!

Rom 11:6 En as dit deur genade is, dan is dit nie meer uit die werke nie; anders is die genade geen genade meer nie. En as dit uit die werke is, dan is dit nie meer genade nie; anders is die werk geen werk meer nie.

So genade en werke gaan nie saam nie.  Genade en die wet staan teenoor mekaar.  Die wet het geen genade nie.  In werklikheid sê,

Heb 10:28 As iemand die wet van Moses verwerp het, sterf hy sonder ontferming op die getuienis van twee of drie;

Maw daar was geen genade in die wet nie.  Beteken dit egter dat daar geen genade in die Ou Testament was nie? Nee!  Daar was genade in die Ou Testament.  Daar was genade, maar jy kon dit nie in die wet vind nie.

Somtyds was God genadig teenoor mense wat die wet verbreek het.  Dawid is ‘n goeie voorbeeld.  God het aan Dawid genade bewys, maar hierdie genade was nie in die wet gewees nie.  Die genade het bo op die wet gekom.

So Moses het die wet gegee en gesê, doen dit en doen dit en as jy dit nie doen nie, sorry, jy is gone.  Maar Jesus het genade gebring wat sê, Ek weet jy het My wet gebreek, Ek weet jy het teen My gerebelleer, Ek weet jy is hardkoppig maar Ek het jou lief en as jy My aanneem as jou Verlosser, sal Ek jou sonde wegneem.  Ek sal lewe skoonmaak en Ek sal jou die ewige lewe gee in plek van die wet wat veroordeel.

So genade kom deur Jesus Christus.  En ja, daar was gedeeltelike genade in die Ou Testament, maar daar is volle genade in Jesus Christus.  En daar was gedeeltelike waarheid in die Ou Testament, maar daar is volle waarheid in Christus Jesus.

Al wat die wet doen is om vir jou te wys hoe sleg jy is.  Die wet kan jou nie red nie.  Dit wys net vir ons dat ons ‘n sondaar is.  Maar genade en waarheid wat vir ons verlossing bring het in Jesus Christus gekom.

Dan kom ons by v18 wat in die laaste vers is in die inleiding van Johannes se evangelie.

Joh 1:18 Niemand het ooit God gesien nie; die eniggebore Seun wat in die boesem van die Vader is, dié het Hom verklaar.

Die woorde “in die boesem van die Vader” vertel vir ons van die intieme verhouding tussen Christus en Sy Vader.  Jesus wou by die Vader wees.  In Joh 17 kry ons die priesterlike gebed waar Jesus bid en sê,

Joh 17:5 En nou, Vader, verheerlik My by Uself met die heerlikheid wat Ek by U gehad het voordat die wêreld was.

Jesus wou by die Vader wees waar Hy Sy heerlikheid gehad het.  Daardie intieme verhouding wat Hy met die Vader gehad het toe Hy in die boesem van Sy Vader was.  Hierdie woorde “in die boesem” vertel vir ons hoe naby die Vader en Sy Seun is.  Maar kyk na die tyd van v18,

Joh 1:18 ...die eniggebore Seun wat in die boesem van die Vader is...

En dit spreek van die verborgenheid van die drie-eenheid.  Nie dat Jesus in die boesem was en nou nie meer daar is nie.  Hy was altyd daar. 

En in die boesem van Sy Vader het Christus God aan ons verklaar.  Luister!  Die enigste uitrdukking van God wat enige mens ooit sal ken is Jesus Christus.  Jesus Christus is die uitdrukking van God.

Kol 1:15 Hy is die Beeld van die onsienlike God, die Eersgeborene van die hele skepping;

Hy is God aan die mens geopenbaar.  Hy het God aan ons verklaar.   Ons sien in Christus die ver, onbereikbare, onkenbare, onsiggbare, die Almagtige, majestieuse God wat tot die mens uitreik en mens word.  Hy breek binne in ons boks.

En omdat God ‘n mens geword het, is Hy nie meer ‘n vreemdeling nie, is Hy?  As jy Jesus Christus ken, dan is God nie meer vir jou ‘n vreemdeling nie.  God is nie meer ver nie.  Jy kan Hom ken.  Jy kan God vind.  Hy het Homself geopenbaar.  Nou is Hy ons Vader. 

En so sien ons die heerlikheid van Christus wat geopenbaar is aan ons, verwerp is deur die meerderheid, aangeneem is deur sommige, waarvan Johannes die skrywer ‘n getuie is, waarvan Johannes die Doper ‘n getuie is, waarvan ek en jy ‘n getuie is, omdat Sy volheid in ons woon.

Dit is waaroor Christenskap alles gaan.  Christenskap is nie ‘n vorm godsdiens nie.  Dit is nie stelsel nie.  Dit is nie ‘n klomp wette en reëls nie.  Dit is ‘n persoonlike liefdevolle verhouding met Jesus Christus, die Seun van die Lewende God, wat God in ‘n menslike liggaam was, wat gesterf het en weer opgestaan het en vandag en tot in alle ewigheid lewe.