Die vrug van 'n selfregerende lewe

Gen 4:1 “En die mens het sy vrou Eva beken, en sy het swanger geword en Kain gebaar en gesê: Ek het 'n man verkry met die hulp van die HERE.

2 Daarna het sy ook sy broer Abel gebaar. En Abel het 'n skaapherder geword, en Kain 'n landbouer.

3 En ná verloop van tyd het Kain van die vrugte van die land aan die HERE 'n offer gebring.

4 En Abel het ook van die eersgeborenes van sy kleinvee gebring, naamlik van hulle vet. En die HERE het Abel en sy offer genadig aangesien,

5 maar Kain en sy offer nie aangesien nie. Toe word Kain baie kwaad, en hy het sy hoof laat hang.

6 En die HERE sê vir Kain: Waarom is jy kwaad, en waarom laat jy jou hoof hang?

7 Is daar nie verheffing as jy goed doen nie? En as jy nie goed doen nie--die sonde lê en loer voor die deur, en sy begeerte is na jou; maar jy moet daaroor heers.

8 En Kain het met sy broer Abel gepraat; en toe hulle in die veld was, het Kain teen sy broer Abel opgestaan en hom doodgeslaan.

9 Toe sê die HERE vir Kain: Waar is jou broer Abel? En hy antwoord: Ek weet nie. Is ek my broer se wagter?

10 En Hy sê: Wat het jy gedoen? Die stem van die bloed van jou broer roep na My van die aarde af.

11 Daarom sal jy vervloek wees, ver van die grond wat sy mond oopgemaak het om die bloed van jou broer uit jou hand te ontvang.

12 As jy die grond bewerk, sal dit sy vermoë aan jou nie meer gee nie; 'n swerwer en vlugteling sal jy wees op die aarde.

13 Daarop sê Kain vir die HERE: My skuld is te groot om dit te dra.

14 Kyk, U verdryf my nou uit die land uit, en ek moet my verberg vir u aangesig: 'n swerwer en vlugteling sal ek op die aarde wees, en elkeen wat my kry, sal my doodslaan.

15 Maar die HERE sê vir hom: Daarom, as enigeen Kain doodslaan, sal dit sewevoudig gewreek word. En die HERE het 'n teken gegee aan Kain, sodat enigeen wat hom kry, hom nie sou doodslaan nie.

16 Toe gaan Kain weg van die aangesig van die HERE, en hy het gewoon in die land Nod, aan die oostekant van Eden.

TEMA: Die vrug van ‘n self-regerende lewe

Inleiding:

Wanneer ek praat van ‘n self-regerende lewe, dan bedoel ek ‘n lewe van selfsug, jy doen wat reg is in jou oë, jy doen net wat jy wil, jy leef soos jy wil, maak nie saak wat God sê.  Dit is moeilik om dit soms op te merk, maar ons kry dit ook in Christene se lewens.

Die idee van ‘n self-regerende lewe is nie ‘n nuwe idee nie.  Dit kom van die vader van alle leuens.  Die duiwel het gesê: Jes 14:14 Ek wil klim bo die hoogtes van die wolke, my gelykstel met die Allerhoogste!  Maw ek wil my eie lewe regeer.  Eva was verlei: julle soos God sal wees.  Jy sal self-regerend wees.  Jy sal jou eie baas wees.  Daar is niemand bo jou nie.

Ons kry hierdie tema regdeur die geskiedenis van die mensdom.  Bv. in die dae van Noag was die boosheid van die mense groot.  Bose konings van die Noordelike en Suidelike koninkryke van Israel.  Die hoëpriesters wat Jesus gekruisig het. 

Hoekom sou hulle Jesus kruisig as hulle juis ‘n Messias verwag het?  Want hulle sou hul posisie as leiers verloor as Jesus die Messias is.  Hulle wou in beheer wees.  Nie onder ‘n koning staan nie.

Selfs vandag.  Mense se harte is boos.  Dit is daardie ou vlees van rebellie.  Die geveg tussen die vlees en gees.   Die mens wat verval het in sonde en rebellie teen God, word alleenlik weer toegelaat in God se teenwoordigheid deur twee dinge: (1) deur ‘n bloedoffer en (2) deur geloof. 

Jy sien, rebellie kom nie van die Here af nie!  Rebellie kom van die duiwel af.  Rebellie is wanneer jy nie kan onderwerp aan gesag nie, maar jy wil jou eie baas wees.  Niemand moet vir jou sê wat om te doen nie.

Kain se lewe is ‘n goeie voorbeeld van ‘n self-regerende lewe.  Sy self-regerende lewe het hom gelei na selfsugtige aanbidding.  Nadat Adam en Eva gesondig het, het God ‘n dier geslag en vir hulle klere gemaak, sodat hulle hul naaktheid kon bedek en so in die teenwoordigheid van God kon staan.

God wys vir die mens wat is aanvaarbaar in aanbidding.  God wys dit aan Adam.  Adam is in beheer van sy twee seuns, Kain en Abel.  Adam, het sekerlik sy twee seuns vele kere na hierdie plek van offer en aanbidding geneem en hulle gewys wat God aan hom gewys het. 

Maar daar kom ‘n plek waar hulle self moet opstaan en self moet gaan aanbid. Hulle sal eendag onder hulle ouers se vlerk moet uitklim en op hulle eie voor die Here moet gaan staan.

Luister!  Ouers, julle moet nie julle kinders grootmaak om eendag onafhanklik te wees nie, maar om hulle afhanklikheid van julle af moet oorgedra word na God toe.  Ons moet hulle nie leer om soos ‘n vry voëltjie uit die nes te vlieg nie.  Maar hulle moet geleer word om hulle afhanklikheid van jou af oor te dra na afhanklikheid van God toe.

Wanneer Kain na die plek van aanbidding toe gaan, het hy selfsugtigheid in sy hart.  Die offer wat hy bring is nie die beste nie.  God soek net die beste.

Gen 4:3 En ná verloop van tyd het Kain van die vrugte van die land aan die HERE 'n offer gebring.

4 En Abel het ook van die eersgeborenes van sy kleinvee gebring, naamlik van hulle vet. En die HERE het Abel en sy offer genadig aangesien,

In v3 lees ons nie hy bring die beste van die vrugte van sy land nie.  Hy bring net van die vrugte van die land.  Watookal opgekom het, het hy geneem.  Dit was hoe hy ‘n lewe gemaak het.  Hy het geneem watookal hy kon neem, en dit aan die Here geoffer.

Abel, aan die ander kant, het die eersgeborenes van sy kleinvee gebring, naamlik van hulle vet.  Hy het die beste gebring.  Die verskil is, Abel bring die beste wat hy het, en dit wat aanvaarbaar was vir die Here.

Wat aanvaarbaar is vir die Here is, is (1) ‘n bloedoffer, (2) deur geloof.

Ek wil hê u moet dit raaksien dat Kain is ‘n self-regerende persoon, en wil dit sy eie manier doen.  Hy wou God op sy eie manier aanbid.  God sê: bring dit, maar hy bring net wat hy wil bring.  Dit is waarom sy aanbidding nie aanvaarbaar is nie.

God wou nie die vrugte van die lande op die altar gehad het nie.  Al wat aanvaarbaar is, is ‘n bloedoffer deur geloof.  Kain is die sentrum van aanbidding.  Kain sê: Ek doen wat reg is vir my.  Hierdie vorm van aanbidding is vir my.

My bekommernis is dat ons dieselfde selfgesentreerde aanbidding vind in baie kerke.  Hulle gaan aan asof die mens die middelpunt van aanbidding is.  Die idee wat ‘n mens kry is dat ek die belangrikste deel is van aanbidding.  Die musiek is soos wat ek daarvan hou, en soos wat ek dit verkies.  Dit gaan nie oor wat jy verkies nie, maat wat God verkies.

Ef 5:9 Want die vrug van die Gees bestaan in alle goedheid en geregtigheid en waarheid.

10 En beproef wat die Here welbehaaglik is;

Aanbidding is nie vir my nie, aanbidding is vir God.  Dit beteken: ek kom na Hom toe soos wat Hy sê ek na Hom toe moet kom.  Ek aanbid Hom soos wat Hy sê ek Hom moet aanbid.  As jy na Hom toe kom, moet dit wees deur ‘n bloedoffer en deur geloof.  Jy kan nie op jou eie manier kom nie, soos wat jy wil nie.

Abel het nie net die regte offer gebring nie, maar hy het dit op die regte manier gebring en dit is deur geloof.

Heb 11:4 Deur die geloof het Abel 'n beter offer aan God gebring as Kain, waardeur hy getuienis ontvang het dat hy regverdig was, omdat God oor sy gawes getuienis gegee het; en deur dieselfde geloof spreek hy nog nadat hy dood is.

Daar is geen ander manier om te offer, behalwe die bloedoffer en deur geloof nie.

In die Ou Testament het die bloedoffer die wraak van God oor sonde uitgestel.  Versoening vir sonde kan alleenlik deur die bloedoffer van Jesus plaasvind, nie deur die bloed van skape of bokke nie.  Hierdie offer in die Ou Testament het God se toorn net uitgestel. 

Keer op keer, elke keer as daar ‘n skaap of ‘n ram geoffer is, is die toorn uitgestel.  Dit is uitgestel todat Jesus gekom het en die finale prys vir sonde kom betaal het.  Daarom beveel God ‘n bloedoffer om sodoende sy oordeel uit te stel.

Kain het nie sy beste gebring nie.  Dit was nie wat God wou gehad het nie en dit was nie aanvaarbaar vir God nie.

Gen 4:4b …En die HERE het Abel en sy offer genadig aangesien,

5a maar Kain en sy offer nie aangesien nie. Toe word Kain baie kwaad, en hy het sy hoof laat hang.

Die woord “nie aangesien nie” in v5, is die woord “shaw-aw”, wat beteken om te inspekteur, of om dit te oorweeg.  God het daarna gekyk, dit geinspekteur, dit geevalueer en getoets.    God kyk na drie dinge: (1) Wat word geoffer? (2) Hoe word dit geoffer? (3) Die hart van die aanbidder.

Kain se selfsugtigheid in sy aanbidding het oor homself gegaan.  Dit is wat hy wou gee.  Dit is nie wat God wou hê nie.

Gen 4:5 maar (die Here het) Kain en sy offer nie aangesien nie.

God het nie net Kain se offer nie aanvaar nie, maar ook nie Kain self aanvaar nie.  Die Here het Kain en sy offer nie aangesien nie.  Kain het nie in geloof gekom nie, nie ‘n bloedoffer gebring nie, nie sy beste nie.  Hy het gebring wat hy wou.

Jy moet God se manier kom.  God het die weg aangewys hoe jy moet kom.   God het die weg aangewys wat vir Hom aanvaarbaar is.  Dit is wat Hy van die mens verwag, en jy moet dit so aanvaar.

Gen 4:6 En die HERE sê vir Kain: Waarom is jy kwaad, en waarom laat jy jou hoof hang?

7 Is daar nie verheffing as jy goed doen nie? En as jy nie goed doen nie--die sonde lê en loer voor die deur, en sy begeerte is na jou; maar jy moet daaroor heers.

God gee Kain nog ‘n kans.  God sê: kom na my toe, bring my wat ek van jou verlang dan sal dit goed gaan.  Is daar nie verheffing as jy goed doen nie?  As jy goed doen, sal jy nie aanvaar word nie?  Maar Kain verkies om nie aan God gehoor te gee nie.  Hy weier om te onderwerp aan die heerskappy van God.  Hy weier om die genade van God te aanvaar.

Hy het die genade van God geweier, as gevolg van sy self-regerende hart wat alles wil verdien wat hy wil hê.  As jy dink dat jy in jou lewe, iets by God kan verdien, misluk jy om aan die genade van God oor te gee.  Jy verwerp die genade van God, sodat jy deur jou werke probeer om jou saligheid te kan verdien.  Jy ignoreer die genade van God.

Wat gebeur as jy genade van God verwerp?  Ons sien die verpersoonliking van sonde.  Dit is sonde as ‘n persoon.  Sonde word iets wat by jou deur lê en loer, en soos ‘n slang gereed is om jou in die enkels te pik.

Gen 4:7 …En as jy nie goed doen nie--die sonde lê en loer voor die deur, en sy begeerte is na jou; maar jy moet daaroor heers.

Wat is hierdie sonde se begeerte? …selfsugtigheid en self-regering.  As jy nie doen soos wat God beveel nie, sal hierdie self-regerende demoon, by die deur lê en wag om op jou te spring en oor jou te heers.  Maar jy moet oor hom heers.  Ongelukkig is daar geen antwoord of reaksie van Kain af nie.

Gen 4:8 En Kain het met sy broer Abel gepraat; en toe hulle in die veld was, het Kain teen sy broer Abel opgestaan en hom doodgeslaan.

Dit is wat gebeur as sonde oor jou heers.  Kain het die tweede moordenaar geword.  Satan was die eerste.

1 Joh 3:11 Want dit is die boodskap wat julle van die begin af gehoor het, dat ons mekaar moet liefhê;

12 nie soos Kain wat uit die Bose was en sy broer doodgeslaan het nie. En waarom het hy hom doodgeslaan? Omdat sy werke boos was en dié van sy broer regverdig.

Hy het ‘n moordenaar geword net soos sy vader.

Joh 8:44 Julle het die duiwel as vader, en die begeertes van julle vader wil julle doen. Hy was 'n mensemoordenaar van die begin af en staan nie in die waarheid nie, omdat daar in hom geen waarheid is nie. Wanneer hy leuentaal praat, praat hy uit sy eie, omdat hy 'n leuenaar is en die vader daarvan.

Die duiwel het Adam en Eva geestelik vermoor.  En nou het sy bergeerte oor Kain gekom.  Want Kain wou sy eie lewe regeer sonder God. 

Luister! Hier is die kriks van alles:  Dit is onmoontlik om jouself te regeer. 

As jy jouself wil regeer, raai wie gaan oor jou regeer.  Die duiwel.  Jy dien die een of die ander een.  Jy dien Here Jesus Christus of jy dien jouself en die duiwel.  Daarom as jy jouself nie verloën en jou kruis opneem en Hom volg nie, kan jy nie sy dissipel wees nie.

Dit is ‘n wonder hoe ver sonde mense kan vat.  Daar was nie ‘n skool wat Kain geleer het om ‘n moordenaar te wees nie.  Daar was nie ‘n gemeenskap om hom wat hom so gemaak het nie.  Sy ma en pa het hom ook beslis nie so opgevoed nie.  Hy het ‘n goeie werk gehad, genoeg om van te eet.  Hy het nie gesteel nie.  Die rede waarom dit so ver gegaan het, was omdat hy gedink het hy kon sy eie lewe regeer.

Hoe ver kan sonde jou vat?  Jy sal verbaas wees hoe ver sonde jou sal vat.  Dit is verbasend hoe ‘n man alkohol bo sy vrou en kinders sal begeer.  Wat hy nie alles sal doen sonder om vir enige oomblik aan sy kinder en vrou te dink nie. 

Kain word die tweede moordenaar. Kain word ook die twee leuenaar.

Gen 4:9 Toe sê die HERE vir Kain: Waar is jou broer Abel? En hy antwoord: Ek weet nie. Is ek my broer se wagter?

Jy kan die boosheid in sy stem hoor.  “…Ek weet nie.  Is ek my broer se wagter?”

Die laaste ding wat jy moet raaksien is dat God gee hom die begeertes van sy hart.  Hy wou dinge op sy manier gedoen het.  Hy wou die middelpunt wees van aanbidding.  Hy wou oor homself regeer het.  Onder dit alles was ‘n self-geregeerde lewe, en God het hom die begeerte van sy hart gegee.

Gen 4:10 En Hy sê: Wat het jy gedoen? Die stem van die bloed van jou broer roep na My van die aarde af.

11 Daarom sal jy vervloek wees, ver van die grond wat sy mond oopgemaak het om die bloed van jou broer uit jou hand te ontvang.

12 As jy die grond bewerk, sal dit sy vermoë aan jou nie meer gee nie; 'n swerwer en vlugteling sal jy wees op die aarde.

13 Daarop sê Kain vir die HERE: My skuld is te groot om dit te dra.

14 Kyk, U verdryf my nou uit die land uit, en ek moet my verberg vir u aangesig: 'n swerwer en vlugteling sal ek op die aarde wees, en elkeen wat my kry, sal my doodslaan.

Hy wou verlate gewees het.  Hy wou in beheer wees.  God sê, ok.  Wees in beheer van jou lewe.  Wees die koning van jou eie lewe.  Jy lewe jou eie lewe.  Maar daar sal nie twee konings in die teenwoordigheid van God wees nie.  As jy jou eie here wil wees, is dit reg, maar jy sal nie in my teenwoordigheid staan nie. 

God laat geen mens langs Hom staan as mede-skepper nie.  Hy is die Here van alles.  Hy is die Koning van alles.  Jy wil god wees, soos jou vader, die duiwel.  Jy wil jouself bo God stel.  Gaan wees jou eie god, maar jy sal nie by my wees nie.  En God gee Kain wat hy begeer.

Gen 4:14 Kyk, U verdryf my nou uit die land uit, en ek moet my verberg vir u aangesig: 'n swerwer en vlugteling sal ek op die aarde wees, en elkeen wat my kry, sal my doodslaan.

…van u aangesig moet ek verberg word…

Die ergste ding in die hel is nie vlamme en geween nie, maar die ergste ding is om nooit die aangesig God te sien nie.

Gen 4:16 Toe gaan Kain weg van die aangesig van die HERE, en hy het gewoon in die land Nod, aan die oostekant van Eden.

Letterlik beteken dit dat hy het van die teenwoordigheid van God gevlug.

Op 6:15 en die konings van die aarde en die grotes en die rykes en die owerstes oor duisend en die magtiges en al die slawe en al die vrymense het hulle weggesteek in die spelonke en in die rotse van die berge,

16 en vir die berge en die rotse gesê: Val op ons en verberg ons vir die aangesig van Hom wat op die troon sit, en vir die toorn van die Lam;

Wanneer God Homself openbaar in Sy oordeel en Een wat wraak neem, dan vlug mense weg van die aangesig van God af.

V16 sê Kain het na die land van Nod gegaan, die land van Nod is nie dorp nie, maar ‘n land van swerweling.  Hy het nooit ‘n huis gehad nie.  Hy het van plek tot plek soos ‘n boemelaar rondgeswerf.  Hy het sy lewe gevrees want almal wil hom doodmaak.  Hy het geen rus vir sy siel gevind nie.

Kain was ook die vader van afgodediens.

Rom 1:21 omdat hulle, alhoewel hulle God geken het, Hom nie as God verheerlik of gedank het nie; maar hulle het dwaas geword in hul oorlegginge, en hul onverstandige hart is verduister.

22 Terwyl hulle voorgee dat hulle wys is, het hulle dwaas geword

23 en die heerlikheid van die onverganklike God verander in die gelykvormigheid van die beeld van 'n verganklike mens en van voëls en viervoetige en kruipende diere.

24 Daarom het God hulle ook in die begeerlikhede van hulle harte oorgegee aan onreinheid, om hulle liggame onder mekaar te onteer

25 hulle wat die waarheid van God verruil het vir die leuen en die skepsel vereer en gedien het bo die Skepper wat geprys moet word tot in ewigheid. Amen.

Wie is die skepsel?  Die skepsel is ons.  Hulle aanbid eerder die skepsel bo die Skepper.

Waarom moet ek myself kruisig?  Waarom moet ek die self verloën?  Waarom moet ek nie meer leef nie, maar Christus in my?  Want dit is die stryd tussen jou vlees en jou gees.  Die vlees, wat homself wil regeer, teenoor die gees.

Daarom soek God aanbidders wat Hom in gees en waarheid aanbid.  God wil nie vleeslike aanbidding nie, maar geestelike aanbidding.  ‘n Self-regerende lewe is die teenoorgestelde van ‘n geesvervulde lewe.  ‘n Self-regerende lewe is ‘n lewe wat later beheer word deur die mense moordenaar.  ‘n Self-regerende lewe is ‘n lewe sonder God.  Weg van die aangesig van God.

‘n Geesvervulde lewe

Ef 5:18  Moenie dronk word van wyn nie—daarin is losbandigheid; maar word met die Gees vervul.

Ons het laas week begin om te kyk na Ef 5:18 waar Paulus ‘n opdrag gee en sê, “word met die Gees vervul”.  Nou om net weer op te som het ons gesê dat die lewe van God in die gelowige is die enigste ding wat ‘n godvrugtige lewe kan produseer.  Jy is dwaas as jy dink jy kan dit met jou vlees regkry.

Ons het gesê dat om vervul te word met die Heilige Gees is nie ‘n gebeurtenis waarin jy in een oomblik ge-zap word of een of ander ekstase of belewenis kry nie.  Vervul met die Heilige Gees beteken ook nie om nou in een of ander vreemde taal te praat nie.

Word vervul met die Heilige Gees is ‘n konstante aanhoudende proses.  Die passiewe vorm van die woord sê ook vir ons dit is ‘n soewereine werk van God.  Ons moet ons seile span sodat die Heilige Gees ons seile kan vul en ons vorentoe stuur.

Maw ek moet elke dag God se Gees toelaat dat Hy my kan lei en leer.  Dit beteken om die Heilige Gees toe te laat om elke aspek van my lewe te vul.  ‘n Mens sou kon sê, dit is nie ek wat meer van die Here kry nie, maar dit is Hy wat meer van my in die hande kry.

Ons het ook laas week gesê dat die doping met die Heilige Gees en die inwoning van die Heilige Gees vind plaas by wedergeboorte, en is nie dieselfde as die vervulling met die Heilige Gees nie.  Dit is ‘n opdrag waarin my lewe onder Sy beheer is.

Die Griekse woord is “plerousthe”, “be ye being fulfilled”, “wees om vervul te wees” en die volgende gedagte waarna ons vanoggend wil kyk is die idee van “om deur te werk”.  ‘n Goeie voorbeeld is sout.  Sout is ‘n preserveer middel.  As jy genoeg sout in iets deurwerk dan sal dit preserveer.

Sout geur ook jou kos.  Dit gee smaak.  Jy werk dit deur jou kos, sodat dit lekker gegeur is.  En dit is die gedagte ook met “plerousthe”.  Dat die Gees van God jou lewe geur en smaak gee, sodat jy soos die Heilige Gees kan proe.  En wanneer iemand langs jou kom staan dan kan hulle die geur van die lewe van God in jou lewe proe. 

Jou lewe reflekteer Jesus Christus.  Mense kan Christus in jou lewe sien en beleef.  Dit is wat dit beteken.  Om met die Heilige Gees vervul te wees beteken om met die Heilige Gees deurgewerk te wees.  Maw jou lewe word deur Hom totaal en al beheer.  Dit is die gedagte.

Kom ek gee nog illustrasies.  Wanneer die skrywer van die evangelie sy emosies wil uitdruk en dat hierdie emosies hom totaal en al beheer, dan het hy hierdie woord “pleroo” gebruik.  Kyk na Johannes.

Joh 16:6 Maar omdat Ek dit vir julle gesê het, het droefheid julle hart vervul.

Maw die emosie van droefheid het oorgeneem en hulle totaal en al beheer.

Luk 5:26 En verbasing het almal aangegryp, en hulle het God verheerlik en is met vrees vervul en het gesê: Ons het vandag ongelooflike dinge gesien.

Vrees het oorgeneem.  Vrees het gedomineer.

Luk 6:11 En hulle is met uitsinnigheid vervul en het met mekaar gepraat wat hulle aan Jesus sou doen.

Die engels sê, “they were filled with madness”.  In Hand 6:5 kry ons ook “pleroo”, “’n man vol van geloof”.  En hier is nog ‘n illustrasie om ons te help.

Neem die konsep van hartseer.  Aan die eenkant het ons hartseer en aan die ander kant het ons blydskap.  Ons so gaan deur die lewe en dan beleef of soms hartseer en ander tye is ons gelukkig en bly.  En so is daar in die lewe ‘n sekere balans.  As ons hartseer is, dan doen ons dinge om ons weer gelukkig te maak. 

Maar so af en toe is daai balans heeltemal weg.  ‘n Geliefde sterf en die hartseer is oorweldigend.  Niks wat niemand sê of doen maak dat dit weg gaan nie.  En dit is wanneer iemand vervul is met hartseer.  Hartseer domineer jou lewe op daardie stadium.

Dit is wat hierdie woord “pleroo” beteken.  “om gedomineer te word, om deurgewerk te word”.

Dit is hoe ‘n Christen se lewe is.  Aan die eenkant is self en aan die ander kant is die Heilige Gees.  Ons sê dinge uit onsself en dan sê ons dinge uit die Heilige Gees.  Ons doen dinge uit onsself en dan doen ons dinge deur die Heilige Gees.  ‘n Bietjie hier, ‘n bietjie daar.  Maar wanneer ons so naby aan die Here kom dat ons vervul word met die Heilige Gees en dat Hy ons totaal en al beheer. 

En dit is wat Paulus sê.  Hy gee die opdrag dat ons elke oomblik van elke dag vervul moet word met die Heilige Gees. “Be ye being fulfilled”. “Wees om vervul te wees”.  Word met die Heilige Gees deurgewerk, sodat die geur van Christus in jou gesien kan word.  Word deur die Heilige Gees beheer.

Matt 4:1 Toe is Jesus deur die Gees weggelei die woestyn in om versoek te word deur die duiwel.

Hier sien ons word Jesus deur die Gees weggelei.

Luk 4:1 En Jesus het vol van die Heilige Gees teruggekeer van die Jordaan af, en is deur die Gees in die woestyn gelei,

Wat was die kondisie waardeur die Gees Hom gelei het?  Hy was? Vol van die Heilige Gees.  Sien jy wat beteken dit om vervul te wees met die Heilige Gees?  Dit beteken om deur die Gees gelei te word.  Om deur die Gees beheer te word.

Mar 1:12 En dadelik het die Gees Hom uitgedryf in die woestyn.

Hier gebruik Markus die woord “uitgedryf”.  En dit is ‘n baie sterk woord.  Die Heilige Gees het Jesus in die woestyn in gedryf.  Maw Jesus was onder die beheer van die Heilige Gees.  Die Gees het Hom letterlik gedryf waar Hy wou hê Jesus moes wees.

Dit is wat dit beteken om met die Heilige Gees vervul te wees.  Om deur die Gees gedryf te word.  Om deur die Gees beweeg te word.  Om deur die Gees deurgewerk te word.  Om deur die Gees beheer te word.  En as jy nie so lewe nie, dat bedroef jy die Heilige Gees.  Jy blus Sy werke in jou lewe.

Het jy geweet, wanneer die Here ‘n werk het wat gedoen moet word, dan gebruik Hy altyd iemand wat vol van die Heilige Gees is.

Hand 6:5 En die woord het byval gevind by die hele menigte; en hulle het gekies: Stéfanus, ‘n man vol van geloof en van die Heilige Gees...

Wat was die vereistes om die werk te doen?  Hulle kies hom want hy was vol van geloof en vol van die Heilige Gees.  Maar wat het met Stefanus geword daarna?  In hoofstuk 7 lees ons dat hulle het hom gestenig en dood gemaak, maar hoor wat sê v55,

Hand 7:55 Maar hy was vol van die Heilige Gees en het die oë na die hemel gehou en die heerlikheid van God gesien en Jesus wat staan aan die regterhand van God.

Kom ek vertel jou, wanneer jy vervul is met die Gees, dan maak die aardse dinge en die wêreld nie saak meernie.  Jy kry ‘n hemelse perspektief.  Solank God verheerlik word.  Dit is al wat saakmaak.  Hoe kyk ‘n mens op en sien die heerlikheid van God, terwyl hulle jou wil stenig?  Hoe kry ‘n mens dit reg?  Wanneer jy Gees vervuld is.

Wanneer God iemand soek vir ‘n werk dat kies Hy ‘n Geesvervulde peroon, want as die persoon dalk op die ou einde gestenig sou word en hy nie Geesvervuld was nie, sou hy dit nie kon hanteer nie.

Later in Hand 9 het God ‘n man nodig gehad, ‘n man met die naam van Saulus.  En hy was ‘n harde ou.  Hy het die kerk vervolg, maar die Here het hom in die hande gekry.  En een van die basiese vereistes vir hom lees ons in vers 17,

Hand 9:17 En Ananías het gegaan en in die huis gekom en hom die hande opgelê en gesê: Saul, broeder, die Here het my gestuur, naamlik Jesus wat aan jou verskyn het op die pad waarmee jy gekom het, sodat jy weer kan sien en met die Heilige Gees vervul word.

Voordat Saulus sy werk kon begin, wat moes gebeur?  Hy moet met die Heilige Gees vervul word.  Hoekom?  Want anders gaan jy dit in die vlees probeer doen.  Maw ek moet minder word, Hy moet meer word.  Ek moet beheer aan Hom oorgee.

Ons kry ook verder in hoofstuk 11 vers 22 waar die Here ‘n man met die naam van Barnabas wou gebruik.  Die Here wil hê hy moet vir Paulus gaan help.

Hand 11:22 En die berig hiervan het die gemeente wat in Jerusalem was, ter ore gekom en hulle het Bárnabas afgestuur om die land deur te gaan tot by Antiochíë.

Maar hoekom vir Barnabas?

Hand 11:24 want hy was ‘n goeie man en vol van die Heilige Gees en geloof...

Dit is wat God vereis.  Later in hoofstuk 13 lees ons in vers 9,

Hand 13:9 Maar Saulus, dit is Paulus, vervul met die Heilige Gees...

Dit is ‘n hele rukkie later en hy is nog vervul met die Heilige Gees.  En dan kry ons verse 52,

Hand 13:52 En die dissipels is vervul met blydskap en met die Heilige Gees.

Hand 14:1 En op dieselfde wyse het hulle in Ikónium in die sinagoge van die Jode ingegaan en so gespreek dat ‘n groot menigte Jode sowel as Grieke gelowig geword het.

Jy sien!  Wanneer God iemand wil gebruik om iets te doen, dan soek Hy iemand, wat? Vervul is met die Heilige Gees.  En dit is die standaard wat God stel vir Sy kinders.  Word vervul met die Heilige Gees!

So kom ons vra die volgende vraag: hoe word ek vervul met die Heilige Gees?  As dit die standaard is wat God vir elke gelowige het en as dit ‘n opdrag is vir ons, hoe word ek dan vervul? 

Nou ons weet sommige kerke gee ‘n uitnodiging en sê kom ons bid en vra die Here dat Hy jou sal vervul met die Heilige Gees.  Is dit reg?  Nee.  Dit is nie iets waarvoor jy bid of vra nie.  Luister mooi!  Dit is ‘n opdrag.

As God vir jou ‘n opdrag gee dan vra jy nie nog daarvoor nie.  Hy sê, word vervul met die Heilige Gees.  So wat moet ek doen?  Jy moet jouself verloën.  Jy moet minder word.  Jy moet jou wil oorgee, jou intellek, jou liggaam, jou tyd, jou talente, jy moet alles onder Sy beheer plaas.  Dit is die dood van die self, die self wat gekruisig word, sodat Hy daardie leemtes kan vul.

Wat gebeur as jy vervul word met die Heilige Gees?  Kom ons lees.

Ef 5:18 Moenie dronk word van wyn nie—daarin is losbandigheid; maar word met die Gees vervul.

19 Spreek onder mekaar met psalms en lofsange en geestelike liedere; en sing en psalmsing in julle hart tot eer van die Here,

V20 sê jy is dankbaar vir alles. V21 sê, julle is onderdanig aan mekaar.  V22 sê, Geesvervulde vrouens is aan hulle mans onderdanig. V25 sê, Geesvervulde mans het hulle vroue lief.  Hoofstuk 6 vers 1 sê, Geesvervulde kinders is aan hulle ouers gehoorsaam.  V4 sê, Geesvervulde vaders maak nie hulle kinders vertoorn nie.  V5 sê, Geesvervulde dienskengte is gehoorsaam.   V9 sê, Geesvervulde here behandel hulle diensknegte op die regte manier.

Is dit nie ongelooflik nie?  Let op!  Nie een keer sê dit dat ‘n Geesvervulde lewe produseer ‘n een of ander ekstatiese ervaring of lekker gevoel nie.  Niemand word ge-zap en gaan in een of ander trans nie.  Niemand val agteroor nie.  Nee! 

Dis eenvoudig.  Alle verhoudinge herstel, jou verhouding met God, want jy sing en aanbid Hom.  Jou verhouding met ander kom reg, want julle is onderdanig aan mekaar.  Jou verhouding met jou man of vrou kom reg.  Met jou kinders.  Om vervul te wees met die Heilige Gees is ‘n eenvoudige praktiese ding. 

Kol 3:16 Laat die woord van Christus ryklik in julle woon in alle wysheid. Leer en vermaan mekaar met psalms en lofsange en geestelike liedere, en sing in julle hart met dankbaarheid tot eer van die Here.

Dit klink net soos Ef 5 v 19, “psalms en lofsange en geestelike liedere.

Kol 3:17 En wat julle ook al doen in woord of in daad, doen alles in die Naam van die Here Jesus en dank God die Vader deur Hom.

(slide van ef 5)

Dankbaarheid.  Dan kry ons dieselfde. V18 vroue wees aan die mans onderdanig. V19 manne moet vroue liefhê.  V20 kinders moet ouers gehoorsaam. V21 vaders moenie kinders terg dat hulle moedeloos word nie. V22 diensknegte moet hul here gehoorsaam. 4 vers 1 die here moet hul diensknegte regverdig behandel.  Presies dieselfde soos Efesiërs 5.

Nou ons weet hoe is dit moontlik.  Hoe word dit in jou geproduseer?  Word vervul met die Gees.  V16 sê dit wel anders.

Kol 3:16 Laat die woord van Christus ryklik in julle woon in alle wysheid...

Om vervul te wees met die Heilige Gees is presies dieselfde as wanneer die woord van Christus ryklik in jou woon in alle wysheid.  Dit moet dieselfde ding wees want dit bring dieselfde resultate voort.  Die vervulling met die Heilige Gees is nie een of ander mistiese ervaring nie.

Die vervulling met die Heilige Gees is om die Woord wat Christus te vat en in jou te laat woon.  Dit gaan nie help om net in ‘n hoek te gaan sit en pleit by God om jou vul nie.  As jy met die Gees vervul wil word moet jy jouself voed met die Woord van Christus.

En soos jy met die Woord gevoed word en gevul word met die Woord en dit ryklik in jou begin woon sal jy agter kom dat jy onder Sy beheer kom.

Charles Spurgeon het gesê, "Your blood will become Biblean."  Dit is ‘n eenvoudige praktiese ding.  ‘n Geesvervulde lewe is wanneer God se Woord jou lewe domineer.  

Word vervul met die Heilige Gees!

Teksgedeelte: Ef 5:18

Ef 5:18 Moenie dronk word van wyn nie—daarin is losbandigheid; maar word met die Gees vervul.

19 Spreek onder mekaar met psalms en lofsange en geestelike liedere; en sing en psalmsing in julle hart tot eer van die Here,

Word vervul met die Heilige Gees!  Dit is die sleutel tot die Christen lewe.  Jy kan nie nederig wees of in eenheid wandel of anders as die wêreld lewe of in die lig wandel of in liefde wandel, of in wysheid wandel, as jy nie vervul is met die Heilige Gees nie.

Die lewe van God in die gelowige is die enigste ding wat hierdie soort lewe kan produseer.  As dit nie so was nie kon ongelowige mense ook al hierdie dinge doen.  As jy nie Ef 5:18 gehoorsaam nie, is jy die grootste dwaas.

Ef 5:15 Pas dan op dat julle nougeset wandel, nie as onwyse nie, maar as wyse.

Die grootste dwaas of onwyse persoon sou iemand wees wat probeer om al hierdie dinge wat ek genoem het en probeer om die wil van God te vervul in sy vlees.  ‘n Christen moet dit alles doen in die krag van die Heilige Gees.

Wat beteken dit dan om met die Heilige Gees vervul te wees?  Baie mense is verward hieroor.  Sommige mense dink dit beteken dat jy met een of ander goddelike krag ge-zap is.  Sommige mense dink dit is wat gebeur wanneer jy in vreemde tale praat. 

So daar is die wat gezap is en ander wat nie-gezap is nie.  Die wat hierdie ekstatiese ervaring beleef het en ander wat nie dit beleef het nie.  Op die ou einde van die dag maak dit nie saak wat mense sê en wat elkeen se opinie daaroor is nie.  Ons moet hoor wat God se Woord sê rondom hierdie belangrike waarheid.

V18 sê “Word vervul met die Heilige Gees!”.  Dit is belangrik dat ons sal sien, dit is ‘n opdrag.  Paulus sê, moenie dronk word van wyn nie, want daarin is losbandigheid.  Die Griekse woord is “asotia” wat letterlik beteken “profligacy”, “Recklessly wasteful; wildly extravagant”.  Dit is waarheen dronkenskap lei.

In kontras daarmee is “om met die Gees vervul te word”.  En hoekom sou Paulus hierdie twee dinge teenoor mekaar stel.  Want daar was ‘n sekere metode in die heidense godsdienste waarin dronk word gebruik was om sodoende met gode en engele te kan kommunikeer.  So dit het nie primer gegaan oor net dronk word en dat dit ‘n kenmerk is van sondaars nie.  Dit gaan hier om die ‘n godsdienstige gebruik van die heidense godsdienste.

Heidene het dronk geword met die doel om op ‘n hoër geestekelike vlak te beweeg en met die gode te kan kommunikeer.  Maar Paulus stel ‘n groot kontras deur te sê, as jy met God gemeenskap wil hê, as jy met God wil kommunikeer, doen jy dit deur aanbidding, en die sing van psalms en lofsange en geestelike liedere.

Dit kom nie deur dronkenskap nie, maar dit kom deur ‘n Gees vervulde lewe en dit is heeltemaal anders as wat die heidene gedoen het.  Paulus stel dit duidelik dat ons vind ons vreugde en ons vind gemeenskap met God en die basis van ons aanbidding, die motivering van ons geestelike lewe deur om met die Heilige Gees vervul te wees.

Ons ware aanbidding en gemeenskap met God kom deur die krag van die Heilige Gees en nie deur ekstatiese ervarings en dronkenskap nie.  Dit lei egter tot losbandigheid.

Luk 1:15 want hy sal groot wees voor die Here. En wyn en sterk drank sal hy nooit drink nie, en hy sal vervul word met die Heilige Gees reeds van die skoot van sy moeder af.

Wat is die kontras wat hier gestel word.  Johannes die Doper sal groot wees voor die Here.  Hier is een van die dinge waaraan hy gekenmerk sal word, “wyn en sterk drank sal hy nooit drink nie.”  Maar hy sal vervul word met die Heilige Gees.  Interresant.

Kyk na Hand 2, weer dieselfde kontas, op Pinksterdag.

Hand 2:4 En hulle is almal vervul met die Heilige Gees en het begin spreek in ander tale, soos die Gees aan hulle gegee het om uit te spreek.

Dan lees ons verder hoe die Joodse manne wat van verskillende nasies bymekaar gekom het om hierdie Joodse fees te vier, saamgedrom het toe hulle die geluid gehoor het, en hulle het gehoor hoe die dissipels in hulle eie taal waarin hulle gebore is, gespreek het.  Dit was verstaanbare tale.

Hulle het gehoor hoe hulle in hul eie taal waarin hulle gebore is, gespreek het oor die groot dade van God.  Maar daar was ander wat nie verstaan het nie en hulle het gesê, in v12

Hand 2:13 Maar ander het gespot (dit was die ouens wat nie een van hierdie 15 tale wat genoem word in Hand 2 gepraat het nie – hulle het gespot) en gesê: Hulle is vol soetwyn.

Wat sê hulle? Hierdie is net nog een of ander heidense godsdienstige aktiwiteit.  Hulle het gesien wat gebeur het en vir ‘n Jood was dit ‘n onsmaaklike ding gewees.  Die heidene wil deur hulle dronk word aanbidding beoefen, en nou sê hulle dat hierdie klomp Jode het laag neergedaal en ‘n soort van heidense aanbiddings gebruik wat bespotlik is aangeneem.

Maar wat sê Petrus? V15

Hand 2:15 Hierdie mense is tog nie dronk soos julle dink nie...

Hierdie oues is nie dronk nie.  Hulle is met die Gees vervul.  So hierdie kontras tussen die dronkenskap van heidense godsdienste en vervulling met die Gees kry ons ‘n paar keer.

Paulus sê, “word vervul met die Heilige Gees!”  Dit is ‘n opdrag.  Dit is ‘n imperatief.  Elke gelowige moet vervul word met die Heilige Gees.  Dit is nie ‘n opsie nie.  Dit is nie ‘n voorstelling nie.  God stel nie dinge voor nie.  God gee opdragte. 

En dit is jammer dat soveel Christene vandag nie weet wat dit beteken om met die Heilige Gees vervul te wees nie.  Verkeerde idees en valse konsepte veroorsaak dat daar twee groepe ontstaan, die wat vervul is en die wat nie vervul is nie.  Die wat dit het en die wat dit nie het nie. 

Die Here sê nie, as jy meer toegewyd wil wees of nie.  Dit is nie optioneel nie, maar dit is ‘n opdrag.  Jy kan nie ‘n Christen wees en dan besluit of jy wil of nie wil vervul word met die Heilige Gees nie.  Dit is ‘n opdrag aan elke gelowige.  Enigiets minder as dit is ongehoorsaamheid.

Kom ons kyk dan spesifiek na wat dit beteken om vervul te word met die Heilige Gees.  Hier is eers ‘n paar basiese waarhede:

Eerstens, elke gelowige besit die Heilige Gees in al Sy volheid.  Elke gelowige het die Heilige Gees.  Jy kan nie ‘n Christen wees en nie die Heilige Gees hê nie.  Die oomblik toe jy gered is, het jy die Heilige Gees ontvang.  Jy sien, dit is die Heilige Gees wat in jou kom en jou geestelik lewend maak.  Jy kan nie wedergeboorte ontvang sonder die Heilige Gees nie.

Die Heilige Gees kom woon binne in jou die oomblik wat jy ‘n kind van God word.  Maw daar bestaan nie so iets soos ‘n Christen sonder die Gees van God nie.

Rom 8:9 julle is egter nie in die vlees nie, maar in die Gees, as naamlik die Gees van God in julle woon. Maar as iemand die Gees van Christus nie het nie, dié behoort nie aan Hom nie.

Meeste van die tyd wanneer die woord “vlees” in die Bybel kry, dan verwys dit na ongeredde mense.  En in Rom 8 kry ons ‘n goeie inllustrasie.

Rom 8:7 omdat wat die vlees bedink, vyandskap teen God is; want dit onderwerp hom nie aan die wet van God nie, want dit kan ook nie.

8 En die wat in die vlees is, kan God nie behaag nie;

So hier verwys die vlees na die ongeredde.  Daar kan Christene wees wat in die vlees wandel, maar die vlees is meeste van die tyd kenmerkend van ongelowige mense.  Hulle is in vyandskap met God.  Hulle kan nie aan die wet van God onderwerp nie.  Hulle kan nie God behaag nie.

Dan sê vers 9, “julle is egter nie in die vlees nie, maar in die Gees.”  As jy ‘n Christen is, is jy in die Gees, nie in die vlees nie.  Naamlik as die Gees van God in julle woon.  Maw as jy ‘n Christen is, is jy in die Gees, want die Gees van God woon in jou.  En dan die einde van die vers, “Maar as iemand die Gees van Christus nie het nie, dié behoort nie aan Hom nie.”

Sien jy dit?  As jy nie die Gees het nie, is jy nie gered nie.  Jy behoort nie aan Christus nie.  Maar as jy die Gees van God het, behoort jy aan Hom.  So elke kind van God het die Heilige Gees wat in hom woon.  Jy besit nie dele of gedeeltes van Hom nie.  Hy woon in Sy volheid in elke gelowige.

1 Kor 12:13 Want ons is almal ook deur een Gees gedoop tot een liggaam, of ons Jode of Grieke is, slawe of vrymanne; en ons is almal van een Gees deurdronge.

Elke gelowige is deur die Gees gedoop tot die liggaam van Christus.  En kan ek dit baie duidelik stel dat die doping met die Heilige Gees is nie ‘n ervaring nie.  Dit is nie iets wat jy voel nie, of iets wat fisies met jou gebeur nie.

Die doping met die Heilige Gees is die gebeurtenis waar jy in die liggaam van Christus in geplaas word.  Dit is gebeurtenis waar Jesus Christus, die Doper, deur middel van die Gees jou in die liggaam plaas.  En die oomblik wat jy gered word, word jy in die liggaam van Christus geplaas.  Dan sê die vers aan die einde, “ons is almal van een Gees deurdronge”. 

Hoe kan jy as gelowige deurdronge wees van die Heilige Gees as jy Hom nog nie ontvang het nie.  Elke gelowige besit die Heilige Gees.

1 Kor 6:19 Of weet julle nie dat julle liggaam ‘n tempel is van die Heilige Gees wat in julle is, wat julle van God het, en dat julle nie aan julself behoort nie?

En Paulus skryf hierdie aan ‘n klomp Christene wat in sonde leef.  Hy sê nie vir hulle, luister, as julle net nog die Heilige Gees kan kry, dan sal julle ophou met wat julle doen nie.  Nee, hy sê hier, julle beter ophou met wat julle doen, want besef julle nie dat die Heilige Gees in julle woon nie? 

Joh 7:37 En op die laaste dag, die groot dag van die fees, het Jesus gestaan en uitgeroep en gesê: As iemand dors het, laat hom na My toe kom en drink!

38 Hy wat in My glo, soos die Skrif sê: strome van lewende water sal uit sy binneste vloei.

Volgens hierdie gedeelte, wie ontvang die strome van lewende water?  “Hy wat in My glo”.  Enigiemand wat kom, wat dors het.  Hy wat kom en drink, hy wat glo in Jesus Christus. 

Nou wat is die strome van lewende water?

Joh 7:39 En dit het Hy gesê van die Gees wat dié sou ontvang wat in Hom glo; want die Heilige Gees was daar nog nie, omdat Jesus nog nie verheerlik was nie.

Sien jy dit?  Wie ontvang die Gees?  Die wat in Hom glo.  Dit is wanneer iemand glo to redding, wanneer hy/sy die Heilige Gees ontvang.  Hy word hierdie strome van lewende water wat uit jou binneste vloei.  Hy kom maak Sy permanente woning binne in jou.  Jy kan dit nooit verloor nie.

Ons is nie soos in die Ou Testament waar gebid is, “Moenie U Gees van my af wegneem nie”.  Ons is in die Nuwe Testament.  Die Heilige Gees kom woon in ons en is by ons tot in alle ewigheid. 

En luister, dit is hoekom daar van al die opdragte in die Nuwe Testament, nie een opdrag is aan die gelowige om nou gedoop te word met die Heilige Gees nie.  Hoekom nie?  Want elke gelowige is klaar gedoop met die Heilige Gees.

Tweendens, nêrens in die Nuwe Testament word ons beveel om die Heilige Gees se inwoning te ontvang nie.  Dit is ‘n belofte wat reeds gewaarborg is.  Jy word nêrens beveel om nou verseël te word met die Gees nie.  Dit is ‘n gawe van God waarmee ons klaar verseël is. 

Elke gelowige is klaar gedoop met die Heilige Gees.  Elk gelowige het die inwoning van die Gees.  Die opdrag wat ons wel het is: word vervul met die Gees.  En dit is iets anders.  Dit is nie die inwoning of die doping of die verseëling nie.

So wat beteken om vervul te word met die Heilige Gees?  Wel, in die eerste plek is dit die teenoorgestelde as wat die heidense godsdienste gedoen het.  Dit is die teenoorgestelde van die ekstase en dronkenskap. 

“Word vervul” is die Griekse woord “plerousthe” wat letterlik beteken “be ye being filled”, “wees om vervul te wees”. 

Die idee is dat dit ‘n konstante ding is.  Dit is nie ‘n eenmalige gebeurtenis nie.  Dit is ‘n konstante ding.  Elke dag elke oomblik, moet ek vervul wees.  Dit is nie ek word nou gezap en dan oor ‘n paar weke weer gezap en dan weer oor ‘n jaar gezap nie.  Ons moet konstant voortdurend vervul wees.

Die woord is ook in die passiewe vorm en dit beteken dit is nie jy wat jouself vul nie.  Dit is ‘n soewereine daad van God.  Maw jy moet konstant toelaat dat God jou vervul met die Gees. 

Die gedagte is dit, dat soos ‘n seilboot sy seile span dat die wind sy seile kan vul en hom vorentoe beweeg, so moet ons ons lewens seile span dat die Heilige Gees ons kan beheer en stuur waar Hy wil hê ons moet wees.

Die Heilige Gees is jou krag en energie.  Jy beweeg nie in jou eie krag nie.  Jy beweeg nie in jou eie vlees nie.  Jy beweeg nie volgens jou eie idees nie.  Jy beweeg nie volgens wat jy wil nie.  Jy word gestuur deur die wind van die Heilige Gees.  Hy vat jou waar Hy wil hê jy moet gaan.

So “om vervul te word met die Heilige Gees” beteken om deur die Heilige Gees gestuur te word van dag tot dag, van oomblik tot oomblik.  Hy bepaal jou gedagtes, jou woorde, jou dade.  Hy gee jou die energie en krag om vorentoe te gaan. 

Slot

Sluit af met illustrasie van handskoen.

Verderflike keterrye

Teksgedeelte: 2 Timotheus 2:15-19

2 Tim 2:15 Lê jou daarop toe om jou beproef voor God te stel as ‘n werker wat hom nie hoef te skaam nie, wat die woord van die waarheid reg sny.

16 Maar die onheilige, onsinnige praatjies moet jy vermy; want hulle sal al verder voortgaan in goddeloosheid,

17 en hulle woord sal voortwoeker soos ‘n kanker, onder wie daar Himenéüs en Filétus is,

18 wat van die waarheid afgedwaal het, omdat hulle sê dat die opstanding al plaasgevind het; en hulle keer die geloof van sommige om.

19 Ewenwel, die fondament van God staan vas met hierdie seël: Die Here ken die wat syne is; en: Laat elkeen wat die Naam van Christus noem, afstand doen van die ongeregtigheid.

Hoekom is daar keterrye? Hoekom is daar valse leringe in kerke vandag?  Want daar is leraars wat nie die woord van die waarheid reg sny nie.  Daar is leraars wat nie moeite doen met God se Woord nie.  Hulle gebruik die Bybel soos dit hulle pas.  ‘n Ware prediker is iemand wat sy hele lewe gee vir die waarheid. 

1 Tim 5:17 Laat die ouderlinge wat goed regeer, dubbele eer waardig geag word, veral die wat arbei in woord en leer.

Die wat arbei in woord en leer.  Die KJV sê, “they who labour in the word and doctrine”.  Dit is werk.  Dit vereis maksimale effort.  Dit vereis commitment.  Dit vereis excellence.  Paulus sê,

2 Tim 2:15 Lê jou daarop toe om jou beproef voor God te stel as ‘n werker...

Hier kry ons ‘n Griekse woord vir “om jou voor God te stel”, die woord “paristemi”.  Dit beteken letterlik “om langs aan te staan”.  Maw jy kom staan langs God.  Jy kom staan beproef langs God.  Dit beteken dat jy bewys jy is waardig om langs God te staan.  Sjoe!  Wat ‘n gedagte!

Wat is die doel van elke leraar?  Om alles in te sit, om maksimale effort in te sit, sodat hy eendag langs ‘n heilige God kan staan en nie skaam hoef te wees nie, want hy het homself bewys.  Om ‘n waardige leraar langs God te wees.  Om hom beproef voor God te stel.

So eerstens moet hy maksimale effort in sit.  Tweedens is hy nie daar om mense te behaag nie, maar om waardig langs God te staan.  Paulus sê aan die Galasiërs,

Gal 1:10 Soek ek dan nou die guns van mense, of van God? Of probeer ek om mense te behaag? As ek nog mense behaag, dan sou ek nie ‘n dienskneg van Christus wees nie.

Ons is nie hier om mense happy te hou nie en goed te laat voel oor hulleself nie.  Ons is hier om God te behaag, om te hoor wat Sy wil is vir ons, en om ons lewens volgens Sy wil en plan in te rig, al hou ons nie somtyds daarvan nie.

1 Thes 2:4 maar soos ons deur God waardig geag is dat die evangelie aan ons toevertrou sou word, so spreek ons, nie om mense te behaag nie, maar God wat ons harte beproef.

Dit moet ons begeerte wees.  Dat ons eendag voor God kan staan, beproefd, en hierdie woorde sal hoor, “goeie en getroue dienskneg.  Oor weinig was jy getrou, oor veel sal ek jou aanstel”.

‘n Werker wat hom nie hoef te skaam nie.  En die hart van dit alles, hoe hanteer jy God se woord.  Wat doen jy met die woord? 

2 Tim 2:15 ...wat die woord van die waarheid reg sny.

Die Griekse woord is “orthotomeo”.  “Om ‘n reguit lyn te sny”.  Nou Paulus het met leer gewerk.  Hy was ‘n tentmaker.  Nou, hy het velle gevat en dan tente gemaak.  En wanneer jy dit doen kan jy net dink hoe moeilik moet dit wees om velle aanmekaar te werk om ‘n tent te maak.  Hy moes die velle reguit sny en aanmekaar werk en maak pas.  As hy dit nie reguit gesny het nie, sou dit nie gepas het nie.

En dit is wat hy sê.  As ons nie weet hoe om gedeeltes van die woord reg te sny nie, gaan die hele ding nie uitwerk nie.  As jy nie al die dele in die Bybel kan vat en byemakaar sit sodat hulle pas nie, kan jy nie ‘n leraar wees nie.  Dit is hoekom dit so belangrik is dat ons die woord van God reg moet interpreteer.

Vandag gebruik mense enige interpretasie soos dit hulle pas.  Alles wat hulle laat beter voel en hulle gehoor streel.

2 Kor 2:17 Want ons is nie soos baie wat handel dryf met die woord van God nie; maar as opregtheid, maar as uit God, in die teenwoordigheid van God, spreek ons in Christus.

Dit is wanneer mense die Bybel gebruik vir persoonlike gewin.  Hulle verdraai dit en verander dit om te kry wat hulle wil hê.  Mense gooi Skrif rond om dinge te regverdig sonder om te gaan sit en dink wat God regtig vir ons wil sê met daardie Skrif.  Ons moet die woord van die waarheid reg sny.

Wat is die woord van die waarheid?  Wel, ons kry dit op baie ander plekke in die Bybel.

Ef 1:13 in wie julle ook, nadat julle die woord van die waarheid, die evangelie van julle redding, gehoor het, in wie julle, nadat julle ook geglo het, verseël is met die Heilige Gees van die belofte,

Hier verwys die woord van die waarheid na die evangelie.  Ook in Jak 1:18,

Jak 1:18 Volgens sy wil het Hy ons voortgebring deur die woord van die waarheid, sodat ons as eerstelinge van sy skepsele kan wees.

Hy het ons voortgebring deur die woord van die waarheid.  Dit beteken God het ons wedergeboorte geskenk deur die woord van die waarheid.  Dit is deur die woord van die waarheid, deur die evangelie wat ons gered word.  Jy kan nie sonder die woord van die waarheid gered word nie.

Maar dit gaan verder,

Joh 17:17 Heilig hulle in u waarheid; u woord is die waarheid.

Ons word daardeur geheilig.  Daarom is dit so belangrik dat ons die woord van die waarheid sal reg sny.  Daar is vandag soveel verwarring oor die evangelie en hoe om gered te word.  Hierdie een sê jy moet dit doen.  En dan sê hierdie een, nee so!  Dit is die een ding waaroor ons nie mag verkeerd wees nie.  Ons saligheid hang daarvan af.

Daarom noem die Bybel valse leringe, verderflike ketterye.  Want dit verdoem mense wat dit glo.  Dit is die eerste gevaar wat ons gesien het van valse leringe.  Dit lei die hoorders daarvan tot ondergang.

Die tweede gevaar is dat die leraars eendag hulle kop in skaamte gaan sak voor ‘n heilige God.  Mense wat die Bybel gebruik soos hulle wil vir eie gewin behoort skaam te wees.

Derdens is valse leringe ‘n gevaar, want dit lei tot goddeloosheid.

2 Tim 2:16 Maar die onheilige, onsinnige praatjies moet jy vermy; want hulle sal al verder voortgaan in goddeloosheid,

V16 begin met die woord “maar”.  En dit is in teenstelling met die vorige gedeelte wat praat van werkers wat die woord van die waarheid reg sny.  Maw, mense wat die waarheid nie reg sny nie is mense wat hul self besig hou met onheilige en onsinnige praatjies.  En dit is wat dit is.  Onheilig en onsinnig.

Wat sê die Bybel moet ons doen met dit?  Vermy dit!  Werk met die waarheid, maar vermy die res.  KJV sê,

2 Tim 2:16 But shun profane and vain babblings: for they will increase unto more ungodliness.

Hy noem dit “vain babblings”, onsinnige praatjies, letterlik beteken dit “leë woorde”.  En wat doen onheilige en leë woorde?  Dit lei tot goddeloosheid.  Woorde wat nie van God af kom nie word onheilige woorde.  Valse leraars se leë woorde lei ons nie tot geestelike groei en nuwe waarhede nie.  Dit lei tot goddeloosheid.

2 Pet 2:1 Maar daar was ook valse profete onder die volk, net soos daar onder julle valse leraars sal wees wat verderflike ketterye heimlik sal invoer, en ook die Here wat hulle gekoop het, verloën en ‘n vinnige verderf oor hulleself bring;

2 en baie sal hulle verderflikhede navolg, en om hulle ontwil sal die weg van die waarheid gelaster word;

Hoor wat sê v2.  Baie sal hulle verderflikhede navolg.  Die KJV sê, “many shall follow their pernicious ways...”  As jy eers in die vloei van al die onheilige en onsinnige praatjies is, sal dit net verder lei tot meer goddeloosheid.  Goddeloosheid beteken eenvoudig, sonder God.  Goddeloosheid is die vrug van goddelose leringe.  Goddelose leringe, skep goddelose mense.

So valse leringe help nie net die hoorder tot sy ondergang nie, of beskaam die leeraars nie, maar dit lei tot goddeloosheid.  Valse leringe kan nie ‘n mens se hart verander nie.  Dit kan nie godsvrug produseer nie.  Dit bring net die teenoorgestelde.

Die vierde gevaar van valse leringe lees ons in v17,

2 Tim 2:17 en hulle woord sal voortwoeker soos ‘n kanker, onder wie daar Himenéüs en Filétus is,

Die vierde gevaar van valse leringe waarvan ons lees uit die teksgedeelte is dat dit versprei soos ‘n kanker.  Dit ruïneer nie net die wat daarna luister nie, dit beskaam nie net die wat leer nie, of lei nie net tot goddeloosheid nie, maar dit versprei soos kanker.  Hulle woorde sal voortwoeker soos ‘n kanker.

Die Griekse woord is “gaggraina”, waar ons die woord “gangrene” vandaan kry.  Gangrene kan op een klein punt van van jou liggaam begin, dan versprei dit baie vinnig. 

Judas 23 sê dat wanneer jy naby iemand kom in ‘n valse sisteem, met die doel om hulle te red deur hulle uit die vuur te ruk, moet jy pasop dat jou kleed nie daarmee bevlek word nie.  Valse leringe bevlek en besmet almal om hulle wat dit hoor en leer.

Jy sien, wêreldse mense hou van valse leringe eerder as die waarheid, want dit is deel van die sisteem waaraan hulle behoort.  Die hele wêreld word net in twee verdeel, gelowiges en ongelowiges.  The saints and the aints.  Die gelowiges het die Woord van God lief en die wêreld het valse godsdienstige sisteme lief.

Ongelowige mense luister nie na die waarheid nie.  Hulle luister na die leuens van Satan.  Hulle leef op die wêreld, die vlees en die duiwel.  So gee vir hulle godsdiens wat duiwels geïnspireer is het hulle koop daarin.  Dit versprei soos ‘n vuur.

En dan vyfdens, keer dit die geloof van sommige om.  In v17 noem Paulus Himenéüs en Filétus.  Let op  !  Paulus noem name.  In 1 Tim 1:20 noem hy Himenéüs, een van die leiers, dalk een van die valse pastore in Efese, wie hy uit die kerk uitgesit het.

Maar daarna het hy steeds sy leuens verkoop en hy het ‘n ou gekry om hom te help, Filétus.  Hulle het leringe van duiwels verkondig.  En Paulus noem hulle by die naam, sodat Timoteüs presies kon weet wie hulle is en hulle kon vermy.

2 Tim 2:18 wat van die waarheid afgedwaal het, omdat hulle sê dat die opstanding al plaasgevind het; en hulle keer die geloof van sommige om.

Hulle was soos die ouens in Jak 5:19-20 wat sê dat hulle van die waarheid afgedwaal het.  Hulle is afvalliges.  Hulle het die merk van die waarheid gemis.  Hulle het die waarheid gemis.  Dit is wat dit beteken om afvallig te wees.

Hulle was soos Heb 10 sê, het die waarheid ontvang maar daarvan weggedraai.  V29 sê dit is mense wat die “Seun van God vertrap het en die bloed van die testament waardeur hy geheilig is, onrein geag en die Gees van genade gesmaad het?”  Maw hulle het waarheid verwerp.  Hulle het van die waarheid afgedwaal.

Hulle het geweet wat die waarheid is, maar nou draai hulle om en sê dat die opstanding nie plaasgevind het nie.  Hulle het die opstanding van die liggaam verwerp.  Nou, is dit dan so belangrik dat ek in die opstanding moet glo?  Verseker.

Paulus sê in 1 Kor 15 dat as daar nie ‘n opstanding is nie, dan het nie opgestaan nie.  En as Christus nie opgestaan het nie, dan is daar ook nie ‘n opstanding vir ons nie.  Dan is ons geloof tevergeefs.  Jy sny die hart van die evangelie uit.  Die opstanding is die hoop van elke gelowige.

En die gevolg is dat dit sommige se geloof omkeer.  Nou wat beteken dit?  Wel, ons moet vra watter geloof het hulle gehad om mee te begin.  Obviously was dit nie ware geloof nie.  Obviously het hulle nie reddened geloof gehad nie.  Petrus noem hulle in 2 Pet 3:16 as ongeleerde en onvaste mense.

2 Pet 2:18 Want deur trotse woorde vol onsin uit te spreek, verlok hulle deur begeerlikhede van die vlees en ongebondenheid die wat waarlik die mense ontvlug het wat in dwaling wandel.

Maw dit skets mense wat op ‘n sekere manier tog na God soek en wil graag glo en hulle maak oop, maar kom onder dwalinge en verkeerde leringe.  En dit vernietig hulle geloof.  Dit is mense met geloof, geloof wat soekend is en wat antwoorde soek, maar hulle het nog nie reddende geloof gevind nie.

Luister!  Daar is valse sisteme van leringe en valse godsdienste wat sit en wag vir mense wat die pyn en druk van die lewe voel en wat na antwoorde soek.  Hulle sit en wag vir mense wat kwesbaar is om hulle in te trek.  Dit is hulle wie se soekende geloof omver gegooi word. 

Kan ek dit net baie duidelik stel, en ons het dit alreeds so baie gesê en uit die Woord bewys, dat ‘n ware gelowige, ‘n ware weergebore kind van God se geloof kan nooit omver gegooi word nie.  Glo julle dit?  Wel dit staan net in die volgende vers.

2 Tim 2:19 Ewenwel, die fondament van God staan vas met hierdie seël: Die Here ken die wat syne is; en: Laat elkeen wat die Naam van Christus noem, afstand doen van die ongeregtigheid.

Goed!

Ons kyk na die laaste een.  Die sesde gevaar van valse leringe.  En dit is dat valse leringe is kenmerkend van hulle wat nie aan die Here behoort nie.  Dit is die vrug van ongeredde mense. 

KJV

Isa 8:20 To the law and to the testimony: if they speak not according to this word, it is because there is no light in them.

V19 sê, Ewenwel, tens pyte van die wat ondergaan, ten spyte van die goddelose, ten spyte van diegene wie se geloof omver gegooi word, ten spyte daarvan, staan die fondasie van God vas.

Wat is hierdie fondasie wat vas staan?  Dit is die kerk.  Die gereddes.  Die ware kinders van God.  Hulle is die onbeweegbare soliede fondasie van God wat valse leraars nie kan omver gooi nie.  Die valse leraars sal sommige ruïneer en sommige sal beskaamd staan.  Hulle sal sommige lei tot goddeloosheid, en sommige se geloof omver gooi, maar nooit die kerk van die Here nie.

Die fondament van God staan vas.  Ons is ‘n gebou wat nie met hande gemaak is nie.  Ons is die tempel van die lewende God.  Ons is die kerk wat Jesus Christus bou en die poorte van die doderyk sal dit nie oorweldig nie.

Dit is die kerk, dit is ons in wie God ‘n werk begin het en dit sal voleindig.  Dit is ons wat nie geskei kan word van die liefde van God wat daar in Jesus Christus is nie.  Jesus het gesê dat al wat die Vader aan Hom gegee het, Hy daarvan nie sal verloor nie, maar Hy sal hulle opwek in die laaste dag.

Al die gemors en valse leringe wat die rondte doen, bring net skade en vernietig mense se siele.  Dit mag ook ware gelowige verwar van tyd tot tyd, maar weet verseker, dat die fondasie van God, die kerk van die Here Jesus Christus staan vas.

1 Joh 2:14 sê dat ons is sterk in die Woord en die Woord bly in ons en ons het die bose oorwin.  Watse waarborg het ons?  Daar is ‘n seël op ons.

2 Tim 2:19 Ewenwel, die fondament van God staan vas met hierdie seël: Die Here ken die wat syne is; en: Laat elkeen wat die Naam van Christus noem, afstand doen van die ongeregtigheid

Ons dra die seël van eienaarskap.  Ons behoort aan Hom.  Die Here ken die wat syne is.  Dit is hoekom die ware kerk nie deur valse leringe omver gegooi sal word nie.  God bewaar Sy kerk.  Hy hou ons in Sy soeweine krag.  Ons is syne verewig.